Hazrat musa alaihissalam ki mukammal wakiya Part 5 | islamic stories and urdu stories

Hazrat musa alaihissalam ki mukammal wakiya Part 5 | islamic stories and urdu stories

islamic stories and urdu stories
Hazrat musa alaihissalam ki mukammal wakiya
Click Here>>Preview Page

“Hazrat musa alaihissalaam” kaa Radd e Baatil Shuru karna :-

“Hazrat musaa alaihissalaam” Apni Waalida ke Paas Dhoodh Pine ke Zamaane tak rahe, Dhoodh Chhut ne ke Baad Aap ki Waalida Hazrat Musaa Alayhis Salaam ko Firoun ke Paas le Aayi Aur Aap Alayhis Salaam waha Palte rahe, Hazrat Musaa Alayhis Salaam ko Roz e Awwal se hi Apni Waalida ke Paas Rehne Aur Unki Baate Sunne kaa Mouqa Mil gaya tha, Saari Surate Haal(Haqiqat) se Aap Alayhis Salaam Achhi Tarah Aagah hoo gaye, Aap Alayhis Salaam koo Apne Jaleelul Qadr Aaabaa’a-Ajdaad(Baap-Dada) ke Mansabe Nabuwwat par Aagaahi hoo chuki thi, Aap Alayhis Salaam ne Jab deikha kee Firoun Khuda Ban Beitha hai Aur Logo se Apni Parastish(Pujaa) karaata hai to Aap kaa Touhid-Parast Zahan Uss Shirk koo Zyada Arsha Gawara Naa kar Saka Aur Aap Alayhis Salaam ke Jalaal Mizaaj ne Firoun ko Uss Na-Pasand Harkat par Tokaa Aur Aapne Firoun Aur Firouniyo kee Gumraahi kaa Radd Shuru kar Diya, Bani Israaeel Aapki Baat Sunte Aur Aapki Itteba karte Aahista Aahista Iskaa Charcha hoo gaya, Firoun koo vi Baraah-Raast(Direct) Khudaai Da’we se Touk Chuke the, Iss liye Qate Ta’aluq(Ta’aluq Todne) tak Nabuwwat Jaa Pahonchi Aur Aap Alayhis Salaam ko Mujrim Aur Baagi Samjha Jaane laga (MaazAllah..), Chunanche Uske Shar se Apne Aapko Mehfuz karne ke liye Rupush(Chhup) hoo gaye Aur Agar Kisi Zaruri Kaam ke liye Aapko Shahar mai Aana Padta to Ayse Waqt Shahar mai Aate kee Kaano kaan Kisi ko Khabar Na hoti,

Ek Qoul mai hai ki Aap Alayhis Salaam ke Shahar mai Chhip kar Daakhil hone kee wajah ye hai kee Hazrat Musaa Alayhis Salaam ne Firoun ke Saath Ikhtelaaf ko Zaahir Farma Diya Aur Firouniyo ke Buto Aur Firoun ki Ibaadat kee Mazammat kee To Unki Taraf se Sadeed Radd-e-Amal huwa Jiski Wajah se Aap Alayhis Salaam ne Apne Aapko Mehfuz karne ke liye Poshida(Chhipe) Rehne kee Raah Ikhtayaar kee.
(Tafseere Qurtubi, Jild-7, Safa-260)
(Tazkiratul Ambiya Alayhis Salaam, Safa-378, 379)

“Hazrat musa alaihissalam” kaa Qibti ko Ghunsaa(Mukka) Maarna:-


Quraane Majeed mai hai kee
“Aur Uss Shahar mai Daakhil huwa Jiss Waqt Shahar Waale Dophar ke Khwaab mai Be-khabar the to Usme 2 Mard Ladte Paaye Ek Musaa(Alayhis Salaam) ke Giroh se tha Aur Dusra Uske Dushmano se to Wah Jo Uske Giroh se tha Usne Musaa(Alayhis Salaam) se Madad Maangi Uss par Jo Uske Dushmano se tha To Musaa(Alayhis Salaam) ne Use Ghunsaa Mara to Uska Kaam Tamaam kar Diya Kahaa yah Kaam Seitaan kee Taraf se huwa Beshak wah Dushman hai Khulaa Gumraah karne Wala, Arz kee Ay Meire RABB Meine Apni Jaan par Ziyaadati kee To Mujhe Bakhsh de to RABB ne Use Bakhsh diya Beshak Wahi Bakhshne Wala Maherbaan hai, Arz kee Ay Meire RABB Jeisaa Tune Mujpar Ahesaan kiya to Ab Hargiz Mei Mujrimo kaa Madadgaar Naa Hunga”
(Surah Al Qasas, Aayat-15, 16, 17)

