Maa Baap Ka Haq islamic hadees in hindi sahih muslim aur bukhari sharif

Maa Baap Ka Haq islamic hadees in hindi sahih muslim aur bukhari sharif

islamic hadees in hindi sahih muslim aur bukhari sharif
Maa Baap Ka Haq

Maa Baap Ka Haq sab se zada hai

Hazrat Abu Hurairah (R Z) se riwayat hai kee ek aadmi Rasulullah (S A W) ke paas aaya, aur us ne aap (S A W) se poochha kee: ai allah ke Rasool meri khidmat aur mere husn e sulook ka sab se ziyada haq dar kaun hai? yani mujhe sab se zada kis kee khidmat karni chahiye? Aap ne jawad dia kee: “Apni maa kee khidmat karo”. phir us aadmi ne poochha: us ke baad kis kee? dosri baar vi aap ne jawab dia kee:   “Apni maa kee khidmat karo” tisri baar poochhne par vi aap ne wahi jawab dia. jab us aadmi ne chauthi bar poochha to us ke jawab mai aap ne kaha: “us ke baad apne baap kee khidmat karo”
  • (Sahih Bukhari Hadees No: 5971)
  • (Sahih Muslim Hadees No: 2548)
Hadees Ka Matlab: Is hadees mai respect aur achchhe bartao, ya husn e sulook ke bare mai bataya gaya hai kee maa kee respect sab se zada honi chahiye, aur aap (S A W) ne baar baar is baat ko dohraya, is se maloom hua kee maa ka darja respect mai sab se zada hai. us kee wajah vi yah hai kee maa kee zimmedari sab se zada hoti hai, maa apne bachchon par sab se zada meharban hoti hai, bachche ke chhoti se chhoti takleef maa bardasht nahi kar sakti, bachche ko khilane pilane, nahlane dhulane, aur us kee puri dekh rekh kee sari zemmedari maa par hoti hai, bachcha bimar ho jaye to maa raat raat bhar jagti hai, apne aaram o sukoon ko barbad kar deti hai, bachche kee har tarah se dekh bhal karti hai, khud bhoki rahti hai aur bachhon ko pet bhar kar khana khilati hai. is liye maa kee respect sab se zada honi chahiye.

Dosri baat yah hai kee maa naram dil hoti hai, us ka dil bahut jaldi pighal jata hai,  isi wajah se log us kee is kamzori ka fayda utha kar us ke haq mai susti karte hain, us ke haq ko ada nahi karte, aur log yah jante hain kee agar koi kami ya kotahi ho jaye tab vi maa us kee shikayat nahi kare gi, rahi baap kee baat to maa ke muqable mai baap sakht mizaj hota hai, us ka dil  sakht hota hai wah kisi na kisi tarah pani baat manwa leta hai is liye Huzoor (S A W) maa ke haq kee zada takeed kee.
Share:

No comments:

Post a Comment

Popular Posts

Recent Posts

Ambiya e karam ka full wakiya

Contact us

Name

Email *

Message *