Showing posts with label namaz. Show all posts
Showing posts with label namaz. Show all posts

Tahajjud ki namaz ka tarika hindi me

tahajjud ki namaz ka tarika hindi me

tahajjud ki namaz
Tahajjud ki namaz

Tahajjud kee namaz kise kahte hai ?

Raat ke aakhri hisse mai uth kar namaaz padhne koo Tahajjud kahte hai. Yah  namaaz sunnat hai, yah aisi nafal namaaz hai joo tamam nafal namazon se badh kar hai, Quran oo hadees mai iss namaz kaa bada sawab hai.

Quran  Mai Tahajjud Kee Fazilat

Quran Shareef mai ek jagah aaya hai kee:

Aur  rahman ke khas bande woh hai joo zameen par tawazo oo inkisari ke sath chalte hai (akad aur gurur aur ghamand se nahi chalte) aur jab jahil log un sse baat cheet karte hai too wah kah dete hai: khair.  (un kee baton koo care nahi karte) Aur raton koo apne allah ke samne sajda aur qayam mai lage rahte hai (yani namaz padhte hain).
  • AL Furqan: 63, 64
Ek dosri jagah Allah tala fharmate hai:
Aey Nabi aap raat mai tahajjud padhiye , yah aap ke liye nafal hai (yani fayde kee cheez hai)

  • AL Isra: 79

Hadison Mai Tahajjud Kee Fazilat

Hazrat Blilal bin Rabah se riwayet hai kee Rasulullaah (S A W) ne fharmaya: “Tahjjud padha karo yah salf e salihee (yani achhe loon ) kaa tarika hai, aur tahjjud kee namaaz allah ke Qareeb hone kaa zaria hai, aur tahajjud gunah se rokne wali hain, aur khataaon aur galtiyon koo mitane wali hai, aur jismani bimari koo door karne wali hai.”
  • Tirmizi Shareef Hadees No: 3549
  • Shuabul imaan Hadees No: 2823
Isi fazilat kee wajah se aap (S A W) tahajjud yaa raat mai namaz bahut padhte the jaisa kee Bukhari kee ek riwayet se maloom hota hai kee:

Hazrat Aisha (R Z A) fharmati hai kee: Nabi kareem (S A W) raat koo namaaz mai bahut der tak khade rahte the, jis kee wajah se aap ke qadam sooj jate the, hazrat Aisha ne kaha kee: ai allah ke rasool aap itni der namaaz kyon padhte hain, jab kee allah ne aap ke agle pichhle tamam gunahon koo bakhsh diya hai? Iss ke jawab mai aap ne fharmaya: “ai Aisha kya mai shukr guzar banda banna pasand na karun”
  • Sahih Bukhari Hadees No: 4837

Tahajjud kaa time

Tahjjud kee namaz kaa sab se behtar waqt raat kaa aakhiri hissa hai, kyon kee usi waqt har roz allah tala duniya ke aasman par aate hain aur dua mangne wale kee dua koo qubool karte hain. Yah bilkul sahih hadees se sabit hai:

Hazrat Abu Huraira se riwayat hai kee Rasulullaah (S A W) ne fharmaya kee: “hamara parwardigar har raat ke aakhiri tihayai hisse mai Duniya ke aasman par aata hai aur fharmata hai kee: hai koi dua karne wala mai uss kee dua koo qubool karun? Hai koi mangne wala mai uss koo dun? Bakhshish aur magfirat koo talab karne wala kaun hai jis kee mai maghfirat karun. Aur yah silsila subah sadiq tak rahta hai”
  • Bukhari Shareef Hadees No: 1145
  • Muslim shareef Hadees No: 758

Tahajjud Namaz kee Rakats aur Padhne kaa tarika

Tahajjuud kee rakats 4 se lekar 12 tak hain, in mai se jitna padh sake padhe. Do(2)  do(2) rakat kee niyat bandhe, taki uss hadees par amal ho jaye jis aaya hai kee: “Raat kee namaz 2, 2 rakats hai:
  • Bukhari : 990
  • Muslim: 749

Agar Quran Shareef Zabani zada yaad ho too behtar yah hai kee  rakats lambi hon. Kyun kee hadison mai app (S A W) ke bare aisa hi aaya hai:

Hazrat Aisha (R Z A) fharmati hain kee Rasulullaah (S A W) Ramazan aur dusre month mai 11 rakats se zada na padhte the, aap 4 rakats padhte jin ke husn o tool ka kiya kahna (yani  khoob acchhi tarah se aur lambi padhte) uss ke baad 4 rakats isi tarah padhte, phir 3 rakats witr padhte……
  • Bukhari Hadees No: 3569
  • Muslim: Hadees No: 738
Share:

How to Pray salatul Tasbih in hindi and urdu

How to Pray salatul Tasbih in hindi and urdu

salatul Tasbih in hindi and urdu
salatul Tasbih


Note: Jiss bhai bahan koo abhi tak namaz padna bilkul bhi nahi aata wah please sab se pahle niche diye gaye link par click kare:
Iss mai: Aap koo namaz kee nayat, aur namaz kaise padhni hai, ruku sajda, Qada ula Akhira, phir namaz mai surat kaise padhe, A To Z namaz ke bare mai batayaa gaya hai, uss ke baad is article ko padhen, is se aap ka zada fayda hoga.

Salatul Tasbih kya hai?

Salatul tasbih ka matlab tasbih wali namaz, Salatul tasbih ek aisi khas namaz hai jis ko Nabi kareem (S A W) ne apne uncle (chacha) Hazrat  Abbas bin Abdul Muttalib aur dosre sahaba ko sikhlaye the, yah ek nafal namaz hai. Is namaz mai ek khas tasbih hai jo bar bar padhi  jati hai, isi liye is namaz ko salatul tasbih kahte hain, aur wah tasbih: SUBHANA LLAHI, WALHAMDU  LILLAHI, W LA ILAHA ILLALAHU, WLLAHU AKBAR hai, yah tasbih is namaz mai 300 bar padhi jati hai jis kee detail aa rahi hai

Salatul Tasbih kee fazilat

Is namaz ke bare mai hadison mai bahut fazilat aayi hai un mai ek fazilat Hazrat Abbas bin Abdul Muttalib kee riwayat mai hai:

Rasulullah (S A W) ne apne chacha Hazrat Abbas bin Abdul Muttalib se fharmaya: “ai chacha! keyaa mai aap koo aisa tohfa ya gift na dun jin ko agar aap kar len to allah tala aap ke sare gunaah maaf kar den ge, wah gunaah naye hon yaa purane, bhool kar kiye hon ya jaan boojh kar, chhup kar kiye hon ya sab ke samne ”. Us ke baad aap (S A W) ne Hazrat Abbas ko Salatul tasbih ke bare mai bataya. 
  • Abu Daud: Hadees No:1292
  • Al Qirat Khalfal imam: Hadees No: 149

Kya Salatul Tasbih daily padhna Chahiye yaa nahi?

