Hazrat isa alaihissalam ko masih kehne ka raaz part 9 | islamic stories and urdu stories

Hazrat isa alaihissalam aap ko masih kehne ka raaz part 9 | islamic stories and urdu stories

Hazrat isa alaihissalam aap ko masih kehne ka raaz part 9 | islamic stories and urdu stories
Hazrat isa alaihissalam aap ko masih kehne ka raaz
Click Here>>Preview Page
Click Here>>Page 1

Aap ko masih kehne kaa raaz :-

Fhir Fharmaya “Aur Wahi Salaamati Mujh par Jiss Din Mai Peida huwa Aur Jiss Din Maru Aur Jiss Din Zinda Uthaya Jaau” Yaha 2 Ihtemaal(Gunjaaish) hai, Ek yeh kee Hazrat Isaa Alayhis Salaam ne Qoum koo Bataya kee RABB TA’ALA ne Mujhe In Teen Awqaat(Waqto) mai Salaamati Ataa Fharmaadi hai Aur Dusra I htemaal(Gunjaaish) yeh hai kee Aapne Duaa kee ho kee Aye ALLAH Jiss Tarah Tune Yahya Alayhis Salaam ke Muta’aliq khud Bataya kee Meine Unhe Salaamati Ataa Fharmaayi hai Ayse Mujhe vi Ataa Fharma de, Aap kee Duaa koo Qabul karke ALLAH TA’ALA ne Aapko In Teeno Awqaat mai Salaamati Ataa Fharma di.
(Tazkiratul Ambiya Alayhis Salaam, Safa-508 to 512)

Aam Tour par Itni Chhoti Umr ke Bacche Bol nahi Paate, Kisi se Baat nahi kar paate, Magar yeh ALLAH TA’ALA ke NABI Hazrat Isaa Alayhis Salaam hai, Jinhone Itni Chhoti Umr mai Logo se Baat ki…
ALLAHU AKBER…

Hazrat isaa alaihissalam Salaam koo “Maseeh(مسیح) kyu kaha gaya…??

Iss me Chand Wajah hai..

(1) Jab Koi Shaksh Aaafat-Zada hota Ya’ani Kisi vi Marz(Beemaari) mai Mubtila hota to Aap Uss par Hath Feirte the too Uss ko Shifaa Haasil hoo jati,

(2) Aap Chunki Ek Jagah par nahi rehte the Balki Firte rehte the Iss liye Aap koo “Maseeh” kaha gayaa,

(3) Aap ALLAH TA’ALA kee Raza ke liye Yateemo ke Sar par Haath Feirte Iss liye Aap “Maseeh” hue,

(4) Aapse Gunaaho Aur Gunaaho ke Bouz, Gunaaho kee Aaludgi(Gandagi) koo Mita diya gaya tha, Ya’ani Aap ko RABB TA’ALA ne Gunaaho se Door rakha huwa tha,

(5) Aap ke Qadmo se Neseeb koo Mitaya huwa tha Ya’ani Aap ke Qadam Bilqul Seedhe the, Aam Aadmiyo kee Tarah Nahi the kee Qadmo ke Talwo kaa Kuchh Hissa Zameen par Nahi Lagta kyu ki Uss me Neseeb hota hai,

(6) Aap ko Zeitun kaa Mubaarak Teil ALLAH TA’ALA kee Taraf se laga diya gaya tha joo Tamaam Ambiya E Kiraam Alayhis Salaam koo lagaya jata tha Jiss se Farishto koo Pataa Chal jata tha ki Iss Hasti koo “Nabi” Bana diya jaayegaa,

(7) Hazrat Jibrail Alayhis Salaam ne Aap ko Apne Paro se Mis kiya tha Taki Aap Sheitaan ke Mis se Mehfuz rahe,

(8) Aap Jab Waalida ke Peit se Baahar Tashreef laaye too Aap koo Teil laga huwa tha Aam Bachcho kee Tarah Aapke Baalo koo Teil lagaane kee Zarurat Dar-peish Nahi Aayi.
(Tafseere Kabeer, Jild-8, Safa-52)
(Tazkiratul Ambiya Alayhis Salaam, Safa-513, 514)

“Hazrat isa alaihissalam” ke Alqaab :-

“Kalimatullah(کَلِمَۃُ اللہ)”, “Masih”, “Wajih”, “Muqarrab”, “Saaleh”, “Mahad waa Kohulat mai Muta’kalim”..

Quraane Paak mai hai kee
“Aur Yaad Karo Jab Farishto ne Mariyam se kaha Aye Mariyam ALLAH Tujhe Bashaarat deita hai Apne Paas se Ek Kalime kee Jis kaa Naam hai Masih Isaa Mariyam kaa Beita Rudaar(Ba-Izzat) hoga Duniya Aur Aakhirat mai Aur Qurb Wala, Aur Logo se Baat karega Paalne mai Aur Pakki Umr mai Aur Khaaso mai hoga”
(Surah Aale Imraan, Aayat-45,46)

“Hazrat isa alaihissalam” koo “Kalema(کلمہ) kyu kaha gaya..??

Iski Kayi Wajah hai
“Hazrat isa alaihissalam” Peidaaish Bageir Baap ke Waaste ke ALLAH TA’ALA ke Kalme “Kun” se hui, Aap kee Takhleeq mai Jab Baap kaa Waasta Nahi, Nutfe kaa Istemaal nahi Faqat ALLAH TA’ALA ke Kalme “Kun” se hui to Iss Wajah se Aap koo Kalma “kun” kaha gaya Ya’ani “Kalamatullah” se Peida-Shuda Jeisi Makhluq koo Khalq, Maqdur koo Qudrat keh diya jata,

“Hazrat isa alaihissalam” Bachpan kee Haalat mai Kalaam Fharmaya Iss liye Aap koo “Kalema” keh diya gaya,

Kalema Ma’ani Aur Haqaaiq kaa Faida deita hai, Isi Tarah Hazrat Isaa Alayhis Salaam Haqaaiq Aur Asraare Ilaahiya kee Rehnumaai Fharmaate rahe Lihaza Aap ko “Kalema” keh diya gaya,

Hazrat isa alaihissalam”i Bashaarat Aap ke Aane se pehle Ambiya Alayhis Salaam kee Kitaabo mai Aa chuki thi, Jab Aap Tashreef laaye too Kaha gaya ki yeh Wahi “Kalema” hai joo Pehle Zikr kiya gaya hai, Iss Lihaaz se Aap kaa Naam “Kalema” rakh diya gaya,
Khyaal rahe kee “Kalema” se Muraad Iss Maqaam par Kalaam(Baat) hai, ALLAH TA’ALA kaa Kalaam Qadeem hai, Aap ALLAH TA’ALA kaa Kalaam nahi Balki ALLAH TA’ALA ke Kalaam se Peida hone kee Wajah se “Kalimatullah(کَلِمَۃُ اللہ)” hue hai.
(Tafseere Kabeer, Jild-8, Safa-38)
(Tazkiratul Ambiya Alayhis Salaam, Safa-512, 513)

Hazrat isa alaihissalam” koo Wajeeh kyu kaha gaya….??

Wajeeh kaa Ma’ani Saahibe Martaba, Shaahibe Sharaafat Aur Shaahibe Qadr waa Manzelat hai, Yeh Uss Waqt kaha jata hai Jab Kisi Shaksh kaa Martaba Logo yaa Baadshaho ke Nazdik Zyada Buland waa Bala hoo Aur Baaz Ahle Lugaat ne Bayaan kiya hai ‘Wajeeh’ kaa Ma’ani Batoure Iste’aarah Karam Aur Kamaal liya jata hai,

“Hazrat isa alaihissalam”  Duniya mai ‘Wajeeh’ the Kyu ki Aap Mustajaabud Da’waat the, Aap kee Duaa se ALLAH TA’ALA ne Murdo koo Zinda kiya, Maadar-zaad Andho koo Nazar Ataa Fharmaayi, Baras(Safeid Kodh) Waale Marizo koo Baras(Safeid Kodh) se Naja’at di,

Duniya mai Aap ke ‘Wajeeh’ hone kee Aur Wajah yeh vi thi kee ALLAH TA’ALA ne Aap koo Un Tamaam Ayub(Khraabi) se Bari rakha joo Yahud Aap par Lagaate the Ya’ani Aap kaa Haqiqat mai Ayub se Bari hona hi ‘Wajeeh’ hone kaa Sabab tha, Agarche Aap par yahud Aiyb lagaate rahe lekin Aapki Shaan mai koi Farq naa Aa saka, Jeisa kee Hazrat Musaa Alayhis Salaam koo ALLAH TA’ALA ne ‘Wajeeh’ Banaya Agarche Aap par vi Yahud Aiyb lagaate rahe Aakhirat mai vi Aap ‘Wajeeh’ honge kyu kee ALLAH TA’ALA ne Aap kee Ummat ke Momino koo Haqq Raah par Chalne Waalo kaa Shafee’a banaya, Aap kee Shafa’at koo Dusre Tamaam Ambiya E Kiraam Alayhis Salaam kee Shafa’at kee Tarah Qabul kiya jaayega,

ALLAH TA’ALA ne Jab Farishto kee Azeem Madah(Ta’aruf) karte hue Unhe Apne Muqarribeen kaha too Aap koo vi yahi Siffat Ataa Fharmaayi kyuki Aap vi Buland Martaba Aur Rafi-ul-Darjaat hai Aur Farishto ke Sath hi Zinda rahenge Aur Aakhirat mai Jiss Shakhs koo ‘Wajeeh’ Banaya gaya Use Muqarrab to hona hi hai kyuki Use Jannat ke Aa’la Martabe Ataa honge.
(Tafseere Kabeer, Jild-8, Safa-53,54)
(Tazkiratul Ambiya Alayhis Salaam, Safa-514,515)

Click Here>>Next Page
Share:

No comments:

Post a Comment

Ad

Popular Posts

Recent Posts

Ambiya e karam ka full wakiya

Contact us

Name

Email *

Message *