Pyare nabi ki pyari baate | hadees | hadees urdu | islamic hadees | hadith bukhari

Pyare nabi ki pyari baate | hadees | hadees urdu | islamic hadees | hadith bukhari

hadees urdu | islamic hadees | hadith bukhari
Pyare nabi ki pyari baate

Ek Gunaahgar Bande Ke Liye Jannat Ka Faisla Kiya hai ?

Hazrat Abu Hurairah (R Z) se riwayat hai kahte hain Rasulullah (S A W) ne irshad fharmaya: “Ek aadmi ne apne uper bahut zulm kia, allah tala kee nafarmani mai puri zindagi guzaar dia, aur jab us ke marne ka time aaya, to apne beton ko bula kar wasiyat kee: ai beto! mere marne ke baad meri laash ko jala kar us kee kuchh raakh ko samandar mai daal dena, aur kuchh ko hawa mai ura dena, taki mere naam o nishaan khatam ho jaye, aur mai hisaab o kitaab ke liye dobara zinda na kia jaaon, kyun kee tum sab bhi jante ho kee mai ne allah kee kitni nafarmani kee hai, kbhi vi us ke order ko nahi mana hai, ab mujhe bahut dar lag raha hai, agar mai dobara zinda kia jaoon ga aur allah tala ne mujhe pakad lia to wah mujhe aisi saza dega, jo dunya jahan mai kisi ko na dega,

jab wah aadmi mar gaya to us ke beton ne, us ki wasiyat par amal karte huye us kee raakh ko hawa me uda dia, aur samandar mai baha dia,
us ke baad allah ke order par us aadmi ke body ke parts phir se us ke body mai aa kar joined ho gaye, aur wah aadmi phir se zinda kia gaya, phir us se poochha gaya kee tu ne aisa kyun kia? us aadmi ne jawab dia kee: ai mere malik tu achchhi tarah janta hai kee yah sab mai ne tere dar kee wajah se kia tha”
Huzoor (S A W) ne yah qissa batane ke baad kaha ki: “allah tala ne us bande ko maaf kar dia, aur us kee bakhshish ka faisla suna dia”
  • (Sahih Bukhari: 3481, Sahih Muslim: 2756)

Allah Ke Dar Aur Khauf Kee Wajah Se Sahaba Kee Halat

Hazrat Hanzala been Rabi Usaidi (R Z) se riwayat hai, kahte hain: ek baar Hazrat Abu Bakr Siddiq (R Z) mujh se milne aaye, aur mera haal chaal poochha, mai ne jawab dia: mai aap ko kya bataun mai to Munafiq ho gaya hun, Hazrat Abu Bakr ke kaha: Are Hanzala! yah kya kah rahe ho, me ne kaha actually baat yah hai kee jab hum Rasulullah (S A W) ke paas hote hain, aur aap (S A W) hum se Jannat aur Jahannam ka zikr kar ke hum ko nasihat karte hain to hum ko aisa feel hota hai kee Jannat aur Jahannam hamari aankhon ke samne hai, lekin jab hum apne home par return hote hain aur apne works me busy ho jate hain to hamari feeling khatam ho jati hai.
Hazrat Abu Bakr ne sun kar fharmaya: bahi is tarah kee halat to hamari vi hai.

Us ke baad fhir Hazrat Abu Bakr aur Hazrat Hanzala Huzoor (S A W) ke paas pahonche, aur Hazrat Hanzala ne aap (S A W) se wahi baat kahi jo Hazrat Abu Bakr se kahi thi, un kee baat sun kar Rasulullah (S A W) ne fharmaya: “Qasam hai us zaat kee jis ke qabze mai meri jaan hai, agar always tumhari wah halat ho rahe jo mere paas aa kar hoti hai aur tum anytime tum allah ke zikr mai busy raho, to allah ke farishte tumhare bed par aur raaston mai tum se mulaqaat karen ge, lekin ai Hanzala! allah ne tum ko yah order nahi dia hai kee tum anyway and any time allah kee yaad mai busy raho, aur hamesha tumhari wahi feeling rahe jo mere paas aa kar hoti hai, jetni feeling hai bas utna kafi hai”
  • (Sahih Muslim: 2750) 

Islam Lane Ke Baad Pichhle Sare Gunaah Maaf Ho Jate Hain Kiya ?

Hazrat Amr Bin Aas (R Z) se riwayat hai, kahte hain kee jab mere dil mai allah tala ne islam lane ka khayal dala to main Nabi Kareem (S A W) kee paas aaya, aur aap se kahne laga: apna hath badhyiye main aap se baiat karna chahta hun yani musalman hona chahta hun, aap (S A W) ne apna right hand badha dia, us ke baad fauran me ne apna hath kheench lia, aap (S A W) ne fharmaya: “tum ne apna hath kyun kheench lia?”, mai kaha meri ek shart hai, aap (S A W) ne fharmaya: “kya shart hai?”, mai ne kaha shart yah hai kee mere gunaahon ko maaf kar dia jaye.

Huzoor (S A W) ne fharmaya: “ai Amr! kya tum ko maloom nahi hai kee islam lana pichhle tamam gunaahon ko dha deta hai, aur allah ke raaste mai hijrat bhi pichhle tamam guunaahon ko khatam kar deti hai, aur hajj vi pichhle sare gunaahon ko finish kar deta hai”
  • [Shahi Muslim: 121

Qabar Mai Marne Wale Se Sawal O Jawab

Hazrat Anas (R Z) se riwayat hai, kahte hain: Rasulullah (S A W) ne irshad fharmaya: “Marne wale ko jab us kee qabar mai dafan kar dia jata hai, aur us ke friend aur rishtedar return ho jate hain, us ke fauran baad fhir 2 frishte, aate hain, murde ko baitha kar us se sawal karten hain ki: tum Hazrat Mohammad (S A W) ke related tum kya kahte ho? agar marne wala musalman hota hai to fauran jawab de deta hai kee: Mohamamd (S A W) allah ke bande aur us ke rasool hain,” us admi ke jawab se parishte khush hote hain, aur us se kahte hai: zara us taraf dekho wah dozakh aur jahannam hai, agar tum momin na hite to wahi tumhari jagah hoti, lekin us ke badle mai allah ne tumhare liye jannat mai ek jagah de di hai, zara us ko vi dekh lo, (us time Jannat aur Jahannam us aadmi ke samne kar di jaye gi) marne wala un dono ko ek sath dekhe ga, aur allah ka shukr ada kare ga kee allah ne mujhe jahannam se bacha lia.

Agar marne wala Munafiq ya kafir hoga to us se vi Huzoor (S A W) ke bare mai sawal kia jaye ga, magar wah kahe ga kee: mai Hazrat Mohammad (S A W) ke bare kuchh nahi janta, dosre log jo kaha karte the mai vi wahi kahta tha.

Us ke jawab par farishte us se kahen ge: tu ne na to khud jana, aur na jaan kar imaan lane walon kee pairwi kee, us ke baad lohe ke gurzon se us ko mara jaye ga wah zoor se cheekhe ga, us kee is cheekh insan aur jinnat ke elawa us ke aas paas kee sari makhlooq sune gi”
  • [Sahih Bukhari: 1374, Sahih Muslim: 280]

Share:

No comments:

Post a Comment

Ad

Popular Posts

Recent Posts

Ambiya e karam ka full wakiya

Contact us

Name

Email *

Message *