Hazrat musa alaihissalam ka wakiya Part 22 | islamic stories and urdu stories

Hazrat musa alaihissalam ka wakiya Part 22 | islamic stories and urdu stories

Hazrat musa alaihissalam ka wakiya Part 22 | islamic stories and urdu stories
Hazrat musa alaihissalam ka wakiya Part 22
Click Here>>Preview Page

Bani Israaeel kee Sarkashi ke Baawazud Unpar Inaa’maat :-

Quraane Azeem mai ALLAH TA’ALA Irshaad Fharmata hai
“Aur Humne Abar(Baadal) koo Tumhaara Saaybaan kiyaa Aur Tumpar Mann Aur Salwaa Utaara Khaao Humaari di Hui Suthri Chize Aur Unhone Kuchh Humaara Naa Bigada ha Apni hi Jaano koo Bigaad Karte the”
(Surah Al Baqara, Aayat-57)

Bani Israaeel kee Intehaahi Sarkashi ke Bawajood ALLAH TA’ALA ne Unpar Be-Shumaar Inaa’maat Fharmaaye, Iss Aayate Kareema mai Jin Ne’amato kaa Zikr hai Unkaa Ta’aluq Meidaane Tiy se hai Jaha woh 40 Baras tak Pareshaan Haal rahe, Uss Waadi mai Naa Koi Saaya tha, Naa Koi Darakht, Naa hi Koi Imaarat, Naa Pine ke liye Paani, Naa Khaane ke liye Koi Chiz, Naa Roshni thi Aur Naa Zaruriyaat E Zindagi ke Digar Lawaazmaat, Iss Be-Saro-Saamaani Aur Garibul Watani ke Aalam mai Hazrat Musaa Alayhis Salaam kee Duaa se Unke liye Sab Saamaan Muhaiyya hoo gaye, ALLAH TA’ALA ne Dhoop se Bachaao Aur Saayaa Milne ke liye Baadal Batour Saaybaan Naazil Fharma diya Khane ke liye Mann Salwa Bheij Diya,

Mann Ek Nafees Sheire Zaayqadaar Madda(Mithi Chiz) tha Joo Sabnam kee Tarah Subah ke Waqt Aaasmaan se Utarta Aur Kaseer Miqdaar mai Chhote Chhote Darakhto par Jam jata thaa,
jab woh Kaseer Miqdaar mai Mann kha kar Moute hogaye to Kehne lage Aye Musaa Alayhis Salaam Iss Mann kee Mithas ne to Hame Maar kar Rakh Diya hai,
Hazrat Musaa Alayhis Salaam ne RABB TA’ALA kee Baargaah mai Duaa kee to RABB TA’ALA ne Unpar Salwa Naazil Fharmaya,
Baaz ne kaha Salwa Bit tha, Baaz ne kaha ki woh Bhuna huwa Utarta tha Aur Baaz kaa Qoul hai kee Ba-Kasrat Zinda Parinde Unke Paas Jama ho Jaate the, woh Unhe Zinda Pakad leite Aur Zabah karte the, Algaraz Mann Aur Salwa Unkee Namkeen Lateef Gizaaye thi Jinhe Shikam Sheir ho kar woh khaate the, Taariki(Andhera) Door karne ke liye Khambe kai Shakl mai Ek Roshni Zaahir hoo Jaati thi, Libaas ke Baare mai ALLAH TA’ALA ne Hazrat Musaa Alayhis Salaam kee Aijaazi Shaan Iss Tarah Zaahir Fharmayi ki Naa Un Logo ke Kapde Meile hote Aur Naa hi Fat-te Aur Unke Baccho ke Jism Saath Baccho kaa Libaas vi Badhta rehta tha,
Itne Azeem Waa Jaleel Ahesaanat waa Inaa’maat ke Baawazud Unhone Naa-farmaaniya kee Aur Apni Na-fharmaaniyo se Unhone Humara Kuchh Naa Bigada, Ha woh Apne (Aap) hi koo Nuqshan Pahunchate rahe.
(Tafseere Qurtubi, Jild-1, Safa-406-408)
(Tazkiratul Ambiya Alayhis Salaam, Safa-440, 441, 442)

Patther se Paani Nikaalna :-

Quraane Kareem mai ALLAH RABBUL IJJAT Irshaad Fharmata hai
“Aur Jab Musaa ne Apni Qoum ke liye Paani Maanga to Humne Fharmaya Iss Patther par Apna Asaa(Laathi) Maaro Fouran Usme se Baarah(12) Chasme Bah Nikle Har Giroh ne Apna Ghaat Pahechan liya Khao Aur Piyo KHUDA ka diya Aur Zamin mai Fasaad Uthaate Naa Firo”
(Surah Al Baqara, Aayat-60)

Meidaane Tiy mai 6 lakh(6,00,000) kee Taadaad mai 12 Meel par feile hue Lashkar koo Jab Pyaas kee Shiddat Mehsus Hui to Unhone Hazrat Musaa Alayhis Salaam ke Saamne Apni Be-Basi kaa Zikr kiyaa, Hazrat Musaa Alayhis Salaam ne RABB TA’ALA se Duaa kee to ALLAH TA’ALA ne Aapki Duaa ko Qabul kiyaa Aur Hukm Diya ki Aye Musaa Alayhis Salaam Apna Asaa Patther par Maaro Paani Jaari hoo Jaayega, Aap Alayhis Salaam ne Apna Asaa Patther par Mara to 12 Chashme Jaari hue, Har Qabile ne Ek Ek Chasma Apne liye Istemaal kar liya, Patther se Jaari hone Wala Pani Itni Badi Taadaad ke Logo ke liye Kaafi tha.
(Tafseere Abu Saud, Jild-1, Safa-105)
(Tazkiratul Ambiya Alayhis Salaam, Safa-442)
SubhanAllah..

Meidaan E Tiy se Na’jaat Aur Un kee Sarkashi :-

Quraan Shareef mai ALLAH AZZAWAJAL Irshaad Fharmata hai
“Aur Jab Humne Fharmaya Uss Basti mai Jaao Fhir Usme Jaha Chaaho Be-Rok Tok Khaao Aur Darwaaze mai Sajda karte Daakhil hoo Aur Kaho Humaare Gunaah Ma’af hoo Hum Tumhaari Khataaye Bakhsh deinge Aur Qarib hai kee Neiki Waalo koo Aur Zyada de, Too Zaalimo ne Aur Baat Badal di Jo Fharmaayi gayi Thi Uss ke Siwa too Humne Aasmaan se Unpar Azaab Utaara Badla Unki Be-Hukmi kaa”
(Surah Al Baqara, Aayat-58, 59)