Is ke bare mai Abu daud, ibne maja, sahih ibne khuzaima samet hadees kee baut sari kitabon mai hazrat Abbas hi se riwayat hai

Explanation: is hadees se pata chalta hai kee Salatul tasbeeh daily padhna chahiye, agar daily na padh sake to week end mai padhe, aur agar yah bhi na ho to month mai ek bar, yah vi na ho sake saal mai ek bar, agar yah bhi na ho to zindagi mai ek bar zarur padhe.
  • Abu Daud Hadees No: 1297
  • Sunan e Ibne Majah: Hadees No: 1387
  • Sahih Ibn e Khuzaima: Hadees No:1246
  • Al Mustadrak Alas Sahihain: Hadees No: 1192).

Salatul Tasbeeh ka Mustahab Waqt

Jin waqton mai namaz padhne se mana kiya gaya hai un ke elawah kisi vi waqt mai Salatul tasbih padh sakte hain, agar hadison ko dekha jaye to un se maloom hota hai kee is namaz ko zawal midday ke baad aur zuhar se pahle  padhna chahiye  jaisa kee Hazrat  Abdullah bin Amr Bin Aas (R Z) se ek riwayat hai:

Abdullah bin Amr Bin Aas (R Z) se riwayat karte hain kee mugh se Nabi Kareem (S A W) ne fharmaya kee: “midday  zawal ke baad 4 rakat namaz padho” main ne kaha kee: agar mai us time na padh sakun to aap ne fharmaya: “Raat aur din mai jab vi time mile padh lo”
  • Abu Daud Hadees No: 1298
  • Al sunanul Kubra: 4919).

Salatul Tasbih Ka Tarika hai

 (1) Sab se pahle 4 rakat namaz kee niyat kare, us ke baad jis tarah har namaz mai “Sana” , “Taauz” , “Tasmiyah” “Alhamdu”  aur koi soorat padhi jati hai isi tarah is namaz mai bhi padhe, yani Qirat kare, Alhamdu aur soorat padhne ke baad “Ruku” mai jane se pahle 15 bar: SUBHANA LLAHI, WALHAMDU  LILLAHI, W LA ILAHA ILLALAHU, WLLAHU AKBAR padhe.

(2) Uss ke baad Ruku kare, Tasbeeh-e-Ruku “Subhana Rabbial Azim” ke baad 10 bar wahi Tasbih padhe.

(3) Rukuu se uth kar seedha khadaa ho jaye is ko Qauma kahte hain, us baad 10 bar wahi tasbih padhe.

(4) ab us baad sajda kare Sajda mai “Subhana Rabbial Aala” ke baad 10 bar wahi  tasbih padhe.

(5) pahle Sajdaa se uthne ke baad 10 bar padhe.

(6) dosre sajda mai bhi 10 bar padhe.

(7) dosre sadaa se uthne ke baad khade hone se pahle 10 bar padhe.

Is tarah yah tasbeeh ek rakat mai 75 bar padhi jati hai, aur 4 rakat mai total 300 bar  padhi jati hai.
  • Abu Daud Hadees No: 1292
Pahli rakat ke baad dosri, tisri, aur chauthi rakat mai aise hi tasbih padhe jaise pahli rakat mai padha hai. 

Note: 15 bar sirf Qayam kee Halat mai “Alhamdu” aur Surat ke baad padhna hai, aur dusri haalton yani ruku sajda 20 wagaira mai sirf 10 10 bar padhna hai.

Salatul Tasbih mai kaun si surten padhe?

Salatul Tasbih mai koyi khas surat padhna zaruri nahi hai, yah time pe depend hai, jaisa time ho chhoti badi soorat padh sakta hai. Han yah baat zarur hai kee kuchh ulma ne kaha hai kee: is namaz mai tasbih zada hai is liye aisi surton ko padhe jin ke shuru me tasbih kaa zikr hai, jaise: “Sure Hadid”, “Sure Hashr”, “Sure Saf”, “Sure Juma” wagaira.

Hazrat ibe Abbas (R Z) se sawal kiya gaya kee Salatul tasbih mai kaun kaun see surten padhni chahiye?  To Aap ne jawab dia kee: Sure “Alhakumut Takasur”, aur sure “Walasri”, aur sure “Qul Ya Ayyuhal Kafirun”, aur “Qul huwallahu Ahad” padhni chahiye.
  • Durrul Mukhtar: 2/27

Tasbihaat kee Counting kaise kare?

Slatul Tasbeeh mai total 300 tasbihaat hain is liye in tasbihaat kee counting ka sab se bada masla hai, to in kee ginti ka sab se aasan tarika yah hai kee ungliyon ko apni jagah pe rakhkhe, yani khade hone kee halat mai ya Ruku, Sajda wagaira mai ungliyan jahan rakhni chahiye wahin par rakhkhe, aur har tasbeeh par ek  ek ungli ko usi jagah par dabate rahen.

Masla 1: Tasbeeh hath mai lekar ya ungliyon ko bandh kar tasbihaat kai counting karna makrooh hai, han is se namaz fasid nahi hogi.

Masla 2: agar ko namazi zaban se in tasbihaat kee ginti (counting) kare to us kee namaz fasid ho jaye gi, yani ki us ko namaz dobara padhni pade gi.
  • Durrul Mukhtar: 2/28

Kisi Rukn mai Agar Tasbeeh Bhool Jaye to Kya Kare?

Yah namaz aam namazon se thoda hat kar hai, to ho sakta hai kee kisi jagah tasbeeh padhna bhool jaye, to agar kisi rukn mai tasbih bhool jaye to us ko dusre rukn mai padh le, lekin bhooli huyi tasbih ko “Qauma”,  “Jalsa”,  aur “Jalsa Istirahat” mai na padhe, balki un ko “Qayam “, “Ruku”, “Sada”, aur “Qada” mai padhe.
Share:

Ishraq Ki Namaz Ka Tarika Urdu aur Hindi me

Ishraq Ki Namaz Ka Tarika Urdu aur Hindi me

Ishraq Ki Namaz Ka
Ishraq Ki Namaz Ka Tarika

Note: Jiss bhai bahan koo abhi tak namaaz padna bilkul vi nahi aata wah please sab se pahle niche diye gaye link par click kare: 
Iss mai: namaz kee nayat, aur namaaz kaise padhni hai, ruku sajda, Qada ula Akhira, phir namaz mai surat kaise padhe, A To Z namaz ke bare mai detail mai bataya gaya hai, uss ke baad is article koo padhen, iss se aap koo zada fayda hoga.

