Firon aur Hazrat musa alaihissalam ka wakiya Part 17 | islamic stories and urdu stories

Firon aur Hazrat musa alaihissalam ka wakiya Part 17 | islamic stories and urdu stories

Firon aur Hazrat musa alaihissalam ka wakiya Part 17 | islamic stories and urdu stories
Firon aur Hazrat musa alaihissalam ka wakiya Part 17
Click Here>>Preview Page

Firon or Firouniyo kee Halaakat kee Taraf Rawaangi :-

Quraane Hakeem mai hai kee
“Ab Firoun ne Shaharo mai Jamaa karne waale Bheije, kee yeh Log Ek Thodi Jama’at hai, Aur Beshak Ham Sab kaa Dil Jalaate hai, Aur Beshak Ham Sab Chokanne hai, Too Hamne Unhe Baahar Nikala Baago Aur Chashmo, Aur Khazaano Aur Umda Makaano se, Hamne Aysa hi Kiya Aur Unka Waaris kar Diya Bani Israaeel koo, To Fhirouniyo ne Unka Pichha kiya Din Nikle, Fhir Jab Aamna Saamna Huwa Dono Giroh kaa Musaa Waalo ne kaha Hamko Unhone Aa liya, Musaa (Alayhis Salaam) ne Fharmaya Yu Nahi Beshak Meira RABB Meire Saath hai wah Mujhe Ab Raah deita hai”
(Surah Ash-shu’araa, Aayat-53, 54, 55, 56, 57, 58, 59, 60, 61, 62)

Fhiroun ne Deikha kee Bani Israaeel Moujud nahi hai to Bahot Gusse mai huwa, Usne Har Taraf Apne kaarinde(Agents) Douda kar Apni Fouzo, Lashkaro Aur Apne Tamaam Haamiyo koo Jamaa kar liya Aur Kehne laga kee Bani Israaeel Hamaare Muqaable mai Ek Chhoti si Jama’at hai woh Hameisha Geiz waa Gazab(Gusse) ko Bhadkaate rehte hai, Mei Chaahta hu kee Unko Mukammal Tour par Tabaah waa Barbaad kar Diya jaaye, ALLAH TA’ALA ne Firoun Aur Uski Qoum koo Barbaad karne ke liye Unke Dilo mai Yeh Baat Saabit kardi kee Sab Log Bani Israaeel kaa Pichha karke Unka Mukammal Safaaya kardo, Iss Tarah ALLAH TA’ALA ne Apni Hikmat-E-Kaamela se Un Tamaam Firouniyo ko Barbaad karke Apna Wa’ada Pura Fharma Diya, Firoun koo Maanne waale Tamaam Uske Kehne par Apni Ne’amato Apne Aa’la Qism ke Makaanaat Aur Faldaar Darakhto ke Baagaat(Gardens) Apni Aysh waa Ishrat ke Saamaan koo Chhod kar Bazaahir Bani Israaeel ko Tabaah karne ke liye Chale Jo Dar-Haqiqat Apni hi Barbaadi kee Taraf Chal rahe the,
Fhiroun ke Kehne par Sab Log Jama hoo kar Bani Israaeel ke Pichha karne mai Chal Padhe, Daryaa E Qulzum ke Kinaare par Unke Saamne Pahonch gaye, Bani Israaeel ne Jab Deikha too Kehne lage kee Ab To Ham Pakad liye Jaayenge, Unke Dilo mai Pehle hi Fhiroun kaa Ro’ab Chhipa huwa tha Aur woh Taadaad mai vi Firouniyo se Bahot Kam the Aur Kisi Qism kaa Unke Paas Koi Hathiyaar vi nahi tha, Iss liye Unpar Bahot Zyada Khouf Taari huwa to Hazrat Musaa Alayhis Salaam ne Fharmaya kee Meira RABB TA’ALA Meire Saath hai woh Abhi Meiri Rehnumuaai Fharmaayega.
(Tazkiratul Ambiya Alayhis Salaam, Safa-426, 427)

Firouniyo kaa Garq hona :-

Quraane Azeem mai ALLAH SUBHAANAHU WA TA’ALA Irshaad Fharmata hai
“To Hamne Musaa koo Wahi Fharmaayi kee Darya par Apna Asaa Maar to Jabhi Darya Fat gaya to Har Hissa Ho gaya Jeishe Badaa Pahaad, Aur Waha Qarib Laaye Ham Dusro koo, Aur Hamne Bacha liya Musaa Aur Uske Sab Saath Waalo ko, Fhir Dusro koo Doobo Diya, Beshak Iss mai Zarur Nishaani hai Aur Unme Aksar Musalmaan Naa the, Aur Beshak Tumhaara RABB hi Ijjatwala Maherbaan hai”
(Surah Ash-shu’araa, Aayat-63, 64, 65, 66, 67, 68)

ALLAH TA’ALA ne Hazrat Musaa Alayhis Salaam koo HukmDiya kee Aap Apna Asaa(Laathi) Darya par Maaro, Hazrat Musaa Alayhis Salaam ne Jab Apna Asaa Darya par Maara to Darya Fat gaya, Usne Raasta Chhod Diya, Darmiyaan mai Khushk(Sukha) Raasta Aur Idhar-Udhar Paani kee Bulandi Itni Azeem thi Jeise Bade Bade Pahaad hoo, Bani Israaeel Chunki 12 Qabaail(Qabile) the Ek hi Raaste mai Ek Dusre ke Saath Chalna Munaasib nahi Samajhte the Iss liye Har Qabile ke liye Alaaihida(Alag) Raasta Banaya gaya, Ya’ani Darya mai 12 Raaste Banaaye gaye, Har Raaste ke Daayi-Baayi (Left-Right) Paani kee Bulandi Azeem Azeem Pahaado Jeisi thi, woh kehne lage kee Hame Kya Ma’alum hai kee Hamaare Dusre Bhai Zinda hai yaa Paani mai Garq(Doob) ho Chuke hai, Too Darmiyaan se Roushan-Daano kee Tarah Paani koo Hata Diya gaya, woh Ek Dusre koo Deikhte hue Darya Abur(Paar) kar gaye, Firoun Aur Uske Lashkar ne vi Daryaa mai Raasta Deikh kar Apne Ghode Doudaaye Lekin woh Bani Israaeel koo Na paa Sake,