ALLAH TA’ALA ne Iss Qoum ko Fharmaaya kee Jab Tum Shahar mai Daakhil ho to Sajda karte hue Aajiz waa Inkesaari se Daakhil hona Aur Zubaan se “Hitttun”(Touba/Ma’afi) kehna Lekin Qoum ne Apni Saabqa Riwaayat koo Bar-qaraar Rakhte hue Sarkashi se Sajda karte hue Daakhil hone ki Bajaaye Apni Sarino ke Bal Ghasit te hue Daakhil hona Ikhteyaar kiya Aur “Hitttun”(Touba/Ma’afi) Kehne kee Jagah “Hinttun”(Hame Gandum(Genhu) Chaahiye) kaha Unki Sarkashi Aur Hudud se Tijaawat kee Wajah se ALLAH TA’ALA ne Taaun(Pleg) kaa Azaab Bheija Jis se woh 24 Hazaar kee Tadaad mai Mar gaye.
(Tafseere Kabeer, Jild-3, Safa-88)

Iss me Ikhtelaaf hai kee woh Basti Konsi thi Aur Kiss Zamaane mai Bani Israaeel ne Use Fatah kar liya,
Iski Tashrih ye hai ki Uss Shahar koo Bani Israaeel ne Hazrat Musaa Alayhis Salaam kee Zindagi Ke Aakhir Zamaane mai Fatah kiya Aur Waha Badi Badkaariya kee Jinke Natije mai KHUDA TA’ALA ne Unpar Waba Bheiji Aur 24 Hazaar Aadmi Halaak kar diye.
(Tazkiratul Ambiya Alayhis Salaam, Safa-443)

Click Here>>Next Page
Share:

Juma ki raat Durood Padhne ki barkat | islamic hadees in hindi | sahih muslim | bukhari sharif

Juma ki raat Durood Padhne ki barkat | islamic hadees in hindi | sahih muslim | bukhari sharif

Juma ki raat Durood Padhne ki barkat | islamic hadees in hindi | sahih muslim | bukhari sharif
Juma ki raat Durood Padhne ki barkat

NABI E KAREEM Sallallahu alaihi wa sallaam ne irshaad fharmaya:-

Jo shakhs mujh par Juma ke din aur Juma kee raat Durood Padhe ALLAH TAALA uss ki 100 Hajaten Pori fharmata hai, 70 Aakhirat kee aur 30 Dunya kee,
phir ALLAH TAALA uss ke liye ek farishtaa muqarrar kar deta hai jo ke mere rouze mai Durood istarah paish karta hai Jiss tarah Tumhe Hadye paish kiye jate hain,
woh Mujhe uss shakhs ke naam woh nasab kee uss ke Khandaan ke saath khabar deta hai, paas Main Usse Apne Paas Safaid Sahife mai Sabt karleta ho.”
(Shubul Imaan,hadith no:3035).

Hazrath ABDULLAH BIN ATEEK Radiallahu taala anhu ke pair kee haddi toth gayi ,NABI E KAREEM Sallallahu alaihi wasallam Apna Dast e Mubarak phairte hi unko yu mehsoos hua ke kabhi dard hua hi naa tha.
(Sahih Bukhari,Hadith NO;4039)

Hazrath ANAS Radiallahu Taala Anhu fharmate hai ke NABI E KAREEM Sallallahu alaihi wasallam ne hamare ghar ke kunwe mai luaab e Dahan e Mubarak dale too Madine Munawwara mai kisi Kunwe kaa paani usse zyada shereen nahi tha.
(Subul ul Huda,vol:2,pg:31)

Mujhe ” RAHMAT ” banakar bhaijha gaya hai :-

RASOOL ALLAH SALLALLAHU ALIHIWASALLAM se arz kiya gaya: yaa rasool allah sallallaahu alaihiwasallaam ! mushrikaoun ke khilaaf dua fharmaye ,RASOOL E RAHMAT SALLALLAAHUALIHIWASALLAM NE fharmaya:
mujhe laanat karne waala banakar nahi bhaija gaya hai,haqiqat yahi hai ke mujhe ” RAHMAT ” banakar bhaijha gaya hai….
[sahih muslim: hadees no : 6778]

Hazrath Farooq e Azam Raziallahu Anhu Fharmate hai :HAZRATH RASOOLALLAH Sallallahu alaihi wa sallam ke pasina e Mubarak kee KHUSHBOO Mushk kee Khushboo hai,
Mere Maa Baap Aap par Fida hoo !
Main ne AAP Jaisa naa AAPSE pehle dekha aur naa AAPKE baad..
(Subul ul Huda,vol:2,pg:85)

NABE E KAREEM Sallallahu alaihi wasallam ne irshaad fharmaya:Main qayamat ke din vi saari aoulaad e Aadam kaa SARDAAR Rahunga, aur Main iss par FAQR nahi kartaa,
Aur Mere HAATH mai HAMD kaa jhanda hoga, aur Main Iss par FAQR nahi karta.
(Jame Tirmizi,Hadith No:3975)

Aye ALLAH ! Mujh koo apni rah mai shahadat ataa fharma :-

Hazrath umar e Farooq Raziallahu Taala Anhu Dua Fharmate the: Aye ALLAH ! Mujh ko apni rah mai shahadat ataa fharma aur Apne Habeeb Sallallahu alaihi wasallam ke shaher e Mubarak mai Mout Naseeb fharma.
(Sahih Bukhari,Hadith No:1890)

NABI E KAREEM Sallallahu alaihi wasallam ne Dua fharmayi :
AYE ALLAH ! Madine koo hamara Mahboob banade jaisa ke to ne Makkah ko hamara mahboob shaher banaya hai balke madine kee mohabbat usse badh kar ataa fharma..
(Sahih Bukhari,Hadith No:1889)

NABI E KAREEM Sallallaahu Alaihi Wasallam ne Irshaad fharmaya:
Aye Ayesha ! agar main chahu to sone (yane gold) ke pahaadh(mountain) mere saath chala kare.
(Mishkaatul Masaabih,vol:2,pg no:521)
NABI E KAREEM SALLALAAHU ALAIHI WASALLAM NE IRSHAAD FHARMAYA:
Mujhe Zameen ke tamaam khazanaon kee kunjiyan ataa kee gayi hai.
(Sahih Bukhari,Hadees No:1344)

Hazrath Anas Radiallahu anhu fharmate hai:-

Hazrath Anas Radiallahu anhu fharmate hai:Main ne dekha:Hajjaam HUZOOR E AKRAM Sallallahu alaihi wasallam ke Sar e Mubarak ke baal kaat raha tha aur Aap sallallahu alaihiwasallam ke sahaba Aap Sallallahu alaihi wasallam ke Atraf ghoom rahe the aur unki koshish ye thi ke HUZOOR E KAREEM Sallallahu alaihi wasallam kaa koi ek Mue Mubarak vi zameen par girne naa paaye balke unme se kisi naa kisi ke haath mai aajaye…
(Sahih Muslim,Hadith No:2325)

