Hazrat Isa Alaihissalam ke paida hone ka waqya part 7 | islamic stories and urdu stories

Hazrat Isa Alaihissalam ke paida hone ka waqya part 7 | islamic stories and urdu stories

Hazrat Isa Alaihissalam ke paida hone ka waqya part 7 | islamic stories and urdu stories
Hazrat Isa Alaihissalam ke paida hone ka waqya part 7
Click Here>>Preview Page
Click Here>>Page 1

 Dardezeh ke Waqt Pareshani mai Izaafa :-

Quraane Kareem mai hai kee
“Fhir Usse Janne kaa Dard(Dardezeh) Ek Khajoor kee Jad mai le Aaya Boli Haay Kisi Tarah Mai Iss se Pehle Mar Gayi hoti Aur Bhuli Bisri hoo Jaati”
(Surah Maryam, Aayat-23)

Dardezeh(Baccha Peida hone kaa Dard) kee Takleef kee Wajah se Joo Hasrat(Afsos) Haasil tha Usne Ek Khajoor ke Darakht(Peid) ke Paas Aane ke liye Majboor kar diya tha Aur Iss Wajah se vi Aapne Khajoor ke Darakht kaa Rukh kiya taaki Baate karne waalo se Parda-Poshi(Parda-daari) rahe,

Tafseere Kassaf mai Zikr kiya gaya hai kee Khajoor kaa Darakht Sirf Tana tha Uper se Kata huwa Khushk tha Aur Fal vi Nahi deita tha,

ALLAH TA’ALA ne Hazrat Jibrail Alayhis Salaam koo “Hazrat maryam alaihissalam” ke Paas Bheij kar Unke Girebaan mai Foonkne kaa Hukm diya, Hazrat Mariyam Alayhis koo Bataya gaya kee ALLAH TA’ALA Tumhe Beita Ataa karne Wala hai Tumhe Aur Tumhaare Beite kio Jahaan Waalo ke liye Nishaani Banaya hai,

Lekin fhir vi”Hazrat maryam alaihissalam” keh rahi hai “Haay Kisi Tarah Mei Iss se Pehle Mar Gayi hoti” Aakhir Itni Be-qaraari kee kya Wajah thi…??

Wajah Waazeh hai kee yeh Aheshaas Teiz-Tar hoo gaya kee Ab Tak Logo kee Nazaro se Chhipi rahi Aur Ab Baccha vi Peida ho gaya to Usse kaha Chhupaaungi Aur Logo koo Kya Moonh dikhaaungi…?? Siddat(Shakhti) mai Yeh Alfaaz Zubaan par Aagaye, RABB TA’ALA par koi Shikwa Nahi tha Balki Logo kee Ta’anazani kee fikr thi Aur Zyadatar Na-Samaj Logo ko Shamjhaane kee Fhikr thi,

RABB TA’ALA ke Khouf kee Haalat mai Iss Tarah ke Alfaaz Saaleheen se Adaa hote rahe hai, jeisa kee Hazrat Abu Bakar Siddiq RadiAllaho Ta’ala Anho ne ek Parinde koo Darakht par Beithe hue deikha too Aap ne Fharmaya Aye Parinde Tu Kitna hi Khush-Bakht hai kee Darakht par Beith kar Usska Fal kha raha hai, Kaas mai vi Koi Fal hota kee Mujhe Parinde Kha Jate, Aapka yeh Kalaam Khoufe ILAAHI kee wajah se tha,

Hazrate Umar RadiAllaho Ta’ala Anho ne Ghans kaa Ek Tinka(Ghans Wageira kaa Tukda) Hath mai liya Aur Fharmaya Kaas Mai Bhi Ghans kaa Ek Tinka hi hota Kash Mai Kuchh Naa Hota, Aap kaa Yeh Irshaad vi ALLAH TA’ALA ke Khouf kee Wajah se hi tha,
Hazrate Ali RadiAllaho Ta’ala Anho ne Youme Jamal mai Fharmaya Kaas Mai Aaj se 10 Saal Qabl(Pehle) Mar Chuka hota, Aap kaa Yeh Kehna Zaahiri Fitne se Pareishani ki wajah se tha…

Khyaal rahe kee Agar kisi Shakhsh ne “Hazrat maryam alaihissalam” ke Muta’alaq yeh Gumaan kiya kee Unhone Dardezeh Yaa Dunyawi Takaalif ke Peshe Nazar Mout kee Tamanna kee thi Too Ussne Bura Gumaan kiya.
(Roohul Ma’ani, Jild-2, Hissa-1, Safa-82)
(Tazkiratul Ambiya Alayhis Salaam, Safa-502, 503, 504)