Namaz ishraq ek nafal namaz hai, yani uss ke padhne se sawab mile ga aur na padhne se koi gunaah nahi, yah 2 rakat se lekar 12 rakats tak hain

Namaz  Ishraq kee Fazilat

Namaaz e ishraq se related hadison mai bahut fazilat aayi hai ek riwayat mai hai:

Hazrat Anas (R Z) kahte hai kee: Rasulullaah (S A W) ne fharmaya: “Jiss shakhs ne Fajr kee namaz jamat ke sath padha, phir masjid mai baith kar suraj ke nikalne tak allah koo yaad karta raha, uss ke baad uss ne 2 rakat namaz padh le too uss ko ek Hajj aur Umre ka sawab mile ga”
  • Tirmizi Hadees No: 586
Explaination: Yah hadis Mard aurat dono ke liye hai, koi kee aurat apne ghar mai fajr kee namaz padh kar zir o Quran kee tilawat mai busy rahe aur sunrise ke baad 2 rakat namaaz padh le too use vi wahi sawab mile ga joo iss hadees mai aaya hai
Ek aur Hadees mai aaya hai:

Hazrat Abuu Darda aur Hazrat Abuu Zar (R Z) Rasulullaah (S A W) se riwayat karte hai kee aap (S A W) ne fharmaya kee: “Allah tala fharmata hai kee: Ay aadam kee aulad din ke starting mai 4 rakat padh liya kar mai din ke end tak tera zimmedar hun”
  • Tirmizi Hadees No: 475

Namaz  Ishraq Time

Sunrise yaa Suraj nikalne ke thik 15, 20 minutes ke baad ishraq namaz ka time start hota hai.

Barish Ke Mausam Mai Jab Suraj Dikhayi Naa de

Barish ke mausam mai agar suraj dikhayi na de too suraj ke nikalne ka time maloom kar ke isharaq kee namaz padhen, Jitne baje suraj nikallne ka time  hoo uss ke 20 minute ke baad ishraq kee namaaz padh sakte hain. ab sawal yah hai kee hum suraj nikane kaa time kaise maloom karen? to uss ka jawab bilkul seedha hai kee aap apne mahalle kee masij kee  digital clock ya jantiri mai dekhen uss mai namaz ke waqt ke sath sath sunrise aur sunset kaa vi time hota hai use hum aasani ke sath maloom kar sakte hain.

Namaz Ishraq Rakats Aur Padhne Kaa Tarika kiya hai ?

Ishraq kee namaaz 2 rakat se le kar 12 rakats tak hai, jaisa kee upar kee hadison mai uss kee taraf ishara milta hai. yah time par vi depend hai kee chahe 2 rakat padhe, chahe 4 ya 8 ya 12 rakats.  un ke padhne kaa tarika yah hai kee 2, 2 rakat nafal  kee niyat kare, aur usi tarah padhe jaise har 2 rakat wali namaz padhi jati hai.
2 rakaat yaa 4 rakat wali namaz kaa tariqa Jan ne ke liye niche diye gaye link par click karen 
Share:

Namaz e Chasht Ka Tarika Hindi aur Urdu me | chast namaz benefits

Namaz e Chasht Ka Tarika Hindi aur Urdu me | chast namaz benefits

chast namaz benefits
Namaz e Chasht Ka Tarika

Note: Jiss bhai bahan ko abhi tak namaz padna bilkul bhi nahi aata wah please sab se pahle niche diye gaye link par click karke padh le



namaaz kee niyat, aur namaz kaise padhni hai, ruku sajda, Qada ula Akhira, phir namaz mai surat kaise padhe, A To Z namaz ke bare mai bataya gaya hai, us ke baad iss article ko padhen, is se aap ko zada fayda hoga.

Chasht Kee Namaz Kee Fazilat

Nafl Namazon mai ek namaz Chasht kee bhi Namaz hai,  jis ko Huzur (S A W) padhte  the, is namaz kee fazilat hadison mai bahut aayi hai, ek riwayat mai hai:

Hazrat Anas (R Z) se riwaayat hai kahte hain kee: Rasulullah (S A W) ne fharmaya: “Jo Admi Chasht kee 12 rakats padhta hai allha tala us aadmi ke liye Jannat me ek sone (gold) ka Mahal Tayyar karte hai”
  • Trmizi: Hadees No: 473
  • Sunan e Ibne Maja: Hadees No:  1380
Explaination: Matlab yeh hai kee yah namaz allah tala ko bahut pasand hai, gold  ka mahal ek andaza hai, yah  dunya ke aitbaar se hai, dunya mai gold ka mahal kafi Qimti hotaa hai, iss liye yah dunya mai bahut bada gift mana jata hai, lekin yah allah ke yahan bahut chota hai, Allah Tala us se bhi badi cheez de sakte hain.

Namaz e Chasht Time

chast kee namaaz kaa time 10: 00 Am, ya  11: 00 Am hai jab kee suraj khoob unchayi par aa jaye, aur wah roshan aur chamkdar ho jaye  tab Namaz e Chasht  ada kee jaye.

Chasht Kee Namaz Kee Rakaten

Chasht kee namaaz mai 2 rakat se lekar 12 rakats tak hain, agar koyi sirf 2 hai rakat padhe tab bhi us ko Namaz e Chasht ka sawab milega, behtar yah hai kee 4 ya 8 rakat padhe. yahi hadisoon mai bhi aaya hai jaisa kee Muslim Shareef kee ek riwayat mai hai:

Translation: Hazrat Muazaa ne Hazrat Aayesha (R Z) se Puchha kee: Rasulullah (S A W) Chasht kee kitni Rakat padhte the?  Hazrat Aayeshaa ne Jawab dia kee aksar aap 4 rakat padh te the aur kabhi us se zada bhi.
  • Muslim Shareef Hadees No: 719
Explaination: Iss hadees se pata chala kee behtar yah kee 4 rakat ya 8 rakat padhe.

Namaz-e-Chasht ka Tarika

2, 2 rakaat  ya 4 rakaat nafal kee niyat kare, us ke baad jis tarah har namaz padhi jati hai isi tarah yah namaz vi padhe, agar 4 rakat kee niyat kare fhir too 2 rakat par Qada Ula kare phir 4 rakat puri kare, aur  Qada Akhira kar ke Salam phere.

Chash kee Namaaz kaun kaun surten padhna Mustahab Hota Hai?