Hazrath Imaam Qastalani rahmatullah alaih fharmate hai:Jab Juma kaa din jisme Hazrath Syeduna Aadam Alaihissalaam kee taqleq hui ek aisi ghadi se khaas hua jisme jo musalman banda uss waqt jo koi bhalayi talab karta hai too ALLAH TAALA usko ataa fharmata hai,
PHIR TUMHARA USS WAQT KE BAARE Mai KYA KHAYAAL HAI JISME SYEDUL MURSALEEN NABI E KAREEM SALLALLAHU ALAIHI WASALLAM KI WILADAT HUI.
(Al Mawahibun Ladunniya,vol:1,pg:248)

Hazrath Abbas raziallahu anhu joo NABI E AKRAM Sallallahu alaihi wasallam ke chacha hai apne imaan laane kaa sabab bayaan karte hue NABI E AKRAM Sallallahu alaihi wa sallam se Arz karte hai :YA RASOOLALLAH Sallallahu alaihi wasallam ! Main ne dekha ke Aap gehware mai jidhar ishaara farmate the chand udhar jhuk jata tha,

NABI E KAREEM Sallallahu alaihi wasallam ne fharmaya: Main usse baten karta tha aur woh mujh se baten karta tha, woh Mujh koo Roone se behlaya karta tha, Jab woh Arsh ke niche Sajda karta too Main uske Sajde mai girne kee Aawaaz suna karta tha.
(Kanzul Ummal,Hadith No:31828)

Hazrath HALEEMA Raziallahu Taala Anha Fharmati Hain :
“Jab HUZOOR E AKRAM Sallallahu alaihi wa Sallam ko apne paas laaye hame kabhi chirag kee zarorat hi paish naa aayi, kyun ke AAPKE Mubarak chehre kaa Noor Chirag kee roushni se zyada Roushan woh Munawwar hai, agar kisi dusre Maqaam par kabhi hame Chirag kee zarorat paish aati to hum AAPKO uss maqaam par lejate, AAPKI Barakat se usi waqt daro diwaar aur makanaat Roushan Hojate”
(Tafseer e Mazhari,vol:6,pg:514)

Click Here>>Next Page
Share:

Hazrat musa alaihissalam ka wakiya Part 21 | islamic stories and urdu stories

Hazrat musa alaihissalam ka wakiya Part 21 | islamic stories and urdu stories 

Hazrat musa alaihissalam ka wakiya Part 21 | islamic stories and urdu stories
Hazrat musa alaihissalam ka wakiya Part 21
Click Here>>Preview Page

Bani Israaeel ke 70 Aadmiyo ki Rooho ko Loutana :-

Quraane Kareem me ALLAH TA’ALA Irshaad Farmata he
“Aur Jab Tumne kaha Ay Musaa Hum Hargiz Tumhaara Yaqin Na Laayenge Jab tak Khule Bando KHUDA Ko Na Deikh le to Tumhe Kadak ne Aa liya Aur Tum Deikh rahe the, Fir Mare Pichhe Humne Tumhe Zinda kiya ki Kahi Tum Ahesaan Maano”
(Surah Al Baqara, Aayat-55, 56)

Bachhde ki Puja karne Aur Hazrat Musaa Alayhis Salaam ki Sarzansh karne ke Baad wo Loug Bahot Pashimaan(Ma’afi ke Talabgaar) hue to ALLAH TA’ALA ne Hazrat Musaa Alayhis Salaam ko Hukm Diya ki Aap Apni Qoum ke Behtarin 70 Afraad(Aadmiyo) ko Saath Lekar Toor par Aajaaye Taaki wo Tamaam Qoum ki Taraf se Bachhde ki Puja ke Jurm ki Ma’afi Talab Kare, Aap Alayhis Salaam Unko Jab Saath le kar gaye to Unhone Kaha Ay Musaa Alayhis Salaam Tum Apne RABB TA’ALA se Sawaal karo Yaha Tak ki Hum bhi Uske Kalaam ko Soone, Hazrat Musaa Alayhis Salaam ne ALLAH TA’ALA ki Baargaah me Arz kiya to Use Qabul kar liya gaya,
Jab Aap Alayhis Salaam Pahaad ke Qarib Pahunche to Sutun ki Shakl me Baadal Namudaar huwa Jisne Tamaam Pahaad ko Apni Lapeit me le liya Hazrat Musaa Alayhis Salaam Us Baadal ke Qarib hue Yaha Tak ki Usme Daakhil ho gaye, Hazrat Musaa Alayhis Salaam ne Jab Apne RABB TA’ALA se Kalaam kiya to Aap Alayhis Salaam ki Peishani se Ek Noor Chamakne laga, Insaano me se Koi Ek Use Deikhne ki Taaqat nahi Rakhta tha, Qoum ne ALLAH TA’ALA ke Kalaam ko Soona Jo Usne Musaa Alayhis Salaam ko kaha ye karo Aur Ye Na karo, Jab Kalaam ka Silsila Khatm huwa to Baadal ko Utha liya gaya,

Qoum ne kaha Hum Hargiz Tumhaara Yaqin nahi Karenge Jab tak ALLAH TA’ALA ko Zaahir nahi Deikh leinge to Unko Bijli ki Kadak ne Apni Giraft me le liya Aur Sab Mar gaye, Hazrat Musaa Alayhis Salaam Khade hue Aaasmaan ki Taraf Haath Utha kar Duaa karne lage Aur Arz kiya Ay ALLAH TA’ALA Bani Israaeel ke 70 Aadmiyo ko Muntakhib(Select) karke Laya tha Taaki Unki Touba Qabul hone par Meire Gawaah Bane Ab me Unki Taraf Waapis Jaaunga to Meire Saath Koi Ek bhi Jab nahi hoga to Wo Meire Muta’aliq kya Khayaal Karenge Musaa Alayhis Salaam Duaa Farmaate rahe, Yaha Tak ki ALLAH TA’ALA ne Unki Rooho ko Louta Diya,

Khyaal rahe ki Ek Martaba Hazrat Musaa Alayhis Salaam Jab Tauraat Leine ke liye Toor par gaye Us Waqt 70 Aadmiyo ko Saath Lekar gaye Fir Wapis Loutne par Qoum ke Bachhde ki Puja karne ke Baad Lekar gaye, Albatta Isme Ikhtelaaf he ki Pehle Un Aadmiyo ko Lekar gaye Fir Unhone Ek Dusre ko Qatl karke Touba ke Waaqiya ke Baad le kar gaye.
(Tafseere Kabeer, Jild-3, Safa-84)
(Tazkiratul Ambiya Alayhis Salaam, Safa-436, 437)

Qoum ka Ahekaam E Khudawandi Maan ne se Inkaar :-

Quraane Majeed me ALLAH AZZAWAJAL Irshaad Farmata he
“Aur Jab Humne Tumse Ahad liya Aur Tumpar Toor(Pahaad) ko Uncha kiya Aur Jo Kuchh Hum Tumko Deite he Zour se Aur Uske Mazmun Yaad karo Is Ummid par ki Tumhe Parhezgaari Mile”
(Surah Al Baqara, Aayat-63)

