Showing posts with label namaz. Show all posts
Showing posts with label namaz. Show all posts

Juma Ki Namaz Ka Tarika in Hindi Urdu

Juma Ki Namaz Ka Tarika in Hindi Urdu

Juma Ki Namaz
Juma Ki Namaz Ka Tarika

Note: Jiss bhai bahan koo abhi namaz padna bilkul nahi aata wah please sab se pahle niche diye gaye link par click karen

Iss mai: namaz kee nayat, aur namaz kaise padhni hai, ruku sajda, Qada ula Akhira, phir namaz mai surat kaise padhe, A To Z namaz ke bare mai bataya gaya hai, uss ke baad hi iss article koo padhen, iss se aap kaa zada fayda hoga.

5 Waqton kee Namaaz kee tarah juma kee namaz vi zaruri hai, lekin yah weekly hai. aaye sab se pahle Juma kee fazilat ke bare mai jante hain:

Juma Kee Fazilat

Hazrat Abu Huraira (R Z) se Riwayat hai kee: Rasulullaah (S A W) ne Jumah ke bare mai bataya hai kee: “is mee ek time aisa hai kee agar koi Musalman Namaaz barabar padhta hoo aur wah uss time allah se jo vi mangta hai allah tala uss koo wah cheez de dete hain”
  • (Bukhari Shareef Hadees No: 935)
  • (Muslim Shareef Hadees No: 852). 
Hazrat Abu Hurairah (R Z) se riwayat hai, Rasulullaah (S A W) ne irshad fharmaya: “Sab se best day Juma kaa hai, Juma ke din Hazrat Aadam (A S) paida huye, aur isi din Jannat mai un koo entry mili,aur isi din Jannat se exit huye”
  • (Sahih Muslim: 854)

Jumaa Kis Par Zaruri Hai Aur Kis Par Nahi Hai?

Ek Musalman Joo Baligh (18+) hoo, Samajhdar hoo, Apne city ya mohalle mai hoo uss par Juma kee Namaz Farz hai, Aurton aur bachchon par Juma farz nahi hai, aurten apne gharon juma ke din Zuhr kee Namaz padhen gi, isi tarah agar koi aadmi 77+ Km kaa safar kar chuka ho to uss par vi juma farz nahi hai, isi tarah jo aadmi pagal ho gaya ho uss par vi juma zaruri nahi hai.

Juma Aur Dosri Namazon Mai Difference

(1)  Juma kee Namaaz weekly hai, aur dosri farz namazen daily hain.
(2) Juma kee Namaaz akele yaa tanha nahi padh sakte hain uss ke liye Jamat zaruri hai, dosri namaz jamat se aur akele vi padh sakte hai,
(3)  Small village me Jumaa nahi padh sakte, dosri namazen padh sakte hain.
(4)  Juma kee namaaz mai “Khutba” zaruri hota hai, dosri namazon mai khutba nahi hota.

Juma Naa Padhne Kee Saza:

عَنْ عَبْدَ اللهِ بْنَ عُمَرَ، وَأَبَا هُرَيْرَةَ أَنَّهُمَا سَمِعَا رَسُولَ اللهِ صَلَّى اللهُ عَلَيْهِ وَسَلَّمَ، يَقُولُ عَلَى أَعْوَادِ مِنْبَرِهِ: «لَيَنْتَهِيَنَّ أَقْوَامٌ عَنْ وَدْعِهِمُ الْجُمُعَاتِ، أَوْ لَيَخْتِمَنَّ اللهُ عَلَى قُلُوبِهِمْ، ثُمَّ لَيَكُونُنَّ مِنَ الْغَافِلِينَ»رواه مسلم في صحيحه (865).

Hazrat Abdullaah bin Umar aur Hazrat Abu Hurairah (R Z) ne Rasulullaah (S A W) ko fharmate huye suna hai kee: Aap Mimbar (Imam ke Musllae ke bagal mai wah jagah jis par khade ho kar  Juma kaa Khutba deta hai) kee siriyon par ya fharma rahe the: “Jo log Juma kee namaz chhor dete hain wah log Khabardar hoo jayen warna allah tala un ke dilon par muhar laga denge phir wah log gafileen mai se hoo jayen ge”.  
  • Muslim: Hadees No (865)

Juma Kee Namaaz Mai Kitni Rakat Hai?

Juma kee namaaz mai total 12 rakats hain bilkul usi tarah jaise zuhar kee namaaz mai hai, bas juma mai 4 kee jagah 2 Farz hai.

Juma Kee Namaz Padhne Kaa Tarika:

Sab se pehle 4 rakat Sunnat e Muakkadah padhe, phir Khutba kee azan aur khutba ke baad Imam ke sath 2 rakat farz padhe, 2 rakat farz ke baad 4 rakat Sunnat e Muakkadha Padhe, uss ke baad fhir 2 rakat nafal padhe iss tarah se total 12 rakats hoti hain.

Juma Mai Imam Kaun si Surten Padhe?

Waise quran kee tarteeb se joo surat chahe imam padh sakta hai lekin Sunnat yah hai kee pahli rakat mai “SABBI HISMA RABBIKAL AALA”, aur dosri rakat mai “HAL ATAKA HADISUL GHASIYAH” padhe,

Juma Se Related Dosre Masle

1 _ Juma only jamat ke sath ada kiya jata hai.
2_  Jab iman khutbaa dene ke liye mimbar par khada hoo jaye to uss waqt kisi namaz kee niyat nahi karni chahiye, agar sunnat padh raha ho too jaldi se use pura kar ke khutba sune.
3_  Jab imam Khutba de raha ho to uss waqt baat cheet karna haram hai, agar khutba kee aawaz aarahi hoo gaur se sune warna khamosh rahe.
4_  Khutba ke waqt agar koi salam kare to uss ke salam kaa jawab vi nahi dena chahiye aur agar koi aadmi baat kar raha ho to uss ko mana vi nahi karna chahiye, juma kee namaz ke baad uss ko bata de kee khutba ke dauran baat cheet nahi karna chahiye.

