Showing posts with label Islamic Stories. Show all posts
Showing posts with label Islamic Stories. Show all posts

Hazrat Mariyam Alayhis Salaam kee Fazilat part 5 | islamic stories and urdu stories

Hazrat Mariyam Alayhis Salaam kee Fazilat  part 5 | islamic stories and urdu stories

Hazrat Mariyam Alayhis Salaam kee Fazilat  part 5 | islamic stories and urdu stories
Hazrat Mariyam Alayhis Salaam kee Fazilat
Click Here>>Perview Page
Click Here>>Page 1

Hazrat Mariyam Alayhis Salaam kee Fazilat :-

Quraan E Majeed mai hai kee
“Aur Jab Farishto ne kaha Aye Mariyam Beshak ALLAH ne Tujhe Chun liya Aur Khub Suthra Kiya Aur Aaj Saare Jahaan kee Aurato se Tujhe Pasand Kiya, Aye Mariyam Apne RABB ke Huzur Adab se Khadi hoo Aur Uss ke liye Sajda kar Aur Ruku’a Walo ke Sath Ruku’a kar”
(Surah Aale Imraan, Aayat-42, 43)

Aayate Kareema mai Malaika (Farishto) kaa Zikr hai Lekin Iss se Muraad Sirf Jibrail Alayhis Salaam hai,
Hazrat Mariyam Alayhis Salaam kee 3 Sifat Bayaan kee gayi hai ‘Chun Leina’, ‘Paak Suthra Karna’ Aur ‘Jahaan kee Aurato par Pasand Karna’,

(1) Pehli Sifat kaa Matlab yeh hai kee Aap se Pehle Kisi Mu’annas(Female) koo Beitul Muqaddas kee Khidmat ke liye Ijaazat nahi thi, Sirf Aap Ko hi Iss Muqaddas ke liye Chun liya gaya tha, Aap kee Waalida(Maa) ne Aap Koo Doodh nahi Pilaya tha, Balki Paidaaish hote hi Beitul Muqaddas mee Hazrat Zakariya Alayhis Salaam ke Supurd(Hawaale) kar Diya Gaya tha, ALLAH TA’ALA ne Hazrat Mariyam Alayhis Salaam koo Jannat ke Khaane Ataa kar ke Khushushiyat Ataa kee, ALLAH TA’ALA ne Aap Koo Apni Ibaadat ke liye Chun liya Aur Issi Wajah se Aap par Mukhtelaf(Alag Alag) Qism kee Maherbaaniya kee Aur Hidaayat se Nawaaza Aur Aap kee Hifaazat kaa Zimma Khud Uthaya, Aap ke Rizq kaa Ma’amla Bageir Zaahiri Asbaab ke Apne Qabza E Qudrat mai liya, Aap Koo Hamesha Rizq ALLAH TA’ALA kee Taraf se Haasil Raha, Farishte kaa Kalaam Aap Koo ALLAH TA’ALA ne Sahih Tariqe se Soon ne kee Toufiq Ataa Fharmaayi Joo kisi Dusri Aurato koo Mayassar Naa Hui,

(2) Dusri Sifat Aap Koo ‘Paak Suthra’ Banaya, Yani Kufr waa Gunaah se Aap Koo Paak Rakha Aur Aap Koo Mardo ke Chhune se Paak Rakha Aur Aap Koo Heiz se Paak Rakha kyu kee Bayaan kiya jata hai kee Aap Koo Heiz nahi Aata tha Aur Aap Koo Bure Af’aal Aur Buri Aadat se Paak Rakha Aur Aap Koo Yahudiyo kee Tohmat, Jhut se Bari Fharmaya,
(Tafseere Kabeer, Jild-8, Safa-45)

(3) Tisri Sifat Aaj Saare Jahaan kee Aurato par Tujhe Pasand Kiya, Iss Masle mai Ahle Ilm ke Mukhtelaf(Alag Alag) Aqwaal hai
Hazret Mariyam Alayhis Salaam Jahaan kee Tamaam Aurato kee Sardaar hai yaa kee Aap Koo Hazrat Khadija, Hazrat Aaisha Aur Hazrat Fhatima RadiAllaho Ta’ala Anha par Fazilat Haasil nahi,

Aala Hazrat Imaam Ahmad Razaa Khan Rahmatullah Alay ne Fharmaya kee Hazrat Mariyam Alayhis Salaam koo Apne Zamaane mai Tamaam Aurato par Afzaliyat Haasil thi, Har Zamaana mai Har Aurat par Fazilat Haasil nahi,

Haashiya Jalaalein mai hai kee
Lekin In Douno ke Fazaail Kaseer hai, Joo Ahaadish mai Mazkur hai, Woh Fazaail Hazrat Mariyam Alayhis Salaam koo Haasil Nahi Iss liye Hazrate Fhatima Aur Hazrat Aaisha RadiAllaho Ta’ala Anha Koo Tamaam Jahaan kee Ibteda E Takhleeq se le kar Qayaamat Tak Aane Waali Aurato par Fazilat Haasil hai Yahi Mohaqqieen e Ulma E Kiraam kaa Mazhab hai,
(Haashiya Jalaalein, Safa-51)

Hazrat Mariyam Alayhis Salaam koo Namaaz Adaa karne kaa Hukm Diya Taaki Aap Koo ALLAH TA’ALA Kaa Qurb Haasil hoo Aur Maraatib kee Bulandi Haasil hoo.
(Tazkiratul Ambiya Alayhis Salaam, Safa-496, 497, 498)

Click Here>>Next Page
Share:

Hazrat Zakariya alaihissalam ko basharat part 4 | islamic stories and urdu stories

Hazrat Zakariya alaihissalam ko basharat part 4 | islamic stories and urdu stories

 islamic stories and urdu stories
Hazrat Zakariya alaihissalam ko basharat
Click Here>>Preview Page
Click Here>>Page 1

Hazrat Zakariya Alayhis Salaam koo Beite kee Bashaarat par Ta’ajub huwa :-

Quraane Hakeem mai hai kee
“Bola Aye Meire RABB Meire Ladka Kaha se hoga Mujhe Too Pahunch Gaya Budhapa Aur Meiri Aurat Baanjh, Fharmaya ALLAH Yu hi Karta hai joo Chaahe, Arz kee Aye Meire RABB Meire liye Koi Nishaani Karde”
(Surah Aale Imraan, Aayat-40, 41)

Hazrat Zakariya Alayhis Salaam koo Jab Bashaarat di gayi Uss Waqt Aap kee Umr 120 Saal Aur Aap Alayhis Salaam kee Zovja(Biwi) kee Umr 90 Saal thi, Aap Alayhis Salaam ne Beite ke liye Duaa vi kee thi ALLAH TA’ALA kee Qudrato kaa Mushaaida kar Chuke the, NABI koo ALLAH TA’ALA kee Qudrat mai Kabhi koi Shak nahi ho Sakta Fhir Iss Sawaal kaa Kya Matlab ho Sakta hai Aye Meire RABB Ladka kaha se hoga…??
Iss Sawaal kaa Jawaab Allama Aalusi Rahmatullah Alay In Alfaaz mai deite hai
Hazrat Zakariya Alayhis Salaam kaa yeh Sawaal ALLAH TA’ALA kee Qudrat koo Azeem Samajhte hue Aur Uss par Batoure Ta’ajub tha Yeh Insaani Fitrat kaa Taqaaza hai kee Jab Use Koi Badi Nishaani Haasil ho to woh Ta’ajub Karte hue Kehta hai Aysa vi ho Jaayega…? Insaani Souch se Buland Chiz kaa Husul Yaqinan Muta’jib karta hai,

Hazrat Zakariya Alayhis Salaam koo vi Shaheed kar Diya Gaya :-

Jab  Yahyaa Alayhis Salaam koo Shaheed kar Diya Gaya too Hazrat Zakariya Alayhis Salaam ne Baadshaah ke Zulm waa Sitam se Bachne ke liye Shahar se Baahar Jaane kaa Rukh Kiya, Baadshaah ne Ussi Faahisha Aurat ke kehne par Aap Alayhis Salaam koo Pakadne ke liye Apne Sipaaahiyo ko Bheija, Aap Alayhis Salaam ne Apni Jaan Bachaane ke liye Darakht ke Tane mai Chhup gaye Joo Andar se Khaali tha,

Zakariya Alayhis Salaam koo Darakht ke Andar se Khaali Tane mai Jab Paya Gaya too Un Louo ne Darakht ko Uper se Niche Aaare se Kaat Diya,
(ALLAHU AKBER…)

Ya’ni Iss Tarah Zakariya  Alayhis Salaam ke Jism Mubaarak ke 2 Tukde karke Aap Alayhis Salaam koo Shaheed kar Diya Gaya,

Khyaal rahe kee Jaan kee Hifaazat kaa Wa’ada Sirf HUZOOR NABI E KAREEM Sallallaaho Alayhe Wasallam se RABB TA’ALA ne Fharmaya
“Aur ALLAH TA’ALA Aap Koo Logo se Bachaaye rakhega”
(Surah Al Maaida)

Aur Dusre Rasoolo se Joo Nusrat kaa Wa’ada Fharmaya Uss se Muraad yeh hai kee Tum Itne Bade Logo kee Mukhaalefat ke Baawajud Meire Ahekaam Un tak Pahoncha Sakoge, Tumhaare Dalaail kaa Woh Koi Jawaab Nahi de Sakenge Aur Tumhaare Badle mai Unke Kayi Aadmiyo koo Qatl karaa Dunga, Ambiya Alayhis Salaam koo Logo se Bachaaye Rakhne kaa Wa’ada Na Fharmaya.
(Tazkiratul Ambiya Alayhis Salaam, Safa-496)

Click Here>>Next Page
Share:

Hazrat Zakariya alihissalam bete ka naam part 3 | islamic stories and urdu stories

Hazrat Zakariya alihissalam bete ka naam part 3 | islamic stories and urdu stories

Hazrat Zakariya alihissalam bete ka naam
Hazrat Zakariya alihissalam bete kaa naam
Click Here>>Preview Page
Click Here>> Fast Page

Hazrat Zakariya Alayhis Salaam kee Aulaad ke liye Duaa :-

Quraane Hakeem mai hai kee
“Yaha Pookara Zakariya ne Apne RABB koo Bola Aye RABB Meire Mujhe Apne Paas se de Suthri Aulaad Beshak Tu hi hai Duaa Soonne Wala”
(Surah Aale Imraan, Aayat-38)

Ek Aur Jagah Irshaad hai
“Yah Zikr hai Teire RABB kee Uss Rehmat kaa Joo Usne Apne Bande Zakariya par kee, Jab Usne Apne RABB koo Aahista Pookaraa, Arz ki Aye Meire RABB Meiri Haddi Kamzor hoo gayi Aur Sar se Budhaape kaa Bhabhuka Futa Aur Aye Meire RABB Mai Tujhe Pookaar kar Kabhi Naa-Muraad Naa Raha, Aur Mujhe Apne Baad Apne Qaraabat Waalo(Rishtedaaro) kaa Dar hai Aur Meiri Aurat Baanjh hai too Mujhe Apne Paas se koi Aysa De Daal Joo Meira Kaam Utha le”
(Surah Mariyam, Aayat-2, 3, 4, 5)

Hazrat Zakariya Alayhis Salaam Hazrat Suleimaan Alayhis Salaam kee Aulaad se the, Aap Alayhis Salaam ke Aaaba waa Ajdaad(Baap-Daada) Joo Nabi the Woh Beitul Muqaddas mai Wahi Likha karte the, Aap kee koi Aulaad Naa thi, Iss liye RABB TA’ALA se Duaa kee, Aap ne Duaa Qabooliyat ke Waqt mai kee, Duaa Mukhaffi (Chhupe/Khufiya) Tour par kee Taaki Riyaakaari(Dikhawe) se Door rahe Aur Iss me Kaamil Khulush Paya Jaaye Aur Log vi yeh Naa Kahe kee yeh Budhaape kee Umr mai Aulaad koo Maang Raha hai, Duaa karte Pehle Apne Ujr kaa Izhaar Kiya kee Aye Meire ALLAH TA’ALA Meiri Haddi Kamzor ho gayi,
Aap Alayhis Salaam ne Apni Kamzori kaa Zikr karne ke Baad Sarke Baalo ke Safeid hone kaa Zikr kar Diya, Aur Arz kiya Mai Teira Woh Banda hu Jise Tune Arsha Daraaz se Apne Lutf waa Karam kaa Khogar Bana Diya hai, Jab Kabhi Meine koi Sawaal Kiya Tune Radd Naa kiya, Jo vi Meine Maanga Tune Ataa kiya, Mujhe Yaqin hai ki Yeh Ilteja vi Sharfe Qabul se Sarfaraaz hogi,
Aur Hazrat Zakariya Alayhis Salaam ne Arz kiya AY ALLAH TA’ALA Mujhe Apne Rishtedaaro par Khouf hai kee woh Deen ke Umur koo Kaamil Tour par Sar-Anjaam de Sakenge, Deen mai Fasaad Feilayenge, Iss liye Tu Mujhe Bachcha Ataa Fharma Jise Mansabe Nabuwwat par Faaiz kar de, Taki woh Umur E Deen kee Hifaazat kar Sake, Usse Ilm Aur Nabuwwat kaa Meira Aur Aulaade Yaaqub Alayhis Salaam mai se Ambiya Alayhis Salaam kaa Jaanasheen Bana, Yaha Wiraasat se Muraad Maal Waa Doulat nahi Balki Ilm Aur Nabuwwat hai.
(Tazkiratul Ambiya Alayhis Salaam, Safa-485, 486, 487)