Is Aayate Kareema me Bani Israaeel ki Ek Aur Bad-Tarin Bagaawat wa Sarkashi ka Zikr Farmaya wo ye ki Us Qoum ne Musaa Alayhis Salaam se Khud hi Mutaalba kiya ki Hamaare Paas ALLAH TA’ALA ki Koi Kitaab Aani Chaahiye Jiske Ahekaam ke Mutaabik Hum Apni Zindagi Basar Kare Aur Un Ahekaam ki Roshani me Falaah Aur Bhai ki Raay Paaye, Hazrat Musaa Alayhis Salaam Jab Unke Paas ALLAH TA’ALA ki Kitaab Tauraat Laaye to Usme Unki Sarkashi ke Lihaaz se Kuchh Bhaari Ahekaam bhi the Magar Ayse Nahi Jo Na-Qaabil E Amal ho Balki Unki Haalat ke Munaasib Aur Hikmat E ILAAHIYA ke Ayn Mutaabiq the, Bani Israaeel ne Sirf Bagaawat Aur Sarkashi ki Wajah se Unhe Qabul karne se Inkaar kar Diya, ALLAH TA’ALA ke Hukm se Hazrat Jibrail Alayhis Salaam ne Pahaad ka Ek Hissa Unpar Utha liya Aur Irshaad huwa
Humne Tumhe Jo Kuchh Diya Use Mazbuti ke Saath Pakadlo, Is par Unse Pukhta Ahad liya gaya Lekin Unhone Usko bhi Toda, ALLAH TA’ALA ne Unke Baatani Fasaad ko Khub Achhi Tarah Zaahir karne Aur Unhe Ruswa karne ke liye Quraane Majeed me Unpar Pahaad Utha Leine ka Zikr Baarbaar Farmaya.
(Tazkiratul Ambiya Alayhis Salaam, Safa-438)

Aemaalqa se Jihaad ka Hukm Aur Bani Israaeel ka Palatna :-

Quraane Majeed me he ki
“Ay Qoum Us Paak Zamin me Daakhil ho Jo ALLAH ne Tumhaare Liye Likhi he Aur Pichhe Na Palto ki Nuqsaan par Paltoge, Bole Ay Musaa(Alayhis Salaam) Usme to Bade Zabardast Loug he Aur Hum Usme Hargiz Daakhil Na honge Jabtak wo waha se Nikal Na jaaye, Ha wo waha se Nikal jaaye to Hum waha jaaye, Do(2) Mard ki ALLAH se Darne Waalo me se the ALLAH ne Unhe Nawaaza Bole ki Zabardasti Darwaaze me Unpar Daakhil ho Agar Tum Darwaaze me Daakhil ho Jaaoge to Tumhaara Hi Galba he Aur ALLAH hi Par Bharosa karo Agar Tumhe Imaan he, Bole Ay Musaa(Alayhis Salaam) Hum to Waha Kabhi Na Jaayenge Jab tak wo waha he to Aap Jaaiye Aur Aapka RABB Tum Dono Lado Hum Yaha Beithe he, Musaa(Alayhis Salaam) ne Arz ki ke Ay RABB Meire Mujhe Ikhtayaar nahi Magar Apna Aur Apne Bhai ka to Tu Humko In Be-Hukmo se Alag Rakh”
(Surah Al Maida, Aayat-21, 22, 23, 24, 25)

Bani Israaeel ka Aaabai Watan(Baap-Dada ka Watan) ‘Maaluf’ Sham tha, Hazrat Yusuf Alayhis Salaam ke Dour me Ye Loug Misr Aakar Muqim hue Aur Waha Mukhtelaf Haalaat se Guzarte rahe, Firoun e Misr ki Gulaami me Kathin Dour bhi Un Lougo ne Misr me Guzare, Aakhirkaar ALLAH TA’ALA ne Hazrat Musaa Alayhis Salaam ke Zariye Unhe Naja’at dilaayi, Firoun Darya me Garq huwa Aur Bani Israaeel ne Itmenaan ka Saans liya, Us Douraan Mulk E Shaam par Qoume Aemaalqa Qabiz ho Chuki thi Aur Unhone waha Galba(Haawi) Qayam kar liya tha, Firoun ki Gulaami se Na’jaat Haasil Karne ke Baad Bani Israaeel ko Hukm huwa ki Aemaalqa se Jihaad karke Unse Apna Asal Watan Aazad karaaye Aur Waha Jaakar Muqim ho jaaye,

Hazrat Musaa Alayhis Salaam ne waha ke Lougo ke Haalat Ma’alum karne ke liye 12 Naqib(Sardaar) Rawana kiye Jo 40 Roz(Din) tak waha ke Haalat ka Mushaaida karte rahe, Jab Waapas Aaye to Hazrat Musaa Alayhis Salaam ne Unhe Farmaya ki Tum Qoum ke Saamne Aysi Koi Baat Na kehna Jis se Unke Housle Past(Kam) ho Lekin 12 me se 10 ne waha ke Lougo ki Quwwat wa Zulm Unke Qad wa Qaamat Unke Qilo ki Mazbuti ka Aysa Naqsha Khincha ki Bani Israaeel Chilla Uthe Aur Intehaahi Be-Baaki se Apne Peigambar ko keh Diya ki Hum Aysi Qoum se Takkar le kar Apne Baccho ko Yatim Aur Apni Biwiyo ko Bewa karne ke liye Hargiz Taiyyar nahi, Aap Aur Aap ka KHUDA Pehle Un se Jaa kar lade Unse Mulk ko Paak Kare to Fir Hum Apne Aaabai Watan ka Rukh Karenge, Unhone kaha Hum Shaam ki Zar-kheiz Zamino Thande Paani ke Ubalte hue Chashmo Aur Falo se Lade(लदे) hue Baagat Aur Waha ki Izzat ki Zindagi se Baaz Aaye Hum to Waapas Misr Jaate he,

Dusre 2 Sardaar Hazrat Yush’a Bin Noon Aur Kaalib Ne Bahot Samjhaya ki Na-Mard Na Bano, Zara Himmat karke Dushman ke Shahar ke Darwaaze se Daakhil hokar Humla karke Deikho, Nusrate ILAAHI Kis Tarah Tumhaare Dushmano ko Kuchal kar Rakh deiti he leikin Unpar Uska Koi Asar Na ho Jab wo Aemaalqa ki Taaqat ka Haal Soon kar Dil Chhod Beithe Aur Jihaad se Moonh Modkar Waapas loute, ALLAH TA’ALA ne Unke Is Jurm ki Saza Yu di ki wo Apne Gharo tak Waapas Na Pahunch Sake Aur 40 Baras tak Waadi E Tiy me Heiraan wa Pareshaan ghumte rahe,