5_  Agar kisi kee ek rakat juma kee chhot gayi ho too wah dosri rakat puri kar ke salam pher de wah juma ka pane wala mana jaye ge
6_  Agar koi imam ke salam pherne ke baad pahuncha to ab uss ka juma chhot chuka hai, wah dosri masjid mai jaye ya Zohar ki Qaza kare, Juma kee qaza nahi hoti
7_ Bachche agar shararat karen to un ko juma ke khutbe se pahle daant yaa bol sakte hain, khutbe ke dauran un ko daantna vi jayez nahi hai.
Share:

Eid Ki Takbeer Aur Eid ul Fitr Ki Namaz Ka Tarika | Eid Ki Namaz Ka Tarika

Eid Ki Takbeer Aur Eid ul Fitr Ki Namaz Ka Tarika | Eid Ki Namaz Ka Tarika

Eid Ki Namaz Ka Tarika
Eid Ki Namaz Ka Tarika

Saal bhar kee namazon mai doo aham namaaz vi hai joo saal bhar mai ek ek baar padhi jati hai, pahli namaaz eid ul fitr kee hai, joo ramazan ke khatam honee , aur chand nikalne ke baad ada kee jati hai, yah namaz har musalman aaqil, baligh, azad, muqeem, par wajib yani zaruri hai, aurton aur bachchon aur musafir par yah namaz wajib nahi hai

Eid Kee Takbeer

Iss se murad wah takbeer hai joo eid gaah jaate huye aur aate huye raaste mai aur eid ke khutbe mai padhi jati hai aur wah takbeer “AALAHU AKBAR, ALLAHU AKBAR, LAA YILAHAA ILLAHU WLLAHU AKBAR, WA LILLAHIL HAMD” hai, الله أكبر الله أكبر لا اله إلا الله والله أكبرولله الحمد app sallallahu alihi wsallam kaa tarika yahi tha kee aap iss takbeer koo raaste mai aur eid ke khutbe mai padhte the.

Eid kee Namaz kaa Tarika aur takbiren

Eid kee namaz kee sab se aham aur zaruri cheez uss kee takbiron koo jaan naa hai, aksar log iss mai galti kar dete hain, too sab se pahle hum koo yah jaan naa zaruri hai kee eid aur bakra eid kee 6 takbeer padhi jati hai.

uss kaa tarika yah hai kee 2 rakat eid kee namaaz kee niyat kare, aur 6 zayed takbeer kee vi niyat kare, niyat karne ke baad pahle Sana padhe, uss ke baad teen takbeer kahte huye kanon tak hath uthaye aur chhoor de, chauthi takbeer ke baad hath bandh le, uss ke baad Alhamdu aur koi Surat padhe, uss ke baad Rukuu Sajda kar ke 1 rakat puri kare.

dosri rakaat mai alhamdu aur surat padhne ke baad ruku se pahle phir 3 zayed takbeer kahe, phir chauthi takbeer ke baad ruku sajda Tashauhud aur qada Akhira kar ke, Darud Shareef aur Duaaye Masura ke salam pher de, iss tarah se eid kee doo rakat puri hoo gayi.

Eid kaa Khutba:

Jiss tarah se eid kee namaaz zaruri hai usi tarah se eid kaa khutba vi sun naa zaruri hai, bhut sare log eid kee namaaz padh kar fauran bhagne ke chakkar mai rahte hain aur khutba nahi sunte, jab kee yah galat hai, eid kaa khutba sun na zaruri hai, begair khutba sune eid gaah se nahi jana chahiye.

Eid Se Related Masle:

Eid ul fitr aur eid ul Azha (bakra eid) kee namaaz ek tarah se ada kee jati hai.
Eid ul fitr kee namaz mai eid gaah kee taraf mithi cheez kha kar jana chahiye.
Eidd gaah kee taraf ek raaste se jana chahiye aur dosre raaste se aana chahiye


Eid kee namaaz mai 2 rakat hoti hain, aur yah wajib hain.
Ager eid kee namaaz chhoot jane kaa khatra ho too Tayammum kar ke vi padh sakte hain
Eidd ul fitr kee namaz mai raaste mai chalte huye aahista aahista eid takbeer padhna chahiye.
Bakra eid kee namaaz mai yahi takbeer zor zor aur baland aawaz se padhni chahiye.
Eid kee namaaz eid gaah mai padhna zada behtar hai
Eid kee namaz masjid mai vi padh sakte hain.
Jis gaon ya village mai juma nahi hota uss mai eid kee namaz ada nahi hoti
Share:

Traweeh Ki Namaz Ka Tarika Aur Traweeh Ki Dua In Hindi Urdu

Traweeh Ki Namaz Ka Tarika Aur Traweeh Ki Dua In Hindi Urdu

Traweeh Ki Namaz Ka Tarika Aur Traweeh Ki Dua
Traweeh Ki Namaz

 Traweeh Kise Kahte Hai ?

Ramazan ke month mai Isha Ki Namaz ke baad 2,2 rakaat kaar ke 20 rakat tak joo namaz padhi jati hai, aur har 4, 4 rakats ke baad thodi der baith kar aaram karte hai uss ko taraweeh kahte hai 

Taraweeh Kee Namaz Sunnat Hai Yaa Nafil ?

Taraweeh kee namaaz mard aur aurat sab ke liye Sunnat e Muakkadah hai.

Taraweeh Kee Namaz Kee Niyat

Taraweeh Kee Namaz aur dosri sunnat aur nafil namazon ke liye sirf namaz kee niyat kar lene se ada hoo jati hai, lekin zada better yah hai kee taraweeh ke liye alg se dil se niyat kare, yani dil mai yah sooch le kee mai taraweeh kee namaz padh raha hoon.

Kya Rasulullaah (S A W) Ne Taraweeh Kee Namaaz Padhyi hai?

Sahih Hadison se yah baat sabit hai kee Rasulullaah (S A W) Ramazan ke month mai 3 days jamat ke sath taraweeh kee namaz padhayi hai, lekin jab log zada hone lage, aur sahaba ke interest aur shauq  ko dekh kar aap (S A W) ko yah khatra hua kee kahin yah namaz farz aur zaruri naa hoo jaye aur log use na padh saken, iss liye baad mai uss ko jamat se nahi padhyi. 
  • (Sahih Bukhari: 924, Sahih Muslim: 761)
Lekin uss kaa matlab yah nahi kee aap ne ramazan mai ibadat yaa taraweeh padhne se mana kar dia balki ramazan kee raaton mai zada se zada ibadat karne kee takeed kee aur fharmaya kee: “joo shakhs ramazan kee raaton koo ibadat mai guzare ga uss ke pichhle sare gunaah maaf hoo jayen ge”
  • (Sahih Bukhari: 37, Sahih Muslim: 759)
Yahi wajah hai kee sahaba ramazan ke mahine mai bahut zada ibadat karte the, joo hafiz e quran the wah khud nafil namazon mai Quran padhte the, aur joo log hafiz nahi the, woh dosron ke pichhe nafil padhte the, aur hozur (S A W) in sab koo dekhte the magar aap ne kabhi uss se naraz nahi huye.

Jamat Ke Sath Taraweeh Kee Starting

Yah Silsila Hazrat Abu Bakr Siddiq (R Z) ke jamane aur Hazrat Umar ke starting zamane kat jari raha, uss ke baad Hazrat umar (R Z) ne jab yah dekha kee log alag alag gropes mai yaa akele akele taraweeh padh rahe hain too aap ne fharmaya kee main chahta hun kee sare log ek imam ke pichhe taraweeh padhen, too bahut achchha hoga, aur uss ke baad aap ne Hazrat Obai Bin Kad koo Imam banaya aur sare sahaba ne un ke pichhe taraweeh kee namaz padhi.
  • (Sahih Bukhari: 2010)
usi ke baad se taraweeh baa jamat ka silsila start huaa.

