Piyare nabi(S.A.W.) ki piyare Hadees hindi aur urdu me (20 To 40 Hadees)

Piyare nabi(S.A.W.) ki piyare Hadees hindi aur urdu me (20 To 40 Hadees)

Piyare nabi(S.A.W.) ki piyare Hadees
Piyare nabi(S.A.W.) ki piyare Hadees
Ager dosto isse pehle aap ne hamare Piyare nabi(S.A.W.) ki piyare Hadees ka pehla part nahi padha to yaha click ker ke padh le Click here>>Paert 1

Hadees No 21:
Hazrat Abuu Sayeed Khudri (R Z) kahte hai mai ne Rasulullaah (S A W) koo kahte huye suna hai: “Tum mai koi agar kisi jagah par galat kaam hote hoye dekhe too apne hath se rook de, agar hath rokne kee taqat na ho too zaban se roke,aur agar zaban se vi rokne kee taqat na hoo kam se kam dil se us kaam koo galat samjhe,yah imaan ka sab se kam darja hai”.
(Sahih Muslim: 49)

Hadees No 22:
Hazrat Abuu Hurairah (R Z) se riwayat hai, Rasulullaah (S A W) ne fharmaya: “Allah tala tumhare face ya chehron aur tumhare maal ko nahi dekhta, balki wah tumhare, dil ki niyat aur tumhare kaam koo dekhta hai”
(Sahih Muslim: 2564)

Hadees No 23:
Hazrat Abuu Hurairah (R Z) se riwayat hai,kahte hain kee: Rasulullaah (S A W) ne fharmaya: “Jahannam koo shahwat wali cheezon se gher dia gaya hai, aur Jannat koo takleef wali cheezon se gher dia gaya hai”
(Sahih Bukhari: 6035, Sahih Muslim: 2321)

Hadees No 24:
Hazrat Abu Hurairah (R Z) se riwayat hai, Rasulullah (S A W) ne irshad fharmaya: “Dunya Momin ke kiye jail kee tarah hai, aur kafir ke liye jannat kee tarah hai”
(Sahih Muslim: 2956)

Hadees No 25:
Hazrat Abuu Hurairah (R Z) se riwayat hai,kahte hai kee: Rasulullah (S A W) ne fharmaya:”Tum Jannat mai us waqt tak entry nahi kar sakte jab tak tum full imaan wale na hoo jaoo, aur tum full imaan wale us waqt tak nahi ban sakte jab tak tum ek dosre se Mohabbat na karne lago, kya mai tum aisi cheez naa bata don jis se tum ek dosre se mohabbat karne kago? Jab vi tum ek dosre se milo to salam karo”
(Sahih Muslim: 54)

Hadees No 26:
Hazrat abdullaah Bin Amr (R Z) Nabi Kareem (S A W) se riwayat karte hai, aap ne fhamaya: Sahi Mano mai musalman wah hai jis ke hath aur pair se musalman mahfooz hon, (Yani wah kisi koo takleef na pahonchaye) aur real mai Muhajir wah hai jo uss cheez koo chhor de jis se allah ne mana kia hai”
(Sahih Bukhari: 10)

Hadees No 27:
Hazrat Abuu Hurairah (R Z) se riwayat hai,kahte hain kee: mai ne rasulullah (S A W) ko fharmate huye suna hai: “ ki ek musalman ka dosre musalman par 5 haq hain: 1 salam ka jawab dena, 2 mareez kee mizaj pursi karna,3  Janaze ke peechhe chalnaa, 4 dawat koo qabool karna,5  chhkne wale ke jawab mai “YARKAMUKAL LLAH” kahna”
(Sahih Bukhari: 1240, Sahih Muslim: 2162)

Hadees No 28:
Hazrat Abdullaah Bin Amr (R Z) rasulullah (S A W) se riwayat karte hai, aap ne fhamaya: Dunya saman kaa naam hai, aur dunya ka sab se behtareen saman nek wife hai”
(Sahih Muslim: 1467)

Hadees No 29:
Hazrat Abdullaah Bin Abbas (R Z) se riwayat hai, kahte hai kee: Rasulullah (S A W) ne fharmaya: “Allah kee 2 bahut important nemat yaa gift hai jis se aksar log dhoka kha jate hai: 1 health, 2 free timing “. (log yah samajhte hain always yah dono cheezen rahen gi jab kee waqt ke sath sath dono khatam hoo jahi hain)
(Sahih Bukhari: 6412)

Hadees No 30:
Hazrat Abuu Hurairah (R Z) se riwayat hai, Rasulullaah (S A W) ne fharmaya: allah tala fharmate hai: Mai ne apne nek bandon ke liye aisi cheez tayyar kar rakhkhi hai, jis koo abhi tak kisi aankh ne nahi dekha hai, aur na hi kisi kaan ne suna hai, aur na hi kisi ke dil mai us ka khayaal aaya hai kiwah cheez kaisi hai? agar tum free hoo too Quran kee yah aayat padho: FALA TALAMU MA IKHFIA LAHUM MINQURRATI AAUN”. (yani kisi aadmi koo yah bilkul knowledge nahi joo allah ke nek bandon kee aankhon thandak pahochanne ke liye chhupa kar rakhhi gayi hai)
(Sahih Bukhari: 3244, Sahih Muslim: 2824)