‘Tiy’ Misr Aur Shaam ke Darmiyaan Ek Wasi’a Aur Khulaa Meidaan tha, Tiy ke Ma’ani he Heiraangi wa Pareshaani, Bani Israaeel Us Meidaan me 40 Saal tak Intehaahi Heiraani Aur Pareshaani ke Aalam me rahe Isi liye Use Waadi E Tiy kaha jata he, Bani Israaeel Apne Gharo tak Jaane ki Fikr me Din Bhar Safar karte, Raat Basar(Guzaar) karne ke Baad Subah Apne Aap ko Wahi Paate Jaha se Guzishta Subah Unhone Safar ka Aagaz kiya tha.
(Tazkiratul Ambiya Alayhis Salaam, Safa-439, 440)

Click Here>>Next Page
Share:

Hazrat musa alaihissalam ka wakiya Part 20 | islamic stories and urdu stories

Hazrat musa alaihissalam ka wakiya Part 20 | islamic stories and urdu stories

Hazrat musa alaihissalam ka wakiya Part 20 | islamic stories and urdu stories
Hazrat musa alaihissalam ka wakiya Part 20
Click Here>>Preview Page

Saamri kee Saza :-

Quraane Hakeem mai hai kee
“Kaha Tu Chalta Ban kee Duniya kee Zindagi mai Teiri Saza Yah hai kee Tu Kahe Chhu Naa Jaa Aur Beshak Teire liye Ek Wa’ade kaa Waqt hao”
(Surah Taahaa, Aayat- 97)

Saamri kee Duniya mai Yeh Saza Muqarrar Hui kee Jo Shaksh Uss ke Qarib Aakar Usse Haath lagaata woh Shaksh Aur Yeh Shadeed Bukhaar mai Mubtila ho Jaate Iss liye yeh Door se Aate hue Shaksh koo Deikh kar kehta Mujh se Musaafa Naa karna Mujhe Chhu Naa Nahi, Iss ka Natija ye Nikla ki yeh Logo ke Darmiyaan Ek Wahshi Jaanwar kee Heshiyat mai ho gaya Logo ne Iss se Mel-Mulaaqaat Iss ke Saath Mil kar Khana, Kharid-Farokht Aur Uske Saath Kalaam(Baat) karna Chhod Diyaa Ya’ani Har Qism ke M’aamlaat Jo Logo ke Darmiyaan hote hai woh Iss se Munqat’a(Tod) kar diye gaye Aur Aakhirat kee Saza Jise Zarur Waaqei hona hai Jise Muaaf vi nahi hona wahi Saza hogi Jo Mushrik kee hogi, Balki Aur Logo koo Mushrik waa Gumraah Banaane ki Wajah se Uss Saza mai Shiddat hogi.
(Tazkiratul Ambiya Alayhis Salaam, Safa-434)

Bani Israaeel koo Touba kaa Hukm :-

Quraan Shareef mai hai ki
“Aur Jab Musaa(Alayhis Salaam) ne Apni Qoum se kaha Aye Meiri Qoum Tumne Bachhda Banaakar Apni Jaano par Zulm kiyaa to Apne Peida Karne waale ki Taraf Lout Aao to Aapas mai Ek Dusre koo Qatl Karo Yah Tumhaare Peida karne wale ke Nazdik Tumhaare Liye Behtar hai too Usne Tumhaari Touba Qabul kee Beshak Wahi hai Bahut Touba Qabul Karne Wala Maherbaan”
(Surah Al Baqara, Aayat-54)

Al Garaz Hazrat Musaa Alayhis Salaam ne Qoum koo Hukm Diya kee Tumne Bachhde kee Puja karke Apni Jaano par Zulm kiya Ab Tum Apne RABB TA’ALA kee Taraf Touba karo Aur Tumhaari Touba kee Surat yeh hai kee Tum Aapas mai Ek Dusre koo Qatl Karo Chunanche Touba karne Waalo ne Issi Tarah Touba kee ke Har ke Haath mai Talwaar thi Bila Imteyaaz Har Ek ne Dusre ko Qatl kiya ALLAH TA’ALA ne Unki Touba Qabul Fharmaayi Aur Har Qaatil wa Maqtul ne Shahaadat kaa Martaba Paya,

Unke Liye Qatl karna keise Mumkin huwa ..?

Bani Israaeel Sab hi Hazrat Yaqub Alayhis Salaam kee Aulaad thi, Ek Dusre ke Qaribi Rishtedaar the to Unke liye Bahot Mushkil Kaam tha kee Ek Dusre koo Qatl Kare woh Touba karne par Aamada ho gaye lekin jab Unse yeh Kaam Mushkil huwa to Unke liye Aasani Peida kee gayi
ALLAH TA’ALA ne Apni Qudrat E Kaamela se Dhundaawar Siyaa(Kala/Black) Baadal Chhaa diye Jinse Andhera Chha gaya woh Ek Dusre koo Deikh Naa Sakte the, Unhone Subah se le kar Sham tak Ek Dusre koo Qatl kiya, Hazrat Musaa Alayhis Salaam Aur Hazrat Haarun Alayhis Salaam ne Duaa kee Aye ALLAH Ab Inko Ma’af karde, Duaa karne kee Wajah yahi thi kee Agar Unpar yahi Silsila Jaari Raha to Bani Israaeel kaa Naam waa Nishaan Duniya se Khatm ho Jaayega, ALLAH TA’ALA ne Unki Duaa ko Qabul kiya Aur Ma’af Fharma Diya Lekin Uss Waqt tak 70,000 kee Tadaad mai Ye Log Qatl hoo Chuke the,

Hazrat Musaa Alayhis Salaam ne Uss Bachhde koo Zabah karke Uss ka Khun Bahaya Aur Haddiyo kaa Reiti se Buraada karke Jala Diyaa, Hazrat Musaa Alayhis Salaam kaa Bachhde koo Zabah karke Uska Khun Bahaana Iss Baat ki Daleel hai kee Sone-Chandi kee Dhaatu se Bana huwa Uss ka Jism Gosht Aur Haddiyo ma Tabdil ho gaya Aur Usme Hayaat Peida ho gayi thi.
(Tazkiratul Ambiya Alayhis Salaam, Safa-435, 436)

Click Here>>Next Page
Share:

Namazon ki Hifazat aur Allah tala ka fharman | islamic hadees in hindi | sahih muslim | bukhari sharif

Namazon ki Hifazat aur Allah tala ka fharman | islamic hadees in hindi | sahih muslim | bukhari sharif

Namazon ki Hifazat aur Allah tala ka fharman | islamic hadees in hindi | sahih muslim | bukhari sharif
Namazon ki Hifazat aur Allah tala ka fharman
Jis ne 5 namazon kee Hifazat kee uss ko ALLAH TA’LA 5 Batien ATAA fharmayega:
(1) MOUT kee saqti se NAJAAT
(2) QABAR ke Azaab se REHAYI
(3) HASHR ke din Naam e Aamaal kaa DAHINE HAATH (yane right hand) mai milna
(4) PUL SIRAT par se bijli kee tarah GUZAR JANA
(5) BILA HISAAB JANNAT mai DAKHIL hona.
(Mawaa’iz e Hasana ,vol:01,pg:353)

