Hazrat adam alaihissalam ka nikah aur mahar history in urdu Hindi part 2

Hazrat adam alaihissalam ka nikah aur mahar history in urdu Hindi part 2
Hazrat adam alaihissalam ka nikah aur maha

Hazrat adam alaihissalam ka nikaah aur mahar history in urdu Hindi part 2

Hazrat Aadam AlayheSalam ke Samne Sajda ka Huqm

agar aap pehle part nahi padah to padh le taki samaj me aajay hazrat adam alihissalam ki paidaish Hazrat Aadam AlayheSalam ki Takhlik se Pahle hi ALLAH TA’ALA ne Faristo ko Huqm de rakha thaki Tum he Mere Khlifa ke Saamne Sajda karna hai, Aadam AlayheSalam kee Takhlik ke baad Faristo par Tamam Chizon Ko Peish karke unke Naam puche, Jab Faristo ne Apni Aazizi ka Izhar kar diya, To Fhir Aadam AlayheSalam se pucha Aapne Tamam Chizon ke Naam Bata diye to Fhir Huqm Diya,Irsaade Baari Ta’ala he“Aur Yaad karo Jab Hamne Fariston ko kaha Aadam Ko Sajda karo, Sabne Sajda kiya Siway Seitan ke Usne Inkaar kiya Aur Takabbur kiya Aur wo Kafiro se ho gaya”(Surah Bakra)

Farishton ko Sajda Taazimee ka Huqm diya gaya, 

Hazrat Yusuf AlayheSalam ke Samne Aap ke Bhaiyon ne Tazima Sajda kiya,
Hamare NABI E KAREEM Sallallaho Alayhe Wasallam ki Sariyat mai Sajda Taazimi Haram karar diya gaya hai,
Ibadat ke Garj se Sajda Siway ALLAH TA’ALA ke kishi Sariyat mai Jayaz nahi hai,is liye Hazrat Zibrail AlayheSalam ko Sabse Bada Darja Aata kiya gaya Yaani Ambiyae Kiraam AlayheSalam kee Khidmat unke Paas wahi Lane ka Ajim kam unke Supurd hua”.(Tafseer Khajainul)
“Taham Fir bhi Sabse Pehle Sajda Hazrat Zibrail Alayhesalam ne kiya fir Mikail Fhir Israafil fhir Izrail AlayheSalam ne fhir Tamam Fariston ne,Baaz Hazrat ne kaha ki Sabse pehle Sajda Hazrat Israfil AlayheSalam ne kiya is liye iskee Peishani par Sara Quraan Sareef likh diya gaya.

(Roohul Bayan, Jild-1, Safa-141)
(Tazkiratul Ambiya AlayheSalam, Safa-56)

Hazrat Adam Alayhesalam koo Sajda karne ka Sabab kya tha ?

Agarche Jahiree Tour par Sabse pahle Khlifa Hazrat Aadam Alayhesalam hai leqeen Dar Haqiqi Sabse pehle Khlifa Hamare NABI E KAREEM HUZOOR MOHAMMAD Sallallaho Alayhe Wasallam hai kiyu ki Aap ka Apna Irsaade girami ye hai “Me us Wakt bhi NABI tha Jab Aadam Alayhesalam Rooh Aur Jism ke Darmiyan the”

(Abu Naim, Tabkaat ibne Said,Tibraani, Jamiul Sageer, Jild-2, Safar-96)

“Hazrat jibrail Alayhesalam ALLAH TA’ALA ke Huqm se NABI E KAREEM Sallallaho Alayhe Wasallam ke Roza e Anwar ki jagah se Mitti li gayi, Aabe Tasneem se use Gunda gaya, Jannat ki Nehron mai Goute diye gaye Zamino Aasmano me Fhiraya gaya, is Wajah se Hazrat Aadam Alayhesalam se pehle hi Faristo ne NABI E KAREEM Sallallaho Alayhe Wasallam ko pahechan liya tha, fhir is Mitti ko Aadam Alayhesalam ke jism se Mila diya gaya Aur NOORE MOHAMMAD Sallallaho Alayhe Wasallam se Aadam Alayhesalam ki peshani ko chamkaya gaya”