Hazrat Zakariya Alayhis Salaam koo Beite kee Bashaarat :-

Quraane Azeem mai hai kee
“Too Farishto ne Use Aawaaz di Aur Wah Apni Namaaz kee Jagah Khada Namaaz Padh Raha tha Beshak ALLAH Aap koo Khush-khabri deita hai Yahyaa kee Joo ALLAH kee Taraf ke Ek Kalime kee Tasdeeq Karega Aur Sardaar Hameisha ke liye Aurato se Bachne wala Aur NABI Hamaare Khaaso se”
(Surah Aale Imraan, Aayat-39)

Malaika se Muraad Hazrat Jibrail Alayhis Salaam hai Ya’ni yeh Khush-khabri deine waale Hazrat Jibrail Alayhis Salaam hai,
Aap Alayhis Salaam koo Bashaarat deine ke liye Jab Hazrat Jibrail Alayhis Salaam Aaye to Aap Alayhis Salaam Apni Namaaz Padhne kee Jagah Namaaz Padh rahe the ,
Aap Alayhis Salaam koo Jiss Beite kee Bashaarat dee gayi Uss ke Chand Awsaaf vi Zikr kiye gaye kee woh ALLAH TA’ALA kee Taraf se Kalme kee Tasdeeq karne wala Hoga, Yaha Kalma se Muraad Hazrat Isaa Alayhis Salaam hai, Hazrat Yahyaa Alayhis Salaam Hazrat Isaa Alayhis Salaam se 6 Maah(Mahine) Bade hai, Sabse Pehle Aap hi Unhe Taslim karne Waale Aur Unki Tasdeeq karne waale hai kee Hazrat Isaa Alayhis Salaam RoohulAllah hai,

Ek Martaba Hazrat Mariyam Alayhis Salaam ne Hazrat Yahyaa Alayhis Salaam kee Waalida se Mulaaqaat kee, Joo Un ki Khala hai Too Unhone Kaha kee Kya Tumhe Ma’alum hai kee Mei Haamela hu..??
Too Mariyam Alayhis Salaam ne kaha Mai vi Haamela hu, Too Hazrat Yahyaa Alayhis Salaam kee Waalida ne kaha Joo Tumhaare Peit mai Bacha hai Meine Use Apne Peit Waale Bachhe koo Sajda karte hue Paya, Yani Meira Baccha Tumhaare Bacche koo Sajda karta hai..

Iss se Waajeh hoo Raha hai kee Hazrat Yahyaa Alayhis Salaam ne Sabse Pehle Hazrat Isaa Alayhis Salaam kee Tasdeeq kee.
(Tazkiratul Ambiya Alayhis Salaam, Safa-487, 488)

Hazrat Yahyaa Alayhis Salaam kaa Naam :-

Hazrat Yahyaa Alayhis Salaam kaa Naam ALLAH TA’ALA ne Khud Rakha Quraane E Paak mai ALLAH RABBUL IJJAT Irshaad Fharmata hai
“Aye Zakariya Hum Tujhe Khush-khabri Soonaate hai Ek Ladke kee Jinkaa Naam Yahyaa hai Isske Pehle Humne Iss Naam kaa Koi Naa kiya”
(Surah Mariyam, Aayat-7)

Har Bacche kaa Naam Uss ke Waalidein Rakhte hai Aur woh vi Paidaaish ke Baad, Hazrat Yahyaa Alayhis Salaam kee Paidaaish se Pehle Aap kaa Naam ALLAH AZZAWAJAL ne Rakha Aur woh vi Aysa Naam kee Aap se Pehle Yeh Naam Kisi Shaksh kaa vi Nahi tha,

Aap Alayhis Salaam kaa Naam Yahyaa kyu Rakha…??

Haqiqat too ALLAH TA’ALA hi Behtar Jaanta hai, Lekin Mufassireen e Kiraam ne Baaz Wajah Bayaan kai hai,
> ALLAH TA’ALA ne Unke Zariye Unki Waaalida ke Baanjh-pan koo Zindagi Ataa Fharmaayi,
> Aap Alayhis Salaam koo ALLAH TA’ALA ne Na-fharmaani ke Iraade se Door Rakh kar Taaqat kee Zindagi se Sarfaraaz kiya kyu ki Aap koo ALLAH TA’ALA ne Gunaaho ke Iraade se vi Door Rakha,
> Deen koo Aap Alayhis Salaam ke Zariye Zinda Rakha Kyu ki Hazrat Zakariya Alayhis Salaam ne Deen ke Qayaam ke liye hi too Aap ke liye Duaa kee thi.
(Tafseere Kabeer, Jild-21, Safa-186,187)
(Tazkiratul Ambiya Alayhis Salaam, Safa-489, 490

Click Here>>Next Page
Share:

Hazrat Mariyam Alayhis Salaam ki Parwarish ki Zimmedaari part 2 | islamic stories and urdu stories

Hazrat Mariyam Alayhis Salaam ki Parwarish ki Zimmedaari part 2 | islamic stories and urdu stories

Hazrat maryam Alaihissalam ka wakiya part 2 | islamic stories and urdu stories
Hazrat Mariyam Alayhis Salaam ki Parwarish ki Zimmedaari
Click Here>>Preview Page

Hazrat Mariyam Alayhis Salaam kee Parwarish kee Zimmedaari :-

Quraane Azeem mai ALLAH TA’ALA Irshaad Fharmata hai
“Too Usse Usske RABB ne Achhi Tarah Qabul kiya Aur Usse Achha Parwaan Chadhaya Aur Use Zakariya kee Nigehbaani mai Diya”
(Surah Aale Imraan, Aayat-37)

Achhi Tarah Qabul karne kaa Ek Matlab to yeh hai kee Hazrat Mariyam Alayhis Salaam Aur Unke Beite Hazrat Isaa Alayhis Salaam koo ALLAH TA’ALA ne Shaitan se Mehfuz Rakha Aur

Dusri Wajah yeh hai kee Hazrat Maryam Kapde mai Lapeita Aur Masjid mai Haarun Alayhis Salaam kee Aulaad mai se Joo Ulma Moujud the Unke Hawaale kar Diya yeh Log Beitul Muqaddas kee Khidmat Guzaari mai rehte the, Chunki Hazrat Mariyam Alayhis Salaam Unke Imaam kee Beiti thi, Iss liye Har Ek Chaahta tha kee Iss ki Kefaalat(Parwarish) kaa Haqq Mujhe Mile, Hazrat Zakariya Alayhis Salaam ne kaha Mai Haqdaar hu kyu kee Iss ki Khala Meiri Zovjiyat mai hai Lekin Sabne Kaha kee Nahi Qur’aa Daalte hai, yeh Hazraat 27 kee Taadaad mai the,

Sabne Apne Qalam ek Kapde ke Niche rakhe Aur Ek Na-Baalig Bacche koo kaha gaya kee Kapde ke Niche Hath daal kar Ek Qalam Nikaal lo, Usne Joo Qalam Nikaala woh Hazrat Zakariya Alayhis Salaam kaa tha, fhir Sab kehne Lage kee Ek Martaba Aur Qur’aa Daalte hai,
Ab Sab Naher kee Taraf Chale kee Apne Apne Qalam Naher mai Daalte hai, Jiss kaa Qalam Ulta Teira Yani Paani ke Aane kee Taraf Uss kaa Rukh huwa woh Kaamyaab hoo Gaya, yeh Qura’a vi Hazrat Zakariya Alayhis Salaam ke Haqq mai hi Nikla kyu kee Aap kaa Qalam hi Ulta Teira, Fhir Sab kehne Lage kee Ek Martaba Aur Qura’a Daalte hai, Ab Jiss kaa Qalam Sidhe Rukh kee Taraf Chala woh Kaamyaab hoga, Tisri Martaba mai vi Hazrat Zakariya Alayhis Salaam koo hi Kaamyaabi Haasil ho gayi, Aap Alayhis Salaam kaa Qalam hee Paani ke Bahaaw ke Rukh kee Taraf Chala, Qur’aa mai Kaamyaabi par Aap Alayhis Salaam ne Kefaalat(Parwarish) kee Zimmedaari Sambhal li.
(Tazkiratul Ambiya Alayhis Salaam, Safa-480, 481)

Hazrat Maryam Alayhis Salaam ke liye Jannati Rizq :-

Quraane Kareem mai hai kee
“Jab Zakariya Uss ke Paas Uss kee Namaaz Padhne kee Jagah Jaate Uss ke Paas Naya Rizq Paate Kaha Aye Mariyam Yah Teire Paas Kaha se Aaya Boli Wah ALLAH ke Paas se hai Beshak ALLAH Jise Chaahe Be-ginti de”
(Surah Aale Imraan, Aayat-37)

1 Din mai Hazrat Mariyam Alayhis Salaam Itni Badi hoo Jaati Jitna Dusre Bacche 1 Saal mai Bade hote hai, Issi Tarah Aap Koo Nei kee, Paak Daamani, Sidhi Raah par Chalne Aur Ita’at mai vi Buland waa Baala Maqaam Ataa Kiya, ALLAH TA’ALA ne Hazrat Sulemaan Alayhis Salaam kee Aulaad se Hazrat Zakariya Alayhis Salaam koo Hazrat Mariyam Alayhis Salaam kaa Kafeel Bana Diya Aur Mariyam Alayhis Salaam kee Deikh Bhaal Har Maslehat ke Kaam kee Zimmedaari Unke Supurd kardi,

Hazrat Maryam Alayhis Salaam koo Jaha Thehraya Gaya tha Uss kaa Darwaaza Diwaar ke Darmiyaan tha, Uss Kamre mai Jaane ke liye Sidhi koo Istemaal Kiya jata tha,
Hazrat Zakariya Alayhis Salaam Jab Ussk Kamre se Nikal kar Aate too Uss ke Saath Darwaaze Band karke Taale Lagaa kar Aate, koi Aur Shaksh waha Daakhil Nahi hoo Sakta tha Lekin Aap Jab vi Kamre mai Aate to Deikhte kee Mariyam Alayhis Salaam ke Paas Garmiyo ke Fal Sardiyo mai Aur Sardiyo ke Garmiyo mai Moujud hote,
Hazrat Zakariya Alayhis Salaam ne Ta’ajub se kaha Aye Mariyam yeh Teire Paas Kaha se Aaya…??

Hazrat Maryam Alayhis Salaam ne Jawaab Diya kee Jannati Rizq hai Joo kisi Insaan ke Waaste ke Bageir Mujhe ALLAH TA’ALA kee Taraf se Haasil hai, Hazrat Mariyam Alayhis Salaam kaa ye Kalaam(Baat) Bachpan mai hai Yani Iss Umar mai Jisme Aam Bacche Kalaam(Baat) nahi karte hai,

Hazrat Maryam Alayhis Salaam ne kaha kee Apne Bando mai ALLAH TA’ALA Jise pasand Fharmata hai Unhe Kisi Insaan ke Waseele ke Bageir hi Rizq Ataa Fharmata hai,
(Tafseere Kabeer, Jild-8, Safa-32)
(Tafseere Roohul Ma’ani, Jild-2, Safa-140)
(Tazkiratul Ambiya Alayhis Salaam, Safa-481, 482)

Click Here>>Next Page
Share:

Hazrat maryam Alaihissalam ka wakiya part 1 | islamic stories and urdu stories

Hazrat maryam Alaihissalam ka wakiya | islamic stories and urdu stories

Hazrat maryam Alaihissalam ka wakiya | islamic stories and urdu stories
Hazrat maryam Alaihissalam ka wakiya

Hazrat Isaa Alayhis Salaam kee Waalida kaa Naam Maryam :-

Naani kaa Naam Hanna Aur Nana aka Naam Imraan hai,
Hanna kee Ek Aur Bahen thi Jiss kaa Naam Isha’a tha, yeh Dono Faaquz kee Beitiya hai,
Hazrat Imraan Aur Hazrat Zakariya Alayhis Salaam Dono Ek hi Zamaane mai hue, Hanna Imraan ke Nikaah mai thi Aur Isha’a Zakariya Alayhis Salaam ke Nikaah mai,
Hazrat Isaa Alayhis Salaam kee Waalida Hazrate Mariyam Alayhis Salaam, Aur Hazrat Yahyaa Alayhis Salaam Khalaa-zaad(Khala ke Ladke) hai.
(Tazkiratul Ambiya Alayhis Salaam, Safa-478)

Hazrat Isaa Alayhis Salaam kee Naani kaa Nazar Maanna :-

Quraane Kareem mai hai kee
“Jab Imraan kee Biwi ne Arz kee Aye RABB Meire Mei Teire liye Mannat Maanti hu Joo Meire Peit mai hai kee Khaalis Teiri hi Khidmat mai rahe Too Tu Mujh se Qubul karle Beshak Tu hi Soonta Jaanta”
(Surah Aale Imraan, Aayat-35)