Har cheez apne sahi waqt pe hi hasil hoti hai to chahye ke yaqeen aur sabar se kaam le, Beshak ALLAH Sabar karne walon koo pasand fharmata hai…

Namaz Kee Fazilat :-

  • Aur Namaz Qaim Karen Meri Yaad Ke Liye” (Surah Taha 14)
  • Beshak Namaaz Behayai Aur Buri Baton Se Rokti Hai” (Surah Al-Anqaboot 45)
  • Yaqeenan Woh Momineen Falah Paa Gay Joo Apni Namazo Mai Khushoo Ikhtiyar Karte Hai” (Al-Momnoon 1,2)
  • Aur Woh Joo Apni Namazo Kee Hifazat Karte Hai Yahi Log Janat Mai Izat Paye Gay” (Al-Maraaj 34,35)
  • Aur Allah Ne Fharmaya Ke Beshak Mai Tumhare Sath Hon Agar Tum Namaz Qaim Karo Gay” (Al-Maida 12)
  • Aur Sabaar Aur Namaz Se Madad Hasil Karen” (Al-Baqra 45)
  • Aur Tum Taqwa Ikhtiyar Karo Aur Namaz Qaim Rakho Aur Tum Shirk Karnay Walo Mein Se Naa Ho” (Al-Roum 31) 
Yahan Eik Baat Note Karne Wali Hai, Namaz Susti Aur Kahli Aur Musrufiyat Rokti Hai Aur Teesara Shetaan. Agar Koi Shakhs Allah Jala Shana Ke Hukam Koo Chor Kar Susti Aur Kahli Aur Shetaan Kaa Hukam Manta Hai To Woh Bhi Shirk Ho Jay Gaa.
  • Namazo Kee Hifazat Karen Aur Khusosan Darmiyan Kee Namaz Poori Pabandi Ke Sath Adda Karte Raho Aur Allah Ke Agay Adab Se Kharay Raho” (Al-Baqra 238)
  • Aur Namaz Qaim Karo Aur Zakat Diya Karo Aur Allah(Allah Jala Shana Ke Agay) Ruku Karo Ruku Karne Walo Ke Sath” (Al-Baqra 43)
  • Pas In Namaziyo Ke Liye Kharabi Hai Joo Namazo Say Ghafil Hain” (Al-Maoon 4,5).Ab Namaz Kee Fazilat Ahadees Kee Roshani Mai Dekhte Hain
  • Namaz Mai Shifa Hai” (Musnad Ahmed,Tarteeb Sharif)
  • Admi Kee Namaz Iss Ke Dil Kaa Noor Hai” (Tarteeb Sharif)
  • Namaz Meri Ankhon Kee Thandh Hai” (Tibrani,Tarteeb Sharif)
  • Namaz Lazam Hai Kyu Ke Yeh Afzal Jihad Hai Aur Gunaho Koo Tark Kar Dena Afzal Hijrat Hai” (Tarteeb Sharif)
  • Namaz Her Mutaqi Ke Liye Allah Jala Shana Se Qurb Kaa Zariya Hai” (Tarteeb Sharif)
  • Namaz Momin Kee Meraaj Hai
  • Namaz Se Gunah Aesey Girtay Hai Jaisey Khizan Mai Khushk Patay Darakht Se Girtey Hain” (Musnad Ahmed)
  • App ?  Koo Jab Koi Sakht Amar Paish Ata Tha Too App ?  Namaz Kee Taraf Furan Mutawaja Hote The” (Musnad Ahmed,Abu Dawood)
  • Admi Aur Shirk Ke Darmiyan Namaz Hai Haa’il Hai” (Fazal E Amal)
  • Allah Jala Shana Ne Koi Cheez Iman Aur Namaz Se Afzal Farz Nahi Kee
  • Namaz Adda Karne Se Shetaan Kaa Moun Siya Hoo Jata Hai
  • Janat Kee Kunjiyaan Namaz Mai Hain
  • Hamaray Aur Kafiroon Ke Darmiyaan Jo Waqeyi Farak Hai Woh Namaz Parhany Aur Naa Parhany Kaa Hai,Pas Jisne Namaz Chor Di Isne Kufar Kaa Kam Kiya”Yeh Thi Kuch Ahadees, Agar Mai Sirf Akhari Biyan Kee Hoi Hadees Kee Baat Karo Too Ap Dekh Len Ke Agar Hum Namaz Nahi Parhte Too Kufar Kaa Kaam Karte Hai.Namaz Farz Kee Gai Hai Aur Iskaa Parhna Lazim Hai,Allah Jala Shana Humay Namaz Parhne Kee Tofiq Atta Fharmayen,Ameen

Duniya Aakhirat ke muqable :-

NABI E KAREEM Sallallahu alaihi wasallam ne irshaad fharmaya:Qasam ALLAH kee! Duniya Aakhirat ke muqable mai itni si hai tum mai se koi apni ungli samandar mai daale phir nikale aur dekhe ke uss ungli par kitna paani laga hai.(Sahih Muslim,hadith no:7197)

NABI E KAREEM Sallallahu alaihi wasallam ne irshaad fharmaya:Musalman ko bimari kee wajeh se ALLAH TA’LA uske gunah iss tarah khatam kardeta hai jiss tarah aagh sone aur chandi ke mail kucail koo khatam kardeti hai.(Sunan e Abu Dawood,hadith no:3092)

Momin ki nishani yeh hai ke aise logo ki suhbat mai rahe jin se deen kee islah ho.(Hazrath Usman e Ghani raziallahu taala anhu)

Har cheez apne sahi waqt pe hi hasil hoti hai to chahye ke yaqeen aur sabar se kaam le, Beshak ALLAH Sabar karne walon ko pasand fharmata hai…

JISNE MERI MOHABBAT KI KHATIR APNE BACCHE KAA NAAM MOHAMMED RAKHAA

Aur NABI E KAREEM Sallallahu alaihi wasallam kee Mohabbat kee nishani Aapki Itteba aur Aapki Sunnat par amal karna hai.(Hazrath Urwatul Wusqa Rahmatullah Alaih)

NABI E KAREEM Sallallahu alaihi wasallam ne irshaad fharmaya:Jisne meri mohabbat kee khatir aur mere ism se barkat hasil karne kee niyyat se apne bacche kaa naam MOHAMMED rakha to woh aur baccha dono JANNAT mai dakhil honge.(Ruhul Bayaan,Pg:184)

Jiss din Huzoor e Akram sallallaahu alaihi wasallam madine tayyaba jalwaa afrooz hue uss din madine tayyaba kaa zarra zarra RAOSHAN WO MUNAWWAR hogaya.(Jame Tirmizi,vol:2,pg no:203)

