Hazrat adam alaihissalam jab duniya me aaye (history in urdu Hindi) part 1

Hazrat adam alaihissalam jab duniya me aaye (history in urdu Hindi) part 1
Hazrat adam alaihissalam jab duniya me aaye

Hazrat adam alaihissalam ki Peidaish wakiya
Pichle Post- Me Aap ne kabootar aur baaz ke wakiya ke bare mai Padha hoga… Ab se iss blog me InshaAllah Nabi AlaheSalam ke Wakiyat Aayenge… Pichla post nahi parha to click kare >> kabootaraur baaz ka wakiya
ALLAH RABBUL IZZA
ne FarmayaBeshaq Hamne Tumhare Asal Aadam ko Mitti se Peida kiya hai
(Tazkirat ul Ambiya AlayheSalam,Safa-50)

Hazrat adam alaihissalam ke Jism Athar ki Takhlik ke liye Mitti Lane ke liye Hazrat Zibrail AlayheSalam ko Jameen par Bheja gaya,
Aap jab Tasreef laye To Jameen se Mittee lene ka Irada kiya to Jameen ne Badi Aazizee se Arz kiya
“Meri Mitti se Banne wale Shaksho ne Agar Khun-Rejiya ki Ya Wo Jaraham ki wajah se Jahannam me gaye to Muje Taklif Hogi” 

Hazrat Zibrael AlayheSalam Jameen ki Aazizee ko Dekh kar Wapash Chale gaye, Aur
ALLAH TA’ALA ko Tamam Manjr Baya kar diye, Is tarah Israfil AlayheSalam bhi Aakar Wapish Chale gaye, Aur Mikail AlayheSalam bhi Aakar Wapeesh Chale Gaye, Un Ke Baad Izrail AlayheSalam Aaye, Unki Khidmad me phir Jameen ne Wahi Aazizana Gufhtagu ki, Lekin Aap ne Kaha ki me Teri Baat Taslim karun, Ya ALLAH TA’ALA ke Huqm Par Amal karu.??
Muje ALLAH TA’ALA ka Huqm hai Isliye mujhe Mittee Jarur hi le kar Jana he, Aap ne jamin ki Aazizi ki Taraf koi Tawajjo Nahi di Balqi Irsaad Baari Ta’ala ke Mutabik Jamin se Mitti le kar RAB TA’ALA ki Baargaah me Hajeer ho gaye,
Is Wajah se ALLAH TA’ALA ne Rooh Kabj Karna bhi Unke(Hazrat Izrail AlayheSalam) Supurd kiya ki Aysha na ho ki Zibrail, Mikail, Israfil, Alayhesalam mai se kishee ke Jimme Lagaya to Rooh Kabj karne ke liye Jaaye to Uski Ikraba ko Route hue Paa kar Is Tarah Choud kar na Aajaye.
(Tafsire Azeezi, Shah Abdul Aziz Mohaddish Dahelvi Rahmatullah Alay, Safa-207,
Tazkirat ul Ambiya AlayheSalam, Safa-51)
ALLAHU AKBER
Zameen par Nehro Aur Chasmo ki Peidaish

ALLAH TA’ALA ne Jab Hazrat Aadam AlayheSalam ko Peida karne ka Irada Farmaya to Zameen ko bataya gaya ki me Tuj se Apni Ek Makhluk Peida Karne wala hun,jo Meri Mut’aiya honge Unko jannat me Dakhil Karunga Aur Jo Mere Na-Farman honge unko me Jahannam kee Aag me Daal dunga,ye Sun kar Zamin ne fir Pucha Ay ALLAH Mujse Peida Honewali Makhluk Jahannam kee Aag me Jaenge…??RABB TA’ALA ne Farmaya Ha..To Zameen itna Royi ki Us ke Rone se Chasme Jaari ho gaye jo Qayamat Tak Jaari Rahenge.


