Hazrat Musa alaihissalam k mojizat Part 8 | islamic stories and urdu stories

Hazrat Musa alaihissalam k mojizat Part 8 | islamic stories and urdu stories

Hazrat Musa alaihissalam k mojizat Part 8 | islamic stories and urdu stories
Hazrat Musa alaihissalam k mojizat
Click Here>>Preview Page

Hazrat Musa alaihissalam  ka Misr ke Liye Tashreef le Jana :-

Quraane Paak mai hai kee
“Fhir Jab Musaa(Alayhis Salaam) ne Apni Miaad Puri kar di Aur Apni Bibi koo Lekar Chalaa Toor kee Taraf se Ek Aaag deikhi Apni Ghar Waali Se Kahaa Tum Thehro Mujhe Toor kee Taraf se Ek Aaag Nazar Padi hai Shaayad Mai Wahaa se Kuchh Khabar Laau yaa Tumhaare Liye Koi Aaag kee Chingaari Laau kee Tum Taapo”.
(Surah Al Qasas, Aayat-29)

10 Saal Jab Hazrat Musaa Alayhis Salaam ne Khidmat ke Mukammal kar liye to Aap Alayhis Salaam ne Hazrat Shoaib Alayhis Salaam se Misr Jaane kee Ijaajat Talab kee Taaki Apni Waalida Aur Apne Bhai se Mulaaqaat Kare Aur yeh Khayaal kiya kee Qibti ke Qatl ko vi Kaafi Arsaa Guzar Chuka hai Ab Ma’amla Kuchh Thanda ho Chuka hoga, Hazraat Shoaib Alayhis Salaam ne Aapko Ijaajat de di,

Hazrat Musa alaihissalam ne Apni Aheliya(Zouja/Biwi) ko Saath liya Ek Sawaari Aur Kuchh Bakariya vi Saath thi, Mukhtasar Saaman-E-Safar Zaruriyaat ke liye Saath liya Aur Shaam ke Baadshaho ke Khatre ke Peishe-Nazar Aap Alayhis Salaam ne Aam Raaste ko Chhod kar Ek Aur Sharaai Raasta Ikhtayaar kiya,

Aap Alayhis Salaam Raasta Bhul gaye Aur Bakariya Wageira vi Alag Alag ho gayi Aur Paani Wageira vi Paas nahi tha, Toor kee Garbi Jaanib (West side) mai Jab Aap Alayhis Salaam Pahonche to Jumma kee Raat ko Jo Bahot Zyada Sard (Thand) thi Aap Alayhis Salaam ke Beite kee Peidaaish Hui, Aap Alayhis Salaam ne Toor kee Baai Jaanib Raaste mai Aaag deikhi To Apni Zouja koo Kahaa
“Tum Yahaa hi Thehro kee mai Wahaa se Aaag kee Chingaari le Aau yaa Wahaa se Aaag Silgaa kar Laau Taaki Tum Taap Sako Aur Sardi kam Mahsus ho”,

Hazrat Musa alaihissalam Jab Aaye to Deikha kee Aaag Aahista Aahista Sho’ale Maar rahi hai, Jab Qareeb Aaye to Aaag ne Shiddat(Intensity) Ikhteyaar karli, Bahot Bade Sho’ale Maarne Waali Aaag Nazar Aayi, Azeeb Manzar yeh tha kee Aaag Ek Darakht(Peid) se Nikal rahi thi Aaag Jitni Zyada hoti Chali Jaati hai Usi Tarah Darkht ke Patte vi Zyada Sabz(Green) hote Chale Jaate hai, Aap Alayhis Salaam Usi Sochh mai Kuchh deir tak Gum rahe Aaag kee Shiddat Kahaa Aur Darkht ke Patto ka Sabz hona Kaha..??
Kaafi deir Sochne ke Baad Agarche Zahan ne koi Feishla Naa kiya Taaham Khyaal kiya kee Aaag Silgaa kar le Jaau Jab Aap Alayhis Salaam Iraada karte hai kee Aaag Silgaau to Aaag Door ho Jaati hai Fhir Soch mai Gum ho Jaate hai.
(Roohul Ma’ani, Jild-9, Hissa-1, Safa-165)
(Tazkiratul Ambiya Alayhis Salaam, Safa-387, 388)