Click here>>Next Page
Share:

Hazrat musa alaihissalam ka wakiya Part 19 | islamic stories and urdu stories

Hazrat musa alaihissalam ka wakiya Part 19 | islamic stories and urdu stories

islamic stories and urdu stories
Hazrat musa alaihissalam ka wakiya Part 19
Click Here>>Preview Page


Hazrat Musaa Alayhis Salaam ne Jaate huye Apne Bade Bhai Haarun Alayhis Salaam koo Apnaa Naayaab Banaya Joo Khud vi Mustaqil Nabi the, Hazrat Haarun Alayhis Salaam Faqat Nabi the Aur Musaa Alayhis Salaam Rasool vi the Iss liye Aap Alayhis Salaam ne Unhe Apne Mansabe Risaalat kaa Naayab Aur Khalifa Banaya woh vi Faqat Toor se Waapasi tak,
Dusri Wajah yeh hai kee Aap Alayhis Salaam kaa Irshaad Ek Muhaawra ke Mutaabik hai Ya’ani Jiss Tarah 2 Shakhsho ke Zimme Koi Kaam Lagaya jaye to Un mai se 1ne Agar Kahi Jana ho to Dusre se kehta hai
“Tum Meiri Jagah vi Kaam karna Ya’ani Bahot Zyada Koshish se yeh Kaam karna Ayse Pataa Chale kee Tum 2 Aadmiyo kee Jagah Kaam kar rahe ho”.
(Roohul Ma’ani, Jild-5, Hissa-2, Safa-43)
(Tazkiratul Ambiya Alayhis Salaam, Safa-430)

RABB TA’ALA ke Deedaar kee Tamanna :-

Quraane Majeed mai RABB TA’ALA Irshaad Fharmata hai
“Aur Jab Musaa Hamaare Wa’ade par Haazir huwa Aur Usse Uske RABB ne Kalaam Fharmaya Arz kee Aye RABB Meire Mujhe Apna Deedaar Dikha kee Mai Tujhe deikhu Fharmaya Tu Mujhe Hargiz Naa Deikh Sakega Haa Iss Pahaad kee Taraf Deikh yeh Agar Apni Jagah Par Thehra Raha to Anqarib Tu Mujhe Deikh Lega Fhir Jab Uske RABB ne Pahaad par Apna Noor Chamkaya Usse Paash Paash(Tukde-Tukde) kar Diya Aur Musaa Gira Behosh”
(Surah Al A’raaf, Aayat-143)

ALLAH TA’ALA ne Hazrat Musaa Alayhis Salaam se Kalaam Fharmaya Albatta Uss Kalaam kee Haqiqat koo Bayaan karna Mumkim Nahi, Jab Hazrat Musaa Alayhis Salaam Kalaam Soonne ke liye Haazir hue to Aap Alayhis Salaam ne Tahaarat kee Aur Paakizaa Libaas Pahena Aur Roza Rakh kar Toor mai Haazir hue ALLAH TA’ALA ne Ek Baadal Naazil Fharmaaya Jisne Pahaad ko Har Taraf se Baqadr Char Farsang Dhak liya, Shayaateen Aur Zamin ke Jaanwar Yaha Tak kee Saath Rehne waale Farishte Tak Wahaa se Alag kar diye gaye Aur Aap ke Liye Aaasmaan Khoul diya gaya too Aap Alayhis Salaam ne Farishto koo Deikha Aur Aap ne Arshe Mo’alla koo deikha, Loh E Mahfuz koo Deikha, ALLAH TA’ALA ne Aap se Kalaam Fharmaya, Aap Alayhis Salaam ne Uski Baargaah mai Apni Baate Peish kee, Hazrat Jibrail Alayhis Salaam Agarche Saath the Lekin woh vi RABB TA’ALA kee Qudrat se Hazrat Musaa Alayhis Salaam Aur RABB TA’ALA ke Darmiyaan hone Waale Kalaam ko Naa Soon Sake,

Hazrat Musaa Alayhis Salaam ne RABB TA’ALA ke Kalaam ko Soon kar Aysi Lazzat Mahsus kee ke Aapke Dil mai RABB TA’ALA koo Deikhne kee Khwaahish Peida hoo gayi Aur Arz ki Aye ALLAH TA’ALA Mei Tujhe Deikhna Chaahta hu Tu Mujhe Apne Deedaar se Musharraf Fharma,
RABB TA’ALA ne Fharmaya “Tum Mujhe nahi Deikh Sakte”,
ye nahi Fharmaya kee “Mujhe nahi Deikha ja Sakta” yahi Wajah hai kee HUZOOR NABI E KAREEM Sallallaho Alayhe Wasallam Ne Me’raaz kee Raat RABB TA’ALA Kaa Deedaar kiya Aur Yeh Deikhne kaa Inkaar Duniya ke Muta’liq hai, Jannat mai Momin RABB TA’ALA Kaa Deedaar Karega,

Hazrat Musaa Alayhis Salaam kaa Sawaal karna hi Iss Chiz par Dalaalat karta hai kee Aap ne Mumkin kaa Sawaal kiya Agar RABB TA’ALA koo Deikhna Mahaal hota to Aap Sawaal Naa karte, RABB TA’ALA ne Fharmaya kee Mei Apni Tajalliyaat kaa Zahur Pahaad par karta hu Tum Pahaad koo Deikho Agar Tumne Pahaad koo Deikh liya too Samajhna kee Mujhe vi Deikh loge Lekin RABB TA’ALA kee Tajalliyaat kee Taab Pahaad Naa laa Saka ki woh Qaayam Rahta Balki woh vi Paas Paas( Tukde-Tukde) ho gaya Aur Musaa Alayhis Salaam vi Hosh Bar-qaraar Naa Rakh Sake.
(Tazkiratul Ambiya Alayhis Salaam, Safa-431)

Waapasi par Duaa karna :-

Quraane Aziz mai hai ki
“Aur Jab Musaa Apni Qoum kee Taraf Palta Gusse mai Bhara Jhunjhlaya huwa Kaha Tumne Kya Buri Meiri Jaanashini kee Meire Baad Kya Tumne Apne RABB ke Hukm se Jaldi ki Aur Takhtiya Daaldi Aur Apne Bhai ke Sarke Baal Pakad kar Apni Taraf Khinch ne lagaa Kahaa Aye Meire Maa Jaaye Qoum ne Mujhe Kamzor Samjha Aur Qarib tha kee Mujhe Maar Daale Tu Mujhpar Dushmano ko Naa Hansa Aur Mujhe Zaalimo mai Naa Mila, Arz ki Aye Meire RABB Mujhe Aur Meire Bhai koo Bakhsh de Aur Hame Apni Rahmat ke Andar le le Tu Sab Mehar Waalo se Badhkar Mehar Wala”
(Surah Al A’raaf, Aayat-150, 151)

