Hazrat Isa Alaihissalam ke paida hone ka waqya part 8 | islamic stories and urdu stories

Hazrat Isa Alaihissalam ke paida hone ka waqya part 8 | islamic stories and urdu stories

Hazrat Isa Alaihissalam ke paida hone ka waqya part 8 | islamic stories and urdu stories
Hazrat Isa Alaihissalam ke paida hone ka waqya part 8
Click Here>>Preview Page
Click Here>>Page 1

Waapasi par Logo ki Ta’ana-Zani :-

Quraane Majeed mai hai kee
“Too Use Goud mai le Apni Qoum ke Paas Aayi Bole Aye Maryam Beishak Tune Bahot Buri Baat kee, Aye Haarun kee Bahen Teira Baap Bura Aadmi Naa Tha Aur Naa Teiri Maa Badkaar”
(Surah Maryam, Aayat-27,28)

Hazrat Maryam Alayhis Salaam Jab Chalne-Phir ne ke Qaabil hoo gayi too Apne Farzand koo Goud mai Utha kar Apne Ghar Louti, Jab Kunba(Qabila/Gharana) Waalo ne Deikha kee Kunwaari Maryam Baccha Uthaaye Aa rahi hai too Unpar Saktah(Heirat/Ta’ajub) kaa Aalam Taari hoo Gaya, Unhone Rouna Shuru kar diya Aur Bahot Zyada Sharmindagi se woh Sirf Itna Keh Sake honge Ya Maryam(Aye Maryam…),

Ek Riwaayat mai hai kee Jab Bacche koo Apni Qoum ke Paas le Aayi too Bani Israail mai ye Baat Mashoor hoo gayi, Malaamat(Bura/Bhala) karne ke liye Mard Aur Aurate Doud Aaye, Ek Aurat ne Thappad Maarne ke liye Haath Uthaya too Woh Sukh gaya, Ek Mard ne kahaa yeh too Zeena-Kaar hai (MaazAllah..) to wo Gunga ho gaya, Ye Deikh kar kisi ko Maarne ya Bura-Bhala kehne ki Himmat naa hui Aur Bade Naram Andaaz mai Itna hi keh Sake Aye Maryam Beishak Tune Bahot Bura Kaam kiya hai…

“Hazrat maryam alaihissalam” ke Ek Bhai kaa Naam Haarun tha Iss liye Qoum ne Aapko “Aye Haarun kee Bahen” keh kar Pookara, Sahih Hadees se vi Iski Taaid hoti hai,
Muslim Shareef mai hai kee Hazrat Mugira Bin Sho’eba RadiAllaho Ta’ala Anho Jab Najraan gaye too Waha ke Isaaiyo ne Unse Puchha kee Quraan mai “Hazrat maryam alaihissalam” koo “Haarun kee Bahen” kaha gaya hai Haalanki Haarun Mariyam Alayhis Salaam se Sad-haa Saal Pehle Guzre hai woh koi Jawaab naa de sake, Jab Waapas Aaaye too Baargaahe RISAALAT mai Iss Waaqiye koo Bayaan kiya too HUZOOR NABI E KAREEM Sallallaho Alayhe Wasallam ne Fharmaya kee Bani Israail kaa Dastoor(Tour-Tariqa) tha kee woh Apne Baccho ke Naam Ambiya Alayhis Salaam ke Aur Pehle Buzurgo ke Naam par Rakha karte the,
Iss se Pata Chalta hai kee “Hazrat maryam alaihissalam” ke ek Bhai the, Jin kaa Naam Barkat ke liye Hazrat Haarun Alayhis Salaam ke Naam par rakha gaya tha,

Jin Alfaaz se Loug “Hazrat maryam alaihissalam” Salaam koo Aar(Tang/Badnaami) dila rahe hai woh yeh hai kee Teira Baap Bura Aadmi naa tha Aur Teiri Maa Badkaar(Bure Kaam Karne waali) naa thi.
(Tazkiratul Ambiya Alayhis Salaam, Safa-506, 507)