Jab Hazrat Musaa Alayhis Salaam Shahar mai Daakhil hue to Deikha kee 2 Aadmi Aapas mai Dast wa Girebaan hai Ek Israaeeli Aur Dusra Qibti, Israaeeli ne Aap Alayhis Salaam ko Madad ke liye Pukara, Aap Alayhis Salaam Aage Badhe kee Qibti ko Dast Daraazi(Ladne) se Manaa Kiya, Aap Alayhis Salaam ne Qibti se kaha kee Israaeeli par Zulm Naa karo, Use Chhod do, Lekin Wah Na Mana Aur Bura Bhalaa kehne Lagaa to Hazrat Musaa Alayhis Salaam ne Usko Uss Zulm se Rokne ke liye Ghunsaa(Mukka) Mara, Use Qatl karne kaa Iraada Naa tha Lekin woh Mukka Jaan-Leiwa Saabit huwa Aur Uska Qissa Tamaam ho gaya(Yaani wah Mar gaya),

Ek Qoul mai Un 2no ke Ladne kee Wajah Bayaan ki hai ki woh Qibti Israaeeli ko Lakadiyo ka ek Bhaari Gattha(Lakdi ka Bouj) Uthaane kaa Hukm de Raha tha Usne Uthaane se Inkaar kar Diya, Chunanche Uss Qibti ne Haakim Qoum kaa Fard hote hue Zabardasti Shuru kee, Itne mai Hazrat Musaa Alayhis Salaam Tashreef Laaye Aur Israaeeli ne Aap Alayhis Salaam se Faryaad kee Aur Hazrat Musaa Alayhis Salaam ne Uski Fariyaadrasi kee, Mahaz Is liye Nahi kee Fariyaad Karne Wala Israaeeli tha balki Uski Wajah ye thi kee Har Mazlum kee Madad karna Har Deen mai Farz hai,
(Tafseere Qurtubi, Jild-7, Safa-260)
(Tazkiratul Ambiya Alayhis, Safa-379)

Qatl kaa Raaz Zaahir hona:-

Quraan Shareef mai hai kee
“To Subah kee Uss Shahar mai Darte hue Intezaar mai kee Kya hota hai Jabhi deikha kee wah Jisne Kal Unse Madad Chaahi thi Fariyaad kar rahaa hai Musaa(Alayhis Salaam) ne Usse Fharmaya Beshak Tu Khulaa Gumraah hai, To Jab Musaa(Alayhis Salaam) ne Chaha kee Uss Par Giraft Kare Jo Un Douno ka Dusman hai wah Bola Ay Musaa(Alayhis Salaam) Kya Tum Mujhe Veisaa hi Qatl karna Chaahte ho Jeisaa Tumne Kal Ek Shaksh ko Qatl kar Diya Tum yahi Chaahte ho kee Zamin mai Shakhtgir Bano Aur Islaah karna Nahi Chaahte”
(Surah Al Qasas, Aayat-18, 19)

Firoun kee Qoum ke Logo ne Firoun ko Khabar di kee Kisi Bani Israaeeli ne Hamaare Ek Aadmi ko Maar dala hai Uss Par Firoun ne Kahaa kee Qaatil Aur Gawaaho ko Talaash karo, Firouni Gast karte firte the Aur Unhe Koi Saboot nahi Mila tha, Dusre Din Jab Hazrat Musaa Alayhis Salaam ko Fhir Ittefaaq Peish Aaaya kee wahi Bani Israaeel Jisne Ek Din Pehle Unse Madad chaahi thi Aaj vi fhir Ek Firouni se Lad rahaa tha Aur Hazrat Musaa Alayhis Salaam ko deikh kar Unse Fariyaad Karne lagaa Tab Hazrat Musaa Alayhis Salaam ne Fahrmaya Beshak Tu Khulaa Gumraah hai Yaani Har Rouz Logo se ladta hi rahta hai, Apne Aapko vi Musibat Aur Pareshaani mai Daalta hai Aur Apne Madadgaaro ko vi Aur Ahtiyaat kyu nahi karta, Aap Alayhis Salaam ne Khub Daant ke Tour par Irshaad Fharmaya,