Imraan kee Zovja Hanna kee Aulaad nahi thi, Yeh Budhape kee Umr tak Pahunch chuki thi, Ek Din Darakht ke Saaye mai Beithi thi, Unhone Ek Parinde koo Deikha Joo Apne Baccho koo Chog khilaa Raha tha too Aapke Dil mai vi Aulaad kee Khwaaish Peida Hui too Aapne ALLAH TA’ALA kee Baargaah mai Arz kiya Aye ALLAH TA’ALA Mujhe Baccha Ataa Fharma, Aap kee Duaa koo Qabul kar liya gaya, Jab Aap Haamela hoo gayi too Aapne Nazar Maani kee Meire Peit mai Joo Baccha hai Use Mai Beitul Muqaddas kee Khidmat ke liye Waqaf kar dungi Joo Teire Ghar kee Khidmat-guzaari Karega, Agarche Aapne Sirf Itna hi kaha tha Joo Meire Peit mai hai Lekin Iss se Muraad Muzakkar tha Kyun ki Uss Waqt Beitul Muqaddas kee Khidmat ke liye Muzakkar Bacche hee Waqaf kiye Jaate the, Mu’annas Bacchiya Waqaf nahi ki jati thi Jab Aapne Apni Nazar kaa Zikr Apne Khaawind se kiya to Unhone kaha kee Agar Tumhaari Bacchi Peida hoo gayi Fhir Kya karogi..??
Too Unhone Fhir ALLAH TA’ALA kee Baargaah mai Arz kee “Aye ALLAH Meiri Nazar Qabul kar” Yani Mujhe Baccha hee Ataa kar Taaki Usse Beitul Muqaddas kee Khidmat ke liye Waqaf kar Saku.
(Tafseere Kabeer, Jild-8, Safa-26)
(Tafseere Roohul Ma’ani, Jild-2, Safa-133)
(Tazkiratul Ambiya Alayhis Salaam, Safa-478, 479)

Bacchi Peida Hone par Hasrat(Afsos)

Quraane Majeed mai hai kee
“Fhir Jab Usse Janaa Boli Aye RABB Meire Yah too Meine Ladki Jani Aur ALLAH koo Khub Ma’alum hai Joo Kuchh Wah Jani Aur Wah Ladka Joo Usne Maanga Iss Ladki saa nahi Aur Meine Uss ka Naam Mariyam rakha Aur Mei Usse Aur Uss ki Aulaad Koo Teiri Panaah mai deiti hu raande hue Sheitaan se”
(Surah Aale Imraan, Aayat-36)

Hazrat Maryam Alayhis Salaam kee Waalida ne Ladke koo Beitul Muqaddas kee Khidmat mai Waqaf karne kee Nazar Maani thi Kyu ki Uss Waqt Unki Shariyat mai Ladko kee hee Nazar Maani jati thi Ladkiyo kee Nahi, Muzakkar hee Ibaadat ke Maqaam kee Hameisha Khidmat kar Sakte hai, Mu’annas koo yeh Maqaam Haasil nahi kyu ki Unko Heiz Laahaq hota hai, Muzakkar Apni Quwwat waa Taaqat kee Wajah se Khidmat kar Sakta hai woh Mu’annas nahi Kar Sakti Kyun ki Uss me Taaqat kee Kami hoti hai, Muzakkar Khidmat ke Muaamlaat mai Logo se Meil-Jol rakh Sakta hai Uss ke liye Aiyb nahi Lekin Mu’annas ke liye Logo se Meil-Joul Aiyb hai, Muzakkar ke liye Mardo se Milne Julne mai Koi Tohmat Nahi hoti Lekin Mu’annas ke liye Tohmat hai,

Jab Ladki Peida hoo gayi too Khouf Laahaq huwa kee RABB Mei Nazar Keise Poori kar Sakungi, Azr Peish karte hue Hasrat(Afsos) Aur Izhaar karte hue RABB TA’ALA kee Baargaah mai Arz kiya Aye Meire RABB Meine Bacchi Jani Ab Mei Kya karu, Nazar koo Keise Poora karu..??
Too RABB TA’ALA ne Fharmaya
“Aur ALLAH TA’ALA koo Khub Ma’alum hai Jo Kuchh Uss ne Janaa”,
Joo Ladka Tumhaara Matlub(Maanga) tha woh Uss Ladki jeisa nahi Joo ALLAH TA’ALA ne Tumhe Ataa kee hai Ya’ani Tum too Sirf Beitul Muqaddas kee Khidmat ke liye Waqaf hone ke liye Ladka Talab kar rahi thi Lekin ALLAH TA’ALA Tumhe woh Ladki Ataa kee Jise Hazrat Isaa Alayhis Salaam kee “Maa” hone ka Sharf Haasil hona hai,

Arz kee AYE ALLAH TA’ALA Meine Iss kaa Naam Mariyam Rakha, Maryam Ibraani Zabaan mai Aabeda(Ibaadat Karne Wali) ke Ma’ani mai Istemaal hota hai ye Naam Rakh kar ALLAH TA’ALA se Darkhwaast kee gayi ki Ise Deen waa Duniya kee Aaafat se Mehfuz Fharma Aur Saath hi ye Duaa kee AY ALLAH TA’ALA Ise Aur Iski Aulaad koo Sheitaan ke Shar se Mehfuz Rakh Ya’ani Neik Bana.
(Tazkiratul Ambiya Alayhis Salaam, Safa-479, 480)

Click Here>>Next Page
Share:

Hazrat musa alaihissalam ki paidaishi se mout tak ka full wakiya | islamic stories and urdu stories

Hazrat musa alaihissalam ki paidaishi se mout tak ka full wakiya | islamic stories and urdu stories 

Hazrat musa alaihissalam ki paidaishi se mout tak ka full wakiya | islamic stories and urdu stories
Hazrat musa alaihissalam ki paidaishi se mout tak ka full wakiya
Kisi Post Par Agar Hamse Kisi Tarah kee Lagjis, Galti, Kutahi, Be-Adabi Hui ho to ALLAH RABBUL IJJAT Apne Pyare MEHBOOB HUZOOR NABI E KAREEM Sallallaho Alayhe Wasallam ke Sadke mai Ma’af Farmaye..
Aameen Ya RABBUL AALAMIN

Page No..1

Page No..2
Click Here>>Hazrat musa alaihas salam ki Peidaaish ka wakiya Part 2

Page No..3
Click Here>>Hazrat musa alaihas salam ki Peidaaish ka wakiya Part 3

Page No..4
Click Here>>Hazrat musa alihissalam ka bachpan or firon ka wakiya Part 4

Page No..5
Click Here>>Hazrat musa alaihissalam ki mukammal wakiya Part 5

Page No..6
Click Here>>Hazrat musa alaihas salam ka wakiya Part 6

Page No..7
Click Here>>Hazrat musa alahissalam ka nikah ka wakiya Part 7

Page No..8
Click Here>>Hazrat Musa alaihissalam k mojizat Part 8

Page No..9
Click Here>>Hazrat musa or firon ka wakiya Part 9

Page No..10
Click Here>>Hazrat musa alaihissalam ka mojiza ka wakiya Part 10

Page No..11
Click Here>>Hazrat musa alaihissalam ka dusra mojiza Part 11

Page No..12
Click Here>>Hazrat musa alaihissalam ka dusra mojiza Part 12

Page No..13
Click Here>>Hazrat musa alaihissalam or firon ka wakiya Part 13

Page No..14
Click Here>>Hazrat musa alaihissalam or firon ka wakiya Part 14

Page No..15
Click Here>>Hazrat musa alaihissalam or firon ka wakiya Part 15

Page No..16
Click Here>>Firon aur Hazrat musa alaihissalam ka wakiya Part 16

Page No..17
Click Here>>Firon aur Hazrat musa alaihissalam ka wakiya Part 17

Page No..18
Click Here>>Hazrat musa alaihissalam kaa wakiya Part 18

Page No..19

Aap Logo se Gujarish hai kee Post Padhne ke baad apne Aur Dusre Musalman Bhai tak Pahonchate rahe..Taaki Hamare Bhaiyo ke Ilm mai Izafa hota rahe Aur Sawaab paane mai Aap vi Saamil ho jaaye..
Share:

Hazrat Musa alaihissalam ka intaqal Part 29 | islamic stories and urdu stories

Hazrat Musa alaihissalam ka intaqal Part 29 | islamic stories and urdu stories

islamic stories and urdu stories
Hazrat Musa alaihissalam ka intaqal
Click Here>>Preview Page

Hazrat Musa Alaihis Salaam kaa Inteqaal :-

Ek Riwaayat mai hai kee Malekul Mout(Hazrat Izraail Alayhis Salaam) koo Hazrat Musa Alayhis Salaam kee Taraf Bheija gaya Jab woh Aapke Paas Aaye too Aap Alayhis Salaam ne Thappad Maar kar Uss ki Aankh Nikaal di,

Dusri Riwaayat mai Iss Tarah hai kee Malekul Mout Hazrat Musa Alaihis Salaam ke Paas Aaye Aur Kaha kee Apne RABB TA’ALA Kaa Hukm Qabul karo too Aap Alayhis Salaam ne Usse Thappad Maar Diya, Jiss se Unki Aankh Zaya hoo gayi, Hazrat Izraail Alayhis Salaam Waapas ALLAH TA’ALA ke Paas Haazir Huwe, Arz kee Mujhe Tumne Ayse Bande kee Taraf Bheija hai Jo Marna hi nahi Chaahta,
ALLAH TA’ALA ne Hazrat Izraail Alayhis ko Aankh Fhir Ataa kardi Ya’ni Nazar Fhir Louta di Aur Fharmaya Jaao Meire Bande ke Paas Use Kaho kee Apna Haath Beil kee Pith per rakhe, Haath ke Niche Jitne Baal Aayenge Umr Utne Saal Badha Dunga,
Aap Alayhis Salaam ne Arz ki Aye Meire RABB, Fhir Kya Hoga..??
ALLAH TA’ALA ne Fharmaya Fhir Mout Aajayegi,
Aap Alayhis Salaam ne Arz kee Mout Abhi Aajaye Aur Sath yeh Sawaal kiya kee Aye Meire RABB Mujhe Beitul Muqaddas kee Sar-Zamin par Pahuncha deina.
ALLAHU AKBER…

Faida :-

Hazrat Musaa Alayhis Salaam ne Beitul Muqaddas mai Dafan hone kee Khwaaish Iss liye ki ke woh Maqaam Ambiya E Kiraam Alayhis Salaam ke Dafan hone kee Wajah se Musharraf tha, Aap Alayhis Salaam kee Duaa se Waazeh huwa kee Fazilat waale Maqaam mai Saaleheen ke Qurb mai Dafan hona Mustahab hai.
(Novi Bar Sahi Muslim, Jild-2, Safa-267)
(Tazkiratul Ambiya Alayhis Salaam, Safa-472)

Hazrat Musa Alayhis Salaam kaa Qabr mai Namaaz Adaa karna :-

Hazret Sulemaan Tamimi RadiAllaaho Ta’ala Anho Riwaayat karte hai kee Meine Hazrat Anas RadiAllaho Ta’ala Anho koo Kehte hue Soona kee RASOOLALLAH Sallallaho Alayhe Wasallam Ne Irshaad Fharmaya
Meira Guzar Musa Alaihis Salaam se huwa too Apni Qabr mai Namaaz Adaa kar rahe the,

Ek Riwaayat mai hai kee
Me’araaj kee Raat Meira Guzar Musaa Alayhis Salaam se huwa,
(Muslim Shareef, Jild-2, Safa-267)

Aur Ek Riwaayat mai hai kee HUZOOR NABI E KAREEM Sallallaho Alayhe Wasallam Ne Irshaad Fharmaya
Meine Musaa Alayhis Salaam koo Namaaz Padhte hue Deikha, Isaa Alayhis Salaam koo Namaaz Padhte hue deikha, Ibhraahim Alayhis Salaam koo Namaaz Padhte hue Deikha.
(Muslim Shareef, Jild-1, Safa-116)

Khyaal rahe kee Hazrat Musaa Alayhis Salaam koo Qabr mai Namaaz Padhte hue Deikha, Fhir Beitul Muqaddas mai Apne Saath Namaaz Padhte hue vi Deikha, Fhir Aasmaano par Aap koo Marhaba Kehte hue vi Deikha, Iss ki 2 Wajah ho Sakti hai

Ek yeh kee HUZOOR NABI E KAREEM Sallallaho Alayhe Wasallam Buraaq par Sawaar the Aur Buraaq kee Raftaar se Safar kar rahe the, Hazrat Musaa Alayhis Salaam Bageir Kisi Sawaar ke Apne Shaan E Nabuwwat see Chal rahe the, Iss liye Aap HUZOOR NABI E AKRAM Sallallaho Alayhe Wasallam se Pehle Beitul Muqaddas Aur Aasmaano par Pahunch gaye Ya’ni Raftaar E Nabuwwat Buraaq kee Raftaar se Badh kar hai,

Dusri Wajah yeh ho Sakti hai kee Hazrat Musaa Alayhis Salaam Ek Waqt mai Qabr mai vi Tashreef Fharma hoo Aur Beitul Muqaddas mai vi Aur Aasmaano mai bhi.
(Tazkiratul Ambiya Alayhis Salaam, Safa-474)

Yaha par Hazrat Musa Alaihis Salaam ke Waaqiyaat Khatm hote hai,
In Sha Allah Aage Aur Ambiya Alayhis Salaam ke Waaqiyaat Jaari hai..
Share:

Hazrat musa alaihissalam or Hazrat Khizar ka wakiya Part 28 | islamic stories and urdu stories