Hazrat Musaa Alayhis Salaam Qoum kee Gumraahi koo Deikh kar Hamiyat Aur Sirf ALLAH TA’ALA kee Raza kee Khaatir Itne Shadeed Gusse mai Aaye kee Aap Alayhis Salaam se Be-Ikhteyaar Tauraat kee Takhatiya gir gayi Aur Isi Be-Ikhteyaari kee Surat mai Apne Bade Bhai ke Sar Aur Daadhi koo Pakadne lage yahi Wajah hai kee Aapko Iss kaa Koi Mavaakhazah nahi, Balki Madah ke Zaman mai Aaya, Aakhir Bhai ke Uzr Peish karne par Unki Diljoi ke liye RABB TA’ALA kee Baargaah mai Duaa kee
Aye ALLAH TA’ALA Mujh se Gusse kee Haalat mai Koi Kotaahi Hui ho yaa Meire Bhai se Qoum se Aajiz Aane ki Wajah se Koi Kotaahi ho to Muaaf Fharma de.
(Roohul Ma’ani, Jild-5, Hissa-2, Safa-69)
(Tazkiratul Ambiya Alayhis Salaam, Safa-434)

Click Here>>Next Page
Share:

Hazrat musa alaihissalam ka wakiya Part 18 | islamic stories and urdu stories

Hazrat musa alaihissalam kaa wakiya Part 18 | islamic stories and urdu stories

Hazrat musa alaihissalam ka wakiya Part 18 | islamic stories and urdu stories
Hazrat musa alaihissalam ka wakiya
Click Here>>Preview Page

Bani Israaeel kee Naa-Shukri aur Hazrat Musaa Alayhis Salaam :-

Quraane Azeem mai ALLAH TA’ALA Irshaad Fharmata hai
“Aur Humne Bani Israaeel koo Dariya Paar Utara too Unka Guzar Ek Aysi Qoum par huwa kee Apne Buto ke Aage Aasan Maare the Bole Aye Musaa Hame Ek Khuda Banaade Jeisa Inke liye Itne Khuda hai Bola Tum Zarur Jaahil Log ho, Yah Haal Too Barbaadi kaa hai Jisme yee Log hai Aur Joo Kuchh Kar rahe hai Niraa Baatil hai, kaha Kya ALLAH ke Siwa Tumhaara Aur Koi Khuda Talaash Karu Haalaanki Usne Tumhe Zamaane Bhar par Fazilat di”
(Surah Al A’raaf, Aayat-138, 139, 140)

ALLAH TA’ALA Ne Jab Bani Israaeel ke Dushmano koo Halaak kar Diya Jiska Woh Mushaahida Kar rahe the Unhe Darya se Salaamati se Guzaar Diya, fhir Haqq to Yeh tha kee woh ALLAH TA’ALA Kaa Shukr Adaa karte, Lekin RABB TA’ALA ne Unki Jahaalat kaa Tazkira Fharmaya kee woh Kitne Jaahil Aur Naa-Shukre Log the kee woh Butt-Parasto koo Deikh kar Kehne lage kee “Hame Bhi Aysa Khuda Banaado” Bani Israaeel ne Jo Butt deikhe the woh Gaay kee Shakl ke the,
Hazrat Musaa Alayhis Salaam ne Unhe Kaha kee Tum Jaahil Log ho Kyaa Tumhe Ma’alum nahi kee Ibaadat to Aa’la Darje kee Ta’azim kaa Naam hai Aur Aa’la Darje kee Ta’azim Usi Zaat kee hoo Sakti hai Jiss ke Azeem Inaa’maat, Jism kee Takhleeq, Zindagi Ataa karna, Khwaahishaat, Qudrat Ataa karna Aur Nafaa-Mand Ishyaa(Chize) kaa Peida karna Un Ishyaa par Qaadir Siwaaye ALLAH TA’ALA ke Aur Koi Nahi Aur Ibaadat ke Laayak vi Uske Siwaa Koi Nahi.
(Tafseere Kabeer, Jild-13, Safa-223)
(Tazkiratul Ambiya Alayhis Salaam, Safa-429)

Tauraat Leine ke liye Hazrat Musaa Alayhis Salaam kaa Toor par Jana :-

Quraane Hakeem mai ALLAH TA’ALA Irshaad Fharmata hai
“Aur Humne Musaa se Tis(30) Raat kaa Wa’ada Fharmaya Aur Unme Das Aur Badhaakar Puri Kee to Uske RABB kaa Wa’ada Puri Chaalis(40) Raat kaa Huwa Aur Musaa ne Apne Bhai Haarun se kaha Meiri Qoum Par Meire Naayab rahna Aur Islaah karna Aur Fasaadiyo kee Raah koo Dakhal Naa Deina”
(Surah Al A’raaf, Aayat-142)

Hazrat Musaa Alayhis Salaam ne Apni Qoum koo Pehle hee Bataya tha kee Jab ALLAH TA’ALA Hame Firouniyo se Na’jaat deiga to Mei Tumhe RABB TA’ALA se Ek Kitaab Laa kar Dunga Jisme Haraam waa Halaal kaa Zikr hoga Ussi Wa’ade ke Mutaabik Aap Alayhis Salaam ALLAH TA’ALA ke Hukm se Tauraat Leine Toor par gaye,

ALLAH TA’ALA ne Hazrat Musaa Alayhis Salaam se Wa’ada Fharmaya kee Tum Toor par Aao Tumhe 40 Dino ke Baad Kitaab di Jaayegi, Aap Alayhis Salaam ko Hukm Diya gaya kee Tum 30 Din Ayse Neik Aamaal karna Joo Meire Qurb kaa Zariya Bane, Fhir 10 Dino mai Tumhe Kitaab Ataa kardi Jaayegi Is Tarah 30 Dino ka Wa’ada 40 Dino tak Huwa Aur Ye bhi Bayan kiya gaya he ki Hazrat Musaa Alayhis Salaam ko Zil Qad ke 30 Roze Rakhne ka Hukm Diya Jab Aapne 30 Din ke Roze Mukammal kar liye to Moon me Bu Na-Munaasib Samajh kar Miswaak ki, Farishto ne kaha ki Humto Aap ke Moonh se Kastoori ki Khushbu Soongh rahe the Lekin Aapne Miswaak karke Zaaya kardi to ALLAH TA’ALA ne Aap Alayhis Salaam ko Wahi ki
“Kya Tumhe Ma’alum nahi ki Rozedaar ke Moonh ki Bu Meire Nazdik Kastoori se bhi Zyada Acchi he”
(Roohul Ma’ani, Jild-5, Hissa-2, Safa-43)

Aap Alayhis Salaam ko ALLAH TA’ALA ne Hukm Diya ki Zil Hajj ke 10 Roze Aur rakhe, Is Tarah 40 Din Badha kar 40 kar diye gaye,

Click Here>>Next Page
Share:

Popular Posts

Recent Posts

Ambiya e karam ka full wakiya

Contact us

Name

Email *

Message *