(Taksh Tafsire Sa’aabi, Az khlasatul Tafaseer, Jild-1, Safa-25)


Wahi Nure MOHAMMOAD Salllallaho Alayhe Wasallam DarAsal Faristo se Sajda karane ka Sabab Bana tha Imaam Raazi Rahmatullah Alay ne Tafseere Kabeer me Farmaya” beshaq Faristo ko Aadam Alayhesalam ko Sajda Karne ka Huqm is liye diya gaya kee Aap kee Peishani me HUZOOR MOHAMMAD Sallallaho Alayhe Wasallam ka Noor Rakha gaya tha”

(Tafseere Kabeer, Jild-2, Safa-455)

“Yaani Dar haqiqat HUZOOR Sallallaho Alayhe Wasallam hee ALLAH TA’ALA ki Makhluk mai ALLAH TA’ALA ke Khalifa e Aazam me Aur Zamino Aur Buland Aasmano me Sabse Mukaddam Imaam HUZUR Sallallaho Alayhe Wasallam hi hai Agar HUZOOR sallallaho Alayhe Wasallam na Hote to na Aadam Alayhesalam peida hote na Inke Alawa koi Aur Cheez”
(Roohul Ma’ani, Jild-1, Safa-218)

Allama Aalushi Rahmatullah Alay farmate he

(Tazkiratul Ambiya Alayhesalam, Safa-55, 56)

Iblish Takabbur ki Wajah se Mardud ho gaya

ALLAH TA’ALA ke Huqm se Inkar kee wajah Iblish ka Takabbur tha, Jab RAB TA’ALA ne us se Pucha ki Tune Sajda kyu nahi kiya,Halanki Mera Huqm tha…??
To usne Jawab dete hue ye kaha.
“Mai Usse Behtar hu kyun kee Tune Mujhe Aaag se Peida kiya Aur Ushe Mitti se”
(Surah A’araf)

Yaani joo Shaan ke lehaj se bada ho woh Gatya ke Saamne (MaazAllah) Sajda Nahi karta,
Iblish Haqiqat mai Hazrat Aadam AlayheSalam kee Shaan ko Samajne se Kaasir raha, Usshe ye Ma’alum na ho saka ki ALLAH ke NABI ki Shaan Faristo se Buland Hoti he,
RABB TA’ALA ne Irsaad Farmaya

“Tu Jannat se Nikal jaa, Tu Mardud hai Aur Beshaq Qayamat Tak Tuz par La’anat he”
(Surah Hajr)

Kai Saalo Tak Ibadat karnewala RABB ka Mukarrab NABI kee Shaan mai Gustakhi karne se ek Pal Bhar me Mardud ho gaya, Jannat se Nikal diya gaya, Qayamat Tak La’anat ka Mustahkik Thehra diya gaya.
(Tazkiratul Ambiya Alayhesalam, Safa-58)