Hazrat musa alaihissalam or Hazrat Khizar ka wakiya Part 28 | islamic stories and urdu stories

islamic stories and urdu stories
Hazrat musa alaihissalam or Hazrat Khizar ka wakiya
Click Here>>Preview Page

Hazrat musa alaihissalam or Hazrat Khizar kaa wakiya :-

Hazrat musa alaihissalam or Hazrat Khizar kaa yeh waqiya aage parhe Quraane Azeem mai Aage hai kee “Rahi Wah Diwaar Wah Shahar ke doo Yatim Ladko kee thi Aur Uss ke Niche Unkaa Khazanaa tha Aur Unkaa Baap Neik Aadmi tha Too Aapke RABB ne Chaha kee woh Dono Apni Jawaani koo Pahunche Aur Apna Khazana Nikaale Aapke RABB kee Rahmat se Aur Yah Kuchh Meine Apne Hukm se Naa kiya Yah Feir hei Un Baato kaa Jispar Aapse Sabr Naa hoo Saka”
(Surah Al Kahaf, Aayat-82)

Iss Aayate Kareema mai Joo Zikr kiya gaya hai kee Unkaa Baap Neik Aadmi tha Iss se Pata Chala kee Aaabaa(Baap) kee Neiki se Unki Aulaad par ALLAH TA’ALA kee Maherbaani hoti hai,

Mohammad Bin Mukandar Fharmate hai Beshak ALLAH TA’ALA Apne Neik Bande kee Neikiyo kee Wajah se Uski Aulaad Aur Uski Aulaad kee Aulaad Aur Uske Qabile Aur Uske Ird-Gird(Aas-paas) rahne waale Padosiyo kee Hifaazat karta hai woh Log Jab tak Uss Neik Bande ke Pados mai rahenge Uss Waqt Tak ALLAH TA’ALA kee Hifaazat mai honge.
(Tafseere Mazhari, Jild-3, Safa-45)
(Tazkiratul Ambiya Alayhis Salaam, Safa-463, 464)

Note :-Kuchh Log Wali koo NABI se Bada Deikh kar Gumraah hoo gaye Aur Unhone Yah Khyaal kiya kee Hazrat Musa Alayhis Salaam koo Hazrat Khizar Alayhis Salaam se Ilm Haasil Karne kaa Hukm Diya gaya Jab kee Hazrat Khizar Alayhis Salaam Wali hai Aur Haqiqat mai Wali koo NABI se Bada Maanna Khula Kufr hai Aur Hazrat Khizar Alayhis Salaam NABI hai Aur Agar Aysa Naa hoo Jeisa kee Kuchh kaa Gumaan hai too Yah ALLAH TA’ALA kee Taraf se Hazrat Musa Alayhis Salaam ke Haqq mai Aazmaaish hai

Hazrat Khizar Aalaihissalam NABI the yaa Wali :-

Iss Masle mai Ahle Ilm ke Har Taraf se Dalaail Moujud hai, Kuchh Hazraat ne Wali kaha Aur Kuchh ne NABI kaha, Mohaqqieen Hazraat Iss Taraf hai kee Khizar Aalaihissalam NABI the,

Iss Masle koo Bayaan karte hue Mufakkir E Islaam, Mufassire Quraan Hazrat Pir Karam Shah Saahab Fharmaate hai
Jamhur(Aksar) Ulma kaa Mazhab hai kee yeh Banda Hazrat Khizr Alayhis Salaam hai, Inkaa Naam “Baliya Bin Malkaan” hai kyu kee Jaha yeh Tashreef Fharma hote woh Jagah Sar-Sabz(Green) hoo Jaati thi Iss liye Khizr Aap kaa Laqab tha Aur Issi Laqab se Mashoor hoo gaye, Baaz Ulma kee yeh Raay hai kee woh Wali the Lekin Allama Pani Pati Aur Digar Ulma E Mohaqqieen kee yeh Raay hai kee woh NABI the Kyu ki Wali ke Ilhaam se Ilm E Zanni Haasil hota hai Aur Uss mai khata’a kaa Ahtemaal hota hai, Ilhaam kee Wajah se Qatl jeise Sangin Feil kaa Irtekaab Jaiz nahi ho Sakta, Iss liye Aap Alayhis Salaam koo NABI Manna Padega Aur NABI kaa Ilm Yaqini hota hai.
(Ziyaaul Quraan, Jild-3, Safa-46)
(Tazkiratul Ambiya Alayhis Salaam, Safa-465)

Kya Hazrat Khizr Alayhis Salaam Zinda hai…??

Iss Masle koo Bayaan karte hue Mufakkir E Islaam, Mufassire Quraan Hazrat Pir Karam Shah Saahab Tehreer Fharmaate hai
Rahi ye Baat kee Hazrat Khizr Alayhis Salaam Ab Zinda hai yaa Wafa’at Paa Chuke hai Iss mai Ulma ke 2 Giroh hai Aur Un Dono Giroho ne Apne Apne Mouqif koo Saccha Saabit karne ke liye Dala ail ke Anbaar laga Diya hai,
(Jiss se Kisi Ayse Natija par Nahi Pahoncha Jaa Sakta kee Ek Baat par Mutmaeen hoo Paaye)

Iss liye Hazrat Qaazi Shana’aullah Pani Pati Rahmatullah Alay kee Iss Tehreer se Mutmaeen ho Sakte hai…

Likhte hai kee Hazrat Mujaddid Alf Saani Rahmatullah Alay se Hazrat Khizr Alayhis Salaam ke Muta’aliq Puchha gaya kee woh Zinda hai yaa Wafa’at Pa gaye hai to Woh Baargaahe ILAAHI mai Haqiqate Haal ke Inkeshaaf(Numaaish) ke liye Mutawajjeh hue

Too Hazrat Mujaddid Alf Saani Rahmatullah Alay ne Deikha kee Hazrat Khizr Alayhis Salaam Unke Paas Khade hai, Aapne Unse Unki Haqiqat E Haal Daryaaft kee to Unhone Fharmaya kee Mai Aur Ilyaas Alayhis Salaam Zindo mai se Nahi Lekin ALLAH TA’ALA ne Hamaari Rooho koo Aysi Quwwat Bakhshi hai Jisse Ham Mujassam hote hai Aur Zindo ke Kaam karte hai Masalan Jab ALLAH TA’ALA Chaahe to Ham Gumraah kee Rehnumuaai karte hai Aur Musibat-zada kee Madad karte hai, Ilme Ladunni kee Ta’alim deite hai Aur Jiss ke Muta’alaq ALLAH TA’ALA Kaa Irada hoo Use Roohani Nisbat Marhamat karte hai, Hame Auliya-ALLAH mai se Jo Qutube Madaar hota hai Usska Ma’awan waa Madadgaar Banaya gaya hai, ALLAH TA’ALA ne Usse Madaare Aalam Banaya hai Aur Usski Barkat waa Feiz se Duniya kee Baqa’a hai Aaj kal Yaman ke Ek Buzurg Qutube Madaar hai Jo Shaafai ul Mazhab hai Ham Unke Saath Shaafai Mazhab ke Mutaabiq Namaaz Adaa karte hai.
(Tafseere Mazhari, Jild-6, Safa-62)
(Tafseere Ziyaaul Quraan, Jild-3, Safa-38)
(Tazkiratul Ambiya Alayhis Salaam, Safa-467, 468)

Click Here>>Next Page
Share:

Hazrat Khizr ne qatl kyu kiya Part 27 | islamic stories and urdu stories

Hazrat Khizr ne qatl kyu kiya Part 27 | islamic stories and urdu stories

islamic stories and urdu stories
Hazrat Khizr ne qatl kyu kiya
Click Here>>Preview Page

Hazrat Khizr Alayhis Salaam kaa Ek Bacche koo Qatl karna :-

Quraane Majeed mai hai kee
“Fhir Dono Chale Yaha Tak kee Jab Ek Ladkaa Mila Uss Bande ne Use Qatl kar Diya Musaa(Alayhis Salaam) ne kaha Kyaa Tumne Ek Suthri Jaan Bekisi Jaan ke Badle Qatl kar di Beshak Tumne Bahut Buri Baat kee, Kaha Mai ne Aapse Naa Kaha tha kee Aap Hargiz Meire Saath Naa Thehar Sakenge, Kaha Iss ke Baad Mai Tum se Kuchh Puchhu to fhir Meire Saath Naa Rahna Beshak Meiri Taraf se Tumhaara Uzr Pura hoo Chuka”
(Surah Al Kahaf, Aayat-74, 75, 76)

Jab Kashti se Dono Hazraat Nikle to Kinaare par Chal rahe the, Jab Unkaa Guzar Ek Basti se huwa, Waha Ladke Kheil rahe the, EK Ladkaa Joo Tamaam Ladko se Zyada Haseen Aur Saaf-Suthraa tha, Aap ne Use Sar se Pakda Aur Uss ka Sar Juda kar Diya, Ek Riwaayat mai hai kee Aap ne Use Lita kar Chhuri se Zabah kar Diya,

Hazrat Musaa Alayhis Salaam ne Bade Gusse mai Zourdaar Aaawaz se kaha Ye Tumne Kitna Bura Kaam kar Diya, Ek Naa-Baalig Bache koo Qatl kar Diya Joo Saaf-Suthraa Gunaaho se Paak tha, Uss par Koi Qasaas Laazim nahi tha, yeh Aysa Kaam Tumne kiya hai Jo Saraasar Aql ke Khilaaf hai, Hazrat Khizr Alayhis Salaam ne kaha Meine Joo kaha tha kee Tum Sabr Nahi Kar Sakoge, Hazrat Musaa Alayhis Salaam ne kaha Iss ke Baad Agar Meine Koi Sawaal kiya To Tum Meira Saath Chhod deina Kyun ki Uss Waqt Tumhe Meiri Taraf se Uzr Haasil ho Jaayegaa.
(Roohul Ma’ani, Jild-8, Hissa-1, Safa-338)
(Tazkiratul Ambiya Alayhis Salaam, Safa-460, 461)

Hazrat Khizr Alayhis Salaam kaa Diwaar koo Sidha karna :-

Quraane Paak mai hai kee
“Fhir Dono Chale Yaha Tak kee Jab Ek Gaanw Waalo ke Paas Aaye Un Dahqaano se Khana Manga Unhone Unhe Da’wat deini Qabul Naa kee Fhir Dono ne Uss Gaanw mai Ek Diwaar Paai kee Gira Chaahti hai Uss Bande ne Use Sidha kar Diya Musaa(Alayhis Salaam) ne kaha Tum Chaahte to Iss par kuchh Mazduri le leite, kaha Yah Meiri Aur Aapki Judaai hai Ab Mei Aapko In Baato kaa fer Bataaunga Jin par Aapse Sabr Naa hoo Saka”
(Surah Al Kahaf, Aayat-77, 78)

Ye Basti ‘Antaakiya’ yaa ‘Ayeela’ thi, Hazrat Musaa Alayhis Salaam Bhuk kee Wajah se Iss Haalat mai the kee Kisi se Giza(Khana) Talab karna Jaiz hota hai Balki Jaan Bachaane kee Wajah se Waajib ho jata hai, Ayse Haal mai Un Logo par vi Waajib ho Jata hai kee Woh Giza(Khana) Khilaaye, Issi Wajah se Hazrat Musaa Alayhis Salaam ne Diwaar Durust karne par Ayteraaz kiya kee Un Logo ne to Hame Shadeed Bhuk ke Haal mai Khana vi Nahi khilaya to Unse Uzrat(Majduri) leini Zaruri thi, Jab Un Dono ne Diwaar ko Deikha Jo Ek Taraf Jhuki Hui thi Girne ke Qarib Pahonch Chuki thi, Hazrat Khizr Alayhis Salaam ne Haath se Use Sidha kar Diya yaa Sirf Haath Feira Aur woh Diwaar Sidhi ho gayi, Ye Dar-Haqiqat Unkaa Mo’ajiza tha, Hazrat Musaa Alayhis Salaam ke Iss Ayteraaz par Hazrat Khizr Alayhis Salaam ne kaha Aapke Wa’de ke Mutaabiq Meire Aur Aapke Darmiyaan Judaai kaa Waqt Aa Chuka hai, Al Batta yeh Tin Kaam Jo Meine kiye hai Jis par Tumne Ayteraaz kiya Unme se Har Ek Kee Wajah Aur Hikmat mai Bayaan kar deita hu Taaki Tumhe Pata Chal jaaye Aur Tum Jiss Garaz se Aaye the Ya’ani Ilm Haasil Karne ke liye woh vi Haasil ho jaaye.
(Tazkiratul Ambiya Alayhis Salaam, Safa-461)

Hazrat Khizr Alayhis Salaam kaa Apne Kaamo kee Wazaahat karna :-

Quraane Azeem mai hai kee
“Wah Joo Kashti thi Wah Kuchh Mohtaajo kee thi kee Dariya mai Kaam karte the to Meine Chaha kee Use Aiybdaar Kardu Aur Unke Pichhe Ek Baadshah tha kee Har Saabut Kashti Zabardasti Chhin leita,
(Surah Al Kahaf, Aayat-79)

Hazrat Khizr Alayhis Salaam ne Fharmaya ye Kashti Das Miskino kee hai Jinme Kuchh Apaaij vi he, woh Iss ki Mazduri se Apne Guzar-Awqaat kar rahe hai, Jab yeh Waapas Loutenge to Inko Baadshah ‘Jalandi’ kaa Saamna karna Padhega woh Sahih Kashti koo Pakad Raha hai Lekin Aiybdaar ko nahi Pakadta, Iss liye Meine Usse Aiybdaar Banaane kaa Feishla kar liya Taaki yeh Kashti woh Naa Chhin Sake Aur Unki Mehnat waa Mazduri Jaari rahe,

