Imaan Ka Maza Kis Ko Milta Hai ? islamic hadees sahih muslim aur bukhari sharif

Imaan Ka Maza Kis Ko Milta Hai ? islamic hadees sahih muslim aur bukhari sharif

 islamic hadees sahih muslim aur bukhari sharif
Imaan Ka Maza Kis Ko Milta Hai ?

Imaan Ka Maza Kis Ko Milta Hai?

Hazrat Anas Bin Malik (RZ) nabi kareem (S AW) se riwayat karte hai, aap (SAW) ne fharmaya: "Jis aadmi mai 3 qualification ya khoobi payi jaye wah imaan kee mithaas ya us kee chashni pa jaye ga:

No 1: Uss aadmi ke nazdeek allah aur us ke rasool tamam logon se zada mahboob ho jayen.
No 2: agar woh kisi se mohabbat kare to bas allah ke liye kare.
No 3: imaan kee daulat se mala maal ho jane ke baad wah kufr aur shirk kee taraf return hone ko na pasand kare, jis tarah wah aag mai dale jane ko na pasand karta hai ".
  • (Sahih Bukhari: 21, Sahih Muslim: 46)

Allah Ke Mahboob Bande

Hazrat Abu Hurairah (RZ) se riwayat hai kahte hai Rasulullah (SAW) ne irshad fharmaya: "Allah tala jab kisi bande ko pasand karta hai to Hazrat Jibreel ko bulata hai aur unse se kahta hai: mai falan bande ko pasand karta hun , is liye tum vi use pasand karo, to hazrat jibreel vi use pasand karne lagte hain, phir hazrat jibreel aasman mai announcements kaete hain: Ai Aasman walo! sun lo allah tala falan bande se mohabbat karta hai to tum sab vi us se mohabbat karo, us ke baad sare aasman wale us se mohabbat karne lagte hain, phir zameen par vi wah aadmi sab logon kee nagaah mai mahboob ho jata hai.

Aur jab allah tala kisi bande ko na pasand karta hai tab vi Hazrat jibreel ko bula kar kahta hai: ai jibreel! mai falan ko na pasand karta hun, tum vi us ko na pasand karo, hazrat jibreel vi use na pasand karne lagte hain aur aasman mai elaan karte hain kee: allah falan ko na pasand karta hai tum sab vi use na pasand karo, aasman wale vi use na pasand karne lagte hain, us ke baad zameen par vi wah aadmi sab kee nigaah mai bura samjha jata hai "
  • (Sahih Muslim: 2637

Garibon Kee Help Karne Walon Ke Lye Surprise

Hazrat Abu Hurairah (RZ) Huzoor (SAW) se riwayat karte hain: Aap ne fharmaya: "Jis ne kisi pareshaniyon mai se koi pareshani ya takleef door kia kal qayamat ke din allah tala us kee aakhirat kee pareshani door karen ge , jis ne kisi tangdast ya faqeer aur muhtaj ke liye aasani paida kee allah tala us ke liye dunya aur aakhirat mai aasani karen ge, jis ne kisi musalman kee parda poshi kee, jaan kar vi usi kee burayi aur par parda dala allah tala us kee dunya aur aakhirat mai parda poshi karen ge, us kee burayiyon ko hide kar den ge, jo banda apne bhai kee help karta hai allah tala barabar us kee help karte hain, jo student ilm e deen hasil karne ke liye safar kare allah tala us ke liye jannat ka raasta aasan kar dete hain, jo log allah ke ghar mai baith kar Quran kee tilawat karte hain,aur quran ke ilm kee study karte hain un par sakinat nazil hoi hai, allah kee rahmat un par barasti hai, allah ke farishte unko dhanp lete hain, allah tala apne farishton se un ka zikr karta hai "
  • (Sahih Muslim: 2699)

Allah Tala Gunahgaar Kee Tobah Se Bahut Khush Hota Hai

allah tala apne bande kee toba aur us ke apne gunaahon par sharminda hone par bahut zada khush hota hai, balki us aadmi se vi zada khush hota hai jo apni sawari par safar karte kare bahut door jungle me pahonch gaya, jahan koi aabadi nahi thi kisi vi insan ka naam o nishan nahi tha, suddenly us kee aankh lag gayi aur us kee sawari gayab ho gayi, usi sawari par us ke khane peene kee cheezen thi, ab wah bechara bahut pareshan hua, edhar udhar jungle mai us ne sawari ko bahut talash kiya, bhook piyaas se us kee jaan nikalne ke qareeb ho gayi, thak haar kar ek tree ke saye aa kar let gaya aur apni maut ka intizar karne laga, achanak us kee sawari us ke paas khadi mil gayi, wah apni sawari ko dekh itna khush hua itna khush kee allah tala ka shukria ada karte huye galti se kah dia kee: Ai allah mai tera rab hun tu mera banda hai "
  • (Sahih Muslim: 2747)