Agar kisi koo Sure “Wash shamsi w Zuhaha” aur Sure “Wazzuha wallaili iza saja” yaad ho to in dono surton ko padhna behtar hai, aur agar yaad na ho to joo vi surat yaad ho parh le sawab mae in Sha allah koyi kami na hogi.

Share:

Istikhara Ki Namaz Ka Tarika | istikhara dua in hindi | how to pray istikhara step by step

Istikhara Ki Namaz Ka Tarika | istikhara dua in hindi | how to pray istikhara step by step

how to pray istikhara step by step
Istikhara Ki Namaz

Note: Namaz Padhne ke tarika koo janne ke liya niche diye gaye link par click kare

Istikhara kiya hai ?

Istikhara ke meaning hain khair talab karna, yani apne  kaam yaa muamla mai allah tala se khair aur bhalayi kee dua karna kee ai allah mera yah kaam theek theek hoo jaye.

Istikhara Kab kare?

Jab koi important aur aham kaam karne ka irada hoo, for example: Shadi vivaah, business kee strating, yaa kisi anjani jagah par karobar shuru karna ogairah ogaurah, lekin dil mai yah khayal bar bar aa raha hoo kee yah kaam mere liye theek hai kee nahi too uss waqt istikhara karna chahiye.

Kiya Istikhara Dosron Se Kar waa Sakte Hain?

Istikharaa bahut important aur zaruri kaam start karne se pahle hota hai, for example: Shadi wiwah, business wgairah, aap kaam start karne se pahle apne best friends se advice le sakte hai kee mai yah kaam start karun kee nahi? lekin uss kaam koo start aap hee karen ge too aap ke dil ka uss kaam ke liye tayyar hona zaruri hai,  aur istikhara isi liye hota hai kee aap kaa dil keya kahta hai, aap ka dil uss kaam ke liye razi hai kee nahi, aur is koo sirf aap hi jaan sakte hain dosra nahi, too  dosre se istikhara kaise hoo sakta hai? istikhara khud hi karna pade ga.

How To Pray Salatul Istikhara?

Yah namaz kisi vi munasib waqt padhi jaa sakti hai,  Huzur  (S A W) Sahaba koo istikhara ke bare mai bahut zor dete the, lekin raat koo sone se pahle yah namaz zada munasib hai.
Sab se pahle 2 rakat nafal padhe, bilkul usi tarah jaise dosri nafilen padhi jati hain, uss ke baad puri tawajjuh aur dil laga kar yah dua padhe:

Istikhara Kee Dua In English

ALLAMUMMAA INNI ASTAKHIRUKA BIILMIKA W ASTAQDIRUKA BIQUDRATIKA, W ASALUKA MIN FAZLIKAL AZEEM, FINNAKA TAQDIRU W LA AQDIRU, W TALAMU W LA AALAMU, W ANTA ALLAMUL GHUYUBI, ALLAHUMMA IN KUNTA TALAMU ANNAA HAZAL AMRA KHAIRUN LI FI DINI W MAASHI W AAQIBATI AMRI (AW QALA AAJILI AMRI) FAQDURHU LI W YASSIRHU LI, SUMMA BARIK LI FIHI, WIN KUNTA TALAMU ANNA HAZAL AMRAA SHRRUN LI FI DINI W MAASHI W AAQIBATI AMRI (AWU QALA FI AAJILI W AAJILIHI ) FASRIFHU ANNI WASIFNI  ANHU, WQDUR LI ALKHAIRA HAISU KANA SUMMA ARZINI.
  • Bukhari Shareef Hadees No: 6282

Istikhara Dua Translation In Urdu

Ai allah!  mai tere ilm kee behtari aur bhalayi chahta hun, aur  tere qudrat ke sahare iss kaam koo karne kee taqat mangta hun, aur tere fazle azaim kaa sawali hun,  be shak aap qadir aur mai qudrat nahi rakhta, aur  aap koo ilm hai aur mai nahi jaanta, aap too chhupi huyi cheezon koo vi achhi tarah jaan te hain,  Ai Allah! agar aap ke ilm mai yah kaam (yahan us kaam koo apne dil mai soche jis  kaa istikhara karna hai)  mere haq mai mere din dunya aur aakhirat ke etbar se behtar ho too uss koo mere liye mqaddar kr di jiye aur use mere haq mai aasani kar ke uss mai mujhe barkat de, aur agar aap koo ilm hai kee yah kaam (yahan vi uss kaam koo dil se soche) meri dunya aur aakhirat ke aitbaar se achchha nahi hai, too uss kaam koo mere dil se door kar de. aur jis janib khair aur bhalayi hoo wahi mere liye muqaddar kar de, aur mujhe us kaam se razi kar de.

Explaination:  yah istikhara kee dua hai, iss dua ke starting aur ending mai Hamd o Sana aur Darud Shareef  vi parh le. aur agar Arabic mai yah dua na padhi ja sake too apni madri language mai uss ka translation vi padh sakta hai.

Istkhara Kee Namaz mai kaun si Surten Parhe?

Behtar yah hai kee pahle rakat mai Alhamdu ke baad “Qul ya Ayyuhal Kafiroon” aur dosri rakat mai “Qul huwallahu Ahad” padhe.

Namaz-e-Istikhara Kitni baar padhi jaye?

Munasib yah hai kee istekhara 7 days tak kiya jaye, agar 7 days mai vi kisi ek taraf kaam kaa rujhaan na ho too continue istikhara karta rahe

Istikhara ke baad Kaam kaa Rujhaan kaise pata chalta hai?

Buzurg logon kee zabani yah suna gaya hai kee: namaz-e-Istikhara padh kar Qibla kee taraf Ba wazu soo jaye, agar khwaab mai white ya green cheez dekhe too samajh le kee iss kaam mai khair aur bhalayi hai, aur agar black ya red cheez dekhe too samajh le kee yah kaam  theek nahi hai.

Explaination: yah ek andaza hai, isse zaruri nahi kee yah theek hoo, bas asal rujhaan dil kaa hota hai, dil agar uss koo karne  ke liye kahe  too kare wana na kare, in shaallah ussi mai khair hogi.

Kyaa Istikhara ke baad dili rujhaan par amal Zaruri hai?

Istikhara ke baad dili rujhaan par amal behtar hai, lekin agar koi aadmi kisi wajah se uss ke khilaf amal kar le too uss par koi gunaah nahi, kyon kee dili rujhaan koyi dalil yaa hujjat nahi.
Share:

witr ki namaz ka tarika

witr ki namaz ka tarika

witr ki namaz
witr ki namaz

Witr Kee Namaz Wajib Hai

Witr kee namaz padhna har musalman par zaruri hai, chahe wah mard ho ya aurat, yani us ka ada karna farz hai, agar wah chhoot jaye to us kee qaza zaruri hai.