Quraane Azeem mai Aage hai kee
“Aur wah Jo Ladka tha Uske Maa-Baap Musalmaan the too Hame Dar Huwa kee Wah Unko Sarkashi Aur Kufr par Chadhaade, to Hamne Chaha kee Un Dono kaa RABB Usse Bahtar Suthra Aur Usse Zyada Maherbaani mai Qarib Ataa Kare”
(Surah Al Kahaf, Aayat-80, 81)

Ek Riwaayat mai hai kee Beshak woh Ladka Jise Hazrat Khizr Alayhis Salaam ne Qatl kiya Uspar Kaafir hone kee Mohar lagaadi gayi thi Agar yeh Zinda Raha too Apne Waalidein koo Sarkashi Aur Kufr kee Taraf Majbur kar deiga.
(Muslim Shareef, Jild-2, Safa-345)

Ek Aur Riwaayat mai hai kee Beshak ALLAH TA’ALA koo Ma’alum tha kee yeh Bada hoo kar Kaafir hoo Jaayega Agarche Use Bachpan mai Kaafir nahi Kaha Jaa Sakta tha.
(Muslim Shareef, Jild-2, Safa-345)

Click Here>>Next Page
Share:

Hazrat musa or Hazrat Khizar ki kashti ka wakiya Part 26 | islamic stories and urdu stories

Hazrat musa or Hazrat Khizar ki kashti ka wakiya Part 26 | islamic stories and urdu stories

Hazrat musa or Hazrat Khizar ki kashti ka wakiya Part 26 | islamic stories and urdu stories
Hazrat musa or Hazrat Khizar ki kashti
Click Here>>Preview Page

Hazrat Musaa Alayhis Salaam Aur Hazrat Khizr Alayhis Salaam kaa Waaqiya :- 

Ek Martaba Bani Israaeel koo Khutba deine ke liye Hazrat Musa Alayhis Salaam Khade hue, Aap Alayhis Salaam se Puchha gayaa Logo mai se Zyada Aalim Kon hai..??

musa Alayhis Salaam ne Fharmaya Mai Zyada Aalim hu, Too RABB TA’ALA ne Aap par Etaab Fharmaya Kyunki Aap Alayhis Salaam ne Sawaal ke Jawaab koo RABB TA’ALA kee Taraf Mansub nahi kiya, Haalaanki yeh kehna Chaahiye kee ALLAH TA’ALA Behtar hai,

ALLAH TA’ALA ne Aap Alayhis Salaam par Wahi kee ke Meire Bando mai se Ek Banda Majma ul Bahrein(Daryaao ke Milne kee Jagah) mai Rehta hai woh Tum se Zyada Ilm Rakhta hai, Hazrat Musaa Alayhis Salaam ne Arz kee Aye Meire RABB Mai Unhe Keise Paaunga Too Aapko Bataya gaya kee Tum Apne Theile mai Ek Machhali Band karke Apne Saath le loo Jaha Tumhaari Machhali Gum hoo jaaye wahi Unkaa Maqaam hogaa.
(Muslim Shareef, Jild-2, Safa-269)
(Tazkiratul Ambiya Alayhis Salaam, Safa-456)

Hazrat Musaa Alayhis Salaam kaa Safar Shuru karna :-

Quraane Azeem mai ALLAH TA’ALA Irshaad Fharmata hai
“Aur Yaad karo Jab Musaa (Alayhis Salaam) ne Apne Khaadim se kaha Mai Baaz Naa Rahunga Jab tak Waha Naa Pahunchu Jaha 2 Samandar Mile hai Yaa Qarno(Muddato Tak) Chala Jaau, Fhir Jab Woh dono Un Dariyaao ke Milne kee Jagah Pahunche Apni Machhli Bhul gaye Aur Usne Samandar mai Apni Raah li Surang Bana li, Fhir Jab waha se Guzar gaye Musaa (Alayhis Salaam) ne Khaadim se kaha Hamara Subah kaa Khana Laao Beshak Hame Apne Iss Safar mai Badi Mashaqqat kaa Saamna Huwa, Bola Bhala deikhiye too Jab Hamne Iss Chattan ke Paas Jagah li thi to Beshak Mai Machhli koo Bhul gaya Aur Mujhe Sheitaan hi ne Bhula Diya kee Mai Uss ka Zikr karu Aur Uss ne To Samandar mai Apni Raah li Achambha(Ta’ajub) hai”(Surah Al Kahaf, Aayay-60, 61, 62, 63)

Hazrat Musa Alayhis Salaam ne Jiss Jawaan koo Apne Saath liya woh ‘Yush’a Bin Noon’ the Jo Aap kee Khidmat waa Sohbat mai Rehte the Aur Aap se Ilm Haasil karte the Aur Aap ke WaliAhad hai

Majma ul Bahrein’ se Muraad 2 Daryaao kee Jagah Ya’ni Bahare(Samandar E) Faaras Aur Bahare(Samandar E) Rum Jaha Milenge Waha Tumhe Hazrat Khizr Alayhis Salaam Mil Jaayenge, Uss ki Nishaani yeh Bataayi gayi hai kee Jaha Tumhaari Machhali Gum Ho jaaye Ussi Maqaam mai Unko Talaash karna Hazrat Musaa Alayhis Salaam ne Waha Pahunchne kaa Pakkaa Iraada kar liya Aur Fharmaya kee Mai Apni Koshish Jaari Rakhunga Yaha Tak kee waha Pahunch Jaau, Beshak woh Jagah Kitni hi Door hoo Meira Safar waha Pahunchne tak Jaari rahega, Fhir In Hazraat ne Roti Aur Bhuni Hui Namkeen Machhali Apne Saath Ek Theile mai li Taaki Raaste mai Kaam Aaye, Fhir yeh Apni Manzil Maqshud kee Taraf Rawana hoo gaye, Jaha Ek Patther kee Chattan thi wahaa In Hazraat ne Aaram kiya Aur So gaye, Bhuni Hui Machhali Theile mai Zinda ho gayi, Tadap kar Darya mai gir gayi, Uss par se Paani kaa Bahaaw Ruk gaya Aur Ek Mehraab si ban gayi, Hazrat Yush’a Bin Noon Beidaar ho Chuke the Machhali ke Zinda ho kar Darya mai Girne ko Deikh rahe the Lekin yeh Waaqiya Hazrat Musaa Alayhis Salaam koo Batana Bhul gaye the,

Dono Hazrat Waha se Chale Dusre Din Khane ke Waqt tak Apna Safar Jaari Rakha, Jab Dusre Din Khaane kaa Waqt huwa to Hazrat Musaa Alayhis Salaam ne kaha Safar kee Thakaan vi hai Aur Bhuk kee Shiddat vi, Iss liye Theile se Roti Aur Machhali Nikaalo Taaki Khana Khaa le, Uss Waqt Yush’a Bin Noon koo Yaad Aaya Unhone Kaha Machhali to Zinda hoo kar Darya mai Chali gayi thi, Bhuni Hui Machhali kaa Zinda hoo kar Darya mai Jana Heiraan Aur Ta’ajub Naak Ma’amla tha, Hazrat Yush’a ne Apne Bhulne ko Sheitaan kee Taraf Mansub kiya.
(Tazkiratul Ambiya Alayhis Salaam, Safa-457)

Hazrat Musaa Alayhis Salaam Aur Hazrat Khizr Alayhis Salaam kee Mulaaqaat :-

Quraane Hakeem mai ALLAH AZZAWAJAL Irshaad Fharmata hai
“Musaa ne kaha yahi to Ham Chaahte the Tu Pichhe Palte Apne Qadmo ke Nishaan deikhte, To Hamaare Bando mai se Ek Banda Paya Jise Hamne Apne Paas se Rahmat di Aur Usse Apna Ilme Ladunni Ataa kiya, Usse Musaa ne Kaha kya Mei Tumhaare Saath Rahu Iss Shart par kee Tum Mujhe Sikha doge Neik Baat Joo Tumhe Ta’alim Hui, Kaha Aap Meire Saath Hargiz Naa Thahar Sakenge, Aur Uss Baat par Kyukar Sabr Karenge Jise Aapka Ilm nahi Ghere hai, Kaha Anqarib(Bahut Jald) ALLAH Chaahe to Tum Mujhe Saabir Paaoge Aur Mei Tumhaare Kisi Hukm ke Khilaaf Naa Karunga, Kaha to Agar Aap Meire Saath Rehte hai to Mujh se Kisi Baat koo Naa Puchhna Jab tak Mei Khud Uss ka Zikr Naa Karu”
(Surah Al Kahaf, Aayat-64, 65, 66, 67, 68, 69, 70)

Hazrat Musa Alayhis Salaam Aur Hazrat ‘Yush’a waha Lout kar Aaye Jaha Machhali Zinda hoo kar Paani mai Chali gayi thi, Paani kaa Bahaaw Rukne kee Wajah se Mukhtalif Nishaanaat Moujud the, Hazrat Musaa Alayhis Salaam ne kaha Yahi Maqaam Hamaara Maqshad hai, Dono ne Talaash karna Shuru kiya, Yaha Tak kee woh Ek Chattan ke Paas Aaye to Deikha kee Ek Shaksh Chaadar Odhe Leit Raha tha, Hazrat Musaa Alayhis Salaam ne Unhe Salaam kiya, Unhone Kaha Iss Zamin mai Salaam kaha se Aa gaya..?? (Yaha to Koi Salaam karne Wala Kabhi Nazar nahi Aaya), Aap Alayhis Salaam ne kaha Mei Musaa hu, Hazrat Khizr Alayhis Salaam ne kaha Bani Israaeel ke Musaa…? Aap ne kaha Ji Haa..

Hazrat Khizr Alayhis Salaam ne kaha ALLAH TA’ALA ne Joo Ilm Tumhe Ataa Fharmaaya woh Mujhe Ataa Nahi Fharmaya Aur Jo Ilm Mujhe Ataa Fharmaaya Tumhe nahi Ataa Fharmaaya, Hazrat Musaa Alayhis Salaam ne Kaha kee Kya Mei Aap kee Taabedaari kar Sakta hu kee Tum Mujhe woh Ilm Ataa kardo, Hazrat Khizr Alayhis Salaam koo Ma’alum tha kee Inhe Zaahiri Shariyat kaa Ilm Ataa Kiya gyaa hai Yeh Baatini Amur par Sabr Nahi Kar Sakenge, Iss liye Unhone kaha Tum Keise Sabr kar Sakoge…??

Hazrat Musaa Alayhis Salaam ne kaha Mei In Sha Allah Sabr karunga.
(Muslim Shareef, Jild-2, Safa-270)

Hazrat Musaa Alayhis Salaam Chunki Pehle hi Keh Chuke the kee Mei In Sha Allah Sabr Karunga Aur Aapke Hukm ki Naa-farmaani nahi karunga, Iss liye Aapko Khizr Alayhis Salaam ne Saath Rehne kee Ijaazat de di.
(Tazkiratul Ambiya Alayhis Salaam, Safa-458, 459)

Hazrat Khizr Alayhis Salaam kaa Kashti Todna :-

Quraan Shareef mai hai kee
“Ab Dono Chale Yaha Tak kee Jab Kashti mai Sawaar hue Uss Bande ne Usse Chir Dala Musaa(Alayhis Salaam) ne kaha Kya Tumne Ise Iss liye Cheera kee Iske Sawaaro koo Dooba do Beshak Yah Tumne Buri Baat kee, Kaha Mei Naa Kahta tha kee Aap Meire Saath Hargiz Naa Thahar Sakenge, Kaha Mujh se Meiri Bhul par Giraft Naa karo Aur Mujh par Meire Kaam mai Mushkil Naa Daalo”
(Surah Al Kahaf, Aayat-71, 72, 73)

Hazrat Musaa Alayhis Salaam Aur Hazrat Khizr Alayhis Salaam Darya ke Kinaare Chal rahe the, Unke Qarib se Ek Kashti Waale Logo ne Hazrat Khizr Alayhis Salaam koo Pahchan liya tha, Iss liye Unhone Aapas mai Kalaam(Baat) kiya kee Inhe Kashti mai Sawaar karna Chaahiye, Lihaza Unhone Bageir Ujrat(Majduri) Leine ke Un Hazraat koo Sawaar kar liya,

Hazrat Khizr Alayhis Salaam ne Kashti kaa Ek Takhta Ukheid Diya tha, Hazrat Musaa Alayhis Salaam ne Ta’ajub karte hue kaha Ki Iss Qoum ne Hame Bageir Ujrat(Majduri) ke Kashti par Sawaar kiya Tumne Ise Tod Diya Tum Logo koo Garq karna Chahte hoo, Khyaal rahe yeh Kashti kaa Todna Kinaare ke Qarib Jaa kar tha Aur Khizr Alayhis Salaam ne Waqt ke Tour par Usme Khil vi laga Diya tha,

Hazrat Khizr Alayhis Salaam ne kaha Meine Joo kaha tha kee Tum Zaahir Deikh kar Sabr Nahi kar Sakoge, Hazrat Musaa Alayhis Salaam ne kaha Mujhse Bhul Waaqe ho gayi hai, iss liye Isme Meiri Koi Giraft Naa Kare.
(Roohul Ma’ani, Jild-8, Hissa-1, Safa-337)
(Tazkiratul Ambiya Alayhis Salaam, Safa-460)