Khaane-Peene kaa Intezaam Aur Mazeed Tasalli :-

Quraane Kareem mai hai kee
“Too Use Uske Tale se Pookara kee Gum Naa rakh Beishak Teire RABB ne Niche Ek Naher Bahaa di hai, Aur Khajoor kee Jad Pakad kar Apni Taraf Hila Tujh par Taazi Pakki Khajoore Girengi, Too Khaa Aur Pee Aur Aankh Thandi rakh Fhir Agar Tu Kisi Aadmi koo Deikhe too keh deina Meine Aaj REHMAAN kaa Roza mana hai to Aaj Hargiz kisi Aadmi se Baat naa karungi”
(Surah Maryam, Aayat-24, 25, 26)

Aap koo Waadi ke Nesheeb(Niche) se Aawaz Aayi Tum Gum naa karo Humne Tumhaari Jagah se Nasheebi(Niche ki) Taraf Ek Naher Bahaadi Joo Tumhaare Hukm ke Ma-Tehat hogi(Hazrat Jibrail Alayhis Salaam ne Peir kee Thokar Maari too yeh Naher Jaari hui Yaa “hazrat isa alaihis salam” ne Peida hone ke Baad Aydi Ragdi too Uss se Jaari hui) Khajoor kaa Khushk Tana Jiska Sar kataa huwa hai, Mousam vi Sardiyo kaa hai, Woh In Haalaat mai Agar Fal Nahi deita Lekin Tum Use Apni Taraf Hilaao too woh Tumhe Paki hui Taza Khajoore deiga, Khaao Aur Peeo Ya’ani Khajoore Khaao Joo Peidaish ke Waqt Zacha Aur Baccha Douno ke liye Bahot Mufeed Giza hai Aur Zaari Suda Chasma se Paani Peeo, Isi se Andaza laga lo ki ALLAH TA’ALA ne Jis Tarah Tumhaare Khane Aur Peene kaa Intezaam Fharma diya hai Isi Tarah woh khatraat joo Tumhaare Zehan mai Aa rahe hai woh vi Zaaeel(Mitaa) kar deiga, Tumhaare Nafs koo Itmenaan Haasil hoga, Aankho koo Thandak Haasil hogi, Iss liye Hukm diya Nafs koo Mutmaeen Rakho Aur Aankho koo Thanddaar rakho,

Ek Riwaayat yeh vi Milti hai kee “hazrat isa alaihis salam” ne Peida hote hi Waalida koo Tasalli deite hue kaha Gum Naa kha.. “Hazrat maryam alaihissalam” ne kaha Keise Gum naa khaau Jab Tum Meire Saath honge, Meira Khaawand(Shohar) koi hei Nahi Aur Mai kisi kee Londi vi Nahi, Logo ke Saamne kya Uzr peish karungi…?? Kaas Mai Iss se Pehle hi Mar jaati Too Hazrat Isaa Alayhis Salaam ne Kaha “Meira Kalaam(Baat) hi Tumhe Kefaayat(Faayda) kar Jaayega…”

ALLAH TA’ALA ne”Hazrat maryam alaihissalam” koo Hukm diya kee Jab Tum Bachhe koo Sath le kar Jaao too Koi vi Tumhe Mile too Tum Ishaare se Usse Batana kee Meine Nazar Maani hui hai kee RABB TA’ALA kee Razamandi ke liye Roza rakhungi Aur Kisi Aadmi se Kalaam(Baat) Nahi Karungi,
Ahle Ilm Hazraat ne Aapko yeh Hukm diya gaya Uss ki Wajah Bayaan karte hue Bayaan kiya hai kee Bewaqufo se Aap koo Kalaam(Baat) karne kee Zarurat Peish naa Aaye Balki “hazrat isa alaihis salam” Khud hi Kalaam(Baat) karke Unke Ta’ano kaa Jawaab de, Aap kaa Kalaam karna Aur Unhe Jawaab deina Ta’ano ke Khatm karne mai Nass E Qatai kaa Darja Haasil hoga.
(Tafseere Roohul Ma’ani, Jild-2, Hissa-1, Safa-86,87)
(Tazkiratul Ambiya Alayhis Salaam, Safa-504, 505)

Cilck Here>>Next Page
Share:

No comments:

Post a Comment

Ad

Popular Posts

Recent Posts

Ambiya e karam ka full wakiya

Contact us

Name

Email *

Message *