Abdullah bin Burida apne walid se riwayat karte hain unhon ne kaha kee: mai ne Rasulullah (S A W) ko fharmate huye suna hai kee: “Witr haq hai, jo witr na padhe wah hum mai se nahi hai”
  • Abudaud Hadees No: 1419
Matlab: is hadees mai witr ko Haq kaha gaya hai, us kee meaning yah hai kee us ko ada karna zaruri hai, Isi tarah witr ke bare mai aur dosri hadisen bhi hain jin se pata chalta hai kee witr ka ada karna  farz aur zaruri hai.

Witr Kee Namaz Ka Waqt

Wirt kee namaz ka waqt Isha ki Farz Namaz ke baad start hota hai, Isha kee farz se pahle witr padhna sahi nahi hai.


Hazrat Kharija Bin Huzafa kahte hain kee: ek baar Rasulullah (S A W) hamare paas tashreef laaye aur fharmaya: “Be shak allah tala ne tum par ek aisi Namaz ka izafa kiya hai jo tumhare liye surkh unton se bhi jyada behtar hai, aur yah witr kee namaz hai jis ka waqt isha aur fajr ke darmiyan hai”

  • tirmizi shareef Hadees No: 452

Namaz e Witr Padhne Ka Tarika

Witr ka tarika yah hai kee ek salam se 3 rakaten padhi jayen, har rakat me Sure Fatiha ke baad koyi Surat milayi jaye, dosri rakat ke baad Qada Ula kade, pheer “Attahiyat” padh kar teesri rakat ke liye khada ho jaye, aur Sure Fatiha aur surat padh kar “Allahu Akbar” kahte huye dono hathon ko kano tak uthaye, phir hath bandh kar ke “Duaye Qunoot” padhe jo ki is tarah se hai:

Duaye Qunoot Hindi Mai

ALLAHUMMA INNA NASTAYINUKA-W-NASTAGHFIRUKA-W-NUMNU-BIKA,-W NATAWAKKALU ALIKA W NUSNI ALIKAL KHAIR, W NASHKURUKA WALA NAKFURUKA, W NAKHLAU W NATRUKU MAY YAFJURUKA, ALLAHUMMA IYYAKA NABUDU W LAKA NUSALLEE,-W-NASJUDU,-W-ILAIKA NAS’AA,-W-NAHFIDU W NARJU RAHMATAKA, W NAKHSHA AZABAKA, INNA AZABAKA BIL KUFFARI MULHIQ.

  • Musannaf Abdur Razzaq Hadees No: 4978
  • AL Sunanul Kubra: Hadees No: 3144)
Us ke baad aap Allahu Akbar kahte huye “Ruku”Sajda” aur “Qada Akhira” karke namaz puri kare.

Witr Me kaun si Soorten padhna Masnoon Hai?

Is ke bare mai Hazrat  Ubai bin Kaab (R Z ) se ek riwayat hai ki:

Hazrat Ubai bin Kaab (R Z ) fharmate hain kee: Nabi Kareem (S A W) Witr kee pehli rakat mai Sure Fatiha ke baad “Sabbihisma Rabbikal aala” padhte the, aur dosree rakat mai Qul ya Ayyuhal Kafirun aur tisri rakat mai “Qul huwallahu Ahad” padhte the
  • Sunanun Nasayi Hadees No: 1700
Yeh masnoon tariqa hai,  sirf inhi surton lagatar rozana padhna, aur un ko wajib jaanna munasib nahi hai.

Kya Witr Kee Qaza Zruri hai?

Jo aadmi Tahajjud kee namaz barabar padhta ho us ke liye behtar yah hai kee Witr tahajjud ke baad padhe, Warna Isha ke sath hee padh le, agar fajr ke waqt tak witr na padh saka to us kee qaza kare, jaisa kee  abudaud kee riwayat mai aaya hai:

Abu sayeed Khudri (R Z) kahte hain kee: Rasulullah (S A W) ne fharmaya: “Jo shkhs witr padhe begair so gaya ya bhool gaya to jab yaad aaye to zarur padhe”
  • abu daud Hadees No: 1431
Issi tarah “”Sunane Baihaqi” mai unhi sahabi se riwayat hai kee:

Rasulullaah (S A W) ne fharmaya: “Jo witr padhe begair so gaya wah subah ko padhe, aur jo padhna bhool jaaye wah yaad aane par padhe ”
  • Al sunanul Kubra Hadees No: 4210
In sab riwayaton se pata chla hai kee witr chhut ne se us kee Qaza zaruri hai.

Jis ko “Duaaye Qunoot” Yaad Na Ho To Wah Kya Kare?

Jis aadmi ko Duaaye Qunoot yaad na ho us ko yaad karne kee koshish karna chahiye, han jab tak yaad na ho us waqt tak

Rabbanaa aatina fiddunya hasanah w fil aakhirati hasanah w qina azaban nar3 baar padh leAur agar yah vi na parh sake to  Alla hummagh fir li ya “Ya Rabbi 3 baar padh le.

Masla: Duaay-e-Qunoot Bhool Kar Ruku Mai Chala Gaya to Kya Kare?

Agar koi namazi witr kee tisri rakat mai Duaay e Qunoot bhool kar ruku mai chala jaye to us ke liye behtar yah hai kee Qayam kee taraf na laute aur Duaay e Qunoot Chhor de, aur akhir mai Sajda Sahw  kar le, kyun kee Ruku Farz hai aur Duaay e Qunoot Wajib hai, farz ko chhor kar wajib kee taraf aana munasib nahi hai, aur agar ruku karne ke baad yaad aane par wah khada ho gaya to ab Duaaye Qunoot padh kar Ruku na kare balki sajde mai chala jaye, kyun kee tisri rakat ka Ruku to wah pahle hi kar chuka hai, us se ruku ka farz ada ho gaya, ab us ko dobara karne kee zarurat nahi, bas sajda karke“Attahiyaat” padh kar dahini kee taraf salam pher kar “Sajda Sahw” kar le, phir “Attahiyaat”, “Darud” aur “Duaay-e-masurah” padh kar Salam pher de namaz ho jaaye gi.