Taraweeh Mai Kitni Rakat Hoti Hai?

Iss kee details Jaan ne ke liye niche diye gaye link par click kare 

Taraweeh Kaa Tarika

2, 2 Rakaat kee taraweeh kee niyat karke padhe, aur har 2 rakat ke baad salam phere, aur har 4 rakat par tarwiha yani thodi der baith kar aaram kare,

Tarwiha Yaa Taraweeh Kee  Dua

Tarwiha (yani har 4 rakat par baithne ke baad) ke liye koi khass dua fix nahi hai, iss mai koi vi dua yaa quran kee tilawat kar sakte hai, kuchh ulma ne yah dua batayi hai jis kaa dil chahe wah iss dua ko vi pah sakta hai:

Tarweeh Kee Dua in Hindi Urdu English

SUBHANAA ZEEL MULKI WAL MALAKOOT, SUBHANA ZIL IZZATI WAL AZAMATI WAL QUDRATI WAL KIBRIYAAI WAL JABAROOT, SUBHANAL MALIKIL HAYYIL LAZI LA YANAMU WLA YAMOOT, SUBBUHUN QUDDUSUN RABBUNA W RABBUL MALAYIKATI WARROOH, LAA YILAHAA ILLALAH, NASTAGHFIRULLAH, W NAUOOZU BIHI NAMANNAR.

Taraweeh Kee Namaz Aurton Ke Liye

Jiss tarah mardon ke liye taraweeh Sunnat e Muakkadh hai isi tarah se aurton ke liye vi Sunnat hai, lekin aurton ke liye better yah hai kee wah sab akele akele, yaa tanha tanha padhen, jamat ke sath un kee namaz makrooh hai, yani nanaz ho to hoo jaye gi magar yah theek nahi hai.
Agra wah jamat se padhen too imamat karne wali aurat saf ke beech mai Muqtadi aurton ke sath khadi hoo, mardon ke imam kee tarah aage na khadi hoo.

Share:

Taraweeh Ki Namaz Kitni Rakats Hoti hai 20 Ya 8 Rakat ?

Taraweeh Ki Namaz Kitni Rakats Hoti hai 20 Ya 8 Rakat ?

taraweeh ki dua
Taraweeh ki namaz

4 Mashoor aur Fames Imam: Imam Abu Hanifaa, Imam Shafayi, Imam Ahmad Bin Humbal aur in ke man ne walon ke yahan taraweeh 20 rakats hai, Sahabaa ke zamane se ab tak ussi par amal chala aa raha hai, log 20 rakats taraweeh padhte hai, yahi wajah hai kee khana kaba, (Masjid e Haram Makkah) aur Masjid e Nabwi (Madinah) mai vi 20 rakats hoti hai.



Kchh log taraweeh koo 8 rakats bata te hain,  wah 8 rakats taraweeh padhte hain, sahaba se Taraweeh ke bare mai alag alag hadisen hain: 8 rakas kee vi aur 20 rakats kee vi hain, un mai bhi 20 rakats ke bare mai joo riwayten hai wah zada sahi hain.
Ab hum sab se pahle app koo un riwayton ke bare mai batate hai jin mai 8 rakat ke bare mai aaya hai aur un kee research vi karte hai:

8 Rakas Kee Bare Mai Hadisen

Joo ulma Taraweeh koo 8 rakat kahte hai un koo Hazrat Aaisha (R Z) kee uss riwayat ne shubhe aur confusion mai daal dia hai jis mai yah aaya  hai kee: Rasulullaah (S A W) Ramazan aur  Ramazan ke alawah dosre month mai  11 rakats se zada nahi padhte  the. yani 8 rakat taraweeh aur 3 rakat witr
  • (Sahih Bukhari: 1147, Sahih Muslim: 738)

Hadees Kaa jayza

Is hadees koo bunyaad bana kar 8 rakat wale taraweeh kee namaaz koo is par fit karna chahte hain, aur kahte hain kee taraweeh 8 rakats se zada nahi hai, lekin iss hadees kaa jayza lene ke baad yah clear hoo jata hai kee iss hadees koo taraweeh par fit karna sahi nahi, iss hadees ke bare mai kuchh cheezen hum aap koo batate hai:

(1) Yah hadees Tahajjud ke bare mai hai taraweeh se uss ka koi connation nahi hai kyun kee Hazrat Aaisha ne yah kaha hai kee: Huzoor (S A W) Ramazan ke elawah dosre month mai vi 11 rakats se zada nhi padhte the, Hazrat Aaisha kee iss baat se saaf pata chalta hai kee wah app (S A W) kee  taraweeh ke bare mai nahi balki dosri namaaz ke bare mai bata rahi hain, aur wah namaaz Tahajjud hai, kyun kee ramazan ke elawah dosre month mai taraweeh sabit nahi hai, ramazan ke elawah dosre month mao koi taraweeh nahi padhta too pata chala kee yah hadees  taraweeh ke bare mai nahi balki tahajjud krr namaz ke bare mai hai, lehaza iss hadees kee wajah se agar  koi kahe kee taraweeh 8 rakats hai to uss k baat sahi nahi hogi.

(2) Agar yah maan vi liya jaye kee iss hadees kaa connection Taraweeh se hai too iss se hargiz yah sabit nahi hota kee Huzoor (S A W) ne 8 rakats se zada Taraweeh nahi padhi, iss liye kee Hazrat Aaisha ne Dosri riwayat mai yah farmaya hai kee: Huzoor (S A W) 13 rakats padhte the 
  • (Sahih Bukhari: 1170) 

To phir yah kaise kaha jaa sakta hai kee taraweeh sirf 8 rakats hi hai.

(3) Hazrat Aaisha kee issi Hadis mai aaya hai kee: Huzoor (S A W) 1 salm se witr ki 3 rakats padhte the.

Hadees ke iss part mai tawajjuh aur attention kee baat yah hai kee joo log taraweeh koo sirf 8 rakats batate hain wah khud usi hadees ke iss dosre part per amal nahi karte, otherwise Ramazan wah log sirf 1 rakat Witr padhte hain, by chance agar 3 rakats padhte vi hain to 2 salam ke sath, ab aap hi batayen kee hadees ke ek part koo man na  dosre koo na man na kahan tak sahi hai.

