Hazrat loot alayhi salam ka wakiy (story) in Hindi Urdu

Hazrat loot alayhi salam ka wakiy (story)

Hazrat loot alayhi salam
Hazrat loot alayhi salam
Aap logo se Gujarish hai kee Post Padhte rahe Aur Dusre Musalman Bhaiyo tak Pahonchate rahe.. Taaki Hamare Bhaiyo ke Ilm mai Izafa hota rahe Aur Sath hee Sath Aap vi Sawab Paane mai Samil ho jaaye…Hazrat Loot Aayhesalam Hazrat Ibhrahim Alayhesalam ke Jamane mai hi the..
Hazrat Loot Alayhesalam ne Hazrat Ibhrahim Alayhesalam kee Tamam Bato kee Tasdeek Fharmaayi thi

HAZRAT LOOT ALAYHESALAM Kee HIZRAT :-
Hazrat Loot Alayhesalam ne Ibhrahim Alayesalam ke Sath Babil se Haraan kee Taraf Hijrat kee, Fhir Waha se Misr mai un dono ke Sath Hazrat Sara RadiAllaho Ta’ala Anha vi thi, fhir Misr se Falasteen mai Aagaye, Ab un Teeno ke Sath Hajra RadiAllaho Ta’ala Anha vi thi,Fhir Loot Alayhesalam Hazrat Ibhrahim Alayhesalam ke Saher se Takriban 18 Mil Door ek Saher mai Tablig e Deen ke liye Aagaye, is saher ka Naam Sadum tha,
(Tazkiratul Ambiya Alayhesalam, Safa-155)

Koum ko Loot Alayhesalam kee Nasihat :-
Quraan e Paak mai ALLAH RABBUL IJJAT Irsaad Fharmata hai
“Loot (Alayhesalam) ko (Hamne unki Koum kee Taraf Bheja) Jab Unhone Apni Koum se Kaha kee Tum wo Be-Hayai ka Kaam karte ho kee Tum se Pehle Duniya mai kishi ne vi Nahi kiya, kya Tum Mardo se Badf’ali karte ho Aur Rasta mai Daka zani karte ho Aur Apni Majlisho mai Buri Baate karte ho, to unki Koum ko iske Siwa koi Jawab Ban na pada kee Unhone Kaha kee Agar Tum Sacche ho to Hum par ALLAH TA’ALA ka Azaab le Aao” 
(Surah Al-Ankabut, Aayat – 28, 29)

Hazrat Loot Alayhesalam Koum ko Azaab se Bachane kee Fhikr mai hai, leqin koum Kabhi kehti hai Tum Azaab le Aao Aur Kabhi kehti hai kee(App yah wakiya www.dinkidawat.com me padh rahe hai)

“Ay Loot(Alayhesalam) Agar Tum (Hame Nasihat karne se) Baaz Na Aaye to Jarur Tumhe Basti se Bahar Nikaal deinge”
(Surah Shu’ara, Aayat-167)

Yaani Ham Tumhe Apne Sahar se Nikaal deinge Aur Ham Tumhe Yaha rehne nahi deinge.
(Tazkiratul Ambiya Alayhesalam, Safa-155,156)
Hazrat Loot Alayhesalam kee Koum kee Khrabiya :-
Sab se Badi Burai un me “Lavaatt (Homosexuality)” thi (Mardo se Burai karne ki Aadat unme Kasrat se paayi jati thi) Aur Musafiro Aur Gujarne walo ke Rasta mai Beith jana un ka Rasta Rokna Aur Zabardasti un se Burai ka Murtakib hona, Rasta mai Beith kar Daka zani, Logo ko Qatl karna Aur unka Maal Lutna, un kee Buri Aadat mai Samil tha, Koume Loot kee ye Buraiya Abhi tak Logo mai Moujud hai, jo Sariyate Mutahra se Bagawat hai.

(1) Mardo ki Mehfilo me Sirf is liye Aana ki unko Tadna Yaani Baaz ka Baaz ko deikhna Aur Burai ke liye intekhab karna, Kabutar Baazi Yaani Pura Pura Din unko Udane Aur Sart Baazi lagane mai Gujaar deina,

(2) Aurato ki Tarah Ungaliyo ki Puri Mehndi se Rangna, (Khyaal rahe Mard ko Batoure Dawa Mahendi lagana Jaiz he Lekin Zaib va Zinat ke liye Mana he, leqin Aaj ke Dour me Ladko ko Ladkiyo ka Libaas Aur Chaal Dhab Pasand hai jo Haram hai)

