Hazrat Isa Alaihissalam ke paida hone ka waqya part 6 | islamic stories and urdu stories

Hazrat Isa Alaihissalam ke paida hone ka waqya part 6 | islamic stories and urdu stories

Hazrat Isa Alaihissalam ke paida hone ka waqya part 6 | islamic stories and urdu stories
Hazrat Isa Alaihissalam ke paida hone ka waqya
Click Here>>Preview Page
Click Here>>Page 1

Hazrat Maryam Alayhis Salaam ke Paas Hazrat Jibrail Alayhis Salaam kaa Aana hazrat isa kee paidaish kaa muzda :-

Quraane Kareem mai hai kee
“Aur Kitaab mai Maryam Koo Yaad karo Jab Apne Ghar Waalo se Purab kee Taraf Ek Jagah Alag hoo gayi, Too Unse Udhar Ek Parda Kar liya Too Uss ki Taraf Hamne Apnaa Roohani Bheija Wah Usske Saamne Ek Tandurast Aadmi Ke Roop mai Jaahir huwa”
(Surah Mariyam, Aayat-16, 17)

Hazarat Maryam ne Tamaam se Alaaiheda(Alag) hoo kar Beitul Muqaddas kee Mashriqi(Purab) Jaanib Koo Ikhteyaar kiya, Taaki Ibaadat ke liye Aap Koo Khalwat(Tanhaai) Haasilh hoo sake, Issi Wajah se Aap Alayhiss Salaam ne Alaaihedaa(Alag) Parde Koo vi Ikhteyaar kiya kee Koi Aap kee Ibaadat mai Khalel Andaaz Naa hoo Sake,

Hazrat Maryam Alayhis Salaam koo Gusl Khana mai Jaate hue Ek Shaksh Nazar Aaya, Joo Bada Waji’a, Chamakdaar Aur Khubsurat Uss kaa Rang tha Aur Uss ke Ghungariyale Baal the, Yeh Hazat Jibrail Alayhis Salaam the,

Hazrat Jibrail Alayhis Salaam Maryam ke Paas Kaamil Insaani Shakl mai the, Ya’ani Insaani Awsaaf se koi vi Aap mai Kami Nazar Nahi Aati Thi Balki Kaamil Insaan Nazar Aate the, Hazrat Jibrail Alayhis Salaam Kaamil Bashar Nazar Aane ke Bawajood vi Noor the, Hazrat Jibrail Alayhis Salaam Haqiqat mai Noor Aur Jaahir mai Bashar the,
(Tazkiratul Ambiya Alayhis Salaam, Safa-499)

Hazrat Mariyam Alayhis Salaam kaa Khouf Aur Hazrat Jibrail Alayhis Salaam kaa Tasalli deina :-

Quraane Majeed mai hai kee
“Boli Mai Tujhse REHMAAN kee Panaah Maangti hu Agar Tujhe KHUDA kaa Dar hai, Bola Mai Teire RABB kaa Bheija huwa hu kee Mai Tujhe Ek Suthra Beita Du”
(Surah Mariyam, Aayat-18, 19)

Ek Ajnabi Insaan koo Deikh kar Hazrat Mariyam Alayhis Salaam par Khouf Taari hoo Gaya kee Ma’alum nahi ye Insaan Meire Paas Kahaa se kiss Iraade se Aa Gaya..??
Fouran kaha KHUDA kee Panaah Agar Tu Muttaqi Shaksh hai, RABB kaa Tujhe Koi Khouf hai too Door hoo Jaa, Meire Parde mai Khalel Andaaz Naa Ban,

Hazrat Jibrail Alayhis Salaam ne kahaa Mei Tumhaare RABB kaa Bheija huwa hu,
Ek Riwaayat mai hai kee Hazrat Mariyam Alayhis Salaam ne RABB kee Panaah Talab kee too Hazrat Jibrail Alayhis Salaam ne Muskura kar kaha Mai Tumhaari Qameez mai Foonk Maar kar Tumhe Paakiza Aur Suthra Beita deine ke liye Aaya hu Yani Aysa Beita Ataa karne ke liye Joo Gunaaho kee Aaludgi se Paak waa Saaf hoga Uss ke Neik Aamal mai Roz Baroz Izafa(Badotari) hota rahega Aur Makaame Nabuwwat par Faiz hoga.
(Tafseere Kabeer, Jild-21, Safa-196)
(Tafseere Roohul Ma’ani, Jild-9, Hissa-1, Safa-77)

