Hazrat musa alahissalam ka nikah ka wakiya Part 7 | islamic stories and urdu stories

Hazrat musa alahissalam ka nikah ka wakiya Part 6 | islamic stories and urdu stories

Hazrat musa alahissalam ka nikah ka wakiya Part 6 | islamic stories and urdu stories
Hazrat musa alahissalam ka nikah ka wakiya
Click Here>>Preview Page

Hazrat musaa alahissalaam kaa nikah hazrat Shoaib kin beti se huwa tha:-

Hazrat Shoaib koi Beita nahi tha Iss liye Aap Hazrat musa alahissalam koo Saath Rakhna Chaahte the, Lihaza Aapne Munaasib Samjha kee Ek Beiti kaa Nikaah Iss Neik Shaksh se Kar Diya jaaye, Hazrat musa alahissalam ne Hazrat Musaa Alayhis Salaam se Mashwara liya kee Agar Tumhaara Nikaah In 2 Beitiyo mai se Ek Se Kar Diya jaaye to Kya Tum Mehar ki Badle 8 Saal Tak Hamaari Khidmat kar Sakoge..??

Yaani 8 Saal to Tum par Waajib honge Mazeed 2 Saal Khidmat karna Mustahab hoga woh Tumhaari Marzi par hai, Hazrat Musaa Alayhis Salaam ne Ise Qabul kar liya Aur Arz kiya kee In 2 Muddato mai se Jo vi Mei Puri karlu Mujhe Yahaa rehne par Mazbur Naa kiya jaaye, Iss Tarah Dono ke Darmiyaan Ma’ahida(Agreement) Tay ho Jaane ke Baad Nikaah ho gaya Aur Hazrat Musaa Alayhis Salaam ne Mehar Adaa karne ke liye Hazrat Shoaib Alayhis Salaam ke Ghar Baheshiyat Daamaade Khidmat karni Shuru kardi, Hazrat Shoaib Alayhis Salaam ne Musaa Alayhis Salaam koo Bakariyo koo Haakne Aur Unhe Darakhto ke Patte Jhaad kar Khilaane ke liye

Ek Asaa diya joo Saagoun ke Darkht(Peid) kee Lakdi kaa Banaa huwa tha Jo Hazrat Aadam Alayhis Salaam Saath Laaye the Aur Fhir Ambiya E Kiraam se Muntaqil hota huwa Hazrat Shoaib Alayhis Salaam tak Pahoncha tha, Ab Musaa Alayhis Salaam ke Paas Aagaya Yahi Asaa Baad mai Aapka Mo’ajiza ban gaya.
(Tafseere Madaarik Bahawaala Tafseere Jalaalein, Safa-329)
(Tazkiratul Ambiya Alayhis Salaam, Safa-386, 387)

Hazrat Shoaib Alayhis Salaam ko Beiti kaa Mashwara :-

Quraane Hakeem mai hai kee
“Unme kee Ek Boli Aye Meire Baap Inko Noukar rakhlo Beshak Behtar Noukar Wah Jo Taaqatwar Amaanatdaar ho”
(Surah Al Qasas, Aayat-26)

Chunki Shoaib Alayhis Salaam kee Beiti Musaa Alayhis Salaam kee Bahaaduri ko deikh chuki thi kee 10 Aaadmiyo ke Nikaalne waale Doul(Bucket) ko Aap Alayhis Salaam ne Akele hi Nikaal liya Aur Bhaari Patther koo Akele hi Kunwe ke Moonh se Hataa Diya Aur Aapke Taqwe ko vi Deikh chuki thi kee Unse Sawaal karne mai Aap Alayhis Salaam kee Nigaahe Nichi thi Aur Unke Saath Chalte hue vi yahi Kahaa kee Tum Pichhe Pichhe Chalo Mei Aage Chalta hu Tum Mujhe Pichhe se Raasta Bataati Aana,

Hazrat Shoaib Alayhis Salaam kee Beiti ne Mashwara Waalid se hi kiya Kyun ki Aap Jaanti thi kee Hamaare Waalid Apni Shariyat ke Mutaabiq Kisi Shaksh ko Apne Paas Rakh kar Usse Batoure Mahar Khidmat le kar Hamaara Nikaah Usse Karna hai.
(Tazkiratul Ambiya Alayhis Salaam, Safa-385, 386)

Hazrat Musaa Alayhis Salaam Hazrat Shoaib Alayhis Salaam ke Paas Kitni Muddat tak rahe..?:-

Hazrat Shoaib Alayhis ne 8 Saal yaa 10 Saal Khidmat karne ke Muta’alaq kaha tha, Hazrat Musaa Alayhis Salaam ne In Dono mai se Konsi Muddat Puri ki Uske Baare mai Hai kee Hazrat Musaa Alayhis Salaam ne Aksar Muddat Yaani 10 Saal Mukammal Khidmat kee thi(Kyunki 8 Saal to Waajib the Aur Upar 2 Saal Mustahab the Jo Paakiza Aur Zyada Sawaab kaa Zariya the Iss liye Aap Alayhis Salaam ne Zyada Sawaab Waali Muddat koo vi Yaqinan Puraa kiya) Aur ALLAH TA’ALA Kaa RASOOL Jo kehta hai Uss Par Amal karta hai.
(Roohul Ma’ani, Jild-11, Safa-71)
(Tazkiratul Ambiya Alayhis Salaam, Safa-387)