(Tafseer Saawayil Jalalein, Jild-1, Safa-49,
Tazkirat ul Ambiya AlayheSalam, Safa-51)
Keshi Mittee Liya Gaya, Aur Inshaan ke Jism ke Rang me Fhark kyu 
Hazrat Abu Musa As’ari RadiAllaho Ta’ala Anho Se Hadis Marvee hai
“Beshaq ALLAH TA’ALA ne Hukm Diya kee Tamam Zamin se Ek Mittee le Aao, Is Mittee me Har Kism ki Jarrat kiye gaye Surk Rang, Sufed Rang, Siya Rang, Aur unke Darmeyan Rang Wali Mittee li gayi, is Tarah kuch Mittee Naram Zameen se li gayi, Aur kuch Shakt se, Eyshe hi Teeb va Khbees Mitti ko Samil kiya gaya, Jitni kism ke Rango Wali Mittee Aap ke Jism me lagayi gayi, Aap ki Aulaad me Itne hi Rang Paaye jate he, Aur Is Tarah Koi Naram Dil Aur Koi Shakt Dil, koi Neik Aur Koi Bura,
Baaz Hazrat ne Bayan kiya ki Hazrat Aadam AlayheSalam ki Mittee me 60 Kism ke Rang Saamil the Woh Tamam Aap ki Aulaad me Paaye Jate hai”.
(Tazkirat ul Ambiya AlayheSalam, Safa-51)
Inshan ko Khushi Kam Aur Gam Ziyada kyu…?? 
Hazrat Izrail AlayheSalam Jab Mittee ko Laye to Unhe ALLAH TA’ALA ne Hukm diya kee ishe Safa va Marva Pahadiyo ke Paas Rakhdo(Yaani Waha Rakhdo jaha Aaj Kaaba Shreef he)
Fir Farishton ko Huqm diya kee ushe Mukhtelaf Paani se Garha banaye, Fir Us par 40 Roj Barish hui, 39 Din To Gam va Ranj ka Paani Barsha Aur Ek Din Khushi ka, Is liye Inshan ko Ranj va Gam Ziyada Rehta hai, Aur Khushi Kam, Fhir Ishe(Mittee ko) Mukhtelaf Hawao se Khusk karke Khtaknewali Mitti bana kar ALLAH TA’ALA ne Khud Apni Qudrat Kamela se Kalib ko Taiyar kiyaa.
(Tafseer Azizi, Safa-207,
Tazkiratul Ambiya AlayheSalam, Safa-52)
Hazrat Aadam Alayhesalam kee Surat Deikh kar Faristey Heiraan ho gaye
Faristo ne Kabhi eyshi Surat nahi deikhi thi Wo Heraan ho kar Is ke Ird-Gird Firte the Aur Is ki Khubsurti par Ta’ajub karte the, Iblish ko bhi is kee khaber ho chuki thi, Abhi Tak wo Mardud nahi hua tha, Wo bhi is Kalib ko deikh ne aaya Aur iske Gird fir kar bola
Tum us par Ta’ajub karte ho ye to Andar se ek Khali Jism hai,
Jism mai Jagah Jagah Suraakh he Aur is ki Kamjori ka ye Haal he ki Agar Bhuka ho to Geer padhe Aur Agar Khub Sir ho jaye to Chal na Sake, is Khali Kalib se kuch na ho sakega Fhir kehne laga
Ha Iske Seene kee Baayi Taraf Ek Bandh Kothri he ye khber nahi ki is me kya he..?
Sayad Yahi Latifa Rabani ki jagah ho Jees ki Wajah se yah Khilafat ka Haqqdar hua ho.
(Tazkirat ul Ambiya AlayheSalam, Safa-52) 
Hazrat Adam AlayheSalam ke Kalib mai Rooh ka Dakhal hona 
ALLAH TA’ALA ne Ruh ko Hukm diya kee is Khalib me Dakhil ho jao Aur Tamam Hisso me Feil ja,
Jab Rooh Kalib ke Paas Pahonchi to Jism ko Tang-wa-Tarik(Tang wa Andheri) paya to Andarjane se Ruk gayi,
Baaz Riwayat me Aata hai kee
Jab
 Noore MUSTAFA Sallallahoo Alayhe Wasallam se wo Kalib jagmaga diya gaya Yani Wo Noor Aadam AlayheSalam ki Peishani me Amanat Rakha gaya,
Ab Rooh Aaistaa Aaista Dakhal hone lagi, Abhi Sar me thi kee Aap ko Chink Aayi Aur Jaban me Pahonchi to Aap ne “AlhamdoLillah” Padha Aur
ALLAH TA’ALA ne Is ke Jawab mai “Yarhamkullah” kaha Aur
ALLAH TA’ALA ne Fharmaya kee Ay Abu Mohammad (Abu Al Basar Aap AlayheSalam ki kuniyat he) Mene Tumhe Apni Hamd ke liye Peida kiya hai, Jab Ruh Kamar Tak Pahonchi to Aapne Uthna Chaha, Lekin Aap Gir pade Kyu kee Rooh Abhi Niche Wale Hisse me Nahi Pahonchi thi,
ALLAH TA’ALA ne Fharmaya
“Inshaan Jald-Baaj Peida kiya gaya”
Fhir Rooh Tamam Jism mai Feil gayi to Aap ko Hukm huwa ki Faristo ko Salam karo,
Aapne Kaha
“Assalamu Alaykum”
Faristo ne Jawab diya
“Walekum Assalam”
ALLAH TA’ALA ne Fharmaya Yahi Aap ke liye Aur Aap ki Oulad ke liye Salam ka Tarika hoga,
Aadam AlayheSalam ne Arz keya Meri Oulad konshi Hogi..?
to Aap ki Tamam Oulad ko Aap ke Samne kar diya gaya,
NABI E KAREEM Sallallaho Alayhe Wasallam Ne Fharmaya
Beshaq ALLAH TA’ALA ne Aadam AlayheSalam ko Peida Fharmaya fhir unkee Pith par Apna Daste Qudrat Fhera Aur Aap ki Oulad ko Nakal Jahir kiya, Fhir Fharmaya Mene inko Jannat ke liye Peida kiya Aur ye Jannatwalo ka Amal karenge Fhir ALLAH TA’ALA ne Apna Daste Qudrat Aap ki Pith par Feira Aur Aap ki Baaki Oulad ko Jaher Farmaya Aur RABB TA’ALA ne Fharmaya kee Un logon ko Jahannum ke liye Peida kiya gaya he,
Ye Jahannum Wale Amal karenge.
(Tafseere Khazin, Jild-1, Safa-46,
Tazkirat ul Ambiya AlayheSalam, Safa-52, 53)
Hazrat Adam AlayheSalam Jumma ke Din Peida hue 
Hazrat Abu Hureira RadiAllaho Ta’ala Anho Farmate hai kee RASOOLALLAH Sallallaho Alayhe Wasallam ne Mere Hatho ko Pakad kar Fharmaya kee
ALLAH TA’ALA ne Mittee ko Peida Fharmaya (Mittee se Muraad Zameen hai) Aur Is me Pahado ko Itwar ke Din Peida Fharmaya Aur Darakhto ko Pir ke Din Peida Fharmaya Aur Makruhaat(Masahib Wageira) ko Mangal ke Deen Peida Fharmaya Aur Coupao ko Zameen me Jumeraat ke Deen Feilaya Aur Aadam AlayheSalam ko Jumma ke Deen Asar ke Baad Tamam Makhluk ke Aakhir me, Deen ke Aakhiri Ghadi Asar se Saam Tak ke Darmiyan Peida kiya.
(Tafseer Najavmul Furkaan, Jild-2, Safa-563,
Tazkiratul Ambiya AlayheSalam, Safa-53)
Hazrat Aadam AlayheSalam ka Qad :hazrat adam ki heigh
Hazrat Abu Hureira RadiAllaho Ta’ala Anho Fharmate hai kee
HUZOOR NABI E AKRAM Sallallaho Alayhe Wasallam ne Fharmaya kee
Aadam AlayheSalam kee Lambai 60 Jarah (Yaani 90 Feet) Aur Aap ki Chodhai 7
Jarah (Yaani 10.5 Feet) thi.
(Miskat Shareef,
Tafseer Najvazul Furqaan, Jild-2, Safa-563,
Tazkiratul Ambiya AlayheSalam, Safa-54)
ALLAHU AKBER