Share kare …

Hazrar Hawwa RadiAllaho Ta’ala Anha ki Peidaish

Jab Hazrat Aadam Alayhesalam ko Fariston ne Sajda kiyaa Aur iblish inkaar va Takbbur ki wajah se Mardud ho gaya to Aadam Alayhesalam jo khaak se peida hue the Aapka Jannat mai koi Ham Jinsh na tha,kiyo ki Fariston ne Alayhidaah Jinsh the is liye ALLAH TA’ALA ne Aap par Nind ko Musallat kiya,Fir Aap ki Baayi Pasali se Hazrat Hawwa RadiAllaho Ta’ala Anha koo peida kiya Aur uski jagah Gost rakh diya gaya,Jab Aadam Alayhesalam Bedaar hue to Aap ne Apne Sar ke Paas Hazrat Hawwa RadiAllaho Ta’ala Anha ko Beithe huye paya Pucha ki Kon ho…??
Unhone kaha ki Me Aurat hun,
Fhir Aapne kaha Tumhe kyu Peida kiya gaya….??
to Unhone Arz kiyaa Taaki Mujhse Sukun Hasil karo
Fariston ne Hazrat Aadam Alayhesalam ke Ilm ka Imtehaan lene ke liye pucha ye Koun hai..??
Aap ne Fharmaya ye Aurat hai,
Fhir Unhone pucha Ishe Amraat(Aurat) kyu kaha gaya hai…??
To Aapne Fharmaya Kyuki yeh Marra(Mard) se Bani hai,
Fhir Unhone Sawal kiya is ka Naam kiya he..??
Aap ne fharmaya Hawaa,
Fhir Unhone kaha iss ka Naam Hawwa kyu Rakkha gaya…??
Aapne Fharmaya ki Zinda chizo ko ‘Hey’ kaha jata he, ye bhi Zinda se Peida hue is liye iska Naam Hawwa Rakha gaya hai”
ek Rivayat ke Mutabik Hazrat Hawwa RadiAllaho Ta’ala Anha ki Peidaish Faristo ke Sajdo ke Baad Jannat me hui Aur Dusri Riwayat ke Mutabeek Hazrat Aadam Alayhesalam ka Jism Jamin mai Taiyaar kiya gaya Aur us me Rooh ko Dakhal bhi zamin me hi kiya gaya, Aur Hazrat Hawwa RadiAllaho Ta’ala Anha ki Peidaish vi Zameen par hi hui fhir Dono ko Jannat me le jaya gaya.
(Roohul Ma’ani, jild-1, Safa-233, 234)
(Tazkiratul Ambiya Alayhesalam, Safa-62)

Saitaan ki Darkhwast Aur Uski Mout

“Bola Muje Fhur shat de us Din tak ki Log uthaye jaye, Fharmaya Tujhe Mohallat hai, Bola Tu kism iski ki Tune Mujhe Gumraah kiya Me Jarur Tere Shidhe Raste par Unki Taak me Bethunga,Fhir Jarur me unke paas Aaunga Unke Aage Aur Unke piche Aur Unke Dayne Aur Unke Baaye se Aur Tu un mai se Aksar ko Sukrgujaar nahi payega”
(Surah A’araf)
Saitaan ye Mohallat logo ke uthaye jane tak Talab karna Chahta tha ki Mout ki Shakhti se bach jaye, Leqin Saitaan ki ye Baat to na maani gayi, Ab bahla pehli Martaba Sur Funk ne tak usko Mohallat dee gayi,

Pehli Martaba Soor Funk ne par Saitaan vi Marjayega Albatta Us Wakt Tak Ushe Mohallat hai ki wo Charo Taraf se Ghera Daal kar Inshano ke Dilo me Waswase dalta rahe Aur unhe Baatil Raah ki taraf Maail karta rahe Aur Kuch Logo ko ita’at se Roke Aur Gumraahi mai Daal sake,
Agarche Saitaan ki Sabhaat Aur Badaiyo mai Waaki karne ka Pakka Irada kar chuka tha Aur ushe Ummid bhi thi ki wo Apni Mak shad mai Kaamyaab hoga leqin fhir vi usne kaha ki Tu in me se Aksar ko Shukr Gujaar nahi payega, Dusre Makam par Saitaan ne Neik logo par Apna Daav chlane se Aaziz hone ka yu Zeekr kiyaa,“Boola Aye Mere RABB Meree Kasm iskee ke Tune Mujhe Gumrah kiya Mai unhe Zamin mai Bhlaave Dunga Aur jarur mai un sab koo Be-Raah karunga Magar joo unme Tere chune hue Bandey hai”
(Surah Hajr)