Rasulullah (SAW) Kee Best Dua

Hazrat Aisha (RZ) kahti hain: Nabi kareem (SAW) aksar yah dua padhte the: "Ai Allah mai teri panah chahta hum susti se, aur burhape ya old age se, aur gunaahon se, aur qarz se, aur qabar ke fitne aur us ke azaab se, aur jahannam ke fitne aur us ke azaab se, aur maaldari ke fitne kee burayi se, aur mai teri panaah chahtaa hun garibi ke fitne se, aur mai teri panaah chahta hun Maseeh Dajjaal ke futne se, ai allah mere gunaahon ko ice ya baraf ke pani se wash kar de, aur mere dil ko gunaahon se is tarah pak saaf kar de jees tarah tu white dress ko germs ya gandagi se saaf karta hai, aur mujhe gunaahon se itna door kar de jitna east aur west mai doori hai "
  • (Sahih Bukhari: 6368)

Allah Se Sachchi Tobah Kee Dua

Hazrat Shaddad Bin Aus (RZ) Nabi Kareem (SAW) se riwayat kare hain: aap ne fharmaya: "Allah se sab se Sachchi tobah ya Sayyadul Istighfar yah hai tum Allah se kaho: Ai allah tu hi mera rab hai, tere siwa koi ibadat ke laayeq nahi, tu ne mujhe paida kia aur mai tera banda hun, tu ne apne rasool kee zanabi jo mujh se wada kia hai mai us ko nibhane kee puri koshish kar raha hun, jo kuchh mai ne kia hai mai us ke shar aur burayi se teri panaah chahta hun, wah sari nematen aur saugaten jo tu ne mujhe dia hai mai us ka iqrar karta hun, mai apne gunaah par sharminda hun, ai allah mujhe maaf kar de, tere elawah koi gunaahon ko maaf nahi kar sakta " :

Hazrat Shaddad kahte hain aap (SAW) ne us ke baad fharmaya: "agar koi aadmi sahi fleeing se dil se yah dua din mai padh le aur shaam hote hote us death ho jaye to wah zarur jannat mai zarur jaye ga, isi tarah agar kisi ne raat mai dil laga kar yah dua padh le aur morning se pahle wah mar jaye to wah vi jannat mai jaye ga "
  • (Sahih Bukhari: 6306)

Shubhe Mai Dalne Wali Cheezon Se Bacho

Hazret Noomaan Bin Basher (R. Z. A. ) kehten hai: Rasulullaah (S. A. W. ) nee irrshaad fharmaayaa: "Halaa cheezeen sab ke sab zaheer hen, (yanee har aadmi unn koo aasani kee saath maloom kar saktaa hai issi tarah se) haraam cheezen vi zaheer hai ( unn koo Quran aur hadees mai bataa dia gayaa hai), aur in donoo ke darmiyaan yaa beech mai kuchh shubhe mai dalne wali cheezen hen, (yani aasani se maloom na ho kee wah halal hain ya haram) to jo aadmi shubhe mai dalne wali cheezon ko chhor de, to wah un cheezon ko zarur chhor de ga jin ka hukm zahir ho, aur jo aadmi shubhe kee wajah se gunaah kar baithe, to jin ka hukm zahir hai un kee wajah se gunaah mai padne ka zada chance hai, gunaah allah tala ke hudud aur ahkam hain jin se bachna sab ke liye zaruri hai, jo gunaahon around chakkar lagaye ga wah us mai mubtla ho sakta hai yaani uss gunaah koo kar sakta hai "
  • (Sahih Bukhari: 2051, Sahih Muslim: 1599)

Sab Se End Mai Jannat Mai Jane Wala Aadmi

Hazrat abdullah Bin Masuood (RZ) se riwayat hai kahte hain: Rasulullah (SAW) ne irshad fharmaya: "Mai us aadmi ko janta hun jo jahannam se sab se end mai nikle ga, aur Jannat mai sab se end mai entry kare ga, ek aadmi char zanu ho kar jahannam se nikle ga, to allah tala us se farmayen ge: ja Jannat mai dakhil ho ja, allah tala ke is hukm ke baad wah aadmi jannat ke paas aaye ga to use yah feel ho ga kee jannat to full ho chuki hai, wah return ho jaye ga aur allah tala se kahe ga: ai mere rab jannat to full ho chuki hai ab mai kahan jaon, allah tala us se phir wahi word repeat karen ge, aur wah return ho kar kahe ga kee : jannat full hai, us ke baad allah tala us kahen ge: ja jitni badi dunya hai us se 10 guna zada tujhe yahan jagah mile gee, is par wah aadmim kahe ga: ai allah aap baadshahon ke baadshah ho kar vi mujh se mazaq kar rahe hain,yahan to entry vi nahi mil rahi hai aur aap hain kee dunya kee 10 guna jagah dene kee baat kar rahe hain? ", Hazrat abdullah Bin Masuood (RZ) kahte hain: itna kahne ke baad Aap (SAW) ko hansi aa gayi aur aap ke mubarak daant dikhne lage, yah sab kam darje wale Jannati aadmi kee jagah hai.
  • (Sahih Bukhari: 6571, Shahih Muslim: 81)
Share:

No comments:

Post a Comment

Ad

Popular Posts

Recent Posts

Ambiya e karam ka full wakiya

Contact us

Name

Email *

Message *