Click Here>>Next Page
Share:

Hazrat musa alaihissalam ka wakiya Part 25 | islamic stories and urdu stories

Hazrat musa alaihissalam ka wakiya Part 25 | islamic stories and urdu stories

Hazrat musa alaihissalam ka wakiya Part 25 | islamic stories and urdu stories
Hazrat musa alaihissalam ka wakiya Part 25 
Click Here>>Preview Page

Hazrat musa alaihassalam ne Douraan E Khutba Irshad Fharmaaya :-

Hazrat musa alaihassalam ne Douraan E Khutba Irshad Fharmaaya kee Mujhe Meire RABB TA’ALA ne yeh Hukm Diya hai kee Mai Uss ka Peigaam Tumhe Pahnochau kee Tum ALLAH TA’ALA kee Ibaadat Karo Aur Uske Saath Koi Sharik Naa Thehraao, Sila Rahmi karo, Iss Tarah Aapne Aur vi Kayi Ahekaam Bayaan Fharmaaye Aur Aap ne yeh Fharmaya kee RABB TA’ALA ne Mujhe Hukm Diya hai kee M Zaani ko Sangsaar karu, Qaarun Aur Uske Chamche Kehne lage Yahi Kaam Agar Tum Karo..??
Aap Alayhis Salaam ne Farmaya Mujhe Bhi Sangsaar kar Diya Jaaye, Unhone kaha Tumne to Zina kiya he (Ma’azAllah),
Hazrat musa alaihassalam ne Farmaya Meine..??
Unhone kaha Haa Tumne,
Abhi wo Aurat Majma E Aam me Aakar Bataayegi, Us Aurat ko Bulaya gaya, Sabne kaha ki Tum Bataao Jo Ma’amla Tumhaare Saath Darpeish Aaya, Hazrat Musaa Alayhis Salaam ne Farmaya ALLAH TA’ALA Par Imaan Rakhte hue Sach Sach Bataao ki Asal Waaqiya Kya he,
Us Aurat ne kaha Jab Tumne ALLAH TA’ALA Ka Naam liya he to Ab Mei Sach Sach Bayaan karungi Koi Jhut ki Aamizsh nahi hogi,

Usne kaha Un Lougo ne Mujhe Bulaya Aur Kaseer Maal Deine ki Peish-kash ki he ki Mei Tumpar Tohmat Lagaau Ki Tumne Meire Saath Buraai ka Irtekaab kiya, Mei Gawaahi deiti hu ki Beshak Tum Paak Daaman ho, Har Tarah se Paak Saaf ho Aur Tum ALLAH TA’ALA ke Rasool ho, Hazrat Musaa Alayhis Salaam Route hue Sajde me gir kar Aur RABB TA’ALA ki Baargaah me Arz karne lage Ay MOULAAYE KAAYENAAT Jab Mei Teira Rasool hu Tu Inko Apni Giraft me le le, RABB TA’ALA ne Irshaad Farmaya Ay Musaa Alayhis Salaam Zamin ko Tumhaare Hukm ke Taabe kar Diya he Use Jo Hukm deinge wo Tasleem Karegi, Hazrat Musaa Alayhis Salaam ne Bani Israaeel ko kaha Mujhe RABB TA’ALA ne Qaarun ki Taraf bhi Ayse hi Bheija Jeise Firoun ki Taraf, Is liye Jo Shaksh Uska Saath deina Chaahe wo Uska Saath de Aur Jo Meira Saath deina Chahta he wo Use Chhod de, Hazrat musa alaihassalam ke Is Irshad par Uske Saath Sirf 2 Aadmi rah gaye, Baaqiyo ne Uska Saath Chhod Diya,

Fir Hazrat musa alaihassalam ne Farmaya
“Ay Zamin Inko(Qaarun Aur Uske Saathiyo ko) Pakad le”
Zamin ne Unko Aydiyo tak Apne Andar Dhansa liya, wo kah rahe the Ay Musaa Alayhis Salaam..! Ay Musaa Alayhis Salaam..!! Lekin Aap Bad-Satur Farma rahe the, Ay Zamin Inko Pakad le, To Zamin ne Unko Ghutno tak Dhansa liya, Fir Usne kaha Ay Musaa Alayhis Salaam..!! Ay Musaa Alayhis Salaam..!!
Lekin Aapne Koi Tawajjo Na di Balki Zamin ko kaha Unko Apni Giraft me le le to Zamin ne Unko Kamar tak Dhansa liya Fir Isi Tarah Gardano tak wo Dhans gaye Is Haalat me Wo Musaa Alayhis Salaam ke Saamne Aaah wa Zaari kar rahe the, Aap par Raham ke Waaste Daal rahe the Lekin Aap ne Shiddat e Gazab ki Wajah se Unki Baat ki Taraf Koi Dhyaan Na kiya Balki Zamin ko Aakhri Hukm bhi de Diya, Aakhir Zamin ne Unko Mukammal Tour par Apne Andar Sameit liya,

ALLAH TA’ALA neHazrat musa alaihassalam ki Taraf Wahi ki Aur Farmaya Ay Musaa Tumne Kitni Shakht Deeli ka Muzaahira kiya he, Wo Tumhe Baar Baar Pukaar rahe the Lekin Tumne Unpar Kuchh Raham Na kiya Unki Aaah Wa Zaari par Kuchh Tawajjo Na di Aur Dusri Riwaayat me he ki Khabardaar Apni Izzat wa Jalaal ki Qasam Agar Mujh se Koi Fariyaad Talab karta to Mei Uski Haajat ko Poora karta, Agar wo Mujhe Ek Martaba hi Koi Pukaarta to Mujhe Apni Pukaar Qabul karne Wala Pata,

RABB TA’ALA ke Is Irshad ka Jawaab Hazrat musa alaihassalamne bhi Kya Khub Diya, Hazrat Musaa Alayhis Salaam ne kaha Ay Meire RABB Meine Teire liye hi to Gussa karte hue ye kiya he Ya’ni Ay ALLAH TA’ALA Jab wo Teire Deen ke Ahekaam ko Pamaal kar rahe the Khud Gumraah ho rahe the Aur Dusro ko Bhi Gumraah kar rahe the to Meine Teiri Baargaah me Arz kiya Ki Ay MOULAAYE KAREEM Jab Mei Teira Rasool hu Inhe Teire Ahekaam Pahoncha Raha hu Lekin ye Apne Tariqe se Baaz nahi Aa rahe to Inko Apni Giraft me le le,

Ay RABB E KAREEM Tujh se Badh kar Koun Jaanta he ki Meine Un par Is liye Gussa Nahi Kiya ki Unhone Mujhpar Tohmat Lagaayi he Isme wo Khud hi Zaleel ho Chuke the, Meira Gussa to Teiri Zaat ki Wajah se tha Mei Unki Aah Pukaar ko keise Soonta..
(Tafseere Roohul Ma’ani, Jild-11, Safa-123)
(Tazkiratul Ambiya Alayhis Salaam, Safa-452, 453, 454)

Click Here>>Next Page
Share:

Hazrat musa alaihissalam ka wakiya Part 24 | islamic stories and urdu stories

Hazrat musa alaihissalam ka wakiya Part 24 | islamic stories and urdu stories

islamic stories and urdu stories
Hazrat musa alaihissalam ka wakiya Part 24
Click Here>>Preview Page

Gaay Zabah karne mai Hikmat :-

Ek Wajah Yeh thi kee Neik Aadmi ke Yatim Aur Uss Shaksh kee Bewa koo Kaseer Maal Ataa karna tha Iss liye Gaay Zabah karne kaa Hukm Diya Aur Bani Israaeel ke Zehno mai Yeh Baat Daal di kee woh Sawaal karte rahe Ki Iss Tarah woh Gaay Kahi Aur Naa Mil Saki,

Dusri Wajah yeh thi kee Gaay kee Qurbaani kaa Tariqa Pehle se Chala Aa Raha tha Aur woh Log Gaay kee Qurbaani ko Azeem Samajhte the Iss liye Unhe Gaay Zabah karne kaa Hukm Diya Taaki Unke Zehan Ise Qabul karle kee Gaay kee Qurbaani mai Yeh Asar hoga Maqtul(Murde) koo Zinda karne kaa yeh Ajeeb Andaaz Bayaan kar liya Taaki Hazrat Musaa Alayhis Salaam par woh Jaadugari kaa Ilzaam Aaid Naa kar Sake,

Tisri Wajah yeh thi ki Maqtul(Murde) ko Uss Azeeb Andaaz se Zinda karke Bata Diya ki ALLAH TA’ALA Jis Tarah Chaahe Uss Tarah Murdo koo Zinda Fharma leita hai,

Chothi Wajah yeh thi kee Hazrat Musaa Alayhis Salaam kee Bartari(/Shaan) Unpar Waazeh ho Jaaye Aur Aap Alayhis Salaam kaa Mo’ajiza Zaahir hoo jaaye,


Panchwi Wajah yeh thi kee Unke Aaaba waa Ajdaad(Baap-Daada) ne Deikh kar Bachhde kee Puja Shuru karli thi Unko Gaay ke Zabah karne kaa Hukm de kar Tanbih kardi ki Gaay Khuda nahi hoo Sakti joo Khud Zabah hoo jaye woh Khuda keise…??.
(Tafseere Qurtubi, Jild-3, Safa-271)
(Tazkiratul Ambiya Alayhis Salaam, Safa-449)

Quraan Shareef mai hai kee :-

“Beshak Qaarun Musaa(Alayhis Salaam) kee Qoum se tha Fhir Usne Unpar Zyadati kee Aur Humne Uss ko Itne Khazaane diye Jinki Kunjiya Ek Zoraawar Jama’at par Bhari thi”
(Surah Al Qasas, Aayat-76)

Qaarun Hazrat Musaa Alayhis Salaam kaa Qaribi Rishtedaar tha, Zyada Mashoor yeh hai kee Aapka Chacha-Zaat Bhai tha Aur Baaz ne Use Aapkaa Khala-Zaad kaha hai, Usne Hazrat Musaa Alayhis Salaam Aur Hazrat Haarun Alayhis Salaam kee Nabuwwat par Hasad karte hue Munaafiqat Ikhteyaar Karli thi Jeise Aapki Qoum mai Saamri Munaafiq tha

Qaarun Khubsurat hone kee Wajah se Munawwar kehlata tha Aur Tauraat kaa vi Bahot Bada Qaari tha Lekin NABI kaa Gustaakh hone kee Wajah se Zaleel huwa, woh Bahot Bada Maal-Daar tha, 10 Aadmiyo kee Jama’at Uske Maal koo Shumaar nahi kar Sakte the Yaa yeh Log Uss ke Khazaano koo Utha nahi Sakte the

Qaarun Apni Maal-Daari kee Wajah se Apni Qoum ke Gurba’a(Garibo) koo Ghatiya Samajhta tha, Unke Imaan kaa Kuchh Paas Naa karta, Apni Zyada Maal kee Wajah se Uske Dil mai Unki Koi Azmat Naa thi, Misr mai Rehne ke Douraan vi Firoun kaa Aejant tha Iss liye waha vi Bani Israaeel par Zulm dhata rehta tha Aur Apne Takabburaan Andaaz se vi Unpar Gusse kaa Izhaar karta rehta tha.
(Tafseere Kabeer, Jild-25, Safa-13, 14)
(Tazkiratul Ambiya Alayhis Salaam, Safa-450, 451)

Qaarun koo Nashihat :-

Quraane Majeed mai hai kee
“Jab Usse Uski Qoum ne kaha Itra nahi Beshak ALLAH Itraane Waalo ko Dost nahi rakhta, Aur Jo Maal Tujhe ALLAH ne Diya hai Usse Aakhirat kaa Ghar Talab kar Aur Duniya mai Apna Hissa Naa Bhul Aur Ahesaan kar Jeisa ALLAH ne Tujhpar Ahesaan kiya Aur Zamin mai Fasaad Naa Chaah Beshak ALLAH Fasaadiyo ko Dost nahi rakhta, Bola Yah to Mujhe Ek Ilm se Mila hai Jo Meire Paas hai Aur Kyaa Use Yah nahi Ma’alum kee ALLAH ne Iss se Pahle woh Sangate(Qoume) Halaak Farma di Jinki Quwwate Usse Shakht thi Aur Jama Usse Zyada Aur Mujrimo se Unke Gunaaho kee Puchh nahi”
(Surah Al Qasas, Aayat-76, 77, 78)

Uski Qoum ne Use kaha Tum Apne Zyada Maal kee Wajah se Itraao nahi, ALLAH TA’ALA Itraane Waalo koo Pasand nahi karta, ALLAH TA’ALA kee Ne’amato kaa Shukr Adaa karo ALLAH TA’ALA kee Raah mai Maal Kharch karo too ALLAH TA’ALA Apne Wa’ade ke Mutaabik Tumhe Mazeed(Aur) Ne’amate Ataa Karega Kyunki Uskaa Wada hai
“Agar Tum Shukr Adaa karoge too Mei Tumhe Mazeed Ne’amate Dunga”

Iss liye Tumhe Chaahiye kee Tum Duniya mai Aakhirat ke liye Amal karke Azaab se Na’jaat Haasil Karo Iss liye kee Duniya mai Insaan kaa Haqiqi Hissa ye hai kee Aakhirat ke liye Amal Kare Sadqa de kar Silarehmi karke Aur Aamal E Kheir ke Saath Aakhirat kaa Sawaab Aur Kaamyabi Haasil Kare Aur Iski Tafseer mai Ye vi kaha gaya hai kee Paani, Sehat, Quwwat waa Jawaani Aur Doulat ko Naa Bhul Balki Unse Aye Insaan Aakhirat koo Talab kar,

Qaarun ne Kisi kee Nasihat koo Qabul Naa kiya Balki Kehne laga yeh Maal too Mujhe Kisi ne nahi diya, Meine to Apne Ilm se Ise Haasil kiya, yaha Ilm Se Muraad Tauraat kaa Ilm yaa Kimiya Joo Uss ne Hazrat Musaa Alayhis Salaam se Haasil kiya tha Aur Uske Zariye Qalai koo Chandi Aur Taanbe koo Sona Bana leita tha yaa Ilm E Tijaarat yaa Ilme Zara’at yaa Aur Peisho kaa Ilm hai.
(Tafseere Khazaainul Irfaan)
(Tazkiratul Ambiya Alayhis Salaam, Safa-450, 451).