“Hazrat maryam alaihissalam” ne Ishaara Bacche kee Taraf kar diya :-

Quraane E Majeed mai hai kee
“Iss par Maryam ne Bacche kee Taraf Ishara kiya Wah Bole Hum Keise Baat kare Uss se Joo Paalne mai Baccha hai”
(Surah Maryam, Aayat-28)

Hazrat “Hazrat maryam alaihissalam” koo ALLAH TA’ALA kaa Hukm tha kee Aap ne kisi se Baat nahi karna Balki Ishaare se Batana hai kee Meine ALLAH TA’ALA ke liye Roza kee Nazarmaani hui hai, Kisi se Bolna nahi, Isi Irshaad ke Muta’abiq Aap ne “hazrat isa alaihis salam” kee Taraf Ishara kar diya kee Iss se Baat karke Puchh loo,

Hazrat “Hazrat maryam alaihissalam” koo ALLAH TA’ALA kaa Hukm tha kee Aap ne kisi se Baat nahi karna Balki Ishaare se Batana he ki Meine ALLAH TA’ALA ke liye Roza ki Nazarmaani hui hai, Kisi se Bolna nahi, Issi Irshaad ke Muta’abiq Aap ne “hazrat isa alaihis salam” kee Taraf Ishara kar diya ki Iss se Baat karke Puchh loo,
Baaz Riwaayat mai hai kee Aapne Bacche kee Taraf Ishaara kiya kee Uss se Baat karo too woh Ek Dusre koo kehne lage kee yeh too Humaare Sath Mazaaq kar rahi hai Iss se Humaari Touhin kar rahi hai, Hame Ghatiya Samajh rahi hai,
Humne Aaj tak Ayse Baccho se kabhi Kalaam(Baat) Nahi kiya Aur Naa hi Aysi Umr ke Baccho mai jawaab deine kee Taaqat hoti hai, Aye Maryam Bacche kee Taraf Tumhaara Ishaara karna Sarasar Mazaaq hi Nazar Aata hai.
(Tazkiratul Ambiya Alayhis Salaam, Safa-507, 508)

“Hazrat isa alaihis salam”  kaa Bachpan mai Baat karna :-

Quraane Azeem mai hai kee
“Bacche ne Fharmaya Mai hu ALLAH kaa Banda Usne Mujhe Kitaab di Aur Mujhe Geib kee Khabre Bataane wala(Nabi) kiya, Aur Usne Mujhe Mubaarak Kiya Mai Kahi hu Aur Mujhe Namaaz waa Zakaat kee Taakid Fharmaayi Jab tak Jiyu, Aur Apni Maa se Achha Sulook karne wala Aur Mujhe Zabardast Bad-Bakht Naa kiya, Aur Wahi Salaamati Mujh par Jiss Din Mai Peida huwa Aur Jiss Din Maru Aur Jiss Din Zinda Uthaya Jaau”
(Surah Maryam, Aayat-30,31,32,33)

“hazrat isaa alaihis salam” Doodh Pi rahe the, Jab Aapne Bani Israail kii Baat Sooni kee woh keh rahe hai Hum Bacche se keise Baat kare…?? too Aapne Doodh pina Chhod diya Unki Taraf Muta’wajje(Dhyaan/Tawajjo) hue, Baayi(left) Haath par Sahara laga kar Apni Shahaadat kee Ungli se Ishaara karke Baat karna Shuru kar diya,
(Subhan Allah…)

Sabse Pehle Aylaan Fharmaya “Mei ALLAH TA’ALA kaa Banda hu..” (Aap Alayhis Salaam ka ye Farmaan Un Lougo kaa Radd Karta hai Jinhone Aapko Baad mai Khuda mana hai..)