Share:

Janaza ki namaz ka tarika hindi aur urdu me

Janaza ki namaz ka tarika hindi aur urdu me

Janaza ki namaz
Janaza ki namaz

Har Insan Koo Ek Na Ek Din Marna Hota Hai

Har insaan koo ek naa ek deen marna hai, maut ke changul se koi bhi bach nahi sakta hai, badi se badi Qeemat de kar bhi maut se azadi nahi pa sakta hai, har aadmi kee maut ka ek time hota hai, uss se pahle koi mar bhi nahi sakta, maut ke baad aadmi koo iss dunya se Qabr wale ghar kee taraf jana padta hai, yah aisi haqiqat hai jis koo hum any time apni aankhon se dekhte hai, aur chaah kar bhi ese jhhutla nahi sakte. Namaz-e-Janaza kee Niyat aur parhne se pahle aap koo marne wale ke saath kiya kiya karna chahiye? us kee knowledge zaruri hai.

Aakhiri Waqt kaa Masnoon Amal

Jab Halaat se pata chale kee maut Qareeb hai too ghar ke logo koo chahiye kee mariz ke qareeb aa kar dhimi aawaz mai “Kalma”:  “ASHHADU ALLA ILAHA ILLALAHU W ASHHADU ANNA MUHAMMADAN ABDUHU W RASULUHUِ” “padhen, isi koo “TALQEEN E KALIMA” kahte hain, taki marne wale mariz koo bhi khayal aa jaye aur wah bhi “Kalma” padh le.

Abu Saieed Khudri (R Z) se riwayat hai kee Rasulullah (S A W) ne farmaya kee: “Apne marne walon koo LA ILAHA ILLALAH kee talqeen karo”

  • Sahih Mslim Hadees No: 916
  • Abu Daud: Hadees No: 3117
  • Tirmizi Hadees No: 976

Rooh ke nikalne kaa waqt bahut dard naak aur sakht hota hai, uss waqt marne wale koo bahut takleef hoti hai, is liye ghar walon koo chahiye kee mariz koo aap “Kalma” padhne ka hukm na den, kyon kee hoo sakta hai kee marij dard aur takleef kee wajah se kalama padhne se inkar kar de aur shaitan apne maqsad mai kamyab hoo jaaye,kyon kee uss waqt shaitan bhi marne wale ke paas hota hai.

Hazrat Muaz bin Jabal (R Z) kahte hain kee Rasulullah (S A W) ne fharmaya kee “Jis kaa aakhiri  kalama LA ILAHA ILLALAAH hoo wah jannat mai jaye ga”

  • Abu Daud Hadees No: 3116

Maut Ke Baad Masnoon Amal

Marne ke baad agar mayyit kee aankhen khuli hon too uss koo band karden, thodi patti se bandh den, haath aur pair koo seedha kar den, tez aawaz se rone se bacha jaye, iss se mayyit ko takleef hoti hai,  uss waqt mayyit ke liye dua karni chahiye kyon kee Farishte vi wahan maujood hote hain joo dua karne walon kee dua par aameen kahte hain:


Hazrat Umme Salmaa (R Z) se riwayat hai fharmati hai kee: Abu Salma(yah Hazrat Umme Salma ke pahle husband the) ke intiqal ke baad Nabi Kareem (S A W) tashreef laaye, too Abu Salma kee aankhen khuli huyi thin aap ne un koo band kiya aur fharmaya: “Jab rooh badan se nikalti hai to aankh uss koo dekhti rahti hai”, phir Abuu Salma ke ghar walon ke jazbaat qabu se bahar hone lage to Aap (S A W) ne fharmaya kee: “Sirf acchhi duayen karo, iss waqt Farishte vi tumhari dua par aameen kah rahe hain”. Uss ke baad aap ne Abu Salma ke liye dua kee: “ai allah Abu Salma kee maghfirat fharma, uss kee qabr koo kushada aur roshan kar de”


  • Muslim Hadees No: 920
  • Ibne Maja hades No: 1454

Janaza Kee Namaz Aur niyyat

Janaza kee Namaz gaon aur mohalle ke logon par “Farz e Kifaya” hai, yani agar kuchh logon ne Namaz Janaza padh li too sab kee taraf se ada hoo jaye gee, aur agar kisi ne bhi nahi padha too sare gaon aur mohalle wale gunaahgar hon ge. Namaz-e-Janaza asl mai mayyit ke haq mai dua ke liye padhi jati hai, iss liye dil se yah niyyat kare kee: mai mayyit ke haq mai dua ke liye yah namaz padh raha hun. Namaaz-e-Janaza mai dosri Namazon kee tarah “Ruku” “Sajda” aur Qirat  nahi hoti. Iss mai 4 Takbiren hoti hain, jaisa kee “Bukhari Sharif” mai Hazrah Abu Huraira se riwayat hai:


Hazrat Abu Huraira se riwayat hai kahte hain kee Rasulullah (S A W) ne Sahaba koo  “Najashi”-yeh uss zamane mai “Habsha” kaa baadshah tha-  ke marne kee khabar di, phir aap un kee namaz janaza padhne ke liye aage badhe aur sahaba aap ke peechhe saf bana kar khade hoo gaye uss ke baad aap ne 4 takbeer kah kar namaz padhyi.

  • Bukhari hades No: 1318

Pahli Takbeer Ke Baad Sana

Dil see janazaa kee niyyat ke baad “Imam”  buland awaz mai “Allahu Akbar” kahte huye kanon tak  hath utha kar naaf ke niche bandh le, aur imam ke peechhe sare log vi aahista se “Allahu Akbar”  kahte huye hath bandh len, uss ke baad aahista se “Sana” padhen yah “Sana” dosri Namazon kee “Sana” se thori different hai, wah iss tarah hai:

“SUBHANAKAA ALLAHUMMA W BIHAMDIKA,  W TABARAKAS MUKA, W TAALA JADDUKA, WJALLA SANAUKA, W LA ILAHA GHIRUKA”.