8 Rakats Ke Bare Mai Hazrat Jabir Kee Hadees

Taraweeh koo 8 rakats man ne walon kee dosri daleel Hazrat Jabir Bin Abdullah kee riwayat hai jis mai unhon ne kaha hai kee: Rasulullaah (S A W) ne hamare saath Ramazan ke  month mai 8 rakats aur  witr padhi hain.
  • (Sahih Ibn e Khuzaimah: 1070)
  • (Sahih Ibn e Hibban: 2409)

Hazrat Jabir Kee Is Hadees Kaa jayza

Iss Riwayat mai aage yah hai kee Huzoor (S A W) dosri raat mai apne room se bahar nahi aaye aur hum sab aap kaa wait kar rahe the, jab kee Hazrat Aaisha kee Riwayat joo Bukhari Muslim mai hai uss mai 3 raaton mai aana aur padhna aur chauthi raat mai room se bahar naa aane kaa zikr hai, 
  • (Sahih Bukhari: 924)
  • (Sahih Muslim: 761) 

In dono ke elawah dosre sahaba se vi Ramazan ke month mai  Huzoor (S A W) kee namaz ke bare mai riwayten hai lekin Hairat kee baat yah hai kee Hazrat Jabir ke elawah kisi kee riwayat mai in rakats kee numbering kaa zikr nahi hai, iss liye yah zaruri maloom hua kee Hazrat Jabir kee iss riwayat par research kee jaye, hum ne iss riwayat par research kia, research mai joo cheez saamne aayi wah number wise bata rahe hain:

(1) Iss riwayat mai ek raawi (Hadees Bayan karne wala) Isa Bin Jariah hain, jin ke about Hadith ke mahir logon mai se zada logon ne un kee hadees koo sahi nahi mana hai,  yani wah zayeef hain. See for more details:
  • (Tahzeebul Kamaal: 22/288-291)
  • (Tahzeebut Tahzeeb: 8/207)
  • (Meezanul Etidaal: 3/310-311)
(2) Rakats kee numbering yani 8 rakats koo yah raawi tanha aur akele bayan karte hain, aur koi nahi bayan kar raha hai, jab kee is subject kee dosri hadisen vi hain aur un mai  numbering nahi hai.

(3) Hazrat Jabir kee hadees kee tayeed aur help  dosre sahaba kee hadison se vi nahi hoo rahi hai, Hazrat Aaisha aur Hazrat  Abu Zar kee vi hadisen isi tarah hai lekin un mai numbering aur rakats ka zikr nahi hai.

(4) Hadees kee language mai iss jaisi hadees koo “Mukar” kahte hain, yani uss se kisi masle koo sabit karna sahi nahi hai. Pataa chala kee Hazrat Jabir kee yah riwayat aisi nahi hai jis par amal kia jaye
.
Note: 8 rakaats se related aur vi kuchh hadisen hain lekin wah vi zayeef hain.

Taraweeh Kee 20 Rakats Se Related Hadisen

20 rakats se related bahut see hadisen hain jin koo hum number wise zikr kar rahe hain:

(1) Hazrat Abdullaah Bin Abbas (R Z) se riwayat hai kee Rsulullaah (S AW) Ramazan ke month mai 20 rakats aur Witr padhte the.
  • (Musannaf Ibn e Abi Shaibah: 7692)
  • (Musnad e Abd Bin Humaid: 653)
Note: yah hadees sanad se related agarche zayeef hai (yani uss mai kamzoor raawi hai) lekin sahaba aur puri ummat ka 20 rakats par amal uss kee tayeed aur help kar raha hai, jis kee wajah iss par amal kiya jaye ga.

(2) Sayeb Been Yazeed kahte hain kee: Hazrat Umar ke zamane mai ramazan ke month mai log 20 rakats padhte the. 
  • (Al Sunanul Kubra By Imam Baihaqi: 4288)
  • (Musnad e Ibn e Jaad: 2825)
Note: Iss hadees ke sare raawi sahi hain.


(3) Yazeed Been Rooman kahte hain kee: Log Hazrat Umar ke zamane mai 23 rakats padhte the. (yani 20 rakats Taraweeh aur 3 rakats witr.
  • (Muaata Imam Malik: 380)
Note: Yah Hadis mursal hai, lekin Imam Malik ka mursal vi bahut important hota hai.
Mursal: Un hadison koo kahte hai jin ke beech se gape ho 1 ya 2 raawi chhot gaye hon.

(4) Yahya Bin Sayeed kahte hain kee: Hazrat Umar ne ek Sahabi koo Hukm dia kee wah logon koo 20 rakats padhye.
  • (Musannaf Ibn e Shiba: 7682)
Note: Yah hadees vi mursal hai lekin uss kee sanad Mazboot hai

(5) Abdul Azeez Bin Rufai kahte hain kee: Obai Bin Kab Ramazan ke month mai logo 20 rakats aur 3 rakats witr padhte the.
  • (Musannaf Ibn e Shiba: 7684)
Note: yah vi mursal hai magar uss kee sanad mazboot hai
Note 2: Inn sari riwayaton mai gaur karne ke baad yah pata chalta hai kee 20 rakats wali riwayten hi sahi hain, agar che un mai se aksar zayeef hain lekin mila jula kar un se 20 rakats kaa suboot hoo jata hai, aur isi par puri dunya ke musalmano kaa amal hai, aur haramain sharifain mai vi 20 rakats taraweeh hoti hai.
Share:

Chand grahan ki namaz ka tarika in hindi and urdu

Chand grahan ki namaz ka tarika in hindi and urdu

chand grahan ki namaz
Chand grahan ki namaz

Kavi kavi humm dekhte hai kee chandni raat mai vi chand par andhera chha jata hai, aur ujaali raat kali raat mai change hoo jati hai, isi tarah suraj par vi din mai kuchh der ke liye andhera chha jata hai, isi koo chand garhan aur suraj garhan  kahte hain

Chand Garhan Aur Suraj Garhan Kee Haqiqat

Aam taur par logo kaa yah maan naa hai kee chand aur suraj kaa garhan zameen par kisi important cheez kee wajah se hota hai: for example  kisi bade aadmi kee death hoo jaye, yaa koi bada aadmi paida hoo. Lekin  hamaraa islam hame yah batataa hai kee chand garhan aur suraj garhan yah sab allah kee taraf se hota hai, allah tala jab chahte hain thodi der ke liye chand aur suraj kee roshni koo khatam kar dete hain, aur jab chahen ge too always un kee roshni koo khatam karden ge, jis tarah garhan lagane aur hatane mai koi interfere nahi kar sakta isi tarah world kee baqi sari cheezon mai vi kisi kaa koi ikhtiyaar nahi hai.
Yahi topic hamari hadees mai iss tarah aaya hai:

Hazrat Abuu Masuood Ansari (R Z) se riwayat hai, kahte hain kee: Rasulullah (S A W) ne fharmaya kee: “Chand aur Suraj allah tala kee nishaniyon mai se ek nishani hai, allah tala un mai kuchh changing kar ke apne bandon koo darata hai, kisi kee death yaa maut kee wajah se un koo garhan nahi lagta, too jab tum chand yaa suraj garhan koo dekho too namaz padho, aur allah se uss waqt tak dua jab tak kee garhan khatm naa hoo jaye”
  • (Sahih Bukhari: 3202, Sahih Muslim: 911)