(3) Hatho se Kankariya idhar-udhar Feinkna, Gujarne walo ko Tang karna, is tarah Banduko se Kankariya Fenk kar logo ko Satana,

(4) ek Dusre ko Thappad Maarna idher se ek Aaya usne Dusre ko Thappad Maar diya Aur Udhar se Dusra Aaya usne Thappad Maar diya, ye Behuda Fal(kaam) unka Mazah huwa karta jo Dar-Haqiqat unke Awbaas hone kee Alamaat thi,

(5) Mehfil me logo ke Samne Buland Aawaj se Hawa-Kharij karna wo Apni Shaan Samajte the Halanki Sarfaa ke liye ye Fal(Kaam) Baaise Sarm hota hai,

(6) Ungaliyo ke Patakhe Nikalna Bila Vaja Aur Bageir Azr ke Ungaliyo ke Patakhe Nikalna Makrooh hai is wajah se kee ye Loot Alayhesalam kee Koum ka Fal(Kaam) tha Aur us wakt vi is Fal(Kaam) ko Behuda Samjha jata tha

(7) Mazah karte hue Logo ke Samne Nanga hona, Yaani Chader, Salwar Wageira utaar deina, Nanga hona, Be Haya Banna vi Koume Loot ka Fal hai,

(8) Mazah Mazah mai Fahas kalami (Porn-Words) Aur ek Dusre ko Gaali deina.
(Roohul Maani, Jild-11, Safa-153)
(Tazkiratul Ambiya Alayhesalam, Safa- 156,157)

Isme se Kai Buraiya Aaj ke Dour mai vi Paayi jaati hai…

Hazrat Loot Alayhesalam kee Zovja(Biwi) :-
Hazrat Loot Alayhesalam kee Zovja ka Naam “Walila” tha, ye Kafira thi, is ke Dil mai Nifaak tha, Wada ka Paas(Pura) Nahi karti thi, Loot Alayhesalam ke Paas Aane wale Mehmano ke Muta’alak Koum ko khaber karti, Is Tarah Loot Alayhesalam kee Khyanaat kee Murtakib(Gunehgaar) hoti, Koum kee Burai par Khus hoti thi, Is liye Koum ke Sath Azaab me ye bhi Giraftaar hui.
(Tazkiratul Ambiya Alayhesalam, Safa-159)

Azaab Wale Faristo ka Loot Alayhesalam ke Paas Aana :-
Jo Fariste Hazrat Ibhrahim Alayhesalam ke Paas Aaye the Hazrat Sara RadiAllaho Ta’ala Anha ko Ishaak Alayhesalam Aur unke Baad Yaakub Alayhesalam kee Basarat deine ke liye Wahi Fariste Loot Alayhesalam kee Koum ko Azaab deine ke liye vi Aaye, Wo Fariste Inshani Shakl mai Aaye the,Hazrat Ibhrahim Alayhesalam Bahot Mehmaan Nawaz the, 15 Dino se koi Mehmaan na aaya tha, is liye Aap ne Jaldi se Unke Paas Bhuna huwa Bachda Peish kiya, Aapne Jab deikha ki ye Ajnabi Loug hai, inke Haath Khane Tak Nahi Pahonch rahe, to Samaj gaye kee ye to Fariste hai.
(Tazkiratul Ambiya Alayhesalam, Safa-159)

Hazrat Ibhrahim Alayhesalam ka Faristo se Sawal Jawab :-
Quraane Kareem mai ALLAH TA’ALA Irsaad Fharmata hai
“Fhir Jab Kee Ibhrahim (Alayhesalam) ke Dil se Khouf Door huwa Aur unko (Beita Peida hone kee) Khush-Khabari mili to Ham se Loot(Alayhesalam) kee Koum ke Bare mai Jhagadne lage(Purzour Sifarish karne lage)”
(Surah Hood, Aayat-74)

Hazrat Ibhrahim Alayhesalam ne unhe(Faristo se) kaha kya Tum us Basti ko Halaak karoge jis mai 300 Momin honge..?
Unhone kaha Nahi Eysha kabhi Nahi karenge,
Fhir Ibhrahim Alayhesalam ne Kaha kya Tum us Basti ko Halak karoge jisme 200 Imaan wale Rehte ho..?
Unhone kaha Nahi, ushe to Halak nahi karenge,
Fhir Ibhrahim Alayhesalam ne Kaha Tum us Aabadi ko Barbaad karoge Jaha 40 Imaandaar loug Moujud honge..?
Unhone kaha Nahi,
Fhir Ibhrahim Alayhesalam ne Fharmaya kee Agar ek Momin Waha Rehta ho to ushe Tum Barbaad karoge..?
Unhone kaha Nahi,
to Ibhrahim Alayhesalam ne Fharmaya Usme to Loot Moujud hai,
Faristo ne kaha Hame Malum hai Waha kon log hai,
Loot Alayhesalam Aur unki Ahl ko Ham Naja’at deinge, Siway unki Aurat ke, wo Koum ke Sath hee Azaab me Mubtila ho jayegi.
(Tafseere Jalalein, Safa-186)
(Tazkiratul Ambiya Alayhesalam, Safa-160)