Hazrat Musa alaihissalam koo Mo’ajizaat Ataa hona :-

Quraane Majeed mai ALLAH TA’ALA Irshaad Fharmata hai
“Aur Yah Teire Daaye Haath mai Kya hai Aye Musaa, Arz kee Yah Meira Asaa(Laathi) hai Mei Iss Par Sahaara Lagaata hu Aur Isse Apni Bakariyo par Patte Jhaadta hu Aur Meire Isme Aur Kaam hai, Fharmaya Ise Daal de Aye Musaa, To Musaa(Alayhis Salaam) ne Daal Diya to Jabhi Wah Doudta huwa Saanp ho gaya, Fharmaya Ise Uthaa le Aur Dar nahi Ab Ham Ise Fhir Pahle kee Tarah kar deinge, Aur Apna Haath Apne Baazu se Milaa Khub Safeid Niklega Be Kisi Marz ke, Ek Aur Nishaani kee Ham Tujhe Apni Badi Badi Nishaaniya Dikhaaye”
(Surah Taahaa, Aayat-17, 18, 19, 20, 21, 22, 23)

ALLAH TA’ALA ne Hazrat Musaa Alayhis Salaam se Puchha Tumhaare Daaye Haath mai Kya hai…??
Isme Hikmat yeh thi ki Aap Alayhis Salaam Jab Jawaab deinge ki yeh Asaa(Laathi) hai to Fhir Asdaa(Ajgar/Dragon) Banne par Aap ko Koi Khouf nahi hoga kee yeh to wahi Asaa hai Jo Abhi Meine Feinka tha,
(Tafseere Kabeer, Jild-22, Safa-24, 25)

Aur Hazrat Musaa Alayhis Salaam ne Arz kee Mei Iss Par Sahaara Lagaata hu, Iss se Patte Jhaad kar Apni Bakariyo ko Khilata hu Aur vi Iss se Mei Munaafe(Profit) Haasil Karta hu..

Hazrat Musaa Alayhis Salaam ne Asaa ko Jab Zameen par Dala to woh Saanp (Snake) ban gaya,
Jab Aap Alayhis Salaam Asaa ko Feinkte to Ibtedaai(Shuruaati) Tour par wo Baarik Saanp ban jata Fhir Aahista Aahista Feilta jata Aur Bada Asdaa(Ajgar/Dragon) Ban Jata, ya Surat yeh thi kee woh Jism ke Lihaaz par to Bahot Badaa Saanp(Asdaa) Ban Jata Lekin Doud Aur Furti mai Baarik Saanp kee Tarah hota,
(Tafseere Kabeer, Jild-22)

Hazrat Musa alaihissalamko Ek Mo’ajiza yeh Ataa huwa kee Aap Alayhis Salaam Apne Asaa koo Zameen par Daalte hai to woh Asdaa(Ajgar/Dragon) ban jata hai Aur Jab Use Pakad te hai to woh Fhir Apni Asali Haalat kee Taraf Lout kar Asaa ban Jata hai, Dusra Mo’ajiza Aap Alayhis Salaam koo yeh Ataa huwa kee Aap ko Apne Daaye Haath koo Bagal ke Niche Baazu se Lagaate Aur Fhir Baahar Nikaalte to woh Safeid Chamakdaar ho jata Jo Nazro par Chha jata.
(Tazkiratul Ambiya Alayhis Salaam, Safa-392, 393)