Qaarun koo Deikh kar Duniya-daaro kaa Jee Lalchana :-

Quraane Azeem mai hai kee
“To Apni Qoum par Nikla Apni Sajaawat mai Bole woh Joo Duniya kee Zindagi Chaahte hai Kisi Tarah Hum Ko vi Aysa Milta Jeisa Qaarun koo Mila Beshak Uss ka Bada Nasib hai, Aur Bole woh Jinhe Ilm Diya gaya Kharaabi ho Tumhaari ALLAH kaa Sawaab Behtar hai Uske liye Jo Imaan Laaye Aur Achhe Kaam Kare Aur Yah Unhi ko Milta hai Jo Sabr Waale hai”
(Surah Al Qasas, Aayat-79, 80)

Jab woh Zarq-Barq Libaas Zeibtan(Pahen kar) kiye hue Shaandaar Sawaari par Sawaar hokar Shaahana Andaaz par Nikalta to Use Deikh kar Duniya-Daar Logo kaa Jee Lalchata, Dilme Hasrat Peida hoti, woh Kehte Kitna Khush Nasib hai ye Qaarun Kaash Hame vi Uss Jeisi Maal Waa Doulat Aur Ameerana Thaath-Paath Mayassar hoti, Lekin Jo Log Saahibe Ilm the Duniya ke Maal kee Haqiqat se Baakhabar the kee ye Naa-Pasandida Chiz hai, Unke Dil mai Kisi Qism kaa Koi Khyaal Peida Naa hota kai Hame vi Aysa Maal mile Balki Unhone Dusro koo Bhi Samjhaya kee Tumhaari Barbaadi hoo, Tum Duniya kaa Maal Talab kar rahe ho Tumhe Chaahiye kee ALLAH TA’ALA se Sawaab Haasil Karne ke liye Apne Imaan par Saabit raho Aur Achhe Aamaal karte raho.
(Tazkiratul Ambiya Alayhis Salaam, Safa-452)

Qaarun kaa Plan :-

Hazrat Musaa Alayhis Salaam ne Fharmaya Mujhe ALLAH TA’ALA ne Hukm diye hai kee Mei Tumhaare Maal se Zakaat Wasool karu, Qaarun ne Inkaar kar Diya Usne Dusro ko vi Bhatka ne kee Koshis kee Logo koo Jama’a karke Kehne laga Hazrat Musaa Alayhis Salaam Tumhaare Paas Namaaz Adaa karne kaa Hukm Laaye Aur vi Kayi Ahekaam Laaye kee Tum Un par Amal karo to Tumne Un par Amal kiya, Ab woh Ham se Hamaara Maal vi Chhinna Chaahte hai, yeh Ham Keise Bardaasht Kare…??
Sabne kaha Haa yeh to Ham Kabhi vi Bardaasht Nahi kar Sakte Lekin Isme Tumhaari Kya Raay hai…? Kya kiya jaaye…??
Usne Kaha Faahsha Aurato mai se Ek Aurat kee Taraf Peigaam Bheij kar Use Bulaate hai Aur Use Inaam kaa Laalach de kar Hazrat Musaa Alayhis Salaam par Tohmat Lagaate hai Taaki Sab Log Use Chhod jaaye, Usne Apne Mansab ke Mutaabiq Ek Faahsha Aurat ko Bulaya, Use 1,000 Dinar yaa Sone se Bhara huwa Ek Tasht deine kaa Wa’ada kiya kee Tum Sab Logo ke Saamne yeh Keh deina ki Hazrat Musaa Alayhis Salaam ne Meire Saath Buraai kaa Irtekaab kiya hai, Usne kaha Thik be Mei keh dungi.
(Tazkiratul Ambiya Alayhis Salaam, Safa-452)

Qaarun kaa Zameen mai Dhansna :-

Quraane Hakeem me ALLAH RABBUL IZZAT Irshad Fharmaata hai
“To Humne Use Aur Uske Ghar ko Zamin mai Dhansa Diya too Uske Paas Koi Jama’at Naa thi kee ALLAH se Bachaane mai Uss ki Madad karti Aur Naa Wah Badla le Saka, Aur Kal Jisne Uske Martabe kee Aarzu kee thi Subah Kehne lage Ajab Baat hai ALLAH Rizq Wasee’a(Feilata) karta hai Apne Bando mai Jiske Liye Chaahe Aur Tangi Fharmata hai Agar ALLAH Humpar Ahesaan Naa Fharmata to Hume vi Dhansa deita, Ay Ajab Kaafiro kaa Bhala Nahi”
(Surah Al Qasas, Aayat-81, 82)

Hazrat Musaa Alayhis Salaam ne Eid ke Din Khutba Diya Aur Ahekaam E ILAAHIYA Bayaan kiye Uss Douraan Qaarun ne vi Apne Mansab ko Amal mai Laane kee Nakam Koshis kee ke Qaarun ne Musaa Alayhis Salaam ko kaha kee Tum Bani Israaeel ko Jama karke ALLAH TA’ALA ke Ahekaam Pahonchao kee Mujhe RABB TA’ALA ne yeh Hukm Diya hai, Aap Alayhis Salaam ne Fharmaya Thik hai, Aap Alayhis Salaam ne Sab Logo ko Jama kiya, Mumkin hai Qaarun ke kehne par Eid ke Din hi Sab ko Jama karke Aap Alayhis Salaam ne Khutba Diya ho,

Click Here>>Next Page
Share:

Hazrat musa alaihissalam ka wakiya Part 23 | islamic stories and urdu stories

Hazrat musa alaihissalam ka wakiya Part 23 | islamic stories and urdu stories

Hazrat musa alaihissalam ka wakiya Part 23 | islamic stories and urdu stories
Hazrat musa alaihissalam ka wakiya Part 23
Click Here>>Preview Page

Hazrat musaa alaihassalam Mann Aur Salwa se Aaraaz :-

Quraane Paak mai hai kee
“Aur Jab Tumne Kaha Aye Musaa(Alayhis Salaam) Hum se too Ek Khaane par Kabhi Sabr Naa Hoga to Aap Apne RABB se Duaa kijiye kee Zamin kee Ugaayi Hui Chize Humaare liye Nikaale Kuchh Saag Aur Kakdi Aur Genhu Aur Masur Aur Pyaaz Fharmaya Kya Mamuli Chiz koo Behtar ke Badle Maangte ho Achha Misr yaa Kisi Shahar mai Utro waha Tumhe Milega Joo Tumne Maanga Aur Unpar Muqarrar kar di gayi Khwaari(Zillat) Aur Naadaari Aur Khuda ke Gazab mai Loute yeh Badla tha Uss kaa ki woh ALLAH kee Aayato kaa Inkaar karte Aur Nabiyo koo Naahaq Shahid karte yeh Badla Unki Naa-farmaaniyo Aur Hadd se Badhne kaa”
(Surah Al Baqara, Aayat-61)

Bani Israaeel Arsa-Daraaz tak Mann waa Salwa khaate Rehne kee Wajah se Hazrat Musaaa Alayhis Salaam se Kehne lage kee Hum Ab Ek hi Qism ke khane par Sabr Naa kar Sakenge, Mann waa Salwa kee 2 Mukhtelaf Qism ke Khaano koo Ek Khaana Iss liye Kahaa gaya hai kee Dono Qism ke Khaane woh Ek Saath khaate the yaa Iss liye kee Har Roz Batoure Giza Unhe Yahi 2 Chize Milti thi, yeh Nafees Khana Baaqi Khaano se Behtar tha Lekin Bani Israaeel ke Asrar par Irshaad huwa Tum Misr mai Utar Jaao Joo Kuchh Tumne Maanga woh Tumhe waha Milega,

Uss Misr ke Baare mai Ikhtelaaf hai ki yeh Firoun kaa Misr tha yaa Koi Aur Shahar raaij hai kee Usse Geir Muta’iyyan Shahar Muraad Bazaahir Ma’alum hota hai kee Waadi E Tiy ke Qarib koi Shahar tha Jisme Aarzi Tour par Jaane kaa Hukm Unki Khwaahishaat ke Mutaabik Diya gaya tha, Badhti Hui Nafsaani Khwaahishaat kee Bina’a par Taa’at Aur Bandagi ke Hudud se Baar Baar Yahud kaa Tijaawaj(Humla) Aur Tugyaan(Bagaawat) Unke Haqq mai Daaim E Zillat Waa Miskini par Muntaje huwa,

Iss Aayate Kareema mai Bani Israaeel ke Intehaahi Shaqaawat(Musibat) E Qalbi kaa Bayaan Fharmaya kee ALLAH TA’ALA ke Nabiyo koo Qatl karne Waalo se Badh kar Koun Shaqiile Qalb hoo Sakta hai Hazrat Zakariya Alayhis Salaam Hazrat Yaahya Alayhis Salaam Aur Un Jeise Jaleelul Qadr Ambiya Alayhis Salaam koo Unhone Intehaahi Be-dardi ke Saath Shaheed kiya ye Sab Kuchh Yahud kee Na-fharmaani  Aur Puraani Sarkashi kaa Zahur tha.
(Tazkiratul Ambiya Alayhis Salaam, Safa-444, 446)

Murde koo Zinda karne kaa Waaqiya :-

Quraane Kareem mai ALLAH RABBUL IJJAT Irshaad Fharmata hai
“Aur Jab Musaa ne Apni Qoum se Fharmaya KHUDA Tumhe Hukm deita hei kee Gaay Zabah karo Bole kee Aap Hume Maskhara Banaate hai Fharmaya KHUDA kee Panaah kee Mei Jaahilo se hu, Bole Apne RABB se Duaa kijiye kee Wah Hume Bataade Gaay Keisi Kaha Wah Fharmata hai kee Wah Ek Gaay hai Naa Budhi Aur Naa Usar Balki Un Dono ke Bich mai to karo Jiss kaa Tumhe Hukm hota hai, Bole Apne RABB se Duaa kijiye Hume Bataa de Uska Rang Kya hai Kaha Wah Fharmata hai wah Ek Pili Gaay hai Jiss ki Rangat Dahdahaati Deikhne Waalo koo Khushi deiti, Bole Apne RABB se Duaa kijiye kee Humaare Liye Saaf Bayaan Karde Wah Gaay Keisi hai Beshak Gaayo mai Humko Subah pad gaya Aur ALLAH Chaahe to Hum Raah Paa Jaayenge”
(Surah Al Baqara, Aayat-67, 68, 69, 70)

Bani Israaeel mai se Ek Shaksh ne Apne Ek Rishtedaar ko Qatl kar Diya Taaki Uss ka Waaris Ban jaaye, Qatl karke Uss Laash ko Choraaye mai Feink Diya Fhir Hazrat Musaa Alayhis Salaam ke Paas Shikaayat le kar Aagaya Hazrat Musaa Alayhis Salaam ne Koshish kee Qaatil kaa Pata Lagaane kee Lekin Pata Naa Chal Saka woh Log Kehne lage Apne RABB TA’ALA se Duaa kijiye Taaki Woh Bataaye kee Uss ka Qaatil kon hai…?
Aap Alayhis Salaam ne Apne RABB TA’ALA se Duaa kee to ALLAH TA’ALA ne Aap koo Wahi kee, Aap Alayhis Salaam ne Apni Qoum koo Bataaya kee ALLAH TA’ALA Hukm deita hai kee Gaay Zabah karke Uss ksa Gosht Murde koo Maaro woh Zinda ho kar Bataayega kee Meira Qaatil Kon hai, Unhone Ta’ajub kiya kee Zabah-Shudha Jaanwar kaa Gost Murda ko keise Zinda Karega..?? yeh to Ek Mazaah(Mazaaq) Nazar Aa Raha hai,
Aap Alayhis Salaam ne Fharmaya ALLAH TA’ALA kee Panaah Mei Jaahilo se ho Jaau, Yani Mazaah(Mazaaq) Udana Jaahilo Aur Naadano kaa Kaam hai, NABI kee Shaan ke Laayak nahi ki woh Kisi se Mazaah(Mazaaq) Udaaye Aur Khususan Deeni Ma’amlaat mai Mazaah Udaana Shadeed Azaab kaa Sabab hai kee ALLAH TA’ALA ke NABI ke Muta’alaq yeh Tasawwur karna vi Mahaal hai ki woh Aysa kaam kar Sakte hai Jo Azaab kaa Sabab Bane,