Hazrat Musaa Alayhis Salaam Tuwaa mai :-

Quraane Azeem mai ALLAH TA’ALA Irshaad Fharmata hai
“Fhir Jab Aaag ke Paas Haazir huwa Pukaar kee gayi Meidaan ke Daaye Kinaare se Barkat Waale Maqaam Mai Peid se kee Aye Musaa Beshak Mei hi hu ALLAH, RABB Saare Jahaa kaa”
(Surah Al Qasas, Aayat-30)

Ek Aur Jagah Irshaad Fharmata hai
“Ay Musaa, Beshak Mei Teira RABB hu To Tu Apne Jute Utaar Daal Beshak Tu Paak Jangal Tuwaa mai hai”
(Surah Taahaa, Aayat-12)

Hazrat Musaa Alayhis Salaam Aaag ke Azeeb Manzar kee Soch mai Gum the kee Aap Alayhis Salaam ko Aaawaz di gayi
“Aye Musaa, Beshak Mei Teira RABB hun To Tu Apne Jute Utaar Daal Beshak Tu Paak Jangal Tuwaa me he”

ALLAH TA’ALA ne Hazrat Musaa Alayhis Salaam koo Apne Fazl waa Karam se yeh Ilm de Diya kee Hazrat Musaa Alayhis Salaam ne Aaawaz koo Soon kar Samajh liya Aur Yaqin kar liya kee yeh Meire RABB kee Aaawaz hai, ALLAH TA’ALA kee Aaawaz Kisi Makaan se Nahi Aa rahi thi Woh Makaan se Paak hai Uss Aaawaz kee Kefiyat ko bhi Bayaan nahi kiya Jaa Sakta,

Hazrat Musaa Alayhis Salaam ne Jab Darakht(Peid) se Aaasmaan kee Taraf Uthne Waale Noor koo Deikha Aur Usme Farishto kee Tasbihaat koo Soona Aur Aap Alayhis Salaam koo Jab yeh Aaawaz dee gayi to Aap Alayhis Salaam Aaankho par Haath Rakh kar Arz kiya Labbeik Mai Haazir hu Mei Teiri Aaawaz to Soon rahaa hu, Tujhe Deikh nahi Raha, Tu Kahaa hai…??
RABB TA’ALA kee Taraf se Aaawaz Aayi
“Mei Tumhaare Paas hu, Tumhaare Saamne hu, Tumhaare Pichhe hu, Tumhaara Aehaata kiye hue hu Aur Tum se vi Tumhaare Zyada Qarib hu”,

Hazrat Musaa Alayhis Salaam ne Tamaam Was-wasaat ko Baalaaye Taaq Rakhte hue Kahaa
Mei ALLAH TA’ALA kee Aaawaz koo Apne Upar se Aur Apne Nichhe se Aur Apne Pichhe se Aur Apne Daai Taraf se Aur Apni Baai Taraf se Ayse hi Soon rahaa hu Jeise Saamne se Soon Raha hun, Mujhe Yaqin hoo gaya yeh Kalaam Makhluq mai se Kisi ka vi Nahi ho Sakta..

“Ay Musaa, Beshak Mei Teira RABB hun To Tu Apne Jute Utaar Daal”
Ek To Iska Mashoor wa Ma’aruf Matlab yeh hai kee Hazrat Musaa Alayhis Salaam Paakiza Jagah Aagaye hai Jahaa Meiri Tajalliyaat kaa Zahur ho Raha hai Aur Mei Tumse Ham Kalaam hu Iss liye Adab kaa Taqaaza yeh hai ki Tum Apne Jute Utaar do,

Ek Aur Wajah Jute Utaarne kee yeh thi kee Hazrat Musaa Alayhis Salaam koo Jute Utaarne kaa Hukm Iss liye Diya gaya tha kee Aap Alayhis Salaam ke Qadmo ko Uss Sar-Zamin kee Barkat Haasil ho jaaye
(Tafseere Kabeer, Jild-22, Safa-17)

Ek Aur Wajah yeh vi Bayaan kee gayi hai kee
Khwaab mai Jutaa deikhne se Muraad Zouja Aur Aulaad liya jata hai Ab Ma’ani yeh hoga kee Aap Apne Dil mai Zouja Aur Bacche kaa Khyaal Naa rakhe, Unki Taraf Mashgul Naa hoo, Balki Khaalis Tawajjo Meiri Zaate Kibriyaai kee Taraf hoo, Aur Matlab yeh vi ho Sakta hai kee Duniya Aur Aakhirat ko Chhod do Goya kee Aap ko Hukm Diya gaya kee Aap kaa Dil ALLAH TA’ALA ke Siwaa Kisi kee Taraf Tawajjo Naa kare Balki Mukammal Tour par Tum ALLAH TA’ALA kee Ma’arefat mai Apne Dil koo Dubaa do.
(Tafseere Kabeer, Jild-22, Safa-17)
(Tazkiratul Ambiya Alayhis Salaam, Safa-389, 390)

SubhanAllah…
Hazrat Musaa Alayhis Salaam ke Iss Waaqiye se Imaan Taaza ho gaya…

Click Here>>Next Page
Share:

No comments:

Post a Comment

Popular Posts

Recent Posts

Ambiya e karam ka full wakiya

Contact us

Name

Email *

Message *