Note :-Hazrat Musa alaihissalam se ALLAH TA’ALA ke Kalaam ko Aaam Logo ke Saamne Zaahir kar Diya gaya kee RABB TA’ALA ne Aap Alayhis Salaam se Kya Fharmaya Aur Aap Alayhis Salaam ne Kya Arz kiya Lekin Jo Baate Hamaare HUZOOR NABI E KAREEM Sallallaho Alayhe Wasallam Aur ALLAH TA’ALA ke Darmiyaan Hui woh HUZOOR Sallallaho Alayhe Wasallam ke Aur ALLAH TA’ALA ke Darmiyaan Raaz kee Baate thi Makhluq se koi Iska Ahal hi Nahi tha kee Use Bataya Jata.
(Tazkiratul Ambiya Alayhis Salaam, Safa-392)

Hazrat Musaa Alayhis Salaam koo ALLAH TA’ALA ke Irshaadaat :-

Quraane Hakeem mai ALLAH RABBUL IZZAT Irshaad Fharmata hai
“Aur Meine Tujhe Pasand kiya Ab Kaan Lagaa kar Soon Jo Tujhe Wahi Hoti hai, Beshak Mei hi hu ALLAH kee Meire Siwaa Koi Ma’abud nahi too Meiri Bandagi kar Aur Meiri Yaad ke liye Namaaz Qaayam Rakh, Beshak Qayaamat Aane Waali hai Qarib tha kee Mei Use Sabse Chhipaau kee Har Jaan Apni Koshis kaa Badlaa Paaye, To Hargiz Tujhe Uske Maanne se Wah Baaz Naa Rakhe Jo Uss Par Imaan Nahi Laata Aur Apni Khwaaish ke Pichhe Chalaa Fhir Tu Halaak ho Jaaye”
(Surah Taahaa, Aayat-13, 14, 15, 16)

RABB TA’ALA ne Fharmaya Musaa Meine Apni Risaalat waa Nabuwwat ke liye Tumhe Tamaam Logo Aur Tumhaari Qoum se Chun liya hai, Iss liye Ab Mei Tumhe Wahi karne Lagaa hu Tum Kaamil Tawajjo se Sunna,
RABB TA’ALA ke Iss Hukm koo Sunte hi Hazrat Musaa Alayhis Salaam Ek Patther par Khade hoo gaye Aur Ek Patther se Sahaara Lagaa liya, Apne Daaye Haath ko Dusre Haath par Rakha Apni Thodee ko Apne Sine se Lagaaya Aur Kaamil Tariqe se ALLAH TA’ALA ke Kalaam koo Sunne kee Taraf Mutawajjeh ho gaye,

Fhir ALLAH TA’ALA ne Sabse Pehle Apni Wahdaaniyat kaa Zikr Fharmaya Kyun ki Uski Zaat waa Sifaat par Imaan Lana Asal-ul-Usul(Sab Usulo kee Asal) hai, Fhir Apni Ibaadat karne kaa Hukm Diya, Fhir Namaaz kaa Hukm Diya ki yeh Meiri Yaad kaa Zariya hai, Fhir Qayaamat kaa Zikr Fharmaya Kyun ki Jise yeh Yaqin hoga kee Qayaamat Aaani hai Aur Neikiyo Aur Buraaiyo kaa Hisaab hona hai wahi Shaksh Imaan laayega Aur Ibaadat vi Karega Aur Hurmaat se Ijtenaab vi Karega, Fhir Qayaamat ko Mukhaffi(Secret) Rakhne kaa Zikr Fharmaya Iss liye kee Agar Waqt Bataa Diya jata too Log Kehte Abhi Qayaamat Door hai, Dusre Maqaam par Qayaamat ke Qarib hone kaa Zikr Fharmaya, Yaqinan Qayaamat Qarib hai.
(Tazkiratul Ambiya Alayhis Salaam, Safa-390, 391)

Click Here>>Next Page
Share:

No comments:

Post a Comment

Popular Posts

Recent Posts

Ambiya e karam ka full wakiya

Contact us

Name

Email *

Message *