Note :-Haqiqat mai Farzand Ataa Fharmaane Wala ALLAH TABARAK WA TA’ALA hai Lekin Hazrat Jibrail Alayhis Salaam kyuki Uss Ataa kaa Sabab Aur Zariya hai, Iss liye Batoure Mijaaz Farzand deine kee Nisbat Apni Taraf kardi, Iss se Ma’alum huwa kee ALLAH TA’ALA kee Ne’amato mai se Agar Kisi Ne’amat ke Milne koo Uss ke Zariye Aur Waaste kee Taraf Mansub kiya jaaye Aur Yaqin hoo kee Man’ame Haqiqi ALLAH TA’ALA hai to Aysi Nisbat Durust(Sahih/Thik) hai,
(Tafseere Ziyaa ul Quraan, Jild-3, Safa-73)
(Tazkiratul Ambiya Alayhis Salaam, Safa-500)

Hazrat Mariyam Alayhis Salaam kee Heirat Aur Badh Gayi :-

Quraan E Majeed mai hai kee
“Boli Meire Ladka kaha se hoga Mujhe too Kisi Aadmi ne Haath Naa lagaya Naa Mai Badkaar hu, Kaha Yunhi hai Teire RABB ne Fharmaya Hai kee Yeh Mujhe Aasaan hai Aur Iss liye kee Hum Use Logo ke Waaste Nishaani Kare Aur Apni Taraf se Ek Rahmat Aur Yah Kaam Thahar Chuka hai”
(Surah Mariyam, Aayat-20, 21)

Aap Koo Ye Soon kar Itna Zyada Ta’ajub huwa Aur Aap ne Isse Aql se Baeed(Mushkil/Asambhav) Samajhte hue yeh kaha Meira Beita Keise hogaa…??
Aap Koo Heiraangi kee Wajah se Iss ki Taraf Tawajjo hi nahi rahi kee Mujhe Ek Farishta Keh Raha hai kee Mai Tumhe Ek Suthra Beita Deine ke liye Aaya hu,
(Tafseere Roohul Ma’ani, Jild-9, Hissa-1, Safa-78)

Aap ne yahi Samjha kee Beita to Aadat ke Mutaabiq hee Peida hoo Sakta hai Yaa too Jaiz Nikaah se yaa Badkaari se, Aap Ibaadat mai Mustagraq(Doobi) hone kee wajah se Iss Taraf Tawajjo hi Naa kar Saki kee RABB TA’ALA kee Qudrat se too Kuchh Baeed(Mushkil/Asambhav) nahi,

Bageir Baapke Beite Koo Peida karne mai ALLAH TA’ALA kee Qudrat Koo Dakhal hoga Uss ki Qudrat ke Saamne Koi Mushkil Nahi Aur Iss koo Logo ke Saamne Nishaani Banaya jaa Raha hai kee woh ALLAH TA’ALA kee Kaamil Qudrat Koo Samjhe Aur Yeh Logo kee Rehnumaai ke liye RABB kee Azeem Rehmat hai Aur RABB ke Ilm e Azzali ke Muta’abiq Use Lohe Mehfuz par Likha jaa Chuka hai Iss Feishle mai kisi Qism kee Tabdili Nahi hoo Sakti.
(Tafseere Roohul Ma’ani, Jild-9, Safa-78)
(Tazkiratul Ambiya Alayhis Salaam, Safa-500, 501)

Hazrat Isaa Alayhis Salaam Shikam E Maadar mai :-

Quraane Paak mai hai kee
“Ab Mariyam ne Use Peit mai liya Fhir Use liye Hue Ek Door Jagah Chali gayi”
(Surah Mariyam, Aayat-22)

Hazrat Maryam Alayhis Salaam Bani Israail mai Neik Zaaheda Mashoor thi Aur Sabko yeh Ilm tha kee Aap kee Waalida ne Nazar Maani joo Qabul kar li gayi, Aapki Tarbiyat mai Ambiya e Kiraam Alayhis Salaam Silaharish the, woh Kefaalat Hazrat Zakaria Alayhis Salaam koo Haasil hui, Aapke Paas ALLAH TA’ALA kee Taraf se Rizq Aata raha, In Waaqiyaat ke Shohrat ke Peishe Nazar Aap koo Bahot Pareshani Laahaq hui kee Mei RABB kee Uss Qudrat se Logo koo keise Mut’maeen karungi..?
Log Meiri Baat keise Maanenge..?? Issi Wajah se Aapne Beitul Muqaddas ke Hujre koo Chhod kar Alaaiheda(Alag) Door Daraaz Jagah Ikhteyaar kiya taki Waqti Tour par Koi Mutal’a(Aagaah/Jaankaar) Nas hoo Sake.
(Tafseere Kabeer, Jild-21, Safa-202)
(Tazkiratul Ambiya Alayhis Salaam, Safa-502)

Click Here>>Next Page
Share:

No comments:

Post a Comment

Ad

Popular Posts

Recent Posts

Ambiya e karam ka full wakiya

Contact us

Name

Email *

Message *