Fhir Fharmaya “Usne Mujhe Kitaab dee Aur Mujhe Nabi Banaya” Aap Alayhis Salaam ke Iss Irshaad kaa Matlab yeh tha
“Beishak ALLAH TA’ALA Mujhe Mab’us Fharmaayega Ya’ani Aylaane Nabuwwat kaa Hukm deiga Aapne Jab Yeh Baat Mukkammal kee too Uske Baad Khamosh ho gaye Aur Aam Baccho ke Haal kee taraf Lout kar Aagaye, Fhir Jab Aapki Umr 30 Saal kee hui too ALLAH TA’ALA ne Aap koo Nabi Bana kar Mab’us Fharmaya, Ek Riwaayat mai hai ki Aapko ALLAH TA’ALA ne Maa ke Peit mai hi Injeel padha di Aur Nabuwwat Ataa Fharma di,
Aap Alayhis Salaam koo Nabuwwat yaa Kitaab Ataa to Usi Waqt Fharma di Jab Aap Maa ke Peit mai the, Albatta Lougo koo Tablig karne Aur Aylaane Nabuwwat kaa Hukm Baad mai diya gaya, Tamaam Ambiya Alayhis Salaam kee Surate Haal yahi hai,

Fhir Fharmaya “Aur Usne Mujhe Mubaarak Kiya Mai Kahi vi hu”
Ya’ani Mujhe ALLAH TA’ALA ne Deen par Qaraar Pakadne wala Banaya Aur Mai Lougo koo Deen kee Ta’alim Du, Unko Raahe Haqq kee Taraf Bulaau, Ya’ani Jab woh Apni Khawaahisaate Nafsaaniya kee wajah se Bhatak Jaaye too Mai Unhe Seedhi Raah dikhaau,

Fhir Fharmaya “Aur Mujhe Namaaz waa Zakaat kee Taakid Fharmaayi Jab tak Jiyu”
Ya’ani ALLAH TA’ALA ne Mujhe Hukm diya hai kee Mai Baalig hone ke Baad Namaaz Adaa karu Aur Logo koo Zakaat Adaa karne kee Nasihat karu,
Yaad rahe kee Ambiya E Kiraam Alayhis Salaam par Zakaat Laazim nahi hoti kyu ki ALLAH TA’ALA ne Unko Duniyaa ke Maal se Paak rakha hota hai, Agar Unke Paas koi Maal Aa vi Jaaye too woh Tamaam ALLAH TA’ALA kee Raah mai Kharch kar deite hai, woh Ek Saal Jama karke rakhte hi nahi ki Un par Zakaat Laazim Aaye, Isi Wajah se Unke Maal ka Batoure Wiraasat Taqseem nahi kiya jata kyuki Unke Haath me Maal Dar-Haqiqat ALLAH TA’ALA ka Maal hota he wo Uske Maalik hi nahi hote,

Fir Farmaya “Aur Apni Maa se Achha Sulook karne wala” Is Kalaam se Ishaara tha ki Meiri Maa Paak Daaman he Is liye ALLAH TA’ALA ne Ma’sum Rasool ko Unki Farmaan-Bardaari ka Hukm diya Agar Ma’azAllah Isme koi Aiyb hota to Ma’sum Rasool ko Unki Ta’zim ka kabhi Hukm na diya jata,
Fir Farmaya “Aur Mujhe Zabardast Bad-Bakht Na kiya” Ya’ani ALLAH TA’ALA ne Mujhe Muta’kabbir(Takabbur/Itraane wala) Nahi Banaya Balki Khuzu’a(Aa’jizi) karne wala Aur Apni Maa ke Saamne Aa’jizi ka Izhaar karne wala Banaya he Agar Mei Muta’kabbir hota to Na-Farmaan Aur Bad-Bakht hota,

Click Here>>Next Page
Share:

No comments:

Post a Comment

Ad

Popular Posts

Recent Posts

Ambiya e karam ka full wakiya

Contact us

Name

Email *

Message *