Fhirouniyo Aur Bani Israaeel ke Darmiyaan Hazrat Jibrail E Ameen Alayhis Salaam the, Joo Bani Israaeel ke Pichhle Logo ke Dilo mai Yeh Baat Daal rahe the kee Jaldi Chalo, Agle Logo se Mil Jaao, Aur Firouniyo ke Dilo mai Yeh Baat Daal rahe the Aahista Chalo Pichhle Logo koo Saath Milne do, Bani Israaeel Jab Darya Abur(Paar) kar Chuke Aur Firouni Abhi Darmiyaan mai hi Pahonche the to Paani Aapas ne Mil gaya Iss Tarah Firoun Aur Uski Qoum ke Tamaam Log Garq ho gaye,
Ek Riwaayat ke Mutaabik yeh 6 Laakh(6,00,000) kee Taadaad mai the, Bani Israaeel yeh Tamaam Manzar Apni Aankho se deikh rahe the.
(Tazkiratul Ambiya Alayhis Salaam, Safaa-427)

ALLAHU AKBER..
Kya Shaan hai Hazrat Musaa Alayhis Salaam kee Aur Sacche Ma’abad RABB TA’ALA kee…
Darya jaha Kitna Paani Rehta hai Uske Bichme Raasta Banana yeh ALLAH TA’ALA kee Azeem Qudrat hai…
Aur Uss Raaste se Apne Pyaare NABI Aur Unki Qoum koo Bina Kuchh Nukshaan Pahonchaye, Sahi Salaamat Pahonchana Aur Uss Waqt tak Paani koo Roke Rakhna yeh vi ALLAH TA’ALA kee Azeem Qudrat hai…
Hame Iss Waaqiye se Ibrat Haasil karni Chaahiye..
Beshak ALLAH TA’ALA Har Chaahe par Qaadir hai..

Quraane Hakeem mai ALLAH TA’ALA Irshaad Fharmata hai
“Aur Ham Bani Israaeel koo Darya Paar le gaye to Firoun Aur Uske Lashkaro ne Unka Pichha kiya Sarkashi Aur Zulm se Yaha Tak kee Jab Use Doobne ne Aa liya Bola Mei Imaan Laaya kee Koi Sachha Ma’abud nahi Siwa Uske Jispar Bani Israaeel Imaan Laaye Aur Mei Musalmaan hu, Kya Ab Aur Pehle se Na-farmaan Raha Aur Tu Fasaadi tha, Aaj Ham Teiri Laash koo Utra Deinge(Baaki Rakhenge) kee Tu Apne Pichhlo ke liye Nishaani ho Aur Beshak Log Hamaari Aayato se Gaafil hei”
(Surah Yunus, Aayat-90, 91, 92)

Subhan Allah..
Maalikul Mulk kee Kitni Azeem Qudrat hai..
ki woh Shaksh Jo Kabhi
“Mei Tumhaara Bada Khuda hu” kaa Da’awa karta tha, Aaj Jab Uski Giraft mai Aata hai Darya mai Shadeed Moujo ke Thappado mai Aate hi Ek Martaba nahi Balki Tin Martaba Imaan lata hai..
Ek Martaba kaha
“Mei Imaan laya”,
Dusri Martaba kaha
“Koi Saccha Ma’abad nahi Siwa Uske Jispar Bani Israaeel Imaan Laaye”
Tisri Martaba kaha
“Aur Mei Musalmaan hu”
Lekin yeh Uska Imaan Qabul Naa huwa Kyunki RABB TA’ALA ke Azaab koo Deikh kar, Farishto kaa Saamna karte hue Imaan Lana Nafa-Mand nahi hoo Sakta,

ALLAH TA’ALA ne Fharmaya Ab Tu Imaan Lata hai Pehle Na-farmaaniya karta Raha Aur Fasaad Feilta raha, Ya’ani Tumhe Imaan Laane kaa Kitna Waqt Diya..?? Kayi Martaba Tujhe Aazmaaisho mai Mubtila karke Imaan Laane kee Taraf Sochne ke Mouka diya, Lekin Uss Waqt Tu Imaan Naa Laya, Ab Garq hone par Teire Imaan Laane koo Qabul nahi kiya Jaa Sakta, Ab to Teire Jism koo Darya kee Moujo se Baahar Feink kar Logo ke liye Nishaani Bana Diya Jaayega, Sabko Pata Chal jaaye kee Aaj Khudaai kaa Da’wedaar Garq hoo kar Murda Haalat mai Padaa hai, Khudaa E  Haqiqi to Woh hai Jo Hameisha ke liye Qaayam waa Daayam hai.
(Tafseere Kabeer, Jild-17, Safa-154)
(Tazkiratul Ambiya Alayhis Salaam, Safa-428)

Click Here>>Next Page
Share:

No comments:

Post a Comment

Ad

Popular Posts

Recent Posts

Ambiya e karam ka full wakiya

Contact us

Name

Email *

Message *