Fhir Hazrat Musaa Alayhis Salaam ko Uss Par Rahem vi Aagaya kee Firouni Bade Zaalim hai, Lihaza Uski Imdaad karni hi Chaahiye, Jab Aap Alayhis Salaam Aage Badhe kee Apne Aur Bani Israaeeli ke Dushman kee Gifat Kare to Uss Bani Israaeeli ne Galat-fehmi mai Khouf karte hue Samjha kee Aaj Shaayad Meira Kaam Tamaam karna Chaahte hai kaha kee Ay Musaa Alayhis Salaam Aaj Tum Mujhe Qatl karna Chaahte hoo Jeise kal Ek Shaksh ko Tumne Qatl kar Diya tha…?,
Uska ye kehna hi tha kee Raaz Khul gaya kee Kal Firouni ko Qatl Musaa Alayhis Salaam ne kiya hai, Jab Firoun ko ye Khabar Mili to Usne Musaa Alayhis Salaam ko Qatl karne kaa Hukm Naafiz kar Diya Log Aap ko Talaash karne lage.
(Tafseere Khzaainul Irfaan, Safa-465)
(Tazkiratul Ambiya Alayhis Salaam, Safa-381)

“Hazrat musa alaihissalam” kaa Madyan kee Taraf Hijrat karna:-

Quraane Hakeem mai hai kee
“To Uss Shahar se Nikle Darte huwe Iss Intezaar mai kee Ab Kya hotaa hai Arz kee Ay Meire RABB Mujhe Sitamgaaro (Zaalimo) se Bachaa le, Aur Jab Madyan ki Taraf Mutawajjeh huwe Kahaa Qarib hai Kee Meira RABB Mujhe Sidhi Raah Bataaye”
(Surah Al Qasas, Aayat-21, 22)

Madyan se Muraad woh Shahar hai Jahaa Hazrat Shoaib Alayhis Salaam Tashreef Farmaa the, Us Shahar koo Madyan Bin Ibhraahim kee Taraf Mansub kiya gaya tha, Misr Aur Madyan mai 8 Dino kee Doori thi, Iss Shahar par Firoun kee Hukmuraani Nahi thi, Isi Wajah se ALLAH TA’ALA ne Aap Alayhis Salaam koo Ishi Shahar kee Taraf Jaane kee Hidaayat di, Hazrat Musaa Alayhis Salaam ne ye Shahar Iss se Pehle Kabhi Naa deikha tha Aur Naa hi Iskaa Raasta Jaante the, Koi Sawaari Paas nahi thi Raaste kaa koi Kharch Apne Paas nahi tha, Sirf Darakhto ke Patto par Guzar kar ke Aap Alayhis Salaam ne Raaste kee Doori Koo Tay kiya, Raasta Dikhaane ke liye ALLAH TA’ALA ne Jibrail Alayhis Salaam koo Muqarrar Fharmaya, Firouni Log Aapko Talaash Karte rahe Lekin Aap Alayhis Salaam koo Talaash Naa kar Sake Kyun ki Madyan koo Jaane Waale 3 Raaste the Aap Alayhis Salaam ne Darmiyaani Raah koo Ikhtayaar kiya Aur woh Dusre Raasto par Aapko Talaash kar rahe the, Jab RABB TA’ALA Aap Alayhis Salaam kee Hifaazat kar rahaa tha to woh Aapko Talaash kar vi keise Sakte the…?
(Tafseere Roohul Ma’ani, Jild-11, Hissa-1, Safa-59)
(Tazkiratul Ambiya Alayhis Salaam, Safa-382)

Click Here>>Next Page
Share:

No comments:

Post a Comment

Popular Posts

Recent Posts

Ambiya e karam ka full wakiya

Contact us

Name

Email *

Message *