Quraan e Paak mai ALLAH RABBUL IJJAT Irsaad Fharmata hai:-
“Aur Jab kee Hamare Bheje hue Fariste Loot (Alayhesalam) ke Paas Aaye to wo un ke Aane se Ranjida aur Tang-dil hue Aur Bole kee Aaj ka Din to Badi Shakhti Aur Musibat ka Din hai, Loot (Alayhesalam) ke Paas unki Koum ke Loug Doude hue Aaye Aur wo Pehle hi Bure Kamo ke Aadi ho rahe the, Loot (Alayhesalam) ne un se Kaha kee Ay Meri Koum ye(Basti kee Aurate) Meri Betiya hai, ye Tumhare liye Suthri Aur Jaiz hai to (Unki Taraf Tawajjo karo Aur) ALLAH TA’ALA se Daro Aur Mere Mehmano ke Ma’amle mai Mujhe Ruswa na karo, kya Tum mai ek Aadmi bv Neik Chalan Nahi hai, un logo ne kaha kee Aap ko Malum hai kee Aap kee (Koum ki) Betiyo se Hame koi Rugbat(Aur Sarokar) nahi hai Aur Beshaq Jo Kuch Hamari Khwaish hai ushe Aap Achi Tarah Jante hai, Loot (Alayhesalam) ne Fharmaya kee Kaash Tumhare Mukable kee Mujhe Takat hoti ya kisi Mazboot Paaye ka Sahara Aur Panah leita”
(Surah Hood, Aayat – 77, 78, 79, 80)

Yaani Koum ko Jab Pata chala ki Loot Alayhesalam ke Paas Khubsurat Nav-Jawan Batour Mehman Aaye hue he, wo Apne Bure Irade Aur Sadid Jazbaat liye Bhagte hue Aagaye, unko Khabar dene wali vi Loot Alayhesalam kee Zovja(Biwi) ‘Walila’ hi thi,Ye vi Khyaal rahe kee wo Koum us Bad-Fa’li Yaani Lavaatt (Homosexuality) ka irtekaab koi Chip kar na karti Balqi wo loug Zahir tour par us Burai kee Murtakib hoti, is liye Loot Alayhesalam ne Fharmaya
kya Tum mai se koi ek vi Neik Chalan nahi….?
Aap ne unko Bade Pyare Andaaj par Nasihat Fharmayi, ye Meri Koum kee Betiya hai, jo Tumhari Biwiya hai Tum unke Hukuk Pa-Amaal kar rahe ho, Hukuk Zovjiyat Ada nahi kar rahe, Nov-Jawano kee Taraf Tumhara Milaan, Bad-Fa’li ka irtekaab Tumhari Bad-chalani ka Zariya hai, Apni Biwiyo kee Taraf Milaan karo taaki unke Hukuk vi Ada ho sake Aur Tum vi Neik ho jao, Ye Mere Mehmaan hai, inse Burai ke Murtakib ho kar Muje Ruswa na karo, Agar Mere Paas koi Takat hoti to mai Tumhe Maar Maar kar Bhaga deita, Agar Mere Paas koi Mazboot Killa ya Panah hoti to Mehmano ko Waha le jata.
(Tazkiratul Ambiya Alayhesalam, Safa-161)

Faristo ka Jawaab Aur Koume Loot par Azaab :–
Quraan Sareef mai hai kee
“Faristo ne Kaha kee Ay Loot (Alayhesalam) Beshaq Ham Aap ke RABB Ke bheje hue hai, wo Loug Hargiz Aap tak Nahi Pahonch Sakte to Aap Apni Biwi ke Siwa Apne Sab Ghar Walo ko Raato Raat (Basti se Baahar) le jaaye Aur Tum mai koi Pith Feir kar Idhar-udhar na Deikhe, Beshaq us(Biwi) ko Wahi Musibat Pahonchegi jo un logo ko Pahonchegi, Beshaq un(ke Azaab) ka Wada Subah ka Wakt(Mukararr) hai kya Subah Karib nahi(?), Fhir Jab Hamara Huqm(Wada) Aa Pahoncha to Hamne us (Basti) ke Upar ko us ka Niche kar diya(Yaani Palat diya) is (Basti) par Aaag mai Pake hue Patther lagataar Barsaaye, jo Aap ke PARWARDIGAAR ke Paas se Nishan kiye hue the Aur wo un Zalimo se kuch Door nahi.
(Surah Hood, Aayat – 81, 82, 83)

