Hazrat isa alaihissalam zinda he ya intaqal ya shahadat Part 4 | islamic stories and urdu stories

Hazrat isa alaihissalam zinda he ya intaqal ya shahadat Part 4 | islamic stories and urdu stories

Hazrat isa alaihissalam zinda he ya intaqal ya shahadat Part 4 | islamic stories and urdu stories
Hazrat isa alaihissalam zinda he ya intaqal ya shahadat Part 4
Click Here>>Preview Page
Click Here>>Page 1

Hayaate Isaa Alayhis Salaam :-

Hazrat Isa Alayhis Salaam ke Muta’aliq Yahud(Yahudiyo) kaa Aqeeda yeh hai kee Humne Unhe Sooli de di Aur Unki Jaan Nikal gayi Aur Fhir Unko Dafn kiya Agarche Aaj Tak Woh Iss Shuba(Shak) mai Giraftaar hai kee Humara Tatyaanus Kaha gaya…..??

Isaai yeh Ayteqaad(Yaqeen) rakhte hai kee Waaqei Isaa Alayhis Salaam koo Sooli par Chadhaya gaya Aur Aap kee Jaan vi Nikal gayi Magar Fhir RABB TA’ALA ne Aap koo Dobara Zindagi Bakhshi Aur Aasmaan par Utha liya, Issi liye Woh ‘Shaleeb'(Crucifix) koo Pujte hai Aur Usi Sooli koo Saare Isaaiyo ke Gunaaho kaa Kaffara Samajhte hai, Kaffare kaa Masla Sooli par hi Mabni(Qayam) hai,

Musalmaano kaa Aqeeda yeh hai kee Naa Hazrat Issa Alayhis Salaam koo Sooli di gayi Aur Naa Aapki Wafaat Waaqei hui, Balki Aap Alayhis Salaam koo Issi Tarah Bama Jism Shareef(Jism Shareef ke Sath) Zinda Utha liya gaya Chunanche Hazrat Isaa Alayhis Salaam koo Zinda Utha liya jana Qatai(Kaamil) Yaqeeni Ijmaai Masla he, Iss par Saari Ummate MUSTAFA ﷺ kaa Ittefaaq hai,

Quraane Kareem mai hai kee
“Aur Kaafiro ne Makr kiya Aur ALLAH ne Unke Halaak kee Khufiya Tadbir Fharmaayi”
(Surah Aale Imraan, Aayat-54)

ALLAH TA’ALA ne Unse Khufiya Tadbir Fharmaayi kee Joo Shaksh Isaa Alayhis Salaam koo Qatl karaane kaa Irada rakhta tha, Usse Isaa Alayhis Salaam kaa Hum-Shakl kar diya too Unhone Use Hi Qatl kar diya Aur ALLAH TA’ALA ne Isaa Alayhis Salaam koo Aaasmano par Utha liya, Tamaam Mufassireen e Kiraam Kaa Iss Masle par Ittefaaq hai kee Aap Alayhis Salaam koo Zinda Aasmaano par Utha liya gaya.
(Tafseere Jalaalein, Safa-52)

Quraane Paak mai Ek Aur Jagah hai kee
“Yaad karo Jab ALLAH ne Fharmaaya Aye Isaa Mai Tujhe Puri Umr tak Pahonchaunga Aur Tujhe Apni Taraf Uthalunga Aur Tujhe Kaafiro se Paak Kar dunga Aur Teire Maan ne walo koo Qayaamat Tak Teire Munkiro par Galba(Fateh) Dunga Fhir Tum Sab Meiri Taraf Palat kar Aaoge Too Mai Tum mai Feisla Fharma dunga Jiss Baat mai Jhagadte hoo”
(Surah Aale Imraan, Aayat-55)

ALLAH TA’ALA ne Hazrat Isaa Alayhis Salaam koo Aasmaano par Utha kar Kaafiro se Naja’at di, Kaafiro kee Saazish se Aap Alayhis Salaam koo Bacha liya, Kaafiro se Paak karne kaa Yahi Matlab hai, Aap Alayhis Salaam kee Ta’abedaari (Fharmaan-Bardaari) karne wale Yani Musalmaan Aap par Sahih Aqeeda rakhne Waale Ta-Qayaamat Munkereen par Gaalib(Fateh) rahenge Aur Iss kaa Mutlab yeh vi hai kee Isaai Hukumat Wageira ke Lihaaz se Yahudiyo par Gaalib Rahenge,
Iss Aayate Kareema mai ALLAH TA’ALA ne Aap Alayhis Salaam koo Poori Umr tak Pahonchane Aur Aasmaano par Uthane Aur Kaafiro kee Shaazisho se Paak karne kaa Zikr Waazeh Tour par Fharmaya.
(Tazkiratul Ambiya Alayhis Salaam, Safa-542, 543, 544)

Hazrat Isaa Alayhis Salaam Shaleeb koo Todenge :-

Hazrat Abu Huraira RadiAllaho Ta’ala Anho se Riwaayat hai kee HUZOOR TAAJDAAR E HARAM Sallallahoo Alayhe Wasallam ne Fharmaya Qasam hai Uss Zaat kee Jiss ke Qabza mai Meiri Jaan hai kee Hazrat Isaa Alayhis Salaam Tumme Haakim Aur Aadil Ban kar Utrenge, Shaleeb(Crucifix) koo Tod Daalenge, Juziya kaa Hukm Khatm Kar deinge, Aap Alayhis Salaam Maal Logo koo Ataa Karenge, Koi Qabool karne wala Nahi Hoga, Uss Waqt Kaa Ek Sajda Duniya Aur Duniya kee Maal Waa Doulat se Afzal hoga, Fhir Hazrat Abu Huraira RadiAllaho Ta’ala Anho kehte hai Agar Tum Chahte hoo too yeh Aayaat Padhlo “Ahle Kitaab mai se Koi vi Nahi Rahega yaha tak kee Aap par Imaan le Aayega”.
(Bukhaari Shareef, Muslim Shareef)
(Mishkaat Shareef, Baab Nuzule Isaa Alayhis Salaam, Jild-2, Safa-479)

Hazrat Isaa Alayhis Salaam Haakim Aur Aadil(Inshaf Karnewala) Ban kar Aayenge Yani Nasraaniyat koo Baatil kar deinge Aur Deene Islaam koo Qabul karne kaa Hukm deinge, Yahudiyo Aur Isaaiyo ke Baatil Gumaan koo Khatm karne ke liye Shaleeb(Crucifix) koo Tod deinge, Khinzir (Suwwar/Pig) koo Qatl karke yeh Saabit karenge kee Mai HUZOOR MOHAMMAD Sallallahoo Alayhe Wasallam kaa Ummati hone kee Heishiyat se Aaya hu Chunki Aapki Shariyat mai Khinzir Haraam hai, Iss liye Aye Isaaiyo Tumhaara Ise Paalna Aur Kharid waa Farokht(Beichna) karna Haraam hai, Ahle Kitaab se Sirf Islaam Qabool karenge koi Jizya(Tax) Unse Nahi Leinge, Aapke Zamaane mai Maal kee Kasrat(Zayada) hogi, Yaha tak kee Jiss Tarah Waadiyo mai Paani Chalta hai Ayse hi Maal kee Farawaani(Zyadati) hogi, Uss Waqt Sirf Ibaadat mai Log Itni Lazzat(Lutf/Mazaah) Mehsus Karenge kee Ek Sajda Aur Ek Namaaz Unhe Duniya-Bhar se Behtar Mehsus hogi, Uss Waqt Tamaam Log Deene Islaam koo Qabul kar leinge,
(Tazkiratul Ambiya Alayhis Salaam, Safa-552, 553)

Click Here>>Next Page
Share:

No comments:

Post a Comment

Ad

Popular Posts

Recent Posts

Ambiya e karam ka full wakiya

Contact us

Name

Email *

Message *