Hadees Kaa Matlab Aur chand O Suraj Garhan Kee Namaz Kaa Tarika

Iss hadees mai Chand aur suraj garhan kee namaz ke bare mai vi bataya gaya hai, jab aisa ho jaye too 2 rakat lambi namaaz padh kar uss waqt tak dua karni chahiye jab tak kee garhan khatm naa hoo jaye. Suraj garhan kee Namaaz jamat se aur chand garhan mai akele akele namaaz padhna better hai, yah mard aur aurat sab ke liye hai, lekin aurten apne home mai hi padhen.
Chand oo suraj Garhan kee namaaz lambi honi chahiye, hadees mai aaya hai:

Hazrat Qabisa Bin Mukhariq (R Z) kahte hai kee ek baar suraj koo garhan laga uss waqt hum Rasulullaah (S  A W) ke sath madina mai the aap ghabra kar apne kapde koo khinchte huye bahar nikle, aur 2 rakat namaaz khoob lambi pdhi.
  • (Sunanun Nasayi: 1486)
Jin waqton mai namaz makrooh hai, agar uss waqt garhan hoo too namaz nahi padhi jaye gi, logon koo dua aur istighfar ka hukm dia jaye ga.

Share:

Musafir Ki Namaz Aur Safar Ki Dua in Hindi Urdu

Musafir Ki Namaz Aur Safar Ki Dua in Hindi Urdu

Musafir Ki Namaz
Musafir Ki Namaz

Musafir: Yah arabic word hai uss kee meaning hai journey yaa travel karne wala.

Muqeem: Yah vi arabic word hai uss kee meaning wah aadmi joo apne home yaa city mai hoo.
Qasar: Yah vi arabic word hai uss kee meaning kam yaa short hai, yahan uss kaa matlab 4 rakat wali farz namaz koo 2 rakat padhna.
In words koo explain iss liye kiya gaya hai kyun kee yah words iss article mai baar baar aayen ge.

Islam ne jin cheezon mai logon koo aaram aur sahuliyat diya hai un mai se ek safar vi hai, safar kee wajah se aadmi  koo preshani aur mushaqqat kaa samna karta hai, wah ek tarah se bahut majboor hota jata hai, ab agar musafir hone kee halat mai uss ke liye wahi orders hon joo muqueem hone kee halat mai hote hain too aadmi kee diqqqat aur preshani zada ho jaye gi, iss liye islam ne musafir logon kaa khayal karte huye un koo vi sahuliyat aur aasani diya hai un mai se ek sahulat namaz vi hai, safar ke duran musafir  koo 4rakat wali farz namaz koo sirf 2 rakat padhne ka order hai, Quran pak mai  ek jagah aaya hai:

Jab tum zameen mai safar karo too tum par koi haraj nahi kee tum namaz mai kami kar dia karo.
  • Sure Nisa: 101

Aadmi Koo Musafir Kab Mana Jata Hai (Distance Of Travel)

Jab kisi kaa 78 Km yaa phir uss se zada travel karne kaa irada hoo, aur wah apne gaon yaa city se exit ho jaye to uss koo musafir kahen ge for example: agar koi aadmi jis kaa gahr Delhi mai hoo, aur wah Aligarh jana chahta ho, too jaise hi wah Ghaziabad mai entering kare ga wah musafir hoo jaye gaa.

Qasar Namaz Kee Starting

Musafir ban ne ke baad agar 15 days se kam rukne kaa program hoo too namaaz mai qasar zaruri hai yani Zohar, Asar, aur Isha kee namaz 2, 2 rakat padhe gaa, aur Fajr aur Magrib kee namaz usi tarah padhe ga jaise apne ghar mai padhta tha, 2 rakat aur 3 rakat, in dono mai kuchh kami nahi hoo gee, aur agar jamat se padh raha hoo too imam ke sath sari namazen puri puri padhe gaa. isi tarah agar 15 days se zada rukne ka plan hoo tab vi sari namaz puri puri padhe gaa.

Qasar Namaz Mai 2 Rakat Kee Niyat Kare Yaa 4 Rakat Kee?

Jin Nmaazon mai qasar zaruri hai un mai musafir only 2 rakat kee niyat kare, for example agar Zohar kee namaz qasar kar raha hoo too dil se yah niyat kare kee :mai 2 rakar zohar kee qasar kar raha hun, safar kee wajah se yah maan liya jata hai kee musafir par 4 rakat wali farz namaaz 2 rakat mai change hoo jati hai, yani ab musafir ke uper only 2 rakat hee farz hai, iss liye musafir sirf 2 rakat kee niyat kare ga.

Musafir Agar Jamat Se Namaz Padhe Too Phir Kya Hukm Hai?

Agar koi musafir jamat se namaz padhe too agar musafir imam ho too wah 4 rakat wali namaz mai only 2 rakat kee niyat kare, aur 2 rakat puri karke wh yah elaan kar de kee: mai musafir hun aap log apni baqi 2 rakat puri kar len.
aur agar musafir muqtadi hoo yahi wah imam ke pichhe namaz padh raha ho too wah iss surat mai wah qasar nahi kare gaa, balki 4 rakat kee niyat kare ga 2 rakat kee niyat nahi kare ga chahe wah aakhiri rakat mai jamat mai shamil hua hoo.

Safar Mai Sunnat Kaa Wahi Hukm Hai Joo Muqeem Hone Kee Halat Mai Hota Hai

Farz Namaz ke qasar padhne kee wajah se koi banda yah naa samjhe kee sunnat half half hoo jati hai, agar musafir ke paas time aur sahulat hoo too sunnat aur nafal namaz puri puri padhe, aur agar time na hoo too sunnat aur nafal namaz ke chhodne mai koi gunaah nahi hai.

Musafir Agar Bhool Kar 4 Rakat Padh Le

Agar kisi musafir ne bhool kar qasar wali namaz 4 rakat padh lia too uss kee detail yah hai kee agar Pahle Qada mai utni der baita raha jitni der mai Tashahud padha jata ho too uss kee namaaz hoo jaye gi magar makrooh hogi yani uss mai sawab kam mile gaa. aur agar pahle qada mai nahi baitha to ous kee namaz sahi nahi hogi uss ko namaz phir se padhni pade gi.

Airport, Station, Bandargah Par Qasar Kaa Hukm

Aadmi koo apne Bus Stands, Ya Railway Stations yaa Airports wgairah yah sab city ke under aate hain, yahan se journey start karne wala yaa yahan par return none wala muqueem hee rahta hai, wah namaaz mai qasar nahi kare gaa, lekin agar yah places aabadi se zada door hon jaisa kee aaj kal bahut se cities mai hoti hain too yahan par interring karne wala musafir hoo jaye ga aur namaz mai qasar kare gaa.