Fariste Ab tak Ye Khamoshi se deikh rahe the, Jab un Avbaaso ki Gustakhi Aur Hazrat Loot Alayhesalam kee Pareshani Aur Be-basi kee inteha ho gayi, to Fhariste Goya hue, Ay Loot (Alayhesalam) Ghabrao Nahi, Darwaza Khol do, Aur Un Maskaro ko Aage Aane do, Ham Inshaan Thode hai kee ye Aage Badh kar Hamko Dabouch lenge, Ham ALLAH ke Bheje hue Fariste hai Aur Hame is liye Bheja gaya hai kee Ham in Bastiyo ko Tah va Bala karke rakh de, Aap esha kare kee Raat ka Jab Kuch Hissa Gujar jaye to Apne Gharwalo ko Hamraah le kar yaha se Chale jaaye, Lekin Aap kee Biwi Aap ke Sath Nahi ja Sakti, us ka Anjaam Wahi hoga jo Dusre Mujrimo ka, Ab un Zalimo kee Mohallat kee Ghadiya khatm ho gayi, Sirf Subah hone kee Deir hai Aur Subah ke Tulu hone mai Ab Zyada Wakt Nahi,

Jab Azaab Aaya to unki Bastiyo ko Zeir va Zabar karke rakh diya gaya unki Falak Bovs Imarate Zameen par Undhi gira di gayi, un par Shakht Pattharo kee Eyshi Musaladhar Barish kee gayi, kee wo Sab Khake Siya ban kar rah gaye, Siron, Amoraah, uma Aur Zabuim unki 4ro Bastiya us jagah Aabad thi, Jaha Aaj kal Bahre Muraad(Atlantic) ya Bahre Loot(Pacific) hai, Ab vi Bahre Loot(Pacific) se Dhunve ke Badal uthte he, Kasrat se Zalzale Aate rehte hai.
(Tafseere Ziya ul Quraan, Jild-2, Safa-342)

HAZRAT LOOT ALAYHESALAM KA RAAT KO NIKAL JANA :-
Hazrat Loot Alayhesalam Apne Sath Siwaye Zovja(Biwi) ke Baaki Ghar ke Afraad ko Raat ko le kar Nikal gaye, ALLAH TA’ALA ne Zameen ko Lipat diya is Tarah Loot Alayhesalam Ibhrahim Alayhesalam ke Paas Pahonch gaye, Fhir Zibrail Alayhesalam ne unki Tamam Bastiyo ko Apne Par se uthaya Aur Itna Buland kiya ki Aasman wale unki Bastiyo mai Rehne wale Murgo kee Aawaz Aur kutto kee Bhonk Sun rahe the, fhir unko Palat kar Niche Gira kar Upar se Pattharo kee Barish Barsha kar Tabah va Barbaad kar diya gaya.
(Roohul Maani, Jild-7, Safa-113)
(Tazkiratul Ambiya Alayhesalam, Safa-162, 163)

Hazrat Loot Alayhesalam ke Wakiyaat yaha par Khtm hote hai.

InshaAllah, Aage ALLAH RABBUL IJJAT ke Pyare NABI Alayhesalam ke Wakiyaat jaari he…

Kishi Post par Agar Hamse Kishi Tarah kee Lagjis, Galti, Kutahi, Be-Adabi hui ho to ALLAH RABBUL IJJAT Apne Pyare MEHBOOB HUZOOR NABI E KAREEM Sallallaho Alaye Wasallam ke Sadke mai Maaf Fharmaaye..(App yah wakiya www.dinkidawat.com me padh rahe hai)
Aameen Ya RABBUL AALAMIN.



  • Hazrat Ibrahim A.S. ka wakiya (story)



  • Hazrat idrees A.S. ka wakiya (full story)

  • Iss age share kare
    Share:

    No comments:

    Post a Comment

    Ad

    Popular Posts

    Recent Posts

    Ambiya e karam ka full wakiya

    Contact us

    Name

    Email *

    Message *