Namaz-e-Janaza Mai Sure Fatiha Kaa Hukm

Namaaz-e-Janaza mai Sure Fatiha padhna wajib aur zaruri nahi hai, Hamd o Sana ke taur par koi padhna chahe hoo padh sakata hai jaisa kee “Bukhari Shareef” mai “Abdullah bin Abbas” ke bare mai aaya hai:

Talha bin Abdullah bin Auf se riwayat hai kahte hain kee: mai ne Abdullah bin Abbaas ke peechhe Namaz-e-Janaza padhi too unhon ne uss mai “Sure Fatiha” padh aur fharmaya: Taaki tum sab jaan lo kee yah bhi sunnat hai.
  • Sahih Bukhari Hadees No: 1335
Dosree taraf “Abdullah bin Umar” (R Z) ke bare aata hai kee wah “Sure Fatiha” nahi padhte the, jaisa kee “Muatta Imam Malik” mai hai:

Imaam Malik nafe se riwayat karte hain kee: Abdullah bin Umar Janaza kee namaz mai Qirat nahi karte the. Yani Sure Fatiha nahi padhte the.
  • Muatta Imam Malik Hadees No: 777
Issi tarah Sure Fatiha padhne aur na padhne ke bare mai bahut sari riwayaten hain, wah sab kee sab “Mauqoof” hain yani sirf Sahaba hee se Sure Fatiha padhna sabit hai, Huzoor (S A W) se nahi. Saari riwayaton mai ghaur karne ke baad yah pata chalta hai kee jin jin Sahabi ne Sure fatiha padha hai un kee niyat sirf Dua aur Sana kee thi naa kee yah kee Sure Fatiha wajib aur Zaruri hai, agar aisa hota to dosri aur teesri takbeer ke baad vi Sure Fatiha padhna zaruri hota. Kiyon kee Namaz-e-Janaza kee har takbeer ek rakaat ke qayam maqam hai. Aur dosree aur teesri takbeer ke baad Sure Fatiha padhna kisi hadees se sabit nahi hai.

Lihaza: Agar koi yah kahe kee: Namaz-e-Janazaa mai Sure Fatiha wajib ya farz hai, too uss kee baat hadeeson ke bilkul khilaaf hogi.Sana ke baad imam dosri takbeer kahe

Dosri Takbeer Ke Baad Darud Shareef

Sana padhne ke baad dosri takbir kahe, lekin dhiyan rahe iss baar sirf takbir kahna hai kanon tak hath nahi uthana hai, iss takbeer ke baad imam aur muqtadi  sab ke sab “Darud Shareef” pdhen, 

Dosri Takbeer Ke Baad Darud Shareef

Sana padhne ke baad dosri takbeer kahe, lekin iss baar sirf takbeer kahna hai kano tak hath nahi uthana hai, iss takbeer ke baad imam aur muqtadi  sab ke sab “Darud Shareef” pdhen,

Teesri Takbeer Ke Baad Dua:

Sana aur darud padhne ke baad ab teesri takbeer ke baad mayyit ke liye dua padhe joo is tarah hai:

“ALLAA HUMMAGH FIR LI HAYYINA, W MAYYITINA, W SHAHIDINA W GHAYIBINA, W SAGHIRINA W KABIRINA, W ZAKARINA W UNSANA, ALLA HUMMA MAN AHYAITAHU MINNA FA AHYIHI ALAL ISLAM, W MAN TAWAFFAITAHU MINNA FATAWFFAHU ALAL IMAAN ”

  • Musannaf Abdur Razzaq: 6419
  • Sunanut Tirmizi: 1024

Chauthi Takbeer Ke baad Salam

Is takbeer ke baad salam fere, dayen taraf salam pher kar dayan hath chhor de aur bayen taraf salam pher kar bayan hath chhor de  jaisa kee Hadees mai aaya hai:

Nabi kareem (S A W)  ne fharmaya: “Najashi par Namaz padho”, Yahan aap (S A W) ne uss koo Namaz kaha hai jis mai “Ruku” “Sajda” nahi hai, aur uss mai baat cheet kee vvi permission nahi hai, iss mai sirf taqbeeren aur salam hai.
  • Bukhari: 2/87

Nabaligh Mayyit Kee Dua

Mayyit agar nabaligh hoo to uss kee maghfirat kee dua kee zarurat nahi, kyon kee allah ke yahan uss ka koyi hisaab o kitaab nahi hai, bas uss ke liye yah duaa kare kee: “allah tala iss bachche ya bachchi koo hamare liye aakhirat mai sawab kaa zaria bana ”
  • Bukhari: 2/89

Nabaligh Bachche kee dua:

Nabaligh mayyit agar bachcha hoo too teesri takbeer ke baad yah dua padhe:

“ALLA HUMMAA J  ALHU LANA FARTAN WAJALHU LANA AJRAN W ZUKHRA, WAJALHU LANA SHAFIAN W MUSHFFA”

Nabaligh Bachchi kee dua

“ALLA HUMMA J ALHAA LANA FARTAN WAJALHA  LANA AJRAN W ZUKHRA, WAJALHA LANA SHAFIATAN W MUSHFFIAH”

Too dosto aap ko hamara aaj ka post kesa laga hame comment box mai jarur btaye aur ho sake to iss post ko apnr aur musalmaan bhaion ko share kare

Related Post

Share:

Isha ki namaz ka tarika hindi aur urdu

Isha ki namaz ka tarika hindi aur urdu

Isha ki namaz
Isha ki namaz
Note: Jis bhai bahan koo abhi tak namaaz padna bilkul vi nahi aata woh please sab se pahle niche diye gaye link par click karke padh lee


Isha Kee Namaz Kee Fazilat

5 time kee namazon mai sab se aakhiri namaaz isha kee hai, iss namaaz kee fazilat bahut zadaa hai, kyun kee aadmi din bhar kaam kar ke thak jata hai, ab wah raat mai jaldi sona chahta hai, kaam kee thakan kee wajah se badan mai susti bhi zada hoti hai, iss liye isha kee namaz padhne koo uss ka ji nahi chahta, yahi wajah hai munafiq log iss namaaz mai susuti karte the, lekin joo log sachche pakke musalman hote hain wah susti aur thakawat ke waqt bhi allah tala koo yaad karna nahi bhoolte, kyun kee un koo maloom hai kee iss namaz kaa sawab bahut hai, Muslim Shareef kee ek riwayat mai aaya hai:

Hazrat Usman Bin Affan (R Z) se riwayat hai, kahte hain: mai ne rasulullah (S A W) koo fharmate huye suna hai,aap kah rahe the: “Jis ne isha kee namaz jamat se padh wah aisa hai goya kee uss ne aadhi raat tak allah kee ibadat kee”.

  • Sahih Muslim: 656

Namaz-e-Isha  kaa Mustahab Waqt

Maghrib kee Namaz ke 1 hour baad aasman se safed roshni gayab hone ke baad isha kaa waqt start hoo jata hai. Isha kee namaz koo ek tihayi raat se pahle tak padhna behtar aur mustahab hai, aur adhi raat tak padhne mai bhi koi masla nahi, aadhi raat ke baad subaah sadiq tak begair kisi pareshani aur uzr ke padhna Makrooh hai.

Namaz-e-Isha Kee Rakat

Ishaa kee namaaz mai total 17 rakaats hain:4 Sunnat, 4 Farz, 2 Sunnt, 2 Nafal, 3witr, 2 Nafal.