Puri Namaz Padhne Ke Liye 15 Days Kee Niyat Zauri Hai

Musafir jab tak kisi jagah 15 days ya uss se zada rukne kee niyat naa kare wah puri namaz nahi padh sakta balki qasar karta rahe gaa, for example agar aadmi kisi jagah kaam ke liye gaya, aur uss kaa irada tha kee 15 days se pahle return hoo jaye gaa lekin kaam kee wajah se uss ke rukne kee muddat badhti chali jaye tab vi wah qasar hee kare ga chahe yah muddat kitni zada hoo jaye, han agar 15 days rukne kaa plan bana le tab wah namaz puri padhe ga.

Masla: Agar kisi aadmi ne yah niyat kee  15 days 2 cities yaa 2 shahron mai rahun gaa some days ek city mai aur some days dosre city mai:  for example: aadmi Lucknow mai rahta hai wah Allahabad aur Varansi ke liye safar par nikla, aur plan banaya kee kuchh din Allahabad mai rahe gaa aur kuchh din Varansi mai too wah Musafir hee rahe gaa muuqeem nahi hoga, aur namaz qasar kare gaa.

Employment Places (Nokri Kee Jaghon) Kaa Hukm

Jo log kisi company mai permanent job karte ho, yaa kisi city mai permanent business karte hoo, aur unka yah plan hoo kee bila kisi important reason ke wah uss jagah se nahi jayen ge too yah jagah un ke liye real home (Apne asli ghar) kee tarah hogi, yahan wah muqueem samjhe jayen ge aur namaz puri puri padhen ge.

Ghar Par Chooti Huyi Namazon Koo Safar Mai Padhna

Agar Koi  aadmi agar safar mai chala gaya aur uski kuchh namazen ghar par rahte huye qaza hoo gayi hon too agar safar mai un kee qaza karna chahe too qasar nahi karega balki puri puri padhe gaa, for example: agar uss aadmi Asar yaa Isha  kee namaz ghar par choot gayi, aur usi time uss koo train pakadni thi, wha train par sawar hoo gaya dosre din uss koo yaad aaya kee meri Asar aur Isha Qaza hoo gayi hai, ab agar wah safar kee halat mai Asar aur Isha kee qaza padhan chaahta ho to uss koo 4, 4 rakat padhna hoga, safar mai vi wah un qasar nahi kare gaa.
Safar Kee Qaza Namazon Koo Ghar Aa kar Padhna
Agar safar kee halat mai kuchh namazen chhoot gayi hon aur ghar aa kar unki qaza karna chahe  too qasar karega puri nahi padhe gaa kyun kee uss ke zimme qasar hi farz hui thi, aur joo namaz jis tarah farz ho uss koo usi tarah ada karna zaruri hai.

Share:

Namaz e Istisqa Ka Tarika (barish ki dua) in Hindi Urdu

Namaz e Istisqa Ka Tarika (barish ki dua) in Hindi Urdu

Namaz e Istisqa Ka Tarika
Namaz e Istisqa Ka Tarika
Istisqa Kaa Meaning: Yah Arabic word hai, iss kee meaning allah tala se raining yah barish kee dua karna

Namajz e Istisqa kyn Padhi Jati hai?

Barish allah tala kee bahut badi nemat hai, isi kee wajah se hum koo pine ka pani milta hai, agar kisi elaqe yah shahar yaa gaon mai barish na ho to uss elaqe ke sare khet hand pumps aur machines sab sookh jate hai phir hamare liye bahut bada masla khada hoo jata hai to maloom hua kee hame barish aur pani kee bahut zarurat hai.

Jab log gunaah zada karne lagte hain too allah tala logo koo khabardar karne ke liye barish koo rook deta hai yaa kam kar deta hai, jiss kee wajah se kheti bari, aur karobaar bar par bada asar padta hai, allah kee taraf se aisa isi liye hota hai taki log allah ke kareeb hoo kar apne gunaahon kee maafi mangen, aur aayinda gunaah na karne kaa pakka irada kar ke allah se barish kee dua karen, allah tala zarur rahmat kee barish barsayen ge.

Namaz e Istisqa Kahan Padhi jaye?

better yah hai kee Istisqa kee namaz eid gaah yaa bade maidan mai padhi jaye, albatta Masjid e Haram, Masjid e Nabwi, aur Masjid e Aqsa mai padhi jaye gi.

Istisqa Kee Namaz Kitne Din Padhi jaye?

3 din tak lagatar padhna behtar hai, agar pahle yaa dosre din barish hoo jaye tab vi logon koo allah kaa shukr ada karene ke liye namaz aur dua karni chahiye.

Namaz e Istisqa Kaa Tarika

Istisqa kee namaaz 2 rakat jamat se padhi jati hai uss kaa wahi tarika hai joo Eid, Bakra Eid kee Namaz kaa hai, farq sirf itna hai kee eid kee namaaz mai zayed takbiren hoti hai, aur istisqa kee namaaz mai zayed takbiren nahi hoti, namaz ke baad imam zameen par khade hoo kar khutba de,
Khutba ke dauran imam koo apni chadar ka rukh badle: right side koo left side kar le, aur left side koo right side kar de

uss ke baad Qibla kee taraf rukh kar ke khoob aajizi se aur inkisari ke sath allah se barish kee dua kare, aur sare namazi imam kee dua par aameen kahen, isi tarah hadees mai aaya hai:

Abbad Bin Tameem apne uncle se riwayat karte hain kee:Nabi Kareem (S A W musalla kee taraf tashreef laaye, aur barish kee dua mangi, aur qibla rukh hoo gaye, aur apni chadar kaa rukh badla, aur 2 rakat namaz padhee.
  • Sahih Bukhari: 1026
  • Sahih Muslim: 894
Ek dosri riwayat mai aaya hai:Hazrat Abu Hurairaah (R Z) kahte hai kee: Rasulullaah (S A W) istisqa kee namaz ke liye nikle, bila  azan o iqamat ke 2 rakat namaz padhayi, phir hum koo nasihat kee, phir qibla ru hoo gaye aur hath utha kar dua mangi, aur apni chadar kaa rukh badla: dayen koo bayen taraf kia, aur bayen koo dayen taraf kia.
  • Sunan e Ibn e Majah: 1268
Note: in dono hadison mai istisqa kee namaz kaa tarika bataya gaya hai, jaisa kee uper hum ne bataya.

Share:

Sajda Sahw Ka Tarika In Hindi, Urdu

Sajda Sahw Ka Tarika In Hindi, Urdu

Sajda Sahw Ka Tarika
Sajda Sahw Ka Tarika

Sahw Kya Hai Aur Kise Kahte Hai?

Sahw Arabic language kaa word hai uss kee meaning hai: bhoolna, yani jo kaam karna chahiye use bhool jana aur galti se dosra kaam kar dena is ko hi sahw kahte hai,

Sajda Sahw Kya Hai?