Hadees No 31:
Hazrat Abuu Hurairah aur Hazrat Abuu Sayeed Khudri (R Z) Rasulullaah (S A W) se riwayat karte hai aap ne fharmaya: “Joo log allah ka zikr karte hai Allah ke farishte aur allah kee rahmat un koo dhanp lete hai, un par sakinat nazil hoti hai,aur allah tala apne farishton mai un ka zikr e khair karta hai”
(Sahih Muslim: 2700)

Hadees No 32:
Hazrat Abuu Moosa (R Z) se riwayat hai, Rasulullaah (S A W) ne fharmaya: Joo banda apne rab koo yaad karta hai, us kee misaal uss aadmi kee tarah hai joo Zinda hoo, aur jo apne rab koo yaad nahi karta wah us aadmi kee tarah hai jo mar chuka hoo”
(Sahih Bukhari: 6404)

Hadees No 33:
Hazrat Usman Bin Affan (R Z) se riwayat hai kahte hai: Rasulullaah (S A W) ne fharmaya: “Jab koi banda achchhi tarah se wazu karta hai to uss ke gunaah uss ke jism se nikal jate hai yahan tak kee us ke nail ya nakhoon ke niche se bhi nikalte hai”
(Sahih Mislim: 245)

Hadees No 34:
Hazrat Abuu Hurairah (R Z) se riwayat hai, Rasulullah (S A W) ne fharmaya: “Jab koi so kar uthe too begair apne hath koo 3 baar wash kiye huye pani ke bartan mai hath na dale, kyun kee pata nahi sone kee halat mai us ka hath kahan kahan gaya hai”
(Sahih Bukhari: 162, Sahih Muslim: 278)

Hadees No 35:
Hazrat Abdullaah Bin Umar (R Z) kahte hai: Rasulullah (S A W) ne fharmaya: “Kane pine mai Right hand use karo, kyun ki Shaitaan left hand se khata peeta hai”
(Sahih Muslim: 2020)

Hadees No 36:
Hazrat Abuu Hurairah (R Z) se riwayat hai, Nabi Kareem (S A W) ne fharmaya: kisi aurat se 4 cheezon kee wajah se shadi kee jati hai: 1 us ke maal o daulat kee wajah se, 2 uss ke bade khandan kee wajah se, 3 us kee khobsurti kee wajah se, 4 nek sirat ya dindari kee wajah se, ai Abu Hurairah! tum dindar aurat se shadi karo isi mai tumhari kamyabi hai”
(Sahih Bukhari: 5090, Sahih Muslim: 1466)

Hadees No 37:
Hazrat Abdullah Bin Masuood (R Z)  kahte hai:Nabi Kareem (S A W) aksar yah duaa padhte the: “ALLAHUMMA INNI ASALUKAL HUDA, WTTUQA, WAL AFAFA, WAL GHINA”
(Sahih Muslim: 2721)

Hadees No 38:
Hazrat Abuu Hurairah (R Z) se riwayat hai, kahte hai: Rasulullaah (S A W) ne irshad fharmaya: “Insan ke marne ke baad uss ke nek amal kaa silsila band hoo jata hai, magar 3 cheezon se uss kee neki continue rahti hai: 1 aisa kaam karke dunya se jaye jis se log fayda uthayen, 2 uss kee knowledge se (books ya students kee shakal mai) jin se logon koo fayda hoo, 3 nek aulad chhor jaye jo uss ke liye dua karte rahen”
(Sahih Muslim: 1631)

Hadees No 39:
Hazrat Abuu Hurairah (R Z) se riwayat hai, Rasulullaah (S A W) ne fharmaya: “Agar meri ummat koo yah baat pareshani wali na hoti too mai unko har namaz ke liye miswak ka hukm deta”
(Sahih Bukhari:887 , Sahih Muslim: 252)

Hadees No 40:
Hazrat Aishaa (R Z) se riwayat hai, Huzoor (S A W) ne fharmaya: “Joo Aadmi hamare deen se related kisi aisi baat ka dawa kare joo hamare deen mai nahi hai too wah baat usi ke face par maar dee jaye gee”
(Sahih Bukhari:2697 , Sahih Muslim: 1718)

To aaj ka hamara post Piyare nabi(S.A.W.) ki piyare Hadees aap ko kesa laga hame comment box mai jarur btaye aur iss Hadees ko apne aur musalman bhaiyo ko share kerna naa bhule aur yah Hadees aap www.dinkidawat.com mai padh rahe hai


Share:

No comments:

Post a Comment

Ad

Popular Posts

Recent Posts

Ambiya e karam ka full wakiya

Contact us

Name

Email *

Message *