(1) Pahle 4 Rakat Sunnat

Isha se pahle 4 Rakat joo sunnat hai uss koo “Sunnate Gair Muakkada” kahte hain, iss ka matlab hai kee Nabi kareem (S A W) ne kabhi uss padha hai aur kabhi chhoor bhi diya hai, yani Aap (S A W) ne uss kee takeed nahi fharmayi hai. Iss sunnat koo padhna chahiye, aur agar kabhi chhut jaye too koi bhi  masla nahi hai.

Hazrat Bara bin Azib  Huzur (S A W) se riwayat karte hai kee: “Jis ne Isha se pahle 4 rakat padhi to goya kee uss raat koo Tahajjud  padha, aur jis ne un koo isha ke baad padha uss koo Shab-e-Qadr mai 4 rakaat padhne ke barabar sawab milega. ” (Al Dirayaa fi takhriji ahadisil hidaya: 2/98)Char Rakaat wali sunnat kee har rakat mai Sure Fatiha ke baad koyi Surat bhi milana zaruri hota hai.

(2) Us Ke Baad 4 Farz

Us ke baad 4 Rakaat Farz hai, iss kee pahli doo rakaton mai Sure Fatiha ke baad Surat milana hai, aur akhir kee 2 rakaton mai sirf Sure Fatiha yani Alhamdu padhna hai, jis koo jyada Quran yaad hoo uss ke liye Ausaat-e-Mufassal kee Suraton koo padhna Masnoon hai 

(3) 2 Rakat Sunnat-e-Muakkada

4 Farz ke baad 2 rakat sunnat padhe, iss koo Sunnat-e-Muakkada kahte hain, iss sunnat ko Huzoor (S A W) takeed farmayi hai aur aap ne iss koo kabhi bhi nahi chhora hai, is liye is kaa padhna zaruri hai

(4) 2 Rakat Nafal

2 rakat sunnat ke baad 2 rakat Nafal hai is koo padhne mai sawab hai na padhne mai koyi gunaah nahi.

(5) 3 rakat Witr

Uss ke baad 3 Rakat Witr hai, yah Wajib hai yani iss ka padhna zaruri hai, na padhne se aadmi Gunahgar hoga, iss kee teeno rakaat mai Alhamdu ke baad koi Surat milana hai, aur tisri rakat mai ruku ke pehle “Duaay-e-Qunoot” padhna hai.

(6) 2 Rakat Nafal

Witr ke baad doo rakat nafal padhna hai

Related Post
  1. fajar ki namaz ka tarika
  2. Zohar Ki Namaz Ka Tarika
  3. Asar Ki Namaz Ka Tarika
  4. Magrib Ki Namaz Ka Tarika

Share:

Magrib Ki Namaz Ka Tarika Urdu aur Hindi me

Magrib Ki Namaz Ka Tarika Urdu aur Hindi me

Magrib Ki Namaz
Magrib Ki Namaz
Note: Jiss bhai bahan koo abhi tak namaz padna bilkul bhi nahi aata wah please sab se pahle niche diye gaye link par click karke padh lee
Farz namazon mai ek namaaz Maghrib kee vi hai, joo suraj dubne ke baad parhi jati hai, aur iss ka aakhri waqt suraj dubne ke baad taqreeban 1 hour  tak rahta hai, lekin uss kaa behtar waqt yah hai kee uss koo suraj dubne ke fauran baad padhi jaye, magrib kee azan ke baad aur farz se pahle koi namaz nahi hai.

Magrib Kee Farz  Namaz Kaa Tarika

Magrib kee namaaz mai: 3 rakat farz, 2 rakat  sunnat e Muakkada,  aur  2 rakat nafal hai, iss tarah magrib mai total 7 rakats hoti hain.

Sab se pahle 3 rakat farz kee niyat kare, Sanaa, Taauzz,  Tasmiah, aur  Sure  Fatiha aur  Surat padhne ke baad Ruku sajdaa kare,  iss tarah ek rakat puri hoo gayi.

Dosri rakat mai Sure Fatiha , surat aur ruku sajda ke baad Qada Ula kare, iss mai:  Tashauhud yani Attahiyaat padhe,  uss ke baad tisri rakat ke liye khada hoo jaye.

Tisri rakat mai sirf Alhamdu padh kar ruku sajda kar ke Qada Akhira kare, fhir Attahiyat, Darud aur Allahuma Inni Zalamtu Nafsi padh kar salam pher de. ab 3 rakat complete hoo gayi.

Magrib Namaz Mai Kaun Kaun see Surten Padhe?

Jin logon koo kam surten yaad hon wah log  koi vi surat padh sakte hain, aur jin koo zada surten yaad hon un ke liye vi sunnat yah hai  kee iss namaz mai IZA ZULZILATIL  ARZU  ZILZALAHA se lekar QUL AAUZU BIRABBIN NAAS ke beech kee surten padhen, kyon kee iss namaz mai dosri namazon ke muqable mai waqt kam hota hai iss liye chhoti chhoti surten padhna behtar hota hai. agar jamaat ke sath namaz hoo tab vi imam koo chahiye kee iss namaz mai chhoti chhoti surten padhe.

3 Rakat Farz ke Baad Dosri Namazen

3 rakat farz ke baad 2 rakat Sunnat padhe iss koo Sunnat e Muakkada kahte hain, is Sunnat koo padhna Zaruri hota hai,  uss ke baad 2 rakat nafal padhe.

Magrib Kee Namaz Se Related Masayil

Agar koi aadmi Magrib tisri rakat mai jamat shamil hoo to uss koo kya karna chahiye?

Yah baat har koi janta hai kee namaz mai qada ula pahli 2 rakat ke baad hota hai, isi baat ko zehan mai rakhte huye magrib kee tisri rakat mai jamat mai shamil hone wale imam ke salam pherne ke baad jab apni chhoti hui namaz padhte hain, too ek rakat par qada karne ke bajaye wah 2 rakat par qada karte hain, jab kee yah galat hai, un koo ek rakat padhne ke baad qada ula karna chahiye, kyun kee un kee ek rakat too imam ke hoo gayi hai, ab jab wah ek rakat aur padhen ge too un kee 2 rakat puri hoo jaye gi, is liye tisri rakat mai shamil hone walon koo apni ek rakat puri karne baad qada karna chahiye. 

Dosto aap yah post www.dinkidawat.com mai padh rahe hai aur aaj ka yah post aap koo kesa laga hame comment box mao jarur btaye aur hoo sake oto iss  post koo apne aur musalman bhaion koo jarur share kare

Related Post


Share:

Ad

Popular Posts

Recent Posts

Ambiya e karam ka full wakiya

Contact us

Name

Email *

Message *