Namaz mai koi wajib cheez chhoot jaye, ya kisi farz cheez ko pahle ya baad mai karne se namaz  me kuchh kami ho jati hai isi kami ko pura karne ke liye aakhiri rakat mai Tashahud ke baad 2 sajda karte hain isi ko sajda sahw kahte hai.

Sajda Sahw Kyun Zaruri Hai?

Har koi janta hai kee namaz kee halat mai ulte seedhi baten hamare mind mai aati rahti hain, aur tarah tarah ke khayal hamare dil mai paida hote rahte hain, yah sab shaitan kee taraf se hota hai, aur shitan hamari namaz ko kharab karne kee koshish karta rahta hai, aur kabhi bekhayali mai aadmi galti kar baithta hai, isi galti ko theek karne aur shaitan kee koshish ko bekar karne ke liye shariat ne namaz mai sajda sahw karne ka order dia gaya hai, ek hadees mai aaya hai:

Hazrat Abu Hurairah (R Z) se riwayat hai ki, Rasulullah (S A W) ne fharmaya: “Jab tum mai se koi aadmi namaz padhne ke liye khada hota hai to shaitan us ke paas aa kar us ko confuse kar deta hai, us ke baad aadmi ko yah pata nahi rahta kee us ne kitni rakat padhi hai, jab tum mai se koi is tarah kee baat feel kare to us ko chahiye kee baithe baithe 2 sajda aur kar le”
  • Sahih Bukhari: 1222, Sahih Muslim: 289

Sajda Sahw Kab Wajib Hai ?

Namaz mai sajda sahw ke wajid hone ke kuchh reason hote hain jin ko hum number wise bata rahe hai, jab un mai se reason paya jaye ga tab sajda sahw wajib hoga other wise nahi hoga:

(1) Kisi farz ya wajib amal ko us kee real place se pahle kar dena for example: kisi vi namaz kee pahli aur dosri rakat mai Alhamdu ke baad surat padhne se pahle Ruku mai chale jana, ya Alhamdu se pahle surat padh lena.

Explication: aap ko maloom hona chahiye kee har namaz kee pahli aur dosri rakat mai Sure Fatiha ke baad Surat padhi jati hai, aur yah tarteeb wajib hai, to agar kisi ne Sure Fatiha ke baad surat milane se pahle ruku kar dia to yah baat tarteeb ke khilaf hogi, aur us aadmi ko akhir mai sajda sahw karna pade ga.

(2) kisi Farz ya wajib amal ko us kee real place se baad mai karna, for example: pahli rakat ka ek sajda bhool gaya aur dosri rakat mai yaad aane par 3 sajda kar lia, ya Sure Fatiha ko surat se baad mai padh li

(3) Kisi farz ya wajib ko double kar lena jaise: Ruku double kar liya, ya ek rakat mai 3 sajde kar liye

(4) Kisi wajib kee condition ko change kar dena jaise: Zohar aur Asar kee namaz mai imam zor se ya buland aawaz se qirat kar de, aur Magrib, Isha aur Fajr kee namaz mai aahista ya dhire se qirat kar de.

Explication: Jin Namazon mai zor se qirat (yani Alhamdu aur sur surat ko buland aawaz se padhna) hai un namazon mai zor se qirat karna wajib hai, aur jin namazon mai aahista qirat hai un mai aahista qirat wajib hai, to agar bhool kar imam ne ulta kar dia to us par sajda sahw wajib ho jaye ga, aur agar jaan boojh kar kia to namaz fasid ho jaye gee, us ko phir se namaz padhni hogi.
Zor se aur aahista qirat ka masla jamat aur imam se related hai, agar koi aadmi tanha ya akele namaz padh raha ho to us ko ikhtiyar hai chahe zor se qirat kare ya aahista kare.

(5) Kisi wajib ko bhool kar chhor dena jese for example: Tashauhud nahi padha, ya Sure Fatiha Chhor dia.

Namaz Mai Jaan Boojh Kar Kisi Wajib Chhor Dena

Aap ko maloom hona chahiye kee uper jo hum sajda sahw ke reason bataye hain yah us soorat mai hai jab bhool kar ya galti se koi wajab chhot jaye, aur agar kisi ne jaan boojh kar koi wajib chhor dia to ab us aadmi ko namaz phir se padhni hogi, sajda sahw se kaam nahi chale ga.

Namaz Mai Kisi Farz Ko Ada Na Karna

Agar namaz mai koi farz chhot jaye jaise: Qayam, Qirat, Ruku, Sajda ogairah, chahe bhool kar chhota  ho ya jaan boojh kar, aur namazi salam pher kar namaz khatam karde  to aisi surat mai namaz nahi hogi, namaz ko phir se padhna zaruri hai, yahan sajda sahw vi kafi nahi hoga, kyun kee jo cheez namaz mai farz hai, yani us ke begair namaz hee nahi hoti jab wah chhot gayi to ab namaz kaise sahi hogi.

Sajda Sahw Karne Ka Tarika Kiya Hai ?

Sajda sahw ka tarika yah hai kee aakhiri rakat mai Qada Akhira me Tashauhud ke baad only right side salam pher kar 2 sajda karo, in dono sajdon mai bhi wahi tasbeeh hai jo sajde mai adhi jati hai, alag se koi tasbeeh nahi hai, dono sajdon ke baad ab phir se Tashauhud, Darud Shareef, aur Duaaye Masorah padh kar salam pher do.

Sajda Sahw Kab Tak Kar Sakta Hai Ham?

Agar kisi par sajda sahw wajib tha lekin us ne sajda sahw karne se ahle salam pher dia, us ke baad use yaad aaya kee mujhe sajda sahw karna hai, to jab tak wah apni jagah par qibla kee taraf face kar ke baitha rahe, aur koi aisa kaam na kare jis se log yah samajh len kee wah namaz mai nahi hai, us waqt tak wah sajda sahw kar sakta hai.
Sajda Sahw Se Related Kuch Masle

Qada Akhira Ke Waqt Me Bhool Kar Khada Ho Jana

Qada akhira namaz ke aakhir mai hota hai, aur yah farz hai, yani agar yah chhoot jaye to namaz nahi hoti hai, agar koi aadmi qada akhira mai baithne ke bajaye khada ho jaye to us par zaruri hai kee agli rakat ke sajda se pahle pahle qada akhira kee taraf return ho jaye, aur Attahiyaat padh kar right side salam pher kar sajda sahw kar le, us kee namaz ada ho jaye gee, aur agar wah qada kee taraf return na hua, aur agli rakat ka sajda kar lia, to us kee farz namaz nafal ho jaye gee, us ko chahiye ek rakat aur padh le, aur farz namaz phir se padh le.
Share:

Namaz Ke Faraiz In Hindi and Urdu

Namaz Ke Faraiz In Hindi and Urdu

Namaz Ke Faraiz
Namaz Ke Faraiz

Hamare Islam mai Namaz bahut hi important chiez hai, us kee fazilat bahut zada hai, yah total free hai, is mai koi chiez hum ko invest nahi karna hai, Namaz  allah tala ko bahut pasand hai, is ko chhorne ka gunaah bahut zada hai, us ko na padhne se aadmi Jahamnnam mai jaye ga, Quran Pak kee Sure Muddassir mai allah tala fharmate hai: kee jab Namaz na padhne wale log Jahannam mai chale jayen ge us ke baad un se sawal kia jaye ga kee: bhai! tum log jahannam mai kaise chale aaye? wah log jawab den ge kee hum namaz nahi padhte the.
  • Sure Muddassir: 42, 43
Is aayet se maloom hua kai namaz bahut hee zaruri cheez hai, Namaz padhne ka tarika, aur 5 time kee namazon ke bare mai hum alag alag article likh chuke hain, please niche diye gaye article ko padh le.
Is article mai hum aap ko namaz ke faraiz ke bare mai batane wale hain, yani wah cheezen jin ko namaz mai karna zaruri hai, jin ke begair namaz nahi hoti.

Namaz Mai Total 6 Farz Hain

Yahan hum aap ko un cheezon ke bare mai batayen ge jo namaz ke andar farz hai:

(1) Takbeer-e-Tahrima: yani pe Allahu Akbar kah kar namaz start karna.
(2)  Qayam: yani Farz, Wajib, aur Nazar kee namazon mai khada hona.
(3) Qirat: yani farz namaz kee  2 rakaton, aur Sunnat, Nafal aur Witr kee har rakat mai Quran Shareef se 3 chhoti aayat ya 1 badi aayet padhna, aur yah qirat Arabic language mai zaruri hai, kisi aur language us ka translation karke nahi padh sakte.
(6) Qada Akhira mai Jitni der mai Tashauhud padhte hain utni der baithna.

yah 6 cheezen namaz mai farz hain agar in mai se koi cheez chhoot jaye to namaz nahi hogi.

Namaz Ke 6 Farz Se Reated Dosre Masle

Unpadh Aur Goonga (mute) Namaz Kaise Start Kare?

Hum aap ko abhi bata chuke hai kee Takbeer Tahreema Farz hai, ab maan lia jiye kee koi aadmi bilkul jahil aur anpadh hai jo takbeer tahrima vi na janta ho, ya koi goonga hai, takbeer ke words us kee zaban se nahi nikalte to aise log apni namaz kaise strat karen ge? aur un kee namaz kaise sahi hogi?
us ka jawab yah hai kee aise logon ke liye zaban se takbeer ke words kahna zaruri nahi hai, only takbeer tahrima kee niyat hi se un kee namaz start ho jaye gi.

Begair Kisi Diqqat Ke Farz Namaz Baith kar Padhna Sahi hai yaa Nahi ?
Hum Aap ko yah vi Bata chuke hain kee Qayam yani khada hona namaz mai farz hai, is liye jo aadmi khade ho kar namaz padh sakta ho us ke liye Farz aur Wajib namaz baith kar padhna sahi nahi hai, jo log train ke safar mai begair kisi diqqat aur pareshani ke farz namaz baith kar padh lete hain un kee namaz sahi nahi hoti.
agar kisi aadmi ke per (foot) mai koi maar laga ho jis ki wajah se us ko khada hone mai takleef ho rahi ho wah aadmi baith kar namaz padh sakta hai.

Nafal Namaz Baith Kar Padh Sakte Hain
Qayam yani kahde ho kar namaz padhne ka masla Farz aur wajib se related hai, agar koi aadmi, nafal namaz begair kisi diqqat  ke baith kar padhna chahta ho to yah jayez hai,aur yah alag baat hai kee bina majboori baith kar namaz padhne ka sawab khade hone ke muqabale mai half half milta hai.

Sunnat e Muakkadah Ko Baith Ke Padhne Ka Masla ?
Jitni vi Sunnat e Muakkadha hain especially Fajr kee sunnat un ko  bina kisi pareshani ke baith kar padhna munasib nahi hai, kyun kee in sab ka darja nafal namazon se badha hota hai, aur farz aur wajib se kam hota hai, is liye un ke darje ka khayal karte huye un ko vi khade ho kar padha jaye.

Ruku Kee Halat Mai Takbeer Tahrima Nahi Mani Jaye Gi
Agar Koi aadmi masjid mai us time pachoncha hai jab imam ruku mai ja chuka tha, us ne jalti se ruku kar  ke takbeer tahrima kah li, to us kee namaz kee stating nahi mana jaye ga, is liye qayam yani kahde hone kee halat mai takbeer tahrima farz hai, ruku kee halat mai kahi gayi takbeer ka etbaar nahi, han agar wah pahle khade ho kar takbeer kah le us ke baad ruku mai chala jaye, aur imam abhi vi ruku mai ho to us kee namaz kee strating ho jaye gee, aur wah rakat ka pane wala vi mana jaye ga.

Muqtadi Ka Imam Se Pahle Ruku Mai Chale Jana
Namaz mai Ruku karna farz hai, is ko hum bata chuke hain, aur Muqtadi us aadmi ko kahte hain jo imam ke pichhe namaz padh raha ho, ab masla yah hai kee agar koi muqtadi imam se pahle ruku mai chala jaye, aur imam ke ruku mai jane se pahle wah ruku se khada ho jaye, to us ka yah ruku nahi sahi nahi hoga, use  imam ke sath ya imam ke baad ruku mai phir se jana pade ga other wise us kee namaz sahi nahi hogi.
Aur Agar Muqtadi Imam se pahle ruku mai gaya lekin wah ruku hi mai tha kee imam vi ruku mai chala gaye to is surat mai muqtadi ka ruku mana jaye ga kyun kee us ka ruku imam ke ruku ke sath ho gaya hai.

Baith Kar Namaz Padhne Wala Woh Ruku Kis Tarah Kare?
Agar koi aadmi kisi pareshani kee wajah se baith kar namaz padh raha ho to wah ruku mai apni peeth aur sar jhuka de to us ka ruku ho jaye ga, better yah hai kee wah itna jhuke kee us ka sar ghutnon ke samne aa jaye, us ko ruku mai apni sureen uthana zaruri nahi hai.

Ruku Ya Sajde Kee Halat Mai So Jana
Agar koi aadmi ruku ya sajde mai jate time jaag raha tha, phir wah so gaya aur baad mai jaag kar sar uthaya to us kee namaz ho jaye jaye gi, is liye kee ruku ya sajde mai jate aur uthte time wah jaag raha tha, jis se asal farz ada ho gaya, aur rahi baat ruku aur sajde kee tasbeeh kee to wah sunnat hain farz nahi hain.
Share:

Popular Posts

Recent Posts

Category

Category

Contact us

Name

Email *

Message *