Hazrat Adam AlayheSalam ka Ilm

Aap ko Tamam Cheezo ka Ilm diya gaya Yaani ALLAH TA’ALA ne Apni ko Tamam Makhlukaat mai se Ek Ek Jeens Aap ko Dikha di Aur iska Naam Bata deeya
Masalan Ghoda dikha kar Bataya gaya ki ishe Ghoda kehte hai Aur Unt ko dikha kar bataya gaya ki ishe Unt kehte hai is Tarah ek ek Chiz dikha kar is ke Naam bata diye gaye.
(Tafseer Abu Al Saud, Jild-1, Safa-84)
Hazrat Aadam AlayheSalam ko ye Khushishiyat Haseel thi kee Aap ko Tamam Cheezo ke Naam Har Jaban me bata deeye gaye the Aur Wahi Zabani Aap ki Owlaad me Paai jatee hai.
(Tafseere Madarik, Safa-25,
Tazkiratul Ambiya AlayheSalam, Safa-46)
Yanee Ek Cheez ka Naam Aapko Har Jaban mai bataya jo Jaban mai Ijaad hone the Aap ko Unka Ilm pehle hi Aata kar diya gaya.
Jab Hazrat Aadam AlayheSalam ko Har cheez ke Naam Har jaban me Sheekhaye gaye to SAIYDUL AMBIYA HUZOOR NABI E AKRAM Sallallaho Alayhe Wasallam ke Ilm ka Makam kya hoga..

  • Hazrat adam alaihissalam ka neekah aur mahar history in urdu Hindi >>part 2

Share kare…
Share:

No comments:

Post a Comment

Popular Posts

Recent Posts

Contact us

Name

Email *

Message *