Saitaan ne kaha ki mai Logo par Bure Aamal Ache Aur Majin karke peish karunga is tarah wo mere behkaane se Sidhi raah Hat jayenge, Albatta Ay ALLAH Tere Neik Makhlus Aur Bargujida Bando par Meri Dargulane ka Koi Asar nahi hoga,ALLAH TA’ALA ne Vi Saitaan ko bata diya tha,“Beshaq Jo mere Bandey hai un par Teira kuch kaabu nahi”
(Tazkiratul Ambiya Alayhesalam, Safa-58, 59)

Hazrat Adam Alayhesalam ka Nikaah Aur Maher

Jab Hazrat Hawwa RadiAllaho Ta’ala Anha ko Peida kiya gaya to Hazrat Aadam Alayhesalam ne Unkee Taraf Milaan karna Chaha Aur irada Fharmaya ki Daste Mohabbat badaye,

To Fharisto ne kaha, Ay Aadam Thehar jaav Pehle ‘Mehar’ Aada karo,

Aap ne Fharmaya Wo ‘Maher’ kya he…??

Faristo ne kaha ye kee Tum NABI E KAREEM Sallallaho Alayhe Wasallam par Doorud Padho..(SubhanAllah)

Ek Rivayat me 3 Martaba Aur ek Me 17 Martaba Doorude paak Padhne ka Huqm diya gaya, Yaani Is Masle mai Ittefaak hai kee Aadam Alayhesalam ka Maher Yahi tha kee NABI E AKRAM Sallallaho Alayhe Wasallam par Doorud Paak padhe, Aap ne Doorud Padha Aur Faristo kee Gawahi se Nikaah hua..(Hasiya Jalalein, Safa-8)
Dusri Riwayat ke Mutabeek Hazrat Aadam Alayhesalaam Aur Hazrat Hawwa RadiAllaho Ta’ala Anha ko Nikaah ke Baad Fariste Sone(Gold) ke Takht par Bitha kar is tarah Jannat me le gaye, Jis Tarah Baadshaho ko Ijjat ke Khatir utha kar le jate hai, Goya ki Baarat ke Wapishi par Faristey Sonheri Doli mai Dono Miya-Bibi ko Utha kar la rahe hai.
(Roohul Ma’ani, Jild-1, Safa-234)
(Tazkiratul Ambiya Alayhesalam, Safa-62)

Hazrat Aadam Alayhesalaam Aur Hazrat Hawwa RadiAllaho Ta’ala Anha ka Darkht koo khana

Hazrat Aadam Alayhesalaam ko Jab Fariston ne Sajda kar liya to Aap Aur Aap ki Jowja(Hazrat Hawwa RadiAllaho Ta’ala Anha) ko Jannat me Rehne ka Huqm hua Aur Irsaad hua kee Aap yaha jo Chahe Ba-faragat khae lekin Us Darkht ke Karib Na Jaaye Aur Irsaade ilaahi hai ki 

“Aur us Dakht ke Karib na Jana kee Had se Badnewalo me se ho jaoge”(Surah Baqra)

Seitaan ka Waswasa

“Seitaan ne Unhe Iss Dakht ke Zariye Fislaya Aur jaha wooh rehte the waha se unhe Alag kar diya”(Surah Baqka)

Hazrat Aadam Alayhesalam Aur Hazrat Hawwa RadiAllaho Ta’ala Anha ke liye yeh Huqm tha kee us Darkht ke Karib Na jana, Seitaan ne unshe Us Farmane ILAAHI ki Na-Farmaani Karana Chaha Isliye Waswase ki Jaban me dono se kaha ki mai Tumhe Esha Darkht na Dikhau jiske khane se tum Hamesha Jannat me Raho Aur Tumhi esha Badshah Nasib ho jaye jis me Kabhi kishi kism ki Kamjori peida na ho,

Saitaan ne unke Dilo mai Baar baar Waswasa Peida kiya Aur Waswase ki Jaban mai Kasm Kha kar Unko Kaha kee mai Tumhara kheir-khwah hun us Dakht ke Khane se Tumhare RABB ne Sirf Is liye Tumhe Rouka kee Tum Faristey na ho jawo Ya Hamesha Tumhe Jannat me Rahena Nasib na ho jaye,

Aakhir kaar Dhooke se Unhe Is Darkht ke khane par Aamda kar liya Aur Hazrat Aadama Alayhesalam Aur Hazrat Hawwa RadiAllaho Ta’ala Anha ne Darkht se kha liya Aur Khate hee Unka Jannati Libaas Unse Utar gaya Aur Jannati Darkhto ke Patto se Apne Apne Jismoo ko Dhanpa, Aur Wo Jannat se Jamin ki Taraf utaar diye gaye.

(Tazkiratul Ambiya Alayhesalam, Safa-65)

Hazrat Aadam Alayhesalam Aur Hazrat Hawwa RadiAllaho Ta’ala Anha ka Zamin par Tasrif lana

Hazrat Aadam Alayhesalam Sarandip(Sri Lanka) mai Utare gaye Aur Hazrat Hawwa RadiAllaho Ta’ala Anha ko ‘Jidda’ me Aur Seitaan ko pehle hi Duniya me utar diya gaya tha (Roohul Maani, Jild-1, Safa-236)

Hazrat Aadam Alayhesalam Jab Zamin par Tasreef laye to Aap ka Jannati Libaas Utaar liya gaya tha Aur Jannat ke Darkhto ke Patte Apne Jism par Dhanp kar Tasrif laaye,

Hazrat Ali RadiAllaho Ta’ala Anho Farmate hai kee Hindustan ki Zameen is liye Umda Aur Hari bhari Loung(laving) Wageira Is liye Waha par Peida hote he ki Hazrat Aadam Alayhesalam Jab iss Zameen par Aaye to Unke Jism par Jannati Darkht ke patte the wo Patte Hawa se Ud kar Jis Darkht par Pahonche wo Hamesha ke liye Khusbudaar ho gaye.

  • (Tafseere Naimi, Jild-1, Safa-284)
  • (Tazkiratul Ambiya Alayhesalam, Safa-74)

Hazrat Aadam Alayhesalam Jannat se kya laaye

Hazrat Aadam Alayhesalaam Jannat se Mukhtalif Kism ke Beez Aur 3 kism ke Fhal Aur Hazre Aswad(Saya Patther jo khana e Kaba me laga hua he) Aur wo Asa jo Baad mai Musa Alayhesalam ke Hath Aaya jis ki Lambai 10 Gaj thi Apne Sath le Kar Aaye the Aur kuch Sona, Chandi, Aur kuch Kheti Baadi Wageira ke Aujaar bhi Sath laye,

Hazrat Aadam Alayhesalam iss Kadr Girya va Jaari me Masgul hue ki Un Takhmo se bekhabar ho gaye, Seitaan ne Mouka pa kar unko Apna Hath Laga ya Jab Takhm par uska Hath laga woh Jehrila ho gaya jo us ke Hath se mehfuz raha uska Nafa Barkarar raha,

Saiyyedna Aadam Alayhesalaam ke Sath Teen kism ke Jannati meve Aaye

  1. wo jo Pure Kha liye jate hai,
  2. wo jinka Upar ka Hissa kha liya jata hai Aur Gutli Fenk di jati hai, jeishe Khjoor, Aam Wageira..
  3. wo Jinka Upar ka chilka Feink diya jata hai Aur Andhuni Hissa kha liya jata hai.
Riwayat mai hai kee Unke Sath Lohe ki Aujaar bhi the

  1. Saanshi jise Loha pakadte hai
  2. Hathoda,


Hazre Aswad Jab Jannat se Aaya too uski Roshni kai Mil tak jati thi Jaha uski Sa’aayi Pahonchti thi us Hadd tak Haram Sareef ki Hade Kayam hui
(Tazkiratul Ambiya Alayhesalam, Safa-75)

Share kare…
Share:

No comments:

Post a Comment

Popular Posts

Recent Posts

Contact us

Name

Email *

Message *