Agar woh Koi vi Gaay Zabah karte to Unko Kifaayat karti Lekin Unhone Khud Baarbaar Sawaal karke Apne Aap par Shakhti kee to ALLAH TA’ALA ne Unpar Shakhti kee,
Agar woh In sha ALLAH na Kehte to Hameisha Unke Aur Gaay ke Milne mai Sawaalaat haail rehte,
Jab Unhone kaha kee Agar ALLAH TA’ALA ne Chaahta to Hum Hidaayat Paayenge to Ussi Waqt Unko Sawaalaat Khatm karne kee Toufiq Haasil Hui.
(Tafseere Kabeer, Jild-3, Safa-120)
(Tazkiratul Ambiya Alayhis Salaam, Safa-447)

Woh Kyu Zabah nahi Karna Chaahte the :-

Isski Chand wajah hai, Jinke Peishe Nazar woh Zabah Nahi karna Chaahte the Lekin Ab Unko Iss Kaam ke Naa karne kaa Koi Raasta Nazar nahi Aa Raha tha Lihaza Unhe Zabah karna Padha,

Ek Wajah yeh thi kee Unko Khouf Laahaq tha kee Agar Humne Zabah kar Diya Aur Uss ka Gosht Maqtul(Murde) Shaksh koo Maar Diya to woh Zinda ho Jaayega Aur Pata Chal Jaayega ki woh Qaatil Koun hai, Qaatil to Woh Khud hi the Iss liye woh Ruswaayi ke Dar se Zabah Nahi karna Chaahte the,

Ek Wajah yeh thi kee woh Iss liye Zabah Nahi karna Chaahte the ki woh Samajhdaar the kee In Tamaam Awsaaf Waali Gaay kaa Milna Mushkil hai,
Aur Iss ki Wajah ye thi ki woh Iss liye Zabah karna Nahi Chaahte the ki woh Keh rahe the kee Iss ki Bahot Qimat hai kyu ki Uss Waqt Aam Gaay kee Qimat 3 Dinaar thi Lekin yeh Gaay Unko Gaay kaa Chamda Bhar kar Uske Baraabar Sona Wageira Adaa karne kee Qimat mil rahi thi.
(Tazkiratul Ambiya Alayhis Salaam, Safa-448)

Bahut Bhaari Qimat se Gaay Haasil kee :-

Uss Waqt Aam Tour par Gaay kee Qimat 3 Dinaar hoti thi Lekin Unhone Sawaal karke Apne Liye Itni Mushkil Peida kardi, Tamaam Awsaaf Kisi Gaay mai Paaye Jaane Dushwaar Nazar Aaye, Aakhir kaar Talaash karte karte Unhe Ek Bewa Aur Uss Yatim Bache ke Paas Aysi Gaay Nazar Aayi Jisme Bayaan Karda Awsaaf Moujud the, Budhi nahi thi Aur Bachhadi nahi thi Balki Darmiyaani Umr kee thi Zard(Pila) Rang tha, Deikhne Waalo koo Khush karti thi, Zamin mai Usne Hal nahi Chalaya tha Aur Naa hi Kheiti ko Seiraab kiya tha Aur Usme Koi Ayb Aur Daag-Dhabbha nahi tha Kyunki Uss Yatim ke Budhe, Neik, Parhezgaar Baap ne Apne Ek Bachhde koo Jangal mai Chhod kar ALLAH TA’ALA kee Hifaazat mai de Diya tha kee Meira Bacha Kuchh Bada Aur Samajhdaar ho kar Use le jaayega, woh Bacha vi Waalidein kaa Fharma Bardaar tha, Apne Baap kee Wafa’at ke Kuchh Arsa Baad woh Apni Gaay Jangal se le Aaya tha, Usi Gaay mai Tamaam Awsaaf Moujud the, Moti-Taazi thi, Khubsurat thi, Bani Israaeel ko Uske Chamde mai Jitni Miqdaar mai Sona Wageira Aa Sakta tha Utni Miqdaar me Sona Batoure Qimat Adaa karna Pada,
SubhanAllah…

MAALIKUL MULK ne Apne Bande kee Gaay kee Jangal mai Hifaazat Fharmaayi Aur Uss Neik Bande kee Bewa Aur Uske Yatim Bache koo Kaseer Miqdaar mai Maal waa Doulat Ataa Fharmaaya, Bani Israaeel Agarche Gaay ki Bhaari Qimat Adaa karne par Bakhushi Razamand nahi the Aur Ye vi Jaante the ki Agar Humaare Maqtul (Murda) Zinda ho gaya to Humara Apna hi Ayb Zaahir hoga Lekin Unhe Fhir Bhi Gaay Zabah karni Padhi Kyuki Ab Unke Paas Koi Azr Baaqi nahi rah gaya tha Agarche wo Zabah Nahi karna Chaahte the.
(Tafseere Kabeer, Jild-3, Safa-122)
(Tazkiratul Ambiya Alayhis Salaam, Safa-448, 449)

Click Here>>Next Page
Share:

Hazrat musa alaihissalam ka wakiya Part 22 | islamic stories and urdu stories

Hazrat musa alaihissalam ka wakiya Part 22 | islamic stories and urdu stories

Hazrat musa alaihissalam ka wakiya Part 22 | islamic stories and urdu stories
Hazrat musa alaihissalam ka wakiya Part 22
Click Here>>Preview Page

Bani Israaeel kee Sarkashi ke Baawazud Unpar Inaa’maat :-

Quraane Azeem mai ALLAH TA’ALA Irshaad Fharmata hai
“Aur Humne Abar(Baadal) koo Tumhaara Saaybaan kiyaa Aur Tumpar Mann Aur Salwaa Utaara Khaao Humaari di Hui Suthri Chize Aur Unhone Kuchh Humaara Naa Bigada ha Apni hi Jaano koo Bigaad Karte the”
(Surah Al Baqara, Aayat-57)

Bani Israaeel kee Intehaahi Sarkashi ke Bawajood ALLAH TA’ALA ne Unpar Be-Shumaar Inaa’maat Fharmaaye, Iss Aayate Kareema mai Jin Ne’amato kaa Zikr hai Unkaa Ta’aluq Meidaane Tiy se hai Jaha woh 40 Baras tak Pareshaan Haal rahe, Uss Waadi mai Naa Koi Saaya tha, Naa Koi Darakht, Naa hi Koi Imaarat, Naa Pine ke liye Paani, Naa Khaane ke liye Koi Chiz, Naa Roshni thi Aur Naa Zaruriyaat E Zindagi ke Digar Lawaazmaat, Iss Be-Saro-Saamaani Aur Garibul Watani ke Aalam mai Hazrat Musaa Alayhis Salaam kee Duaa se Unke liye Sab Saamaan Muhaiyya hoo gaye, ALLAH TA’ALA ne Dhoop se Bachaao Aur Saayaa Milne ke liye Baadal Batour Saaybaan Naazil Fharma diya Khane ke liye Mann Salwa Bheij Diya,

Mann Ek Nafees Sheire Zaayqadaar Madda(Mithi Chiz) tha Joo Sabnam kee Tarah Subah ke Waqt Aaasmaan se Utarta Aur Kaseer Miqdaar mai Chhote Chhote Darakhto par Jam jata thaa,
jab woh Kaseer Miqdaar mai Mann kha kar Moute hogaye to Kehne lage Aye Musaa Alayhis Salaam Iss Mann kee Mithas ne to Hame Maar kar Rakh Diya hai,
Hazrat Musaa Alayhis Salaam ne RABB TA’ALA kee Baargaah mai Duaa kee to RABB TA’ALA ne Unpar Salwa Naazil Fharmaya,
Baaz ne kaha Salwa Bit tha, Baaz ne kaha ki woh Bhuna huwa Utarta tha Aur Baaz kaa Qoul hai kee Ba-Kasrat Zinda Parinde Unke Paas Jama ho Jaate the, woh Unhe Zinda Pakad leite Aur Zabah karte the, Algaraz Mann Aur Salwa Unkee Namkeen Lateef Gizaaye thi Jinhe Shikam Sheir ho kar woh khaate the, Taariki(Andhera) Door karne ke liye Khambe kai Shakl mai Ek Roshni Zaahir hoo Jaati thi, Libaas ke Baare mai ALLAH TA’ALA ne Hazrat Musaa Alayhis Salaam kee Aijaazi Shaan Iss Tarah Zaahir Fharmayi ki Naa Un Logo ke Kapde Meile hote Aur Naa hi Fat-te Aur Unke Baccho ke Jism Saath Baccho kaa Libaas vi Badhta rehta tha,
Itne Azeem Waa Jaleel Ahesaanat waa Inaa’maat ke Baawazud Unhone Naa-farmaaniya kee Aur Apni Na-fharmaaniyo se Unhone Humara Kuchh Naa Bigada, Ha woh Apne (Aap) hi koo Nuqshan Pahunchate rahe.
(Tafseere Qurtubi, Jild-1, Safa-406-408)
(Tazkiratul Ambiya Alayhis Salaam, Safa-440, 441, 442)

Patther se Paani Nikaalna :-

Quraane Kareem mai ALLAH RABBUL IJJAT Irshaad Fharmata hai
“Aur Jab Musaa ne Apni Qoum ke liye Paani Maanga to Humne Fharmaya Iss Patther par Apna Asaa(Laathi) Maaro Fouran Usme se Baarah(12) Chasme Bah Nikle Har Giroh ne Apna Ghaat Pahechan liya Khao Aur Piyo KHUDA ka diya Aur Zamin mai Fasaad Uthaate Naa Firo”
(Surah Al Baqara, Aayat-60)

Meidaane Tiy mai 6 lakh(6,00,000) kee Taadaad mai 12 Meel par feile hue Lashkar koo Jab Pyaas kee Shiddat Mehsus Hui to Unhone Hazrat Musaa Alayhis Salaam ke Saamne Apni Be-Basi kaa Zikr kiyaa, Hazrat Musaa Alayhis Salaam ne RABB TA’ALA se Duaa kee to ALLAH TA’ALA ne Aapki Duaa ko Qabul kiyaa Aur Hukm Diya ki Aye Musaa Alayhis Salaam Apna Asaa Patther par Maaro Paani Jaari hoo Jaayega, Aap Alayhis Salaam ne Apna Asaa Patther par Mara to 12 Chashme Jaari hue, Har Qabile ne Ek Ek Chasma Apne liye Istemaal kar liya, Patther se Jaari hone Wala Pani Itni Badi Taadaad ke Logo ke liye Kaafi tha.
(Tafseere Abu Saud, Jild-1, Safa-105)
(Tazkiratul Ambiya Alayhis Salaam, Safa-442)
SubhanAllah..

Meidaan E Tiy se Na’jaat Aur Un kee Sarkashi :-

Quraan Shareef mai ALLAH AZZAWAJAL Irshaad Fharmata hai
“Aur Jab Humne Fharmaya Uss Basti mai Jaao Fhir Usme Jaha Chaaho Be-Rok Tok Khaao Aur Darwaaze mai Sajda karte Daakhil hoo Aur Kaho Humaare Gunaah Ma’af hoo Hum Tumhaari Khataaye Bakhsh deinge Aur Qarib hai kee Neiki Waalo koo Aur Zyada de, Too Zaalimo ne Aur Baat Badal di Jo Fharmaayi gayi Thi Uss ke Siwa too Humne Aasmaan se Unpar Azaab Utaara Badla Unki Be-Hukmi kaa”
(Surah Al Baqara, Aayat-58, 59)

ALLAH TA’ALA ne Iss Qoum ko Fharmaaya kee Jab Tum Shahar mai Daakhil ho to Sajda karte hue Aajiz waa Inkesaari se Daakhil hona Aur Zubaan se “Hitttun”(Touba/Ma’afi) kehna Lekin Qoum ne Apni Saabqa Riwaayat koo Bar-qaraar Rakhte hue Sarkashi se Sajda karte hue Daakhil hone ki Bajaaye Apni Sarino ke Bal Ghasit te hue Daakhil hona Ikhteyaar kiya Aur “Hitttun”(Touba/Ma’afi) Kehne kee Jagah “Hinttun”(Hame Gandum(Genhu) Chaahiye) kaha Unki Sarkashi Aur Hudud se Tijaawat kee Wajah se ALLAH TA’ALA ne Taaun(Pleg) kaa Azaab Bheija Jis se woh 24 Hazaar kee Tadaad mai Mar gaye.
(Tafseere Kabeer, Jild-3, Safa-88)

Iss me Ikhtelaaf hai kee woh Basti Konsi thi Aur Kiss Zamaane mai Bani Israaeel ne Use Fatah kar liya,
Iski Tashrih ye hai ki Uss Shahar koo Bani Israaeel ne Hazrat Musaa Alayhis Salaam kee Zindagi Ke Aakhir Zamaane mai Fatah kiya Aur Waha Badi Badkaariya kee Jinke Natije mai KHUDA TA’ALA ne Unpar Waba Bheiji Aur 24 Hazaar Aadmi Halaak kar diye.
(Tazkiratul Ambiya Alayhis Salaam, Safa-443)

Click Here>>Next Page
Share:

Ad

Popular Posts

Recent Posts

Ambiya e karam ka full wakiya